ಭಾರತೀಯ ಕ್ರಿಕೆಟಿನ ದಾದಾ ಬಳಿಯಿರುವ ಕಾರುಗಳಿವು

ಸೌರವ್ ಗಂಗೂಲಿ ಮರ್ಸಿಡಿಸ್ ಬೆಂಝ್, ಬಿಎಂಡಬ್ಲ್ಯು, ಒಪೆಲ್ ಹಾಗೂ ಹ್ಯುಂಡೈ ಕಂಪನಿಯ ಕಾರುಗಳನ್ನು ಹೊಂದಿದ್ದಾರೆ. ಈ ಕಾರುಗಳಲ್ಲಿ ಅವರು ಹಲವು ಬಾರಿ ಕಾಣಿಸಿಕೊಂಡಿದ್ದಾರೆ. ಸೌರವ್ ಗಂಗೂಲಿರವರ ಬಳಿಯಿರುವ ಕೆಲವು ಕಾರುಗಳ ಬಗೆಗಿನ ವಿವರಗಳನ್ನು ಈ ಲೇಖನದಲ್ಲಿ ನೋಡೋಣ.

1. ಮರ್ಸಿಡಿಸ್ ಬೆಂಝ್ ಸಿಎಲ್‌ಕೆ

ದಾದಾರವರು ಮರ್ಸಿಡಿಸ್ ಬೆಂಝ್‌ ಕಂಪನಿಯ ಸಿಎಲ್‌ಕೆ ಮಾದರಿ ಕಾರ್ ಅನ್ನು ಹೊಂದಿದ್ದಾರೆ. ಭಾರತದಲ್ಲಿ ಈ ಕಾರಿನ ಬೆಲೆ ಸುಮಾರು ರೂ.84 ಲಕ್ಷಗಳಾಗುತ್ತದೆ.

MOST READ:ಒಂದೇ ದಿನದಲ್ಲಿ ಸಾವಿರಕ್ಕೂ ಹೆಚ್ಚು ಆಂಬ್ಯುಲೆನ್ಸ್ ಪಡೆದ ಜಗನ್ ಸರ್ಕಾರ

ಮರ್ಸಿಡಿಸ್ ಬೆಂಝ್ ಸಿಎಲ್‌ಕೆ 5.5 ಲೀಟರಿನ ಎಂಜಿನ್ ಹಾಗೂ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಹೊಂದಿದೆ. 4 ಸೀಟುಗಳ ಈ ಕೂಪೆ ಕಾರು ಐಷಾರಾಮಿ ಫೀಚರ್ ಗಳಿಗೆ ಹೆಸರುವಾಸಿಯಾಗಿದೆ. ಈ ಮಾದರಿಯನ್ನು 5 ವಿವಿಧ ರೀತಿಯ ಎಂಜಿನ್ ಗಳಲ್ಲಿ ಮಾರಾಟ ಮಾಡಲಾಗುತ್ತದೆ.

2. ಬಿಎಂಡಬ್ಲ್ಯು 730 ಎಲ್‌ಡಿ

ಸೌರವ್ ಗಂಗೂಲಿ ಬಿಎಂಡಬ್ಲ್ಯು 7 ಸೀರೀಸ್ ಕಾರ್ ಅನ್ನು ಸಹ ಹೊಂದಿದ್ದಾರೆ. ಬಿಎಂಡಬ್ಲ್ಯು 730 ಎಲ್‌ಡಿ ಕಂಪನಿಯ ಆಧುನಿಕವಾದ ಹಾಗೂ ಐಷಾರಾಮಿಯಾದ ಕಾರ್ ಆಗಿದೆ.

MOSTREAD: ಕೆಟ್ಟು ನಿಂತ ವಾಹನಗಳನ್ನು ತಳ್ಳುವ ಜನಪ್ರಿಯ ವಿಧಾನವಿದು

ಈ ಕಾರಿನ ಬೆಲೆ ಸುಮಾರು ರೂ.1.35 ಕೋಟಿಗಳಾಗಿದೆ. ಈ ಕಾರಿನಲ್ಲಿ ಅಳವಡಿಸಲಾಗಿರುವ 3.0-ಲೀಟರಿನ ಇನ್-ಲೈನ್ ಟರ್ಬೋಚಾರ್ಜ್ಡ್ ಎಂಜಿನ್ 265 ಬಿಹೆಚ್‌ಪಿ ಪವರ್ ಹಾಗೂ 620 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಕಾರಿನಲ್ಲಿ 8-ಸ್ಪೀಡಿನ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಅಳವಡಿಸಲಾಗಿದೆ.

3. ಒಪೆಲ್ ಆಸ್ಟ್ರಾ

ದಾದಾ ಅವರ ಕಾರು ಸಂಗ್ರಹದಲ್ಲಿ ಒಪೆಲ್ ಆಸ್ಟ್ರಾ ಸಹ ಸೇರಿದೆ. ಒಪೆಲ್ ಆಸ್ಟ್ರಾ ಕಾರಿನಲ್ಲಿ 1.5-ಲೀಟರಿನ ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 74 ಬಿಹೆಚ್‌ಪಿ ಪವರ್ ಹಾಗೂ 121 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಕಾರ್ ಅನ್ನು ಮ್ಯಾನುವಲ್ ಹಾಗೂ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಈ ಕಾರಿನ ಬೆಲೆ ರೂ.7.55 ಲಕ್ಷಗಳಾಗಿದೆ.

MOST READ:ಪೊಲೀಸರಿಗೆ ತಲೆ ನೋವು ತಂದಿಟ್ಟ ಸೀಜ್ ಆದ ವಾಹನಗಳು

4. ಹ್ಯುಂಡೈ ಕ್ರೆಟಾ

ಸೌರವ್ ಗಂಗೂಲಿರವರು ಭಾರತದ ಜನಪ್ರಿಯ ಎಸ್ ಯುವಿಯಾದ ಹ್ಯುಂಡೈ ಕ್ರೆಟಾವನ್ನು ಸಹ ಹೊಂದಿದ್ದಾರೆ. ಅವರ ಬಳಿಯಿರುವ ಹ್ಯುಂಡೈ ಕ್ರೆಟಾ 1.5 ಲೀಟರಿನ ಪೆಟ್ರೋಲ್ ಎಂಜಿನ್ ಹೊಂದಿದೆ. ಈ ಎಂಜಿನ್ 121 ಬಿಹೆಚ್‌ಪಿ ಪವರ್ ಹಾಗೂ 150 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಸ್ ಯುವಿಯಲ್ಲಿ 5 ಸ್ಪೀಡಿನ ಮ್ಯಾನುವಲ್ ಗೇರ್ ಬಾಕ್ಸ್ ಅಳವಡಿಸಲಾಗಿದೆ.

ಸೌರವ್ ಗಂಗೂಲಿ ಒಟ್ಟು 36 ಕಾರುಗಳನ್ನು ಹೊಂದಿದ್ದಾರೆಂದು ಹೇಳಲಾಗಿದೆ. ಅವುಗಳಲ್ಲಿ 20 ಕಾರುಗಳು ಮರ್ಸಿಡಿಸ್ ಬೆಂಝ್ ಕಂಪನಿಗೆ ಸೇರಿದ್ದರೆ, 4 ಬಿಎಂಡಬ್ಲ್ಯು ಕಾರುಗಳಾಗಿವೆ. ದಾದಾರವರು ಹಲವು ಬಾರಿ ಈ ಕಾರುಗಳೊಂದಿಗೆ ಕಾಣಿಸಿಕೊಂಡಿದ್ದಾರೆ.