Just In
- 6 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 7 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 9 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 9 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಾರು ಮಾರಾಟದಲ್ಲಿ ಮಾರುತಿ ಸುಜುಕಿಗೆ ಬಿಗ್ ಲಾಸ್
ಸಾರ್ವತ್ರಿಕ ಚುನಾವಣೆಗಳ ಕಾರಣದಿಂದಾಗಿ, ಭಾರತೀಯ ಆಟೋ ಮೋಬೈಲ್ ಉದ್ಯಮವು ಕಳೆದ ಕೆಲವು ತಿಂಗಳಿನಿಂದ ಸಂಕಷ್ಟವನ್ನು ಅನುಭವಿಸುತ್ತಿದ್ದು, ಇದರ ಪರಿಣಾಮವು ಕಾರು ತಯಾರಕ ಕಂಪನಿಗಳ ಮಾರಾಟದ ಮೇಲಾಗಿದೆ.
ಏಪ್ರಿಲ್ 2019ರಲ್ಲಿ ಹೋಂಡಾ ಕಂಪನಿಯನ್ನು ಹೊರತು ಪಡಿಸಿ ಬಹುತೇಕ ಕಂಪನಿಗಳು ಕಳೆದ ವರ್ಷಕ್ಕಿಂತ ಕಡಿಮೆ ಮಾರಾಟ ಪ್ರಮಾಣವನ್ನು ದಾಖಲಿಸಿದ್ದವು. ಈ ಆರ್ಥಿಕ ವರ್ಷದ ಎರಡನೇ ತಿಂಗಳಿನಲ್ಲಿಯೂ ಸಹ ದೇಶದ ಅತಿ ದೊಡ್ಡ ಕಾರು ತಯಾರಕ ಮಾರುತಿ ಸುಜುಕಿ ಕಂಪನಿಯ ಮಾರಾಟದಲ್ಲಿ ಯಾವುದೇ ಪ್ರಗತಿಯಾಗಿಲ್ಲ. ಮಾರುತಿ ಸುಜುಕಿ ಕಂಪನಿಯ ಮಾರಾಟದಲ್ಲಿ 2019ರ ಮೇ ತಿಂಗಳಿನಲ್ಲಿ 25.1% ನಷ್ಟು ಕುಸಿತ ಉಂಟಾಗಿದೆ.
ಭಾರತ- ಜಪಾನ್ ಮೂಲದ ಈ ತಯಾರಕ ಕಂಪನಿಯು ಕಳೆದ ವರ್ಷದ ಮೇ ತಿಂಗಳಿನಲ್ಲಿ 1,61,497 ವಾಹನಗಳನ್ನು ಮಾರಾಟ ಮಾಡಿದ್ದರೆ, ಈ ವರ್ಷ 1,21,018 ವಾಹನಗಳನ್ನು ಮಾರಾಟ ಮಾಡಿದೆ. ಏಪ್ರಿಲ್ ಹಾಗೂ ಮೇ ತಿಂಗಳನ್ನು ಒಟ್ಟುಗೂಡಿಸಿದರೂ ಬೆಳವಣಿಗೆಯ ದರವು ಕುಸಿದಿರುವುದು ಕಂಡು ಬರುತ್ತದೆ.
ಕಳೆದ ವರ್ಷದ ಏಪ್ರಿಲ್ - ಮೇ ತಿಂಗಳ ಅವಧಿಯಲ್ಲಿ 3,24,931 ವಾಹನಗಳನ್ನು ಮಾರಾಟ ಮಾಡಲಾಗಿದ್ದರೆ, ಈ ವರ್ಷದ ಇದೇ ಅವಧಿಯಲ್ಲಿ 2,52,403 ವಾಹನಗಳನ್ನು ಮಾರಾಟ ಮಾಡಲಾಗಿದೆ. ಕಾಂಪ್ಯಾಕ್ಟ್ ಕಾರುಗಳಾದ ಹೊಸ ವ್ಯಾಗನ್ ಆರ್, ಸೆಲೆರಿಯೋ, ಸ್ವಿಫ್ಟ್, ಡಿಜೈರ್, ಇಗ್ನಿಸ್ ಹಾಗೂ ಬಲೆನೋ ವಾಹನಗಳ ಮಾರಾಟ ಪ್ರಮಾಣವು ಸಹ 9% ನಷ್ಟು ಕುಸಿತ ಕಂಡಿದೆ.
ಕಂಪನಿಯು ಹೊಸ ವ್ಯಾಗನ್ ಆರ್ ಕಾರಿನ ಮಾರಾಟವನ್ನು ಮಿನಿ ಸೆಗ್ಮೆಂಟಿನ ಬದಲಿಗೆ, ಕಾಂಪ್ಯಾಕ್ಟ್ ಸೆಗ್ಮೆಂಟಿನಲ್ಲಿ ತೋರಿಸುತ್ತಿದೆ. ಸಿಯಾಜ್ ಕಾರಿನ ಮಾರಾಟವು ಸಹ 10% ನಷ್ಟು ಕುಸಿದಿದೆ, 2018ರ ಮೇ ತಿಂಗಳಿನಲ್ಲಿ 4,024 ಕಾರುಗಳನ್ನು ಮಾರಾಟ ಮಾಡಲಾಗಿದ್ದರೆ, ಈ ವರ್ಷದ ಮೇ ತಿಂಗಳಿನಲ್ಲಿ 3,592 ವಾಹನಗಳನ್ನು ಮಾರಾಟ ಮಾಡಲಾಗಿದೆ. ಎಂಟ್ರಿ ಲೆವೆಲ್ನ ಆಲ್ಟೊ ಹಾಗೂ ಹಳೆ ಮಾದರಿಯ ವ್ಯಾಗನ್ ಆರ್ನ ಒಟ್ಟು 16,394 ಕಾರುಗಳು ಮಾರಾಟವಾಗಿ 56.7%ನಷ್ಟು ಭಾರೀ ಕುಸಿತ ಉಂಟಾಗಿದೆ.
