ಲಗ್ಷುರಿ ಫೀಚರ್ಸ್‌ಗಳೊಂದಿಗೆ ಮಾಡಿಫೈಗೊಂಡ ಫೋರ್ಸ್ ಟ್ರಾವೆಲರ್

ಬಹುತೇಕ ವಾಹನ ಮಾಲೀಕರು ತಮ್ಮ ವಾಹನಗಳನ್ನು ಇತರೆ ವಾಹನಗಳಿಂತಲೂ ಭಿನ್ನವಾಗಿ ಕಾಣಲು ಒಂದಿಷ್ಟು ಹಣ ಖರ್ಚು ಮಾಡಿ ಮಾಡಿಫೈ ಮೋರೆ ಹೋಗುವುದು ಸಾಮಾನ್ಯ. ಆದರೆ ಫೋರ್ಸ್ ಟ್ರಾವೆಲರ್ ವ್ಯಾನ್ ಮಾಲೀಕ ವಾಹನದ ಮೂಲ ಬೆಲೆಗಿಂತಲೂ ದುಪ್ಪಟ್ಟು ಹಣ ಖರ್ಚು ಮಾಡುವ ಮೂಲಕ ಐಷಾರಾಮಿ ಕಾರುಗಳಂತೆ ಮಾಡಿಫೈಡ್‌ಗೊಳಿಸಿ ಗ್ರಾಹಕರನ್ನು ಆಕರ್ಷಣೆ ಮಾಡುತ್ತಿದ್ದಾನೆ.

ಮತ್ತೊಂದು ವಿಶೇಷ ಅಂದ್ರೆ ಫೋರ್ಸ್ ಟ್ರಾವೆಲರ್ ವ್ಯಾನ್ ಮಾದರಿಗಳನ್ನು ಹೆಚ್ಚಾಗಿ ವಾಣಿಜ್ಯ ಬಳಕೆಯ ಹಳದಿ ಬೋರ್ಡ್‌ಗಾಗಿ ಖರೀದಿ ಮಾಡಿದರೆ ಈ ಫೋರ್ಸ್ ಟ್ರಾವೆಲರ್ ವ್ಯಾನ್ ಮಾಲೀಕ ಮಾತ್ರ ವೈಟ್ ಬೋರ್ಡ್‌ನೊಂದಿಗೆ ಖರೀದಿಸಿ ತನ್ನ ಇಷ್ಟದಂತೆ ಮಾಡಿಫೈಗೊಳಿಸಿದ್ದಾನೆ.

ಸ್ಕೈಲೈನರ್ ಮಾಡಿಫೈ ಕಂಪನಿಯೊಂದಿಗೆ ಈ ಟ್ರಾವೆಲರ್ ವ್ಯಾನ್ ಮಾದರಿಯನ್ನು ಮಾಡಿಫೈಗೊಳಿಸಲಾಗಿದ್ದು, ಐಷಾರಾಮಿ ಫೀಚರ್ಸ್‌ವುಳ್ಳ ಆಸನ ಸೌಲಭ್ಯ ನೀಡುವುದಕ್ಕಾಗಿ ವಾಹನದ ಬಹುತೇಕ ಮೂಲ ತಾಂತ್ರಿಕ ಅಂಶಗಳನ್ನು ತೆಗೆದುಹಾಕಿ ಸಂಪೂರ್ಣ ಹೊಸ ಸೌಲಭ್ಯಗಳನ್ನು ಮರುಜೋಡಣೆ ಮಾಡಲಾಗಿದೆ.

ಫೋರ್ಸ್ ಟ್ರಾವೆಲರ್ ಮಾಡಿಫೈಡ್ ವ್ಯಾನ್‌‌ನ ಮುಂಭಾಗದ ವಿನ್ಯಾಸವನ್ನು ಸಂಪೂರ್ಣವಾಗಿ ಬದಲಾವಣೆಗೊಳಿಸುವ ಮೂಲಕ ಆಕರ್ಷಕ ಗ್ರಿಲ್, ಸ್ಮೋಕ್ಡ್ ಹೆಡ್‌ಲ್ಯಾಂಪ್ ನೀಡಲಾಗಿದೆ. ಜೊತೆಗೆ ಸ್ಕೈಲೈನರ್ ಲೋಗೊ ಕೂಡಾ ಆಕರ್ಷಕವಾಗಿದ್ದು, ಸೈಡ್ ಪ್ರೋಫೈಲ್ ಕೂಡಾ ಗಮನಸೆಳೆಯುತ್ತದೆ.

