Just In
- 5 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 5 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 6 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 7 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದಲ್ಲಿ ಬಿಡುಗಡೆಯಾಗಲಿದೆ ಮಿಟ್ಸುಬಿಷಿ ಎಕ್ಲಿಪ್ಸ್
ಮಿಟ್ಸುಬಿಷಿ ಮೋಟಾರ್ ಕಂಪನಿಯು ಮತ್ತೆ ಭಾರತೀಯ ಮಾರುಕಟ್ಟೆಗೆ ಕಾಲಿಡುವ ತವಕದಲ್ಲಿದೆ. ಜಪಾನ್ ಮೂಲದ ದೈತ್ಯ ಆಟೋ ಮೋಬೈಲ್ ಕಂಪನಿ ಪ್ರಪಂಚದ ಮಾರುಕಟ್ಟೆಯಲ್ಲಿರುವ ತನ್ನ ಉತ್ಪನ್ನಗಳನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆಗೊಳಿಸುವ ತವಕದಲ್ಲಿದೆ.
ಮೊದಲಿಗೆ ಮಿಟ್ಸುಬಿಷಿ ಎಕ್ಲಿಪ್ಸ್ ಕ್ರಾಸ್ ವಾಹನವನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗುವುದು. ಈ ವಾಹನವು ಭಾರತೀಯ ಮಾರುಕಟ್ಟೆಯಲ್ಲಿ 2020ರಲ್ಲಿ ಬಿಡುಗಡೆಯಾಗಲಿದೆ. ಗಾಡಿವಾಡಿ ಸುದ್ದಿ ಸಂಸ್ಥೆಯ ಪ್ರಕಾರ, ಮಿಟ್ಸುಬಿಷಿ ಎಕ್ಲಿಪ್ಸ್ ಕ್ರಾಸ್ ವಾಹನವು 2020ರಲ್ಲಿ ಭಾರತದಲ್ಲಿ ಬಿಡುಗಡೆಯಾಗಲಿದೆ. ಇದು ರೆನಾಲ್ಟ್ ನಿಸ್ಸಾನ್ ಕಂಪನಿಯು, ಮಿಟ್ಸುಬಿಷಿ ಕಂಪನಿಯನ್ನು ಸ್ವಾಧೀನ ಪಡಿಸಿಕೊಂಡ ನಂತರ ಮಿಟ್ಸುಬಿಷಿ ಕಂಪನಿ ಬಿಡುಗಡೆ ಮಾಡುತ್ತಿರುವ ಮೊದಲ ವಾಹನವಾಗಿದೆ. ನಿಸ್ಸಾನ್ ಕಂಪನಿಯು ಮಿಟ್ಸುಬಿಷಿಯಲ್ಲಿ 34% ಶೇರುಗಳನ್ನು ಖರೀದಿಸಿದೆ.
ಮಿಟ್ಸುಬಿಷಿ ಎಕ್ಲಿಪ್ಸ್ ಕ್ರಾಸ್ ವಾಹನವು ಕಂಪನಿಯ ಎಸ್ಯುವಿ ಸರಣಿಯ ನಾಲ್ಕನೇ ಮಾದರಿಯಾಗಿದೆ. ಇನ್ನುಳಿದ ಮಾದರಿಗಳೆಂದರೆ, ಔಟ್ಲ್ಯಾಂಡರ್, ಮಾಂಟೆರೋ ಮತ್ತು ಪಜೆರೋ ಸ್ಪೋರ್ಟ್. ಕಂಪನಿಯು ಔಟ್ಲ್ಯಾಂಡರ್ ಹಾಗೂ ಪಜೆರೋ ಸ್ಪೋರ್ಟ್ನ ಸಿಕೆಡಿ ಕಿಟ್ಗಳನ್ನು ಆಮದು ಮಾಡಿಕೊಂಡು ತಮಿಳುನಾಡಿನಲ್ಲಿರುವ ಹಿಂದೂಸ್ತಾನ್ ಮೋಟಾರ್ಸ್ ಘಟಕದಲ್ಲಿ ಉತ್ಪಾದಿಸುತ್ತದೆ.
ಮಾಂಟೆರೋ ವಾಹನವು ಸಿಬಿಯುವಾಗಿ ಭಾರತಕ್ಕೆ ಬರುತ್ತದೆ. ಎಕ್ಲಿಪ್ಸ್ ಕ್ರಾಸ್ ವಾಹನವನ್ನು ಸಹ ಸಿಕೆಡಿ ಯೂನಿಟ್ ಆಗಿ ಆಮದು ಮಾಡಿಕೊಳ್ಳುವ ಸಾಧ್ಯತೆಗಳಿವೆ. ಭಾರತ ಸರ್ಕಾರದ ಹೊಸ ಸುರಕ್ಷತಾ ನಿಯಮಗಳ ಅನುಸಾರ ಮಿಟ್ಸುಬಿಷಿ ಕಂಪನಿಯು ಎಕ್ಲಿಪ್ಸ್ ಕ್ರಾಸ್ ವಾಹನದಲ್ಲಿ ಒವರ್ ಸ್ಪೀಡ್ ಎಚ್ಚರಿಕೆ ನೀಡುವ ಅಲಾರಂ ಅಳವಡಿಸಬೇಕಾಗಿದೆ.
