Just In
- 2 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 3 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 5 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 5 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Lifestyle ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
- Movies Shravani subramanya: ದುಃಖ ತಡೆಯಲಾದೇ ತಬ್ಬಿಕೊಂಡ ಶ್ರಾವಣಿ; ವಿಜಯಾಂಬಿಕೆಯಿಂದ ಬಿತ್ತು ಪೆಟ್ಟು
- News ಮೈಸೂರು: ಪ್ರಧಾನಿ ಮೋದಿ ಕುರಿತಾದ ಹಾಡು ಶೇರ್ ಮಾಡಿ ಎಂದಿದ್ದಕ್ಕೆ ಯುವಕನ ಮೇಲೆ ಹಲ್ಲೆ
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರೀ ಗಾತ್ರದ ಕಾರು ಖರೀದಿಸಿದ ಎಂಎಸ್ ಧೋನಿ
ಎಂಎಸ್ ಧೋನಿ ಈ ವರ್ಷ ವಾಹನಗಳನ್ನು ಖರೀದಿಸುವ ಮೂಡ್ನಲ್ಲಿದ್ದಾರೆಂದು ಕಾಣುತ್ತದೆ. ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕರಾದ ಎಂಎಸ್ ಧೋನಿ ತಮ್ಮ ಮನಸೆಳೆಯುವ ಗ್ಯಾರೇಜ್ನಲ್ಲಿ ಹಲವು ಹೊಸ ಕಾರುಗಳು ಹಾಗೂ ಬೈಕುಗಳನ್ನು ಸೇರಿಸುತ್ತಿದ್ದಾರೆ.
ಈ ಸಾಲಿಗೆ ಮತ್ತೊಂದು ಕಾರು ಸೇರ್ಪಡೆಯಾಗಿದೆ. ಅದುವೇ ನಿಸ್ಸಾನ್ ಜಾಂಗಾ 1. ಈ ವಾಹನವನ್ನು ಭಾರತೀಯ ಸೇನೆಯು ಹಲವು ವರ್ಷಗಳವರೆಗೆ ಬಳಸುತ್ತಿತ್ತು. ಗಾಢವಾದ ಹಸಿರು ಬಣ್ಣವನ್ನು ಹೊಂದಿರುವ ಈ ವಾಹನವನ್ನು ಮಾಡಿಫೈ ಮಾಡಲಾಗಿದ್ದು, ಹಲವು ಬದಲಾವಣೆಗಳನ್ನು ಸಹ ಮಾಡಲಾಗಿದೆ.
ಈ ವಾಹನವನ್ನು ತಮ್ಮ ವೈಯಕ್ತಿಕ ಬಳಕೆಗಾಗಿ ಉಪಯೋಗಿಸುವ ಸಾಧ್ಯತೆಗಳಿವೆ. ಎಂಎಸ್ ಧೋನಿರವರು ಈ ವಾಹನದಲ್ಲಿ ರಾಂಚಿಯ ರಸ್ತೆಗಳಲ್ಲಿ ಕಾಣಿಸಿಕೊಂಡಿದ್ದಾರೆ.ಕೆಲವರಿಗೆ ಈ ವಾಹನ ಹಾಗೂ ಅದರ ಹೆಸರು ಎರಡೂ ವಿಚಿತ್ರವಾಗಿ ಕಾಣಬಹುದು.
ಈ ವಾಹನದ ಬಗ್ಗೆ ಹೇಳುವುದಾದರೆ ನಿಸ್ಸಾನ್ ಜಾಂಗಾ 1 ವಾಸ್ತವವಾಗಿ ಭಾರತದಲ್ಲಿ ಬಹಳ ಅಪರೂಪದ ವಾಹನವಾಗಿದೆ. ಏಕೆಂದರೆ ಅದು ಮಿಲಿಟರಿ ವಾಹನವಾಗಿದೆ. ಇದು ನಿಸ್ಸಾನ್ ಕಂಪನಿಯು ಅಭಿವೃದ್ಧಿಪಡಿಸಿರುವ ವಾಹನವಾಗಿದೆ.
ಜಾಂಗಾ ಎಂಬುದು ಭಾರತೀಯ ಸೇನೆಯ ಜಬಲ್ಪುರ್ ಆರ್ಡ್ನೆನ್ಸ್ ಹಾಗೂ ಗನ್ಕ್ಯಾರೇಜ್ ಅಸೆಂಬ್ಲಿ(ಜಾಂಗಾ) ಹೆಸರಿನ ಸಂಕ್ಷಿಪ್ತ ರೂಪವಾಗಿದೆ. ಇದು ಹಳೆ ತಲೆಮಾರಿನ ನಿಸ್ಸಾನ್ ಪ್ಯಾಟ್ರೋಲ್ ವಾಹನವಾಗಿದೆ. ತನ್ನ ಬೃಹತ್ ಗಾತ್ರದ ಕಾರಣದಿಂದಾಗಿ, ಜಾಂಗಾ ಹೆಚ್ಚಿನ ಜನರ ಗಮನವನ್ನು ತನ್ನತ್ತ ಸೆಳೆಯುತ್ತದೆ.
ಇದರ ಜೊತೆಗೆ, ನಿಸ್ಸಾನ್ ಜಾಂಗಾದ ವಿರಳ ಹಾಗೂ ಬೆದರಿಸುವಂತಹ ಲುಕ್ ಹಾಗೂ ಬೇರೆ ವಾಹನಗಳಿಗಿಂತ ವಿಭಿನ್ನವಾಗಿರುವ ಕಾರಣಕ್ಕೆ ಸಾರ್ವಜನಿಕರ ಗಮನವನ್ನು ಸೆಳೆಯುತ್ತದೆ. ಜಾಂಗಾ ದೀರ್ಘಕಾಲದವರೆಗೆ ಭಾರತೀಯ ಸೇನೆಯ ನೆಚ್ಚಿನ ಕಾರಾಗಿತ್ತು.