ಮಿನಿ ಹಾಗೂ ಕಾಂಪ್ಯಾಕ್ಟ್ ಸೆಗ್ಮೆಂಟಿನ ವಾಹನಗಳು ಯಾವಾಗಲೂ ಹೆಚ್ಚಿನ ಪ್ರಮಾಣದಲ್ಲಿ ಮಾರಾಟವಾಗುತ್ತಿದ್ದವು. ಆದರೆ ಈ ಬಾರಿ ಈ ಸೆಗ್ಮೆಂಟಿನ ವಾಹನಗಳಲ್ಲೂ 24.8% ನಷ್ಟು ಭಾರಿ ಕುಸಿತ ಉಂಟಾಗಿದೆ. ಕಳೆದ ವರ್ಷ ಈ ಸೆಗ್ಮೆಂಟಿನಲ್ಲಿ 1,15,127 ವಾಹನಗಳನ್ನು ಮಾರಾಟ ಮಾಡಲಾಗಿದ್ದರೆ, ಈ ವರ್ಷ 86,527 ವಾಹನಗಳನ್ನು ಮಾರಾಟ ಮಾಡಲಾಗಿದೆ.
MOST READ: ಅತಿ ಮೈಲೇಜ್ ನೀಡಬಲ್ಲ ಸ್ಮಾರ್ಟ್ ಹೈಬ್ರಿಡ್ ಎಂಜಿನ್ನೊಂದಿಗೆ ಮಾರುತಿ ಬಲೆನೊ ಬಿಡುಗಡೆ
2019ರ ಏಪ್ರಿಲ್ ಹಾಗೂ ಮೇ ತಿಂಗಳುಗಳನ್ನು ಕಳೆದ ವರ್ಷದ ಏಪ್ರಿಲ್ -ಮೇ ತಿಂಗಳುಗಳಿಗೆ ಹೋಲಿಸಿದರೆ 22.3%ನಷ್ಟು ಪ್ರಮಾಣದ ಮಾರಾಟ ಕುಸಿತವಾಗಿದೆ. ಯುಟಿಲಿಟಿ ವಾಹನಗಳಾದ ಜಿಪ್ಸಿ, ಎರ್ಟಿಗಾ, ವಿಟಾರಾ ಬ್ರಿಝಾ ಹಾಗೂ ಎಸ್ ಕ್ರಾಸ್ ವಾಹನಗಳ ಮಾರಾಟದಲ್ಲೂ 25.3% ಕುಸಿತವಾಗಿದೆ.
MOST READ: ಜಿನಿಸಿಸ್ ಐಷಾರಾಮಿ ಕಾರನ್ನು ಭಾರತದಲ್ಲಿ ಬಿಡುಗಡೆಗೊಳಿಸಲಿರುವ ಹ್ಯುಂಡೈ
ವಾಹನಗಳ ರಫ್ತಿನಲ್ಲೂ 2.4% ನಷ್ಟು ಕುಸಿತ ಉಂಟಾಗಿದೆ. ಕಳೆದ ವರ್ಷದ ಮೇ ತಿಂಗಳಿನಲ್ಲಿ 9,312 ವಾಹನಗಳನ್ನು ರಫ್ತು ಮಾಡಲಾಗಿದ್ದರೆ, ಈ ವರ್ಷ 9,089 ವಾಹನಗಳನ್ನು ರಫ್ತು ಮಾಡಲಾಗಿದೆ. ದೇಶಿಯ ಮಾರುಕಟ್ಟೆಯಲ್ಲಿನ ಪ್ಯಾಸೆಂಜರ್ ವಾಹನಗಳು ಮಾರಾಟ, ಎಲ್ಸಿವಿಗಳ ಮಾರಾಟ ಹಾಗೂ ರಫ್ತು ಮಾಡಲಾದ ಎಲ್ಲಾ ವಾಹನಗಳಲ್ಲಿ ಒಟ್ಟಾರೆಯಾಗಿ ಮಾರುತಿ ಸುಜುಕಿ ಕಂಪನಿಯು 22% ನಷ್ಟು ಕುಸಿತ ಕಂಡಿದೆ. ಕಳೆದ ವರ್ಷ ಈ ಎಲ್ಲಾ ವಾಹನಗಳ ಒಟ್ಟಾರೆ ಸಂಖ್ಯೆಯು 1,72,512 ಆಗಿದ್ದರೆ ಈ ವರ್ಷ 1,34,641 ಆಗಿದೆ.
MOST READ: ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ ಯಮಹಾ ಆರ್15 ಮೋಟೊ ಜಿಪಿ
ಸಾರ್ವತ್ರಿಕ ಚುನಾವಣೆಗಳಿದ್ದ ಕಾರಣಕ್ಕೆ ವಾಹನಗಳ ಮಾರುಕಟ್ಟೆಯಲ್ಲಿ ಭಾರಿ ಕುಸಿತ ಉಂಟಾಗಿತ್ತು. ಈಗ ಚುನಾವಣೆಗಳು ಮುಗಿದು ಹೊಸ ಸರ್ಕಾರ ಅಧಿಕಾರಕ್ಕೆ ಬಂದಿರುವುದರಿಂದ ಮಾರುಕಟ್ಟೆಯು ಚೇತರಿಸಿಕೊಳ್ಳುವ ಸಾಧ್ಯತೆಗಳಿವೆ. ಕಾದು ನೋಡೋಣ.