Just In
- 6 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 7 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 9 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 9 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಡುಗಡೆಯಾಯಿತು ಹೊಸ ಬಿಎಂಡಬ್ಲ್ಯು ಎಕ್ಸ್5
ಬಿಎಂಡಬ್ಲ್ಯು ಇಂಡಿಯಾ ಭಾರತೀಯ ಮಾರುಕಟ್ಟೆಯಲ್ಲಿ ಹೊಸ ಎಸ್ಯುವಿಯನ್ನು ಬಿಡುಗಡೆಗೊಳಿಸಿದೆ. ನಾಲ್ಕನೇ ತಲೆಮಾರಿನ 2019ರ ಬಿಎಂಡಬ್ಲ್ಯು ಎಕ್ಸ್ 5 ನ ಬೆಲೆಯು ದೆಹಲಿಯ ಎಕ್ಸ್ ಶೋರೂಂ ದರದಂತೆ ರೂ.72.90 ಲಕ್ಷಗಳಾಗಿದೆ.
ಹೊಸ ಬಿಎಂಡಬ್ಲ್ಯು ಎಕ್ಸ್5 ಪೆಟ್ರೋಲ್ ಮತ್ತು ಡೀಸೆಲ್ ಎರಡೂ ಎಂಜಿನ್ ಮಾದರಿಗಳಲ್ಲಿ ಲಭ್ಯವಿರುತ್ತದೆ. ಡೀಸೆಲ್ ಮಾದರಿಯಲ್ಲಿ ಎಕ್ಸ್ ಡ್ರೈವ್ 30ಡಿ ಸ್ಪೋರ್ಟ್ಸ್ ಮತ್ತು ಎಕ್ಸ್ ಡ್ರೈವ್ 30ಡಿ ಎಕ್ಸ್ ಲೈನ್ ಎಂಬ ವಿಧಗಳಿವೆ. ಪೆಟ್ರೋಲ್ ಮಾದರಿಯಲ್ಲಿರುವ ಟಾಪ್ ಎಂಡ್ ಎಕ್ಸ್ ಡ್ರೈವ್ 40ಐ ಎಂ ಸ್ಪೋರ್ಟ್ ವಾಹನವನ್ನು ಬಿಡುಗಡೆ ಮಾಡಲಾಗಿದ್ದರೂ ಈ ವರ್ಷದ ಕೊನೆಯಲ್ಲಿ ಮಾರಾಟ ಮಾಡಲಾಗುವುದು. ಹೊಸ ಬಿಎಂಡಬ್ಲ್ಯು ಎಕ್ಸ್5 ವಾಹನವನ್ನು ಸಿಎಲ್ಎಆರ್ ಪ್ಲಾಟ್ಫಾರಂ ಮೇಲೆ ಆಧಾರಿತವಾಗಿದೆ.
ಇದೇ ಪ್ಲಾಟ್ಫಾರಂನಲ್ಲಿ ತಯಾರಾಗಿರುವ 5 ಸೀರಿಸ್, 7 ಸೀರಿಸ್ ಮತ್ತು ಎಕ್ಸ್ 3 ಮಾದರಿಗಳ ಮಾರಾಟವನ್ನು ದೇಶೀಯ ಮಾರುಕಟ್ಟೆಯಲ್ಲಿ ಮಾಡಲಾಗುತ್ತಿದೆ. ಹೊಸ ತಲೆಮಾರಿನ ಬಿಎಂಡಬ್ಲ್ಯು ಎಕ್ಸ್5 ವಾಹನವು ಹಳೆ ತಲೆಮಾರಿನ ವಾಹನಗಳಿಗಿಂತ ಹೆಚ್ಚು ಉದ್ದ, ಎತ್ತರ ಮತ್ತು ಅಗಲವನ್ನು ಹೊಂದಿದೆ.
ಹಳೆ ತಲೆಮಾರಿನ ವಾಹನಗಳಿಗೆ ಹೋಲಿಸಿದರೆ ಹೊಸದಾದ, ಹೆಚ್ಚುವರಿಯಾದ ಫೀಚರ್ಗಳನ್ನು ಹೊಂದಿದೆ. ಬಿಎಂಡಬ್ಲ್ಯು ಎಕ್ಸ್5 ಗಾತ್ರದ ಬಗ್ಗೆ ಹೇಳುವುದಾದರೆ - 35 ಎಂಎಂ ಉದ್ದ, 32 ಎಂಎಂ ಅಗಲ ಮತ್ತು 11 ಎಂಎಂ ಎತ್ತರವನ್ನು ಹೊಂದಿದೆ.