ಈ ವಾಹನದ ಬೆಲೆಯು ರೂ.15 ಲಕ್ಷದಿಂದ ರೂ.22 ಲಕ್ಷಗಳ ಆಸುಪಾಸಿನಲ್ಲಿರಲಿದ್ದು, ಬಿಡುಗಡೆಯಾದ ನಂತರ ಜೀಪ್ ಕಾಂಪಾಸ್, ಹ್ಯುಂಡೈ ಟುಕ್ಸನ್, ಟಾಟಾ ಹೆಚ್7ಎಕ್ಸ್ ಮತ್ತು ಮಹೀಂದ್ರಾ ಎಕ್ಸ್ ಯುವಿ 500 ವಾಹನಗಳಿಗೆ ಪೈಪೋಟಿ ನೀಡಲಿದೆ. ಮಿಟ್ಸುಬಿಷಿ ಎಕ್ಲಿಪ್ಸ್ ಕ್ರಾಸ್ ವಾಹನವು, ಮಾಸ್ ಮಾರ್ಕೆಟ್ ಸೆಗ್ಮೆಂಟಿನ ಮೇಲಿನ ಸ್ಥಾನದಲ್ಲಿರಲಿದೆ. ಈ ವಾಹನವು ಎಸ್ಯುವಿ ವಾಹನಗಳ ಸೆಗ್ಮೆಂಟಿನಲ್ಲಿ ಹೊಸ ಭರವಸೆಯಂತಿದ್ದು, ಮಿಟ್ಸುಬಿಷಿ ಕಂಪನಿಯು ಕಳೆದುಕೊಂಡಿರುವ ವೈಭವವನ್ನು ಮರಳಿ ನೀಡುವ ಸಾಧ್ಯತೆಗಳಿವೆ.
ಮಿಟ್ಸುಬಿಷಿ ಕಂಪನಿಯು ಈ ಹಿಂದೆ ದೇಶಿಯ ಮಾರುಕಟ್ಟೆಯಲ್ಲಿ ಮಿಟ್ಸುಬಿಷಿ ಲ್ಯಾನ್ಸರ್, ಮಿಟ್ಸುಬಿಷಿ ಪಜೆರೋ ಎಸ್ಎಫ್ಎಕ್ಸ್ ನ ಜನಪ್ರಿಯ ವಾಹನಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿತ್ತು. ಹೊಸ ವಾಹನವು ಮಿಟ್ಸುಬಿಷಿ ಕಂಪನಿಗೆ ಮರಳಿ ಅದೃಷ್ಟ ನೀಡುವುದೇ ಕಾದು ನೋಡ ಬೇಕಿದೆ.
MOST READ: ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಮರ್ಸಿಡಿಸ್ ಬೆಂಝ್ ಇ ಕ್ಲಾಸ್
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಮಿಟ್ಸುಬಿಷಿ ಎಕ್ಲಿಪ್ಸ್ ಕ್ರಾಸ್ ವಾಹನವು ಆಕರ್ಷಕ ವಿನ್ಯಾಸ ಹೊಂದಿರುವ ಎಸ್ಯುವಿಯಾಗಿದೆ. ಕೆಲವು ಕೋನಗಳಿಂದ ನೋಡಿದರೆ ಈ ವಾಹನವು ಹ್ಯುಂಡೈ ಕಂಪನಿಯ ವೆನ್ಯೂ ವಾಹನದಂತೆ ಕಾಣುತ್ತದೆ. ಈ ವಾಹನವು ಯಾವ ಯಾವ ಬಣ್ಣಗಳಲ್ಲಿ ದೊರೆಯಲಿದೆ ಎಂಬುದರ ಬಗ್ಗೆ ಮಾಹಿತಿಯಿಲ್ಲ. ಈ ವಾಹನವು ಭಾರತೀಯ ಮಾರುಕಟ್ಟೆಯಲ್ಲಿ ಒಳ್ಳೆಯ ಮಾರಾಟ ಪ್ರಮಾಣವನ್ನು ದಾಖಲಿಸುವ ನಿರೀಕ್ಷೆಯಿದೆ. ಈ ವಾಹನದ ಬಿಡುಗಡೆಯೊಂದಿಗೆ, ಮಿಟ್ಸುಬಿಷಿ ವಾಹನಗಳನ್ನು ಮತ್ತೆ ಭಾರತೀಯ ರಸ್ತೆಗಳಲ್ಲಿ ಕಾಣಬಹುದಾಗಿದೆ. ಈ ಕಂಪನಿಯ ವಾಹನಗಳು ಹಿಂದೆ ಭಾರತದಲ್ಲಿ ಬಹು ಜನಪ್ರಿಯತೆಯನ್ನು ಹೊಂದಿ ಇತಿಹಾಸವನ್ನು ಸೃಷ್ಟಿಸಿದ್ದವು. ಮತ್ತೊಮ್ಮೆ ಇತಿಹಾಸ ಮರುಕಳಿಸಲಿ ಎಂದು ಶುಭ ಹಾರೈಸುತ್ತೇವೆ.