ಮಾಡಿಫೈಡ್ ವ್ಯಾನ್‌ನಲ್ಲಿ ಸಿಂಗಲ್ ಪೀಸ್ ವಿಂಡೋ ಗ್ಲಾಸ್ ಜೋಡಣೆ ಮಾಡಿರುವುದು ಆಕರ್ಷಕವಾಗಿದ್ದು, ಪೂರ್ಣ ಪ್ರಮಾಣದಲ್ಲಿ ಕಿಟಕಿಗಳು ಮುಚ್ಚಿರುವ ಹಿನ್ನಲೆಯಲ್ಲಿ ಕ್ಯಾಬಿನ್ ತಾಪಮಾನಕ್ಕೆ ಪೂರಕವಾದ ಎಸಿ ಸೌಲಭ್ಯವನ್ನು ಜೋಡಣೆ ಮಾಡಲಾಗಿದೆ.

ಸಿಂಗಲ್ ಪೀಸ್ ಗ್ಲಾಸ್ ಜೋಡಣೆಗಾಗಿ ಪಿಲ್ಲರ್‌ಗಳನ್ನು ತೆಗೆದುಹಾಕಿರುವ ಸ್ಕೈಲೈನರ್ ಕಸ್ಟಮೈಸ್ಡ್ ಕಂಪನಿಯು ವ್ಯಾನಿನ ಮೇಲ್ಚಾವಣೆಯನ್ನು ಸಹ ಬದಲಾವಣೆಗೊಳಿಸಿದ್ದು, ವ್ಯಾನಿನ ಒಳಭಾಗವು ಕೂಡಾ ಅದ್ಬುತವಾಗಿ ಮಾಡಿಫೈಗೊಂಡಿದೆ.

13 ಆಸನವುಳ್ಳ ಫೋರ್ಸ್ ಟ್ರಾವೆಲರ್ ಮಾದರಿಯನ್ನು ಮಾಡಿಫೈ ಮಾಡಿರುವ ಸ್ಕೈಲೈನರ್ ಕಸ್ಟಮೈಸ್ಡ್ ಕಂಪನಿಯು ಮುಂಭಾಗದಲ್ಲಿ ಡ್ರೈವರ್ ಸೀಟ್ ಜೊತೆಗೆ ಕೋ-ಪ್ಯಾಸೆಂಜರ್ ಆಸನವನ್ನು ಮತ್ತು ಮಧ್ಯದಲ್ಲಿ ನಾಲ್ಕು ಪ್ರತ್ಯೇಕ ಕ್ಯಾಪ್ಟನ್ ಸೀಟ್‌ಗಳನ್ನು ಜೋಡಿಸಲಾಗಿದೆ.

MOST READ: ಭಾರತದಲ್ಲಿ ಎರಡು ಹೊಸ ಎಸ್‌ಯುವಿ ಕಾರು ಮಾದರಿಗಳನ್ನು ಬಿಡುಗಡೆ ಮಾಡಲಿದೆ ಹ್ಯುಂಡೈ

ಹಿಂಬದಿಯಲ್ಲಿ ಲಭ್ಯವಿದ್ದ ಸ್ಥಳವನ್ನು ಸಹ ವ್ಯವಸ್ಥಿತವಾಗಿ ಬಳಕೆ ಮಾಡಿಕೊಂಡು ಮೂವರು ಕುಳಿತಗೊಳ್ಳಬಹುದಾದ ಬೆಂಚ್ ಸೀಟ್ ಜೋಡಣೆ ಮಾಡಿದ್ದು, ಪ್ರಯಾಣಿಕರ ಬಳಕೆ ಬೇಡವಾದಲ್ಲಿ ಬೆಂಚ್ ಸೀಟಿನಲ್ಲಿಯೇ ಅರಾಮವಾಗಿ ಮಲಗಿಕೊಳ್ಳಬಹುದಾದಷ್ಟು ಸೌಲಭ್ಯವಿದೆ.

ಮತ್ತೊಂದು ವಿಶೇಷ ಅಂದ್ರೆ ಮಧ್ಯದಲ್ಲಿರುವ ನಾಲ್ಕು ಕ್ಯಾಪ್ಟನ್ ಆಸನಗಳು ಪ್ರತ್ಯೇಕವಾದ ಕಂಟ್ರೋಲ್ ಸೌಲಭ್ಯಗಳನ್ನು ಹೊಂದಿದ್ದು, ಪ್ರಯಾಣಿಕರು ತಮ್ಮ ಅನುಕೂಲಕ್ಕೆ ತಕ್ಕಂತೆ ಆಸನಗಳನ್ನು ಹೊಂದಾಣಿಕೆ ಮಾಡಿಕೊಳ್ಳಬಹುದಾಗಿದೆ.

