Just In
- 10 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 10 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 12 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 13 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದ ಪ್ರಭಾವಿ ರಾಜಕಾರಣಿಗಳ ಬಳಿಯಿರುವ ಕಾರುಗಳಿವು
ಉನ್ನತ ಸ್ಥಾನದಲ್ಲಿರುವ ರಾಜಕಾರಣಿಗಳಿಗೆ ಸರ್ಕಾರವೇ ಕಾರುಗಳನ್ನು ಒದಗಿಸುತ್ತದೆ. ಆದರೆ ನಮ್ಮ ರಾಜಕಾರಣಿಗಳು ಸರ್ಕಾರವು ನಿಗದಿಪಡಿಸಿದ ಸರ್ಕಾರಿ ಕಾರುಗಳಿದ್ದರೂ ಸುರಕ್ಷತೆ ಅಥವಾ ಐಷಾರಾಮಿ ಕಾರುಗಳು ವ್ಯಾಮೋಹಕ್ಕೆ ಸಿಲುಕಿ ಸ್ವಂತ ಕಾರುಗಳನ್ನು ಹೆಚ್ಚಾಗಿ ಬಳಸುತ್ತಾರೆ.
ಕೇವಲ ಸಿನಿಮಾ ತಾರೆಯರಿಗೆ ಅಥವಾ ಉದ್ಯಮಗಳಿಗೆ ಮಾತ್ರವಲ್ಲ ರಾಜಕಾರಣಿಗಳಿಗೂ ಕಾರುಗಳ ಕ್ರೇಜ್ ಹೆಚ್ಚಿದೆ. ಅದೊಂದು ಕಾಲವಿತ್ತು ಎಲ್ಲಾ ರಾಜಕಾರಣಿಗಳು ಒಂದೇ ಮಾದರಿಯ ಅಂಬಾಸಿಡರ್ ಕಾರ್ ಅನ್ನು ಬಳಸುತ್ತಿದ್ದರು. ಆದರೆ ಇಂದು ವಿಶ್ವದ ಕೆಲವು ದುಬಾರಿ ಮತ್ತು ಸುರಕ್ಷಿತ ಎಸ್ಯುವಿಗಳನ್ನು ಭಾರತದ ಪ್ರಭಾವಿ ರಾಜಕಾರಣಿಗಳು ಬಳಸುತ್ತಾರೆ. ಭಾರತದ ಪ್ರಭಾವಿ ರಾಜಕಾರಣಿಗಳು ಬಳಸುವ ಎಸ್ಯುವಿಗಳ ಮಾಹಿತಿ ಇಲ್ಲಿವೆ.
ನರೇಂದ್ರ ಮೋದಿ
ಟೊಯೊಟಾ ಲ್ಯಾಂಡ್ ಕ್ರೂಸರ್
ಪ್ರಧಾನಿ ನರೇಂದ್ರ ಮೋದಿಯವರು ಬಿಎಂಡಬ್ಲ್ಯು-7 ಸೀರಿಸ್ ಮತ್ತು ಲ್ಯಾಂಡ್ ರೋವರ್ ಎಸ್ಯುವಿಯನ್ನು ಬಳಸುತ್ತಾರೆ. ಇತ್ತೀಚಿಗೆ ಹೆಚ್ಚಿನ ಸುರಕ್ಷಿತ ಒದಗಿಸಿದ ಬುಲೆಟ್ಫ್ರೂಫ್ ಟೊಯೊಟಾ ಲ್ಯಾಂಡ್ ಕ್ರೂಸರ್ ಎಸ್ಯುವಿಯನ್ನು ಕೂಡ ಬಳಸುತ್ತಾರೆ. ಪ್ರಧಾನಿಯವರುಬಳಸುವ ಕಪ್ಪು ಬಣ್ಣದ ಟೊಯೊಟಾ ಲ್ಯಾಂಡ್ ಕ್ರೂಸರ್ ಎಸ್ಯುವಿಯು ಬುಲೆಟ್ ಫ್ರೂಫ್ ಆಗಿದ್ದು, ಸಣ್ಣ ಬಾಂಬುಗಳ ದಾಳಿಯಾದರೂ ಯಾವುದೇ ಹಾನಿ ಉಂಟಾಗುವುದಿಲ್ಲ.
