Just In
- 16 min ago Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- 1 hr ago ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- 2 hrs ago ಭರ್ಜರಿ ಸಿಹಿಸುದ್ದಿ: ಸ್ಕೋಡಾ ಕೊಡಿಯಾಕ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- 3 hrs ago Maruti: ಜಪಾನ್ನಲ್ಲಿ ಗರಿಷ್ಟ ಗುಣಮಟ್ಟದ ಸ್ವಿಫ್ಟ್ ಕಾರು! ಭಾರತಕ್ಕೆ ಮಾತ್ರ ಕಳಪೆ ಗುಣಮಟ್ಟ ಏಕೆ?
Don't Miss!
- Lifestyle ಮಳೆ ನಿರೀಕ್ಷೆಯಲ್ಲಿದ್ದವರಿಗೆ ಶಾಕ್ ಕೊಟ್ಟ ಹವಾಮಾನ ಇಲಾಖೆ..!
- News ಕರ್ನಾಟಕಕ್ಕೆ ವಸೂಲಿಗೆ ಬಂದಿದ್ದ ರಣದೀಪ್ ಸುರ್ಜೇವಾಲ: ಪ್ರಹ್ಲಾದ್ ಜೋಶಿ
- Movies Lok Sabha Election 2024: ಕನ್ನಡ ತಾರೆಯರು ನಾಳೆಏಪ್ರಿಲ್ 26 ಎಲ್ಲೆಲ್ಲಿ ತಮ್ಮ ಹಕ್ಕು ಚಲಾಯಿಸುತ್ತಾರೆ?
- Technology ಮೇ 1 ರಂದು ವಿವೋ T3x 5G ಮೊಬೈಲ್ ಮತ್ತೆ ಖರೀದಿಗೆ ಲಭ್ಯ!..ಅಗ್ಗದ ಬೆಲೆ ಇದೆ!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಾಹನಗಳನ್ನು ರಿಕಾಲ್ ಮಾಡುತ್ತಿರುವ ವೊಲ್ವೊ
ಸ್ವೀಡನ್ನ ಕಾರು ತಯಾರಕ ಕಂಪನಿ ವೊಲ್ವೊ, ಹೊಸ ಸುರಕ್ಷತಾ ಆವಿಷ್ಕಾರಗಳಿಗೆ ಹೆಸರುವಾಸಿಯಾಗಿದೆ. ಈಗ ಪ್ರಪಂಚದ್ಯಾಂತ 5,07,000 ವಾಹನಗಳನ್ನು ಹಿಂಪಡೆಯುತ್ತಿದೆ. ಪ್ಲಾಸ್ಟಿಕ್ ಎಂಜಿನ್ ಇನ್ಟೇಕ್ ದೋಷದಿಂದಾಗಿ ಎಂಜಿನ್ ಬೇಯಲ್ಲಿ ಬೆಂಕಿಯಿಂದ ಅಪಾಯಗಳಾಗುವ ಸಾಧ್ಯತೆಗಳಿವೆ. ಪ್ಲಾಸ್ಟಿಕ್ಗಳು ಕರಗಿ ವಿರೂಪಗೊಳ್ಳಬಹುದು.
ಆದ ಕಾರಣ 2014-2019ರ ನಡುವೆ ತಯಾರಾದ 2.0 ಲೀಟರ್ನ 4 ಸಿಲಿಂಡರ್ ಡೀಸೆಲ್ ಎಂಜಿನ್ ಅಳವಡಿಸಲಾಗಿರುವ ಎಲ್ಲಾ ವಾಹನಗಳನ್ನು ಹಿಂಪಡೆಯಲಾಗುತ್ತಿದೆ. ಜಾಗತಿಕವಾಗಿ ತೊಂದರೆಗೊಳಗಾಗಿರುವ ಮಾದರಿಗಳಲ್ಲಿ ಎಸ್60, ಎಸ್80, ಎಸ್90, ವಿ40, ವಿ60, ವಿ70, ವಿ90, ಎಕ್ಸ್ಸಿ60 ಹಾಗೂ ಎಕ್ಸ್ಸಿ90 ವಾಹನಗಳು ಸೇರಿವೆ.
ವೊಲ್ವೊ ಕಂಪನಿಯು, ಬಹಳ ಅಪರೂಪದ ಸಂದರ್ಭಗಳಲ್ಲಿ, ಪ್ಲಾಸ್ಟಿಕ್ ಎಂಜಿನ್ ಇನ್ಟೇಕ್ ಮ್ಯಾನಿಫೋಲ್ಡ್ ಕರಗಿ ವಿರೂಪಗೊಳ್ಳಬಹುದು ಎಂಬುದು ತನಿಖೆಗಳಿಂದ ಸಾಬೀತಾಗಿದೆ ಎಂದು ಹೇಳಿದೆ. ಅತ್ಯಂತ ಕೆಟ್ಟ ಸಂದರ್ಭಗಳಲ್ಲಿ, ಸ್ಥಳೀಯ ಎಂಜಿನ್ ಬೇನಲ್ಲಿ ಬೆಂಕಿ ಸಂಭವಿಸುವ ಸಾಧ್ಯತೆಯಿದೆ ಎಂದೂ ಸಹ ಕಂಪನಿ ಹೇಳಿದೆ.