ಈ ಕಾರ್ ಅನ್ನು ಮಾರುಕಟ್ಟೆಯಿಂದ ಸ್ಥಗಿತಗೊಳಿಸುವ ಮೊದಲು ಭಾರತದಲ್ಲಿ ಅಲ್ಪಾವಧಿಗೆ ನಾಗರಿಕರಿಗೆ ಮಾರಾಟ ಮಾಡಲಾಗಿತ್ತು. ಅವುಗಳು ಅಧಿಕೃತವಾಗಿ ಲಭ್ಯವಿಲ್ಲದಿದ್ದರೂ, ಜಾಂಗಾದ ಮಾಡಿಫೈ ಮಾಡಲಾದ ಕಾರುಗಳು, ಹಲವಾರು ಕಾರ್ ಬಾಡಿ ಶಾಪ್ ಹಾಗೂ ಮಾಡಿಫೈ ಮಾಡುವ ಸ್ಥಳಗಳಲ್ಲಿ ಮಾರಾಟವಾಗುತ್ತವೆ.
MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್
ಈ ವಾಹನವು ಅಪರೂಪದ ವಾಹನವಾದ್ದರಿಂದ ಭಾರೀ ಬೆಲೆಯನ್ನು ಹೊಂದಿದೆ. ಎಂ.ಎಸ್.ಧೋನಿ ಕಾರು ಹಾಗೂ ಬೈಕುಗಳ ಬಗ್ಗೆ ಸಿಕ್ಕಾಪಟ್ಟೆ ಕ್ರೇಜ್ ಹೊಂದಿದ್ದಾರೆ. ಅವರ ಬಳಿ ದುಬಾರಿ ಬೆಲೆಯ ಕಾರು ಹಾಗೂ ಬೈಕುಗಳಿವೆ. ಅವುಗಳಲ್ಲಿ ಕೆಲವು ಈ ಪ್ರಪಂಚದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿಲ್ಲ.
MOST READ: ವಾಹನ ಸವಾರರಿಗೆ ಸಿಹಿ ಸುದ್ದಿ ನೀಡಿದ ಸಚಿವ ನಿತಿನ್ ಗಡ್ಕರಿ ..!
ಅವರ ಬಳಿ ಅಲ್ಟ್ರಾ-ಅಪರೂಪದ ಕಾನ್ಫೆಡರೇಟ್ ಹೆಲ್ಕಾಟ್ ಎಕ್ಸ್ 132, ಕವಾಸಕಿ ಹೆಚ್ 2, ಡುಕಾಟಿ 1098, ಕವಾಸಕಿ ನಿಂಜಾ ಝಡ್ಎಕ್ಸ್ 14 ಆರ್, ಹಾರ್ಲೆ ಡೇವಿಡ್ಸನ್ ಫ್ಯಾಟ್ಬಾಯ್, ಯಮಹಾ ವೈಜೆಡ್ 600 ಥಂಡರ್ ಕ್ಯಾಟ್ ಹಾಗೂ ಬಿಎಸ್ಎ ಗೋಲ್ಡ್ ಸ್ಟಾರ್ನಂತಹ ಕೆಲವು ವಿಂಟೇಜ್ ಎಕ್ಸೊಟಿಕ್ಸ್ ಸೇರಿವೆ.
MOST READ: ಮೈಲಿಗಲ್ಲುಗಳ ಬಣ್ಣದ ಹಿಂದಿರುವ ಕಾರಣಗಳೇನು ಗೊತ್ತಾ?
ಇದರ ಜೊತೆಗೆ ಯಮಹಾ ಆರ್ಎಕ್ಸ್ 100, ಆರ್ಡಿ 350 ಯಂತಹ ಅವರ ನೆಚ್ಚಿನ ಬೈಕ್ಗಳೂ ಸಹ ಇವೆ. ಧೋನಿ ಇತ್ತೀಚೆಗಷ್ಟೇ ರೂ. 1.6 ಕೋಟಿ ಬೆಲೆಯ ಜೀಪ್ ಗ್ರ್ಯಾಂಡ್ ಚೆರೋಕೀ ಟ್ರ್ಯಾಕ್ಹಾಕ್ ಖರೀದಿಸಿದ್ದರು. ಈ ಎಸ್ಯುವಿ 6.2-ಲೀಟರ್ ಹೆಲ್ಕ್ಯಾಟ್ ಎಂಜಿನ್ ಹೊಂದಿದ್ದು, 707 ಬಿಹೆಚ್ಪಿ ಪವರ್ ಹಾಗೂ 875 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
ಇದು ಭಾರತದ ಅತ್ಯಂತ ಶಕ್ತಿಶಾಲಿಯಾದ ಎಸ್ಯುವಿಯಾಗಿದೆ. ಎಂಎಸ್ ಧೋನಿಯವರ ಗ್ಯಾರೇಜ್ನಲ್ಲಿ ಮರ್ಸಿಡಿಸ್ ಬೆಂಝ್ ಜಿಎಲ್ಇ, ಹಮ್ಮರ್ ಹೆಚ್ 2, ಲ್ಯಾಂಡ್ ರೋವರ್ ಫ್ರೀಲ್ಯಾಂಡರ್ 2, ಆಡಿ ಕ್ಯೂ 7, ಜಿಎಂಸಿ ಸಿಯೆರಾ, ಮಹೀಂದ್ರಾ ಸ್ಕಾರ್ಪಿಯೋ ಹಾಗೂ ಮಿಟ್ಸುಬಿಷಿ ಪಜೆರೊ ಕಾರುಗಳಿವೆ.