Just In
- 3 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 5 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 6 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 7 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies Shrirasthu Shubhamasthu: ಮಹೇಶನ ಎದುರು ಬಯಲಾಯಿತು ಶಾರ್ವರಿ ಎರಡನೇ ಮುಖ; ಮುಂದೇನು?
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- News Narendra Modi: ಕರ್ನಾಟಕಕ್ಕೆ ಏಪ್ರಿಲ್ 29, 29ಕ್ಕೆ ಪ್ರಧಾನಿ ಮೋದಿ ಆಗಮನ
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದಲ್ಲೂ ಬಿಡುಗಡೆಯಾಗಲಿದೆ ಫೋಕ್ಸ್ವ್ಯಾಗನ್ ಗಾಲ್ಫ್ ಜಿಟಿಐ
ಫೋಕ್ಸ್ವ್ಯಾಗನ್ ಕಂಪನಿಯು ತನ್ನ ಸೀಮಿತ ಆವೃತ್ತಿಯ ಹೈ ಪರ್ಫಾಮೆನ್ಸ್ ಗಾಲ್ಫ್ ಜಿಟಿಐ ಕಾರ್ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸಲು ಚಿಂತನೆ ನಡೆಸಿದೆ. ಈ ಹ್ಯಾಚ್ ಬ್ಯಾಕ್ ಕಾರಿನ ಬೆಲೆಯು ರೂ.40 ಲಕ್ಷಗಳಾಗುವ ಸಾಧ್ಯತೆಗಳಿವೆ.
ಕಾರು ಪ್ರಿಯರಿಗಾಗಿ ಅದರಲ್ಲೂ ಹ್ಯಾಚ್ ಬ್ಯಾಕ್ ಕಾರುಗಳನ್ನು ಇಷ್ಟ ಪಡುವ ಭಾರತೀಯರಿಗಾಗಿ ಫೋಕ್ಸ್ವ್ಯಾಗನ್ ಕಂಪನಿಯು ಗಾಲ್ಫ್ ಜಿಟಿಐ ಕಾರ್ ಅನ್ನು ಬಿಡುಗಡೆಗೊಳಿಸಲಿದೆ. ಈ ಮಾದರಿಯನ್ನು ಭಾರತಕ್ಕೆ ಸಿಬಿಯು ಅಂದರೆ ಕಂಪ್ಲೀಟ್ ಬಿಲ್ಟ್ ಯುನಿಟ್ ಆಗಿ ತರಲಿದೆ. ಕೇಂದ್ರ ಸರ್ಕಾರವು ಸಡಿಲಿಸಿರುವ ಹೊಸ ಆಮದು ನಿಯಮದನ್ವಯ ಈ ಕಾರ್ ಅನ್ನು ಭಾರತಕ್ಕೆ ತರಲಾಗುವುದು.
ಹೊಸ ನಿಯಮದನ್ವಯ ಕಾರು ತಯಾರಕರು ಪ್ರತಿ ವರ್ಷ 2,500 ಕಾರುಗಳನ್ನು ಸಿಬಿಯು ಅಥವಾ ಸಿಕೆಡಿಯಾಗಿ ಭಾರತಕ್ಕೆ ತರಬಹುದಾಗಿದೆ. ಹೀಗೆ ಭಾರತಕ್ಕೆ ತರಲಾಗುವ ಕಾರುಗಳ ಮೇಲೆ ಯಾವುದೇ ರೀತಿಯ ದೂರುಗಳಿರಬಾರದು. ಆ ಕಾರುಗಳು ಅಂತರರಾಷ್ಟ್ರೀಯ ಮಾನದಂಡಕ್ಕೆ ಸಮನಾಗಿರಬೇಕು.
ಫೋಕ್ಸ್ವ್ಯಾಗನ್ ಕಂಪನಿಯ ಪ್ರಕಾರ ಭಾರತದ ಮಾರುಕಟ್ಟೆಯು ಹೈ ಪರ್ಫಾಮೆನ್ಸ್ 4 ಡೋರ್ ಕಾರುಗಳಿಗೆ ಹೇಳಿ ಮಾಡಿಸಿದ ಮಾರುಕಟ್ಟೆಯಾಗಿದೆ. ಈ ಕಾರಣಕ್ಕಾಗಿ ಸ್ಕೋಡಾ ಕಂಪನಿಯ ಆಕ್ಟಾವಿಯಾ ಆರ್ಎಸ್ ಭಾರತದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಮಾರಾಟವಾಯಿತು.
ಸ್ಕೋಡಾ ಕಂಪನಿಯು ಆಕ್ಟಾವಿಯಾ ಆರ್ಎಸ್ ಕಾರ್ ಅನ್ನು ಭಾರತದಲ್ಲಿ ಮತ್ತೊಮ್ಮೆ ಬಿಡುಗಡೆಗೊಳಿಸಲು ಉದ್ದೇಶಿಸಿದೆ. ಈ ಬಾರಿ, ಆಕ್ಟಾವಿಯಾ ಆರ್ಎಸ್ ಕಾರಿನಲ್ಲಿ 245 ಬಿಹೆಚ್ಪಿ ಪವರ್ ಉತ್ಪಾದನೆಗೊಳಿಸುವ ಎಂಜಿನ್ ಅಳವಡಿಸಲಾಗುವುದು.
ಗಾಲ್ಫ್ ಜಿಟಿಐ ಕಾರ್ ಅನ್ನು ಮೊದಲ ಬಾರಿಗೆ 1975ರಲ್ಲಿ ಅಂತರರಾಷ್ಟ್ರೀಯ ಮಾರುಕಟ್ಟೆಯ ಹ್ಯಾಚ್ಬ್ಯಾಕ್ ಸೆಗ್ಮೆಂಟಿನಲ್ಲಿ ಬಿಡುಗಡೆಗೊಳಿಸಲಾಗಿತ್ತು. ಈ ಕಾರು ಪರ್ಫಾಮೆನ್ಸ್ ಕಾರ್ ಆಗಿದ್ದರೂ, ದಿನ ನಿತ್ಯ ಬಳಸಬಹುದಾಗಿದೆ.
ಈ ಮಾದರಿಯ ಎಂಟನೇ ತಲೆಮಾರಿನ ಕಾರ್ ಅನ್ನು ಇತ್ತೀಚಿಗೆ ಜರ್ಮನಿಯ ನರ್ಬರಿಂಗ್ನಲ್ಲಿ ಸ್ಪಾಟ್ ಟೆಸ್ಟ್ ಮಾಡಲಾಗಿದೆ. ಈ ಕಾರ್ ಅನ್ನು ಈ ವರ್ಷದ ಕೊನೆಯ ವೇಳೆಗೆ ಅನಾವರಣಗೊಳಿಸುವ ಸಾಧ್ಯತೆಗಳಿವೆ. ಈ ಹೊಸ ಕಾರಿನಲ್ಲಿ ಹೆಚ್ಚು ಪವರ್, ಹೆಚ್ಚು ಫೀಚರ್ಗಳಿರಲಿದ್ದು, ಕಡಿಮೆ ತೂಕ ಹೊಂದಿರಲಿದೆ.
MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್
ಗಾಲ್ಫ್ ಕಾರಿನಲ್ಲಿ ಮುಂಭಾಗದ ಹಾಗೂ ಹಿಂಭಾಗದ ಬಂಪರ್ಗಳನ್ನು ಮರುವಿನ್ಯಾಸಗೊಳಿಸಲಾಗಿದ್ದು, ಹೆಚ್ಚು ಏರ್ ಇನ್ಟೇಕ್, ದಪ್ಪವಾದ ವ್ಹೀಲ್ಗಳು, ದೊಡ್ಡ ಬ್ರೇಕ್ಗಳು, ಡ್ಯೂಯಲ್ ಎಕ್ಸಾಸ್ಟ್ ಹಾಗೂ ರೇರ್ ಸ್ಪಾಯಿಲರ್ಗಳಿವೆ.