ರೇಂಜ್ ರೋವರ್
ಪ್ರಧಾನ ಮಂತ್ರಿ ನರೇಂದ್ರ ಮೋದಿರವರು ವಿಶೇಷವಾಗಿ ತಯಾರಿಸಲಾಗಿರುವ ರೇಂಜ್ ರೋವರ್ ಎಸ್ಯುವಿಯನ್ನು ಬಳಸುತ್ತಾರೆ. ಭದ್ರತಾ ಕಾರಣಗಳಿಗಾಗಿ ಈ ವಾಹನವನ್ನು ವಿಶೇಷವಾಗಿ ತಯಾರಿಸಲಾಗಿದೆ. ಈ ರೇಂಜ್ ರೋವರ್ 3.0 ಲೀಟರಿನ ಸೂಪರ್ಚಾರ್ಜ್ದ್ ವಿ6 ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ.
ಸೋನಿಯಾ ಗಾಂಧಿ
ಲ್ಯಾಂಡ್ ರೋವರ್ ರೇಂಚ್ ರೋವರ್
ಎಐಸಿಸಿ ಅಧ್ಯಕ್ಷೆ ಮತ್ತು ಭಾರತದ ಪವರ್ ಫುಲ್ ಮಹಿಳೆಯರಲ್ಲಿ ಒಬ್ಬರಾದ ಸೋನಿಯಾ ಗಾಂಧಿಯವರು ಕಪ್ಪು ಬಣ್ಣದ ಲ್ಯಾಂಡ್ ರೋವರ್ ಅನ್ನು ಬಳಸುತ್ತಾರೆ. ಈ ಎಸ್ಯುವಿಯನ್ನು ಹೆಚ್ಚಾಗಿ ದೆಹಲಿಯಲ್ಲಿ ಪ್ರಯಾಣ ಮಾಡಲು ಬಳಸುತ್ತಾರೆ. ಇನ್ನೂ ದೆಹಲಿಯಿಂದ ದೂರ ಪ್ರಯಾಣಕ್ಕೆ ಅವರು ಸುಸಜ್ಜಿತ ಟಾಟಾ ಸಫಾರಿ ಎಸ್ಯುವಿಯನ್ನು ಬಳಸುತ್ತಾರೆ.
ರಾಜ್ ಠಾಕ್ರೆ
ಲ್ಯಾಂಡ್ ಕ್ರೂಸರ್
ಮಹಾರಾಷ್ಟ್ರದ ಪ್ರಭಾವಿ ರಾಜಕಾರಣಿಯಾದ ರಾಜ್ ಠಾಕ್ರೆರವರು ಬೇರೆಲ್ಲಾ ವಾಹನಗಳಿಗಿಂತ ಹೆಚ್ಚಾಗಿ ಟೊಯೊಟಾ ಕಂಪನಿಯ ಲ್ಯಾಂಡ್ ಕ್ರೂಸರ್ ಎಸ್ಯುವಿಯಲ್ಲಿ ಹೆಚ್ಚು ಪ್ರಯಾಣಿಸುತ್ತಾರೆ. ಟೊಯೊಟಾ ಲ್ಯಾಂಡ್ ಕ್ರೂಸರ್ನ ಹೊರತಾಗಿ ಠಾಕ್ರೆರವರ ಬಳಿ ಹಿಂದಿನ ತಲೆಮಾರಿನ ಮರ್ಸಿಡಿಸ್ ಬೆಂಜ್ ಎಸ್ ಕ್ಲಾಸ್ ವಾಹನವಿದೆ.
ರಾಹುಲ್ ಗಾಂಧಿ
ಟೊಯೊಟಾ ಲ್ಯಾಂಡ್ ಕ್ರೂಸರ್
ಕಾಂಗ್ರೆಸ್ ಪಕ್ಷದ ನಾಯಕ ರಾಹುಲ್ ಗಾಂಧಿರವರು ಟೊಯೊಟಾ ಲ್ಯಾಂಡ್ ಕ್ರೂಸರ್ ವಾಹನವನ್ನು ಹೆಚ್ಚು ಬಳಸುತ್ತಾರೆ. ಇದರ ಜೊತೆಗೆ ಲೆಕ್ಸಸ್ ಎಲ್ಎಕ್ಸ್ ಎಸ್ಯುವಿ ಹಾಗೂ ಹೆಚ್ಚಿನ ಸುರಕ್ಷತೆ ಹೊಂದಿರುವ ಟಾಟಾ ಸಫಾರಿ ಕಾರುಗಳನ್ನು ಹೊಂದಿದ್ದಾರೆ.