ಭಾರತದಲ್ಲಿ ತೊಂದರೆಗೊಳಗಾದ ವೋಲ್ವೋ ಕಾರುಗಳಲ್ಲಿ ಎಸ್ 60, ಎಸ್ 80, ಎಸ್ 90, ವಿ 40, ವಿ 90, ಎಕ್ಸ್ಸಿ 60 ಹಾಗೂ ಅದರ ಪ್ರಮುಖ ಎಸ್ಯುವಿ ಎಕ್ಸ್ಸಿ 90 ಸೇರಿವೆ. 2.0 ಲೀಟರ್ ಡೀಸೆಲ್ ಎಂಜಿನ್ ಹೊಂದಿರುವ, 2014-2019ರ ನಡುವೆ ತಯಾರಿಸಲಾದ ಎಲ್ಲಾ ಮಾದರಿಗಳನ್ನು ಪರಿಶೀಲಿಸಬೇಕಾಗಿದೆ.
ಜಿಗ್ವ್ಹೀಲ್ಸ್ ಸುದ್ದಿಸಂಸ್ಥೆಗೆ ಪ್ರತಿಕ್ರಿಯೆ ನೀಡಿರುವ ವೊಲ್ವೊ ಕಾರ್ ಇಂಡಿಯಾ ಇದನ್ನು ದೃಢಪಡಿಸಿದೆ. ಭಾರತದಲ್ಲಿ ಸುಮಾರು 3000 ಕಾರುಗಳನ್ನು ಪರಿಶೀಲಿಸಬೇಕಾಗಿದೆ ಎಂದು ಹೇಳಲಾಗಿದೆ. ದೋಷಯುಕ್ತ ಬಿಡಿಭಾಗಗಳನ್ನು ಉಚಿತವಾಗಿ ಬದಲಾಯಿಸಲಾಗುವುದು ಎಂದು ಸ್ವೀಡನ್ ಮೂಲದ ಕಾರು ತಯಾರಕ ತಿಳಿಸಿದೆ.
ಗ್ರಾಹಕರನ್ನು ಇಮೇಲ್ ಅಥವಾ ಫೋನ್ ಮೂಲಕ ಸಂಪರ್ಕಿಸಿ, ದೋಷಯುಕ್ತ ಬಿಡಿಭಾಗವನ್ನು ಅಧಿಕೃತ ಸೇವಾ ಕೇಂದ್ರದಲ್ಲಿ ಬದಲಿಸಿಕೊಳ್ಳುವಂತೆ ಹೇಳಲಾಗುವುದು. ದೋಷಯುಕ್ತ ವಾಹನಗಳನ್ನು ಆದಷ್ಟು ಬೇಗ ಸರಿಪಡಿಸಲು ಕಂಪನಿಯು ಉತ್ಸುಕವಾಗಿದೆ ಎಂದು ವೊಲ್ವೊ ಕಂಪನಿಯು ತಿಳಿಸಿದೆ.
ವಿಶ್ವಾದ್ಯಂತವಿರುವ ವೊಲ್ವೊ ಕಾರುಗಳು ಹೆಚ್ಚಿನ ಪ್ರಮಾಣದ ಸುರಕ್ಷತಾ ಮಾನದಂಡಗಳಿಗೆ ಹೆಸರುವಾಸಿಯಾಗಿವೆ. ಇತ್ತೀಚಿನ ಮಾದರಿಗಳಾದ ಎಕ್ಸ್ಸಿ 90 ಫ್ಲ್ಯಾಗ್ಶಿಪ್ ಎಸ್ಯುವಿ ಹಾಗೂ ಎಸ್ 90 ಫ್ಲ್ಯಾಗ್ಶಿಪ್ ಸೆಡಾನ್ ಜಾಗತಿಕ ಮಟ್ಟದ ಎನ್ಸಿಎಪಿ ಪರೀಕ್ಷೆಯಲ್ಲಿ 5 ಸ್ಟಾರ್ ರೇಟಿಂಗ್ ಗಳಿಸಿವೆ.
ಕಾರು ತಯಾರಕ ಕಂಪನಿಗಳೂ ಸಹ ತಮ್ಮ ಗ್ರಾಹಕರ ಸುರಕ್ಷತೆಯ ಬಗ್ಗೆ ಹೆಚ್ಚಿನ ಕಾಳಜಿ ಹೊಂದಿವೆ. 2020ರ ವೇಳೆಗೆ ಹೊಸ ವೊಲ್ವೊ ಕಾರುಗಳಲ್ಲಿ ಯಾರೂ ಗಂಭೀರವಾಗಿ ಗಾಯಗೊಳ್ಳಬಾರದು ಅಥವಾ ಸಾಯಬಾರದು ಎಂಬುದು ವೊಲ್ವೊ ಕಂಪನಿಯ ಉದ್ದೇಶವಾಗಿದೆ.