ಬಿಎಂಡಬ್ಲ್ಯು ಎಕ್ಸ್5 ನ ವ್ಹೀಲ್ ಬೇಸ್, 42 ಎಂಎಂ ನಷ್ಟು ಜಾಸ್ತಿಯಾಗಿದ್ದು, ಈಗ 2975 ಎಂಎಂ ನಷ್ಟಿದೆ. ಗಾತ್ರ ಜಾಸ್ತಿಯಾದಂತೆ ಕ್ಯಾಬಿನ್ ಸ್ಪೇಸ್ ಕೂಡ ಜಾಸ್ತಿಯಾಗಿದೆ. ಬಿಎಂಡಬ್ಲ್ಯು ಎಕ್ಸ್5 ನ ಬೂಟ್ ಸ್ಪೇಸ್ 645 ಲೀಟರ್ನಷ್ಟೆ ಇರಲಿದೆ, ಸೀಟುಗಳನ್ನು ಮಡುಚಿದರೆ 1,640 ಲೀಟರ್ ಬೂಟ್ ಸ್ಪೇಸ್ ಸಿಗಲಿದೆ. ಇನ್ನೂ ಡಿಸೈನ್ ಬಗ್ಗೆ ಹೇಳುವುದಾದರೆ, ಹೊಸ ಬಿಎಂಡಬ್ಲ್ಯು ಎಕ್ಸ್5 ದೊಡ್ಡದಾದ ಗ್ರಿಲ್ ಹೊಂದಿದೆ. ಮುಂದೆ ಇರುವ ಬಂಪರ್ಗಳನ್ನು ಮಾರ್ಪಡಿಸಲಾಗಿದ್ದು, ದೊಡ್ಡ ಏರ್ ವೆಂಟ್ ಮತ್ತು ಇಂಟಿಗ್ರೇಟೆಡ್ ಫಾಗ್ ಲ್ಯಾಂಪ್ಗಳನ್ನು ಹೊಂದಿದೆ.
ಹೊಸ ಬಿಎಂಡಬ್ಲ್ಯು ಎಕ್ಸ್5 ವಾಹನದಲ್ಲಿ ಎಕ್ಸ್ ಶೇಪಿನ ಎಲ್ಇಡಿ ಹೆಡ್ಲ್ಯಾಂಪ್ಸ್ ಗಳ ಜೊತೆಗೆ ಎಲ್ಇಡಿ ಡಿಆರ್ಎಲ್ ಗಳಿವೆ. ಈ ವಾಹನದಲ್ಲಿ 3 ಡಿ ಸಿಗ್ನೆಚರ್ನ ಎಲ್ಇಡಿ ಟೇಲ್ ಲೈಟ್ಗಳಿವೆ.
ಹೊಸ ಬಿಎಂಡಬ್ಲ್ಯು ಎಕ್ಸ್5 ವಾಹನದಲ್ಲಿ ಅನೇಕ ಫೀಚರ್ಗಳಿವೆ, ಅವುಗಳೆಂದರೆ ಬಿಎಂಡಬ್ಲ್ಯು ಕಾಕ್ಪಿಟ್ ಪ್ರೊಫೆಶನಲ್ ಡಿಸ್ಪ್ಲೇ, ಆಪಲ್ ಕಾರ್ ಪ್ಲೇ ಮತ್ತು ಆಂಡ್ರಾಯಿಡ್ ಆಟೋ ಅಳವಡಿಸಲಾಗಿರುವ ಇನ್ಫೋಟೇನ್ಮೆಂಟ್ ಸಿಸ್ಟಂ, ಲೆದರ್ ಅಪ್ಹೊಲ್ಸ್ಟರಿ, ವೈರ್ಲೆಸ್ ಚಾರ್ಜಿಂಗ್, 4 ಝೋನ್ ಕ್ಲೈಮೇಟ್ ಕಂಟ್ರೋಲ್, ಪನೊರಾಮಿಕ್ ಸನ್ರೂಫ್, ಆಂಬಿಯಂಟ್ ಲೈಟಿಂಗ್ ಮತ್ತು ಹಿಂಬದಿಯ ಪ್ರಯಾಣಿಕರಿಗಾಗಿ ಸ್ಕ್ರೀನ್ಗಳನ್ನು ಅಳವಡಿಸಲಾಗಿದೆ.
