Just In
- 3 min ago ಹ್ಯುಂಡೈನ ಈ ಕಾರಿಗೆ ಭಾರತದಲ್ಲಿ ಭರ್ಜರಿ ಡಿಸ್ಕೌಂಟ್: ಇದಕ್ಕಿಂತ ಉತ್ತಮ ಆಫರ್ ಸದ್ಯಕ್ಕಿಲ್ಲ!
- 12 min ago ರೈತರ ವಿಶ್ವಾಸದೊಂದಿಗೆ 40 ಲಕ್ಷ ಟ್ರ್ಯಾಕ್ಟರ್ ಮಾರಾಟ ಮೈಲಿಗಲ್ಲು ಸಾಧಿಸಿದ ಮಹೀಂದ್ರಾ
- 51 min ago Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- 2 hrs ago ರಾಜ್ಯದ ಕೈಜಾರಿ ತಮಿಳುನಾಡು ಸೇರಿದ 9000 ಕೋಟಿಯ ಪ್ರಾಜೆಕ್ಟ್: JLR ಇವಿ ಹಬ್ಗೆ ಸಿದ್ದವಾದ ನೆರೆ-ರಾಜ್ಯ!
Don't Miss!
- News EPFO: ಪಿಎಫ್ ನಿಯಮದಲ್ಲಿ ಭಾರೀ ಬದಲಾವಣೆ, 1 ಲಕ್ಷದವರೆಗೂ ಹಣ ಬಿಡಿಸಿಕೊಳ್ಳಬಹುದು!
- Movies ತಾರಕ್ ಪೊನ್ನಪ್ಪ 'ಉಧೋ ಉಧೋ ಶ್ರೀ ರೇಣುಕಾ ಯಲ್ಲಮ್ಮ' ಧಾರಾವಾಹಿಯಿಂದ ಹೊರಬಂದಿದ್ದೇಕೆ?
- Lifestyle 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- Technology oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೀಟೆಡ್ ಸೀಟ್ ಬೆಲ್ಟ್ ಅಭಿವೃದ್ಧಿಪಡಿಸುತ್ತಿರುವ ಮರ್ಸಿಡಿಸ್
ಉಷ್ಣಾಂಶದ ಬಿಡಿ ಭಾಗಗಳನ್ನು ತಯಾರಿಸುವುದರಲ್ಲಿ ಮುಂಚೂಣಿಯಲ್ಲಿರುವ ಮರ್ಸಿಡಿಸ್ ಬೆಂಜ್ ಕಂಪನಿಯು ತನ್ನ ಟಾಪ್ ಮಾದರಿಯ ವಾಹನಗಳಲ್ಲಿ, ಹೀಟೆಡ್ ಆರ್ಮ್ರೆಸ್ಟ್, ಡೋರ್ ಪ್ಯಾನೆಲ್, ಹೀಟೆಡ್ ಸೀಟ್ ಹಾಗೂ ಹೀಟೆಡ್ ಸ್ಟೀಯರಿಂಗ್ ವ್ಹೀಲ್ಗಳನ್ನು ಅಳವಡಿಸುತ್ತಿದೆ. ಈಗ ಜರ್ಮನ್ ಮೂಲದ ಕಂಪನಿಯು ಹೊಸತನದ ಹೀಟೆಡ್ ಸೀಟ್ ಬೆಲ್ಟ್ ಗಳನ್ನು ಅಭಿವೃದ್ಧಿಪಡಿಸುತ್ತಿದೆ.
ಮರ್ಸಿಡಿಸ್ ಕಂಪನಿ ಈಗ ಇನ್ನೂ ಒಂದು ಹೆಜ್ಜೆ ಮುಂದೆ ಇಟ್ಟಿದೆ. ಮರ್ಸಿಡಿಸ್ ಕಂಪನಿಯು ಸೀಟ್ ಬೆಲ್ಟ್ ನ ಬಳಕೆಯನ್ನು ಹೆಚ್ಚಿಸಲು ಬಯಸಿದೆ. ಸೀಟ್ ಬೆಲ್ಟ್ ಗಳ ಬಳಕೆಯು ಯೂರೋಪಿನಲ್ಲಿ ಹೆಚ್ಚಿದ್ದರೆ, ಭಾರತದಲ್ಲಿ ಕಡಿಮೆ ಪ್ರಮಾಣದಲ್ಲಿದೆ. ಸೀಟ್ ಬೆಲ್ಟ್ ಗಳಲ್ಲಿ ಹೆಚ್ಚಿನ ಫೀಚರ್ ಗಳನ್ನು ಅಳವಡಿಸುವುದರಿಂದ ಜನರು ತಾವಾಗಿಯೇ ಸೀಟ್ ಬೆಲ್ಟ್ ಅನ್ನು ಧರಿಸುವಂತೆ ಪ್ರೋತ್ಸಾಹಿಸುವುದು ಕಂಪನಿಯ ಉದ್ದೇಶವಾಗಿದೆ.