MOST READ: ಹಳೆಯದಾದಷ್ಟು ದುಬಾರಿಯಾಗುತ್ತವೆ ಈ ಜನಪ್ರಿಯ ಬೈಕುಗಳು
ಫೋಕ್ಸ್ವ್ಯಾಗನ್ ಕಂಪನಿಯು ಯಾವುದೇ ಮಾಹಿತಿಯನ್ನು ಬಿಡುಗಡೆಗೊಳಿಸದಿದ್ದರೂ, ಗಾಲ್ಫ್ ಜಿಟಿಐ ಕಾರಿನಲ್ಲಿ ಪರಿಷ್ಕೃತ ಆವೃತ್ತಿಯ 2.0 ಲೀಟರಿನ ಟರ್ಬೊ ಎಂಜಿನ್ ಅಳವಡಿಸುವ ಸಾಧ್ಯತೆಗಳಿವೆ. ಈ ಎಂಜಿನ್ ಸ್ಟಾಂಡರ್ಡ್ ಮಾದರಿಯ ಕಾರಿನಲ್ಲಿ 255 ಬಿಹೆಚ್ಪಿ ಪವರ್, 350 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
MOST READ: ವಾಹನ ಸವಾರರೇ ಎಚ್ಚರ: ನಕಲಿ ಪೊಲೀಸರಿಂದ ಹಗಲು ದರೋಡೆ
ಟಿಸಿಆರ್ ಮಾದರಿಯ ಕಾರಿನಲ್ಲಿ ಅಳವಡಿಸಲಾಗುವ ಎಂಜಿನ್ 290 ಬಿಹೆಚ್ಪಿ ಪವರ್ ಹಾಗೂ 370 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಟಿಸಿಆರ್ ಮಾದರಿಯ ಕಾರು ಸದ್ಯಕ್ಕೆ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿರುವ ಜಿಟಿಐ ಪರ್ಫಾಮೆನ್ಸ್ ಕಾರಿನ ಬದಲಿಗೆ ಬಿಡುಗಡೆಯಾಗಲಿದೆ.
ಹೊಸ ಗಾಲ್ಫ್ ಜಿಟಿಐ ಕಾರಿನ ಅಭಿವೃದ್ಧಿಯಲ್ಲಿರುವ ಎಂಜಿನಿಯರ್ಗಳ ಪ್ರಕಾರ ಸ್ಟೀಯರಿಂಗ್ ಮೇಲೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತಿದೆ. ಮಾರುಕಟ್ಟೆಯಲ್ಲಿರುವ ಕಾರಿನಲ್ಲಿರುವ ಎಲೆಕ್ಟ್ರೊ ಮೆಕಾನಿಕಲ್ ಸೆಟ್ ಅಪ್ ಅನ್ನು ಮರುವಿನ್ಯಾಸಗೊಳಿಸಲಾಗಿದೆ.
ಹೊಸ ಗಾಲ್ಫ್ ಜಿಟಿಐ ಕಾರ್ ಅನ್ನು ಸದ್ಯಕ್ಕೆ ಮಾರುಕಟ್ಟೆಯಲ್ಲಿರುವ ಕಾರುಗಳು ಹೊಂದಿರುವ ಎಂಕ್ಯೂಬಿ ಪ್ಲಾಟ್ಫಾರಂ ಅನ್ನು ಅಭಿವೃದ್ಧಿಪಡಿಸಿ ತಯಾರಿಸಲಾಗಿದೆ. ಗಾಲ್ಫ್ ಜಿಟಿಐ ಫೋಕ್ಸ್ವ್ಯಾಗನ್ ಕಾರು ದೇಶದಲ್ಲಿ ಬಿಡುಗಡೆಗೊಳಿಸಲಿರುವ ಟಾಪ್ ಎಂಡ್ ಮಾದರಿಯ ಕಾರ್ ಆಗಿರಲಿದೆ.
ಫೋಕ್ಸ್ವ್ಯಾಗನ್ ಈ ಮುಂಚೆ ಬಿಡುಗಡೆಗೊಳಿಸಿದ್ದ ಜಿಟಿಐ ಕಾರು ಆರಂಭದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಮಾರಾಟವಾದರೂ ನಂತರ ಮಾರಾಟದಲ್ಲಿ ಕುಸಿತವನ್ನು ಕಂಡಿತು. ಕಂಪನಿಯ ಪ್ರಕಾರ ಎರಡು ಡೋರ್ಗಳಲ್ಲಿ ಮಾರಾಟವಾದ ಕಾರಣ ಈ ಕಾರಿನ ಮಾರಾಟವು ಕುಸಿದಿತ್ತು.
ಈ ಕಾರಣಕ್ಕಾಗಿ ಗಾಲ್ಫ್ ಜಿಟಿಐ ಕಾರ್ ಅನ್ನು ನಾಲ್ಕು ಡೋರಿನ ಮಾದರಿಯಾಗಿ ಬಿಡುಗಡೆಗೊಳಿಸಲಾಗುವುದು. ಎಲ್ಲವೂ ಯೋಜನೆಯಂತೆ ನಡೆದರೆ ಈ ಕಾರು ಭಾರತದಲ್ಲಿ 2020ರ ಕೊನೆಗೆ ಬಿಡುಗಡೆಯಾಗಲಿದೆ.