MOST READ: ಉಚಿತ ಹೆಲ್ಮೆಟ್ ವಿತರಿಸಿದ ರ್ಯಾಪಿಡೊ
ಇನ್ನೂ ಇದರಲ್ಲಿರುವ ಮೆಕಾನಿಕಲ್ಗಳ ಬಗ್ಗೆ ಹೇಳುವುದಾದರೆ, ಹೊಸ ಬಿಎಂಡಬ್ಲ್ಯು ಎಕ್ಸ್5 3.0 ಲೀಟರಿನ 6 ಸಿಲಿಂಡರಿನ ಡೀಸೆಲ್ ಎಂಜಿನ್ ಹೊಂದಿದ್ದು, 261 ಬಿಹೆಚ್ಪಿ ಮತ್ತು 620 ಎನ್ಎಂ ಟಾರ್ಕ್ ಉತ್ಪಾದಿಸಲಿದೆ. ಎಕ್ಸ್ ಡ್ರೈವ್ 40ಐ ಎಂ ಸ್ಪೋರ್ಟ್ ಮಾದರಿಯು 3.0 ಲೀಟರಿನ 6 ಸಿಲಿಂಡರಿನ ಪೆಟ್ರೋಲ್ ಎಂಜಿನ್ ಹೊಂದಿದ್ದು, 340 ಬಿಹೆಚ್ಪಿ ಮತ್ತು 450 ಎನ್ಎಂ ಟಾರ್ಕ್ ಉತ್ಪಾದಿಸಲಿದೆ. ಎರಡೂ ಮಾದರಿಗಳಲ್ಲಿ 8 ಸ್ಪೀಡಿನ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಅಳವಡಿಸಲಾಗಿದೆ.
ಮಾದರಿಗಳು |
ಬೆಲೆಗಳು*
|
ಎಕ್ಸ್ ಡ್ರೈವ್ 30ಡಿ ಸ್ಪೋರ್ಟ್ |
ರೂ
72.90
ಲಕ್ಷ
|
ಎಕ್ಸ್
ಡ್ರೈವ್
30ಡಿ
ಎಕ್ಸ್
ಲೈನ್
| ರೂ 82.40 ಲಕ್ಷ |
ಎಕ್ಸ್ ಡ್ರೈವ್ 40ಐ ಎಂ ಸ್ಪೋರ್ಟ್ | ರೂ 82.40 ಲಕ್ಷ |
* ಎಲ್ಲಾ ಬೆಲೆಗಳು ದೆಹಲಿಯ ಎಕ್ಸ್ ಶೋರೂಂ ದರದಂತೆ ಇವೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಈ ಹಿಂದಿನ ತಲೆಮಾರಿನ ವಾಹನಗಳಿಗೆ ಹೋಲಿಸಿದರೆ, ಹೊಸ ಬಿಎಂಡಬ್ಲ್ಯು ಎಕ್ಸ್5 ವಾಹನವನ್ನು ಅತ್ಯುತ್ತಮವಾಗಿ ಅಪ್ಡೇಟ್ ಮಾಡಲಾಗಿದೆ. ಸದ್ಯಕ್ಕೆ ಈ ವಾಹನದ ಡೀಸೆಲ್ ಎಂಜಿನ್ ಮಾದರಿಯನ್ನು ಮಾತ್ರ ಮಾರಾಟ ಮಾಡಲಾಗುವುದು, ಕೆಲವು ದಿನಗಳ ನಂತರ ಪೆಟ್ರೋಲ್ ಮಾದರಿಯನ್ನು ಮಾರಾಟ ಮಾಡಲಾಗುವುದು. ದೇಶೀಯ ಮಾರುಕಟ್ಟೆಯಲ್ಲಿ ಬಿಎಂಡಬ್ಲ್ಯು ಎಕ್ಸ್5 ವಾಹನವು ಮರ್ಸಿಡಿಸ್ ಬೆಂಜ್ ಜಿಎಲ್ಇ ಮತ್ತು ಆಡಿ ಕ್ಯೂ7 ವಾಹನಗಳಿಗೆ ಪೈಪೋಟಿ ನೀಡಲಿದೆ.