ಮೂಲ ಮಾದರಿಯ ವಾಹನದಲ್ಲಿನ ಹೀಟೆಡ್ ಸೀಟ್ ಬೆಲ್ಟ್ ಗಳನ್ನು ಧರಿಸುವ ಅವಕಾಶವನ್ನು ಕೆಲವು ಆಟೋಮೊಬೈಲ್ ಪತ್ರಕರ್ತರಿಗೆ ನೀಡಲಾಗಿತ್ತು. ಅವರ ಪ್ರಕಾರ ಈ ಬೆಲ್ಟ್ ಮಾಮೂಲಿ ಸೀಟ್ ಬೆಲ್ಟ್ ಗಳಿಗಿಂತ ಹೆಚ್ಚು ದಪ್ಪವಾಗಿದ್ದು, ಇದರಲ್ಲಿರುವ ಹೀಟೆಡ್ ಎಲಿಮೆಂಟ್ಗಳಿಂದಾಗಿ ಉಷ್ಣತೆಯನ್ನು ಹೊಂದಿದೆ.
ಮಾಮೂಲಿ ಸೀಟ್ ಬೆಲ್ಟ್ ಗಳು ಕಾರ್ಯನಿರ್ವಹಿಸುವ ರೀತಿಯಲ್ಲಿಯೇ ಈ ಬೆಲ್ಟ್ ಗಳು ಕಾರ್ಯ ನಿರ್ವಹಿಸಲಿವೆ. ಮರ್ಸಿಡಿಸ್ ಕಂಪನಿಯು ಈ ಟೆಕ್ನಾಲಜಿಯನ್ನು ಭಾರತದಲ್ಲಿರುವ ತನ್ನ ವಾಹನಗಳಲ್ಲಿ ಅಳವಡಿಸುವುದೇ ಎಂಬುದರ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ.
ಹಾಗೆಯೇ ಉಳಿದೆಡೆ ಟಾಪ್ ಮಾದರಿಗಳನ್ನು ಬಿಟ್ಟು ಬೇರೆ ಮಾದರಿಯ ವಾಹನಗಳಲ್ಲೂ ಈ ಹೀಟೆಡ್ ಸೀಟ್ ಬೆಲ್ಟ್ ಗಳನ್ನು ಅಳವಡಿಸಲಾಗುವುದೇ ಎಂಬುದರ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ. ಈ ರೀತಿಯ ಸೀಟ್ ಬೆಲ್ಟ್ ಗಳೂ ಇನ್ನೂ ಪರೀಕ್ಷಾರ್ಥ ಹಂತದಲ್ಲಿದ್ದು, ಶೀಘ್ರದಲ್ಲಿಯೇ ಉತ್ಪಾದನೆಯಾಗಲಿವೆ.
MOST READ: ಟಾಟಾ ಉತ್ಪಾದನೆಯ ಈ ಜನಪ್ರಿಯ ವಾಹನಗಳು ಇನ್ಮುಂದೆ ಸಿಗುವುದಿಲ್ಲ..!
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಸೀಟ್ ಬೆಲ್ಟ್ ಗಳು ಪ್ರಯಾಣಿಕರ ಸುರಕ್ಷತೆಗಾಗಿಯೇ ಇದ್ದು, ಚಾಲಕನೇ ಆಗಿರಲಿ ಅಥವಾ ಹಿಂಬದಿಯ ಪ್ರಯಾಣಿಕರೇ ಆಗಿರಲಿ, ಪ್ರತಿಯೊಬ್ಬ ಪ್ರಯಾಣಿಕರು ಅವುಗಳನ್ನು ಧರಿಸುವುದು ಸುರಕ್ಷಿತ. ಆದರೆ ಭಾರತದಲ್ಲಿ ಸೀಟ್ ಬೆಲ್ಟ್ ಧರಿಸುವುದು ಆರಾಮದಾಯಕವೆನಿಸದ ಕಾರಣ ಬಹುತೇಕರು ಸೀಟ್ ಬೆಲ್ಟ್ ಗಳನ್ನು ಧರಿಸುವುದೇ ಇಲ್ಲ. ಮರ್ಸಿಡಿಸ್ ಒದಗಿಸುತ್ತಿರುವ ಈ ಸೌಲಭ್ಯವು ಸುರಕ್ಷತೆಗೆ ಅಷ್ಟೇನೂ ಮಹತ್ವ ನೀಡದ ಭಾರತದಂತಹ ದೇಶದಲ್ಲಿ ಹೊಸ ಬದಲಾವಣೆಯನ್ನು ತರುವುದೇ ಎಂಬುದನ್ನು ಕಾದು ನೋಡಬೇಕಿದೆ.
ಅಲ್ಪ ಮೊತ್ತದ ದಂಡ ಹಾಗೂ ಲಂಚದಿಂದಾಗಿ , ಭಾರತದಲ್ಲಿ ಸಂಚಾರಿ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಿಲ್ಲ. ಈ ರೀತಿಯ ಸೀಟ್ ಬೆಲ್ಟ್ ಗಳು ಭಾರತದಲ್ಲಿ ಬಿಡುಗಡೆಗೊಂಡರೂ ವರ್ಷ ಪೂರ್ತಿ ಚಳಿಯಿರುವ ಉತ್ತರ ಭಾರತದಲ್ಲಿ ಹಾಗೂ ಈಶಾನ್ಯ ರಾಜ್ಯಗಳಲ್ಲಿ ಹೆಚ್ಚಾಗಿ ಬಳಸುವ ಸಾಧ್ಯತೆಗಳಿವೆ.