ಒಮರ್ ಅಬ್ದುಲ್ಲಾ
ರೇಂಜ್ ರೋವರ್
ಜಮ್ಮು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿಗಳಾದ ಒಮರ್ ಅಬ್ದುಲ್ಲಾರವರು ಅನೇಕ ಕಾರುಗಳನ್ನು ಹೊಂದಿದ್ದರೂ ಸಹ ತಮ್ಮ ನೆಚ್ಚಿನ ರೇಂಜ್ ರೋವರ್ ಕಾರ್ ಅನ್ನು ಹೆಚ್ಚು ಬಳಸುತ್ತಾರೆ. ಒಮರ್ ಅಬ್ದುಲ್ಲಾರವರು ಹೆಚ್ಚಾಗಿ ತಮ್ಮ ಕಾರನ್ನು ತಾವೇ ಚಾಲನೆ ಮಾಡುತ್ತಾರೆ.
ಕಿರಣ್ ಬೇಡಿ
ಮರ್ಸಿಡಿಸ್ ಜಿಎಲ್ - ಕ್ಲಾಸ್
ಭಾರತದ ಮೊಟ್ಟ ಮೊದಲ ಮಹಿಳಾ ಐಪಿಎಸ್ ಅಧಿಕಾರಿ ಕಿರಣ್ ಬೇಡಿರವರು ತಮ್ಮ ಉದ್ಯೋಗವನ್ನು ತ್ಯಜಿಸಿದ ನಂತರ ರಾಜಕೀಯಕ್ಕೆ ಬಂದರು. ಬೇಡಿರವರ ನೆಚ್ಚಿನ ಕಾರು ಮರ್ಸಿಡಿಸ್ ಜಿಎಲ್ - ಕ್ಲಾಸ್ ಆಗಿದೆ. ಈ ಬೆಂಝ್ ಎಸ್ಯುವಿಯನ್ನು ಕಿರಣ್ ಬೇಡಿಯವರು ಹೆಚ್ಚಾಗಿ ಬಳಸುತ್ತಾರೆ.
ರಜನಿಕಾಂತ್
ಬಿಎಂಡಬ್ಲ್ಯು ಎಕ್ಸ್5
ರಜನಿಕಾಂತ್ರವರು ಭಾರತದಲ್ಲಿ ಅತಿಹೆಚ್ಚು ಜನಪ್ರಿಯತೆಯನ್ನು ಹೊಂದಿರುವ ಚಿತ್ರನಟರಲ್ಲಿ ಒಬ್ಬರಾಗಿದ್ದಾರೆ.ತಮಿಳು ಚಿತ್ರರಂಗದ ದಂತಕಥೆ ಹಾಗೂ ಈಗ ರಾಜಕಾರಣಿಯಾಗಿರುವ ರಜನಿಕಾಂತ್ರವರ ಬಳಿ ಲಗ್ಷುರಿಗೆ ಹೆಸರಾಗಿರುವ ಬಿಎಂಡಬ್ಲ್ಯು ಎಕ್ಸ್5 ವಾಹನವಿದೆ. ಇದರ ಜೊತೆಗೆ ರಜನಿಕಾಂತ್ ರವರು ಹಳೆಯ ತಲೆಮಾರಿನ ಟೊಯೊಟಾ ಇನೋವಾ ಎಂಪಿವಿಯನ್ನು ಸಹ ಹೊಂದಿದ್ದಾರೆ.
ನವಜೋತ್ ಸಿದ್ದು
ಲ್ಯಾಂಡ್ ಕ್ರೂಸರ್
ಮಾಜಿ ಕ್ರಿಕೆಟಿಗ ಹಾಗೂ ರಾಜಕಾರಣಿ ನವಜೋತ್ ಸಿದ್ದು ತಮ್ಮ ಕ್ರಿಕೆಟ್ ಕಾಮೆಂಟ್ರಿ ಮೂಲಕ ಹೆಸರಾದವರು. ಸಿಕ್ಸರ್ ಸಿದ್ದು ಎಂದೇ ಖ್ಯಾತರಾಗಿದ್ದ ಸಿದ್ದುರವರು ಲ್ಯಾಂಡ್ ಕ್ರೂಸರ್ ಎಸ್ಯುವಿಯನ್ನು ಹೊಂದಿದ್ದಾರೆ. ಪಂಜಾಬ್ನಲ್ಲಿ ಲ್ಯಾಂಡ್ ಕ್ರೂಸರ್ ವಾಹನಗಳು ಹೆಚ್ಚು ಜನಪ್ರಿಯವಾಗಿವೆ.