Just In
- 2 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 4 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 5 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 6 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- News Narendra Modi: ಕರ್ನಾಟಕಕ್ಕೆ ಏಪ್ರಿಲ್ 29, 29ಕ್ಕೆ ಪ್ರಧಾನಿ ಮೋದಿ ಆಗಮನ
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Movies ನಿರಂತರ ಪ್ಲಾಫ್ ಸಿನಿಮಾಳನ್ನ ನೀಡಿದ ಈ ವಿಶ್ವಸುಂದರಿ ಯಾರು ಗೊತ್ತಾ...?
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಭಿನ್ನ, ವಿಶಿಷ್ಟ ಟೆಕ್ನಾಲಜಿಗಳನ್ನು ಹೊಂದಿರಲಿವೆ ಭವಿಷ್ಯದ ಟಯರ್ಗಳು
ವ್ಹೀಲ್ ಹಾಗೂ ಟಯರ್ಗಳು ವಾಹನ ಕಾರ್ಯಾಚರಣೆಗೆ ಅಗತ್ಯವಿರುವ ಪ್ರಮುಖ ಭಾಗಗಳಾಗಿವೆ. ನೀರಿಲ್ಲದೆ ಈ ಜಗತ್ತು ಹೇಗೆ ಇರುವುದಿಲ್ಲ, ಅಂತೆಯೇ ಟಯರ್ಗಳು ಹಾಗೂ ವ್ಹೀಲ್ ಗಳಿಲ್ಲದೇ ವಾಹನಗಳು ಇರುವುದಿಲ್ಲ.
ಇವುಗಳನ್ನು ಕಾಲಕಾಲಕ್ಕೆ ಸರಿಯಾಗಿ ನಿರ್ವಹಣೆ ಮಾಡುವುದರಿಂದ ವಾಹನಗಳ ಗ್ರಿಪ್, ಮೈಲೇಜ್ ಸುಧಾರಿಸುತ್ತದೆ. ಟಯರ್ಗಳನ್ನು ಸರಿಯಾದ ರೀತಿಯಲ್ಲಿ ಮೆಂಟೆನ್ ಮಾಡಿದರೆ ಅವುಗಳ ಬಾಳಿಕೆಯನ್ನು ಹೆಚ್ಚಿಸಬಹುದು. ಈ ಕಾರಣಕ್ಕೆ ಟಯರ್ಗಳ ವಿಷಯದಲ್ಲಿ ಹೆಚ್ಚಿನ ಗಮನ ಅಗತ್ಯ ಎಂದು ತಜ್ಞರು ಸಲಹೆ ನೀಡುತ್ತಾರೆ. ಉತ್ಪಾದನಾ ಕಂಪನಿಗಳು ವಾಹನಗಳಲ್ಲಿ ಭವಿಷ್ಯದ ಬಳಕೆಗಾಗಿ ಹೆಚ್ಚಿನ ಟೆಕ್ನಾಲಜಿಗಳನ್ನು ಹೊಂದಿರುವ ಟಯರ್ಗಳನ್ನು ತಯಾರಿಸಲಿವೆ ಎಂದು ವರದಿಯಾಗಿದೆ.
ಈ ಟಯರ್ಗಳನ್ನು ಆಧುನಿಕ ವಾಹನಗಳಿಗೆ ತಕ್ಕಂತೆ ಹೈಟೆಕ್ ಹಾಗೂ ಸುರಕ್ಷತಾ ಟಯರ್ಗಳಾಗಿ ವಿನ್ಯಾಸಗೊಳಿಸಲಾಗಿದೆ. ನ್ಯೂಸ್ 18 ಇಂಗ್ಲಿಷ್ ವೆಬ್ ಸೈಟ್ ಪ್ರಕಾರ ಮುಂಬರುವ ದಿನಗಳಲ್ಲಿ ಪರಿಸರ ಸ್ನೇಹಿಯಾದ ಹಾಗೂ ಆಧುನಿಕ ವಿನ್ಯಾಸದ ಟಯರ್ಗಳನ್ನು ಅಭಿವೃದ್ಧಿಪಡಿಸಲಾಗುವುದು.
MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್
ಹೊಸ ಅತ್ಯಾಧುನಿಕ ಟಯರ್ಗಳ ಉತ್ಪಾದನೆಗೆ ರಿಸೈಕಲ್ ಮಾಡಲಾದ ವಸ್ತುಗಳನ್ನು ಬಳಸಬೇಕಾಗುತ್ತದೆ. ಭವಿಷ್ಯಕ್ಕಾಗಿ ದೊಡ್ಡ ಗಾತ್ರದ ಟಯರ್ಗಳನ್ನು ವಿನ್ಯಾಸಗೊಳಿಸಲಾಗುವುದು. ಜೊತೆಗೆ ಸುರಕ್ಷತೆಗಾಗಿ ಸೆನ್ಸಾರ್ಗಳಂತಹ ಹೆಚ್ಚುವರಿ ವಿಶೇಷ ತಂತ್ರಜ್ಞಾನಗಳನ್ನು ಟಯರ್ಗಳಲ್ಲಿ ಅಳವಡಿಸಲಾಗುತ್ತದೆ.