MOST READ: ಪ್ರತಿ ಚಾರ್ಜ್‌ಗೆ ಗರಿಷ್ಠ 509ಕಿ.ಮೀ ಮೈಲೇಜ್ ನೀಡಲಿದೆ ಸ್ಕೋಡಾ ಎನ್ಯಾಕ್ ಎಲೆಕ್ಟ್ರಿಕ್ ಎಸ್‌ಯುವಿ..!

ಐಷಾರಾಮಿ ಆಸನಗಳಿಗೆ ತಕ್ಕಂತೆ ವ್ಯಾನ್ ಒಳಭಾಗದ ಇಂಟಿರಿಯರ್ ಸೌಲಭ್ಯವನ್ನು ಸಹ ಹೊಸ ಬದಲಾವಣೆಯೊಂದಿಗೆ ಆಕರ್ಷಕವಾಗಿಸಿರುವ ಸ್ಕೈಲೈನರ್ ಕಂಪನಿಯು ಮರದ ಹಾಸು ಜೊತೆಗೆ ಡೋರ್ ಟ್ರಿಮ್‌ಗಳಲ್ಲೂ ಮರದು ಅಂಚು ನೀಡಿರುವುದು ಆಕರ್ಷಕವಾಗಿದೆ.

ಇನ್ನು ಸೀಟಿನ ಬದಿಯಲ್ಲಿಯೂ ವಿವಿಧ ಬಣ್ಣಗಳ ಆಯ್ಕೆ ಹೊಂದಿರುವ ಮೊಡ್ ಲೈಟಿಂಗ್ ನೀಡಿರುವುದು ಮಾಡಿಫೈ ವಾಹನದ ಮತ್ತೊಂದು ಪ್ರಮುಖ ಆಕರ್ಷಣೆಯಾಗಿದ್ದು, ಲೈಟಿಂಗ್ಸ್ ಮತ್ತು ಹೆಚ್ಚುವರಿ ಚಾರ್ಜಿಂಗ್ ಸಾಕೆಟ್ ನಿರ್ವಹಣೆಗಾಗಿ ವಾಹನದಲ್ಲಿರುವ ಬ್ಯಾಟರಿ ಜೊತೆಗೆ ಹೆಚ್ಚುವರಿಯಾಗಿ 1ಕೆವಿಎ ಬ್ಯಾಟರಿ ಇನ್ವರ್ಟರ್ ಜೋಡಣೆ ಮಾಡಿಲಾಗಿದೆ.

MOST READ: ರೂ.5 ಲಕ್ಷಕ್ಕಿಂತ ಕಡಿಮೆ ಬೆಲೆಯ ಜನಪ್ರಿಯ ಕಾರುಗಳಿವು

ಜೊತೆಗೆ ಮಾಡಿಫೈ ವಾಹನದಲ್ಲಿ ಮನರಂಜನೆಗೂ ಆದ್ಯತೆ ನೀಡಲಾಗಿದ್ದು, ಸರ್ರೌಂಡ್ ಸ್ಪಿಕರ್ಸ್ ಜೊತೆಗೆ ಚಾಲಕನ ಬಳಿಯಲ್ಲೂ ಹಲವಾರು ಮಾಡಿಫೈ ಸೌಲಭ್ಯಗಳನ್ನು ಜೋಡಣೆ ಮಾಡುವ ಮೂಲಕ ಆಕರ್ಷಕ ಡ್ಯಾಶ್‌ಬೋರ್ಡ್ ಹೊಂದಿಸಲಾಗಿದೆ.

ಮಾಡಿಫೈಗೊಂಡ ಫೋರ್ಸ್ ಟ್ರಾವೆಲರ್ ಮಾದರಿಯು ಬಿಎಸ್-4 ವೈಶಿಷ್ಟ್ಯತೆಯ 2.6-ಲೀಟರ್ ಡೀಸೆಲ್ ಎಂಜಿನ್ ಹೊಂದಿದ್ದು, ಮಾರುಕಟ್ಟೆಯಲ್ಲಿ ದೆಹಲಿ ಎಕ್ಸ್‌ಶೋರೂಂ ಪ್ರಕಾರ ರೂ. 9.50 ಲಕ್ಷ ಬೆಲೆ ಹೊಂದಿರುವ ಫೋರ್ಸ್ ಟ್ರಾವೆಲರ್ ಮಾದರಿಯು ಮಾಡಿಫೈ ವರ್ಷನ್‌ನಲ್ಲಿ ದುಪ್ಪಟ್ಟು ಬೆಲೆಯೊಂದಿಗೆ ಐಷಾರಾಮಿ ಫೀಚರ್ಸ್‌ಗಳನ್ನು ಪಡೆದುಕೊಂಡಿದೆ.