2019ರಲ್ಲಿ ಜನಪ್ರಿಯ ವಾಹನ ತಯಾರಕ ಕಂಪನಿಯಾದ ಸಿಟ್ರಿಯೊನ್, 19_19 ಕಾನ್ಸೆಪ್ಟ್ ಅನ್ನು ಬಿಡುಗಡೆಗೊಳಿಸಿತ್ತು. ಈ ಕಾನ್ಸೆಪ್ಟ್ ಆಟೋ ಉತ್ಸಾಹಿಗಳಲ್ಲಿ ಹೆಚ್ಚಿನ ನಿರೀಕ್ಷೆಯನ್ನು ಹುಟ್ಟುಹಾಕಿತ್ತು. ಸಿಟ್ರಿಯೊನ್ ಪ್ರಸಿದ್ಧ ಟಯರ್ ತಯಾರಕ ಕಂಪನಿಯಾದ ಗುಡ್ಇಯರ್ ಸಹಯೋಗದೊಂದಿಗೆ ಈ ಕಾನ್ಸೆಪ್ಟ್ ಅನ್ನು ವಿನ್ಯಾಸಗೊಳಿಸಿತ್ತು.
MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ
ಈ ಟಯರ್ ಹೆಚ್ಚಿನ ಉದ್ದ, ಹೆಚ್ಚುವರಿ ಗ್ರಿಪ್ ನ ಆಕ್ಸಲ್, ಕಡಿಮೆ ಸರ್ಫೇಸ್ ಸೇರಿದಂತೆ ಹಲವಾರು ಫೀಚರ್ಗಳನ್ನು ಹೊಂದಿದೆ. ಈ ಹೊಸ ಫೀಚರ್ ಟಯರ್ ಅನ್ನು ತನ್ನ ಹೊಸ ಎಲೆಕ್ಟ್ರಿಕ್ ವಾಹನದಲ್ಲಿ ಅಳವಡಿಸಲು ಸಿಟ್ರಿಯೊನ್ ಬಯಸಿದೆ.
ಭವಿಷ್ಯದಲ್ಲಿ ವ್ಹೀಲ್ ಗಳ ವಿನ್ಯಾಸ ಹಾಗೂ ಅವುಗಳ ಅಲೈನ್ ಮೆಂಟ್ ಗೆ ಹೆಚ್ಚಿನ ಗಮನ ನೀಡಲಾಗುವುದು. ಈ ಹಿನ್ನೆಲೆಯಲ್ಲಿ ಆಸ್ಟ್ರೇಲಿಯಾ ಮೂಲದ ಸ್ಟಾರ್ಟ್ ಅಪ್ ಕಂಪನಿಯಾದ ಟೊಫ್ಟೆಕ್ ಅತ್ಯುತ್ತಮ ಜೋಡಣೆಯ ಫೀಚರ್ ರಚಿಸಲು ಎಡಬ್ಲ್ಯುಎಎಸ್ ಎಂಬ ಸಕ್ರಿಯ ವ್ಹೀಲ್ ಫಿಕ್ಸಿಂಗ್ ಸಿಸ್ಟಂ ಅನ್ನು ಅಭಿವೃದ್ಧಿಪಡಿಸಿದೆ.
MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ
ಈ ಸಿಸ್ಟಂ ರಸ್ತೆಯೊಂದಿಗೆ ಟಯರ್ ಸಂಪರ್ಕವನ್ನು ಖಚಿತಪಡಿಸಿಕೊಳ್ಳಲು ನೆರವಾಗುತ್ತದೆ. ಇದರಿಂದಾಗಿ ವಾಹನದ ಮೇಲೆ ಹೆಚ್ಚಿನ ಗ್ರಿಪ್ ಹಾಗೂ ಹೆಚ್ಚು ಮೈಲೇಜ್ ಪಡೆಯಲು ಸಾಧ್ಯವಾಗಲಿದೆ.
ಈ ಹೊಸ ಸಿಸ್ಟಂ ರೋಲಿಂಗ್ ರೆಸಿಸ್ಟೆನ್ಸ್ ಅನ್ನು 10%ನಷ್ಟು ಕಡಿಮೆಗೊಳಿಸುತ್ತದೆ ಎಂದು ಟೋಪ್ಟೆಕ್ ಹೇಳಿದೆ. ಇದರಿಂದಾಗಿ ಲೋ ಟೆಂಪರೆಚರ್ ಹಾಗೂ ರಾಂಡಮ್ ಮೋಲ್ಡ್ ಗಳನ್ನು ತೆಗೆದುಹಾಕಬಹುದು. ಈ ಕಾರಣಕ್ಕೆ ಕೆಲವು ಕಂಪನಿಗಳು ತಮ್ಮ ಹೊಸ ಪೆಟ್ರೋಲ್ ಹಾಗೂ ಎಲೆಕ್ಟ್ರಿಕ್ ವಾಹನಗಳಲ್ಲಿ ಹೊಸ ಎಡಬ್ಲ್ಯುಎಎಸ್ ತಂತ್ರಜ್ಞಾನವನ್ನು ಬಳಸಲು ಉದ್ದೇಶಿಸಿವೆ ಎಂದು ಟೋಪ್ಟೆಕ್ ಹೇಳಿದೆ.
MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು
ಸ್ಮಾರ್ಟ್ ಟಯರ್
ಗುಡ್ಇಯರ್ ಅತ್ಯಂತ ಜನಪ್ರಿಯ ಟಯರ್ ಉತ್ಪಾದಕ ಕಂಪನಿಗಳಲ್ಲಿ ಒಂದಾಗಿದೆ. ಗುಡ್ಇಯರ್ ಕಂಪನಿಯು 2018ರಲ್ಲಿ ಪಾಚಿ ತುಂಬಿದ ಆಕ್ಸಿಜನ್ ಎಂಬ ಹೆಸರಿನ ಕಾನ್ಸೆಪ್ಟ್ ಟಯರ್ ಅನ್ನು ಪರಿಚಯಿಸಿತ್ತು.
ಈ ಟಯರ್ ಕಾರ್ಯಾಚರಣೆಯ ಸಂದರ್ಭದಲ್ಲಿ ಆಕ್ಸಿಜನ್ ಬಿಡುಗಡೆಗೊಳಿಸುತ್ತದೆ. ಇದರ ಜೊತೆಗೆ ಈ ಟಯರ್ ನಿರ್ದಿಷ್ಟ ಪ್ರಮಾಣದ ವಿದ್ಯುತ್ ಹೊರಸೂಸುತ್ತದೆ ಎಂದು ಹೇಳಲಾಗಿದೆ. ಈ ಕಾರಣಕ್ಕೆ ಜನರು ಹೊಸ ಆಕ್ಸಿಜನ್ ಟಯರ್ ನ ಬಿಡುಗಡೆಯನ್ನು ಎದುರು ನೋಡುತ್ತಿದ್ದಾರೆ. ಈ ಟಯರ್ ಲಿ-ಪೈ ಎಂಬ ಫೀಚರ್ ಹೊಂದಿರಲಿದೆ. ಈ ಫೀಚರ್ ಪಾದಚಾರಿಗಳಿಗೆ ಬೆಳಕಿನ ಬಲ್ಬ್ನೊಂದಿಗೆ ಸಂವಹನ ನಡೆಸಲು ನೆರವಾಗುತ್ತದೆ.
MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್
ಗುಡ್ಇಯರ್ ವಿವಿಧ ರೀತಿಯ ಟಯರ್ಗಳನ್ನು ವಿನ್ಯಾಸಗೊಳಿಸುತ್ತಿದೆ. ಇತ್ತೀಚೆಗೆ ಗುಡ್ಇಯರ್ ಕಂಪನಿಯು ಹಲವಾರು ಸೆನ್ಸಾರ್ ಗಳನ್ನು ಹೊಂದಿರುವ ಮತ್ತೊಂದು ಟಯರ್ ಅನ್ನು ಪರೀಕ್ಷಿಸಿತ್ತು. ಈ ಟಯರ್ ನಲ್ಲಿರುವ ಸೆನ್ಸಾರ್ ಗಳು ರಸ್ತೆಗಳನ್ನು ಅನ್ವೇಷಿಸಿ, ಸಲಹೆ ನೀಡುತ್ತವೆ.
ಭವಿಷ್ಯದಲ್ಲಿ ಬಿಡುಗಡೆಯಾಗುವ ವಾಹನಗಳ ಟಯರ್ಗಳು ಈ ರೀತಿಯ ಹಲವಾರು ವಿಶಿಷ್ಟ ಫೀಚರ್ ಗಳನ್ನು ಹೊಂದಿರಲಿವೆ. ಈ ಟಯರ್ ಗಳು ಎಂಟ್ರಿ ಲೆವೆಲ್ ವಾಹನಗಳಲ್ಲಿ ಕಾಣಿಸಿಕೊಳ್ಳುವುದು ಅನುಮಾನ. ಜೊತೆಗೆ ಭಾರತದಲ್ಲಿ ಬಿಡುಗಡೆಯಾಗುವುದು ಸಹ ಅನುಮಾನ. ಶೀಘ್ರದಲ್ಲೇ ಈ ಟಯರ್ಗಳು ಅತ್ಯಂತ ದುಬಾರಿ ಬೆಲೆಯ ಹೈ ಎಂಡ್ ಕಾರುಗಳಲ್ಲಿ ಕಂಡು ಬರಲಿವೆ.