ಕೋಟಿ ಬೆಲೆಯ ಹುರಾಕನ್ ಕಾರಿನಂತೆ ತಯಾರಾದ ಸಾಮಾನ್ಯ ಕಾರು

ಭಾರತದಲ್ಲಿ ಲ್ಯಾಂಬೊರ್ಗಿನಿಯ ಕಾರುಗಳನ್ನು ಹೊಂದುವುದು ಪ್ರತಿಷ್ಟೆಯ ಸಂಕೇತವಾಗಿದೆ. ಲ್ಯಾಂಬೊರ್ಗಿನಿ ಕೈಗಾರಿಕೋದ್ಯಮಿಗಳ ಹಾಗೂ ಚಲನಚಿತ್ರ ನಟರ ನೆಚ್ಚಿನ ಕಾರ್ ಆಗಿದೆ. ಲ್ಯಾಂಬೊರ್ಗಿನಿಯ ಕಾರುಗಳ ಬೆಲೆ ಕೋಟಿಗಟ್ಟಲೇ ಇರುವುದರಿಂದ ಈ ಕಾರು ಖರೀದಿಸುವುದು ಸಾಮಾನ್ಯ ಜನರಿಗೆ ಕನಸಿನ ಮಾತು. ಆದರೂ ಕೆಲವರು ತಮ್ಮ ಹವ್ಯಾಸಕ್ಕಾಗಿ ಈ ಕಾರನ್ನು ಸ್ವತಃ ವಿನ್ಯಾಸಗೊಳಿಸುತ್ತಿದ್ದಾರೆ.

ಪಂಜಾಬ್‌ನ ಕಾರ್ ಮಾಡೆಲಿಂಗ್ ಅಂಗಡಿಯೊಂದು ಲ್ಯಾಂಬೊರ್ಗಿನಿ ಹುರಾಕನ್ ಕಾರಿನ ನಕಲು ಮಾದರಿಯನ್ನು ತಯಾರಿಸಿದೆ. ಈ ಕಾರಿನ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಲ್ಯಾಂಬೊರ್ಗಿನಿ ಹುರಾಕನ್‌ ಕಾರಿನಂತೆಯೇ ಈ ಕಾರನ್ನು ವಿನ್ಯಾಸಗೊಳಿಸುವ ಪ್ರಯತ್ನ ಮಾಡಲಾಗಿದೆ.

MOSTREAD: ಕರೋನಾ ವೈರಸ್ ಎಫೆಕ್ಟ್: ಭಾರೀ ಪ್ರಮಾಣದಲ್ಲಿ ಕುಸಿದ ಇಂಧನ ಮಾರಾಟ

ಸಾಮಾನ್ಯ ಮಾಡೆಲಿಂಗ್ ಅಂಗಡಿಯಲ್ಲಿ ತಯಾರಿಸಿದ ಈ ಹುರಾಕನ್ ಕಾರಿನ ವಿನ್ಯಾಸ ಹಾಗೂ ಫಿನಿಷಿಂಗ್ ನಿಜವಾದ ಕಾರಿಗೆ ಯಾವುದೇ ರೀತಿಯಲ್ಲೂ ಸಾಟಿಯಾಗುವುದಿಲ್ಲ. ಆದರೆ ಈ ಕಾರು ರಸ್ತೆಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಂತೆ ಜನರು ಇದನ್ನು ನಿಜವಾದ ಕಾರು ಎಂದೇ ಪರಿಗಣಿಸಿದ್ದರು.

ಸಾಮಾನ್ಯ ಕಾರೊಂದನ್ನು ಲ್ಯಾಂಬೊರ್ಗಿನಿ ಹುರಾಕನ್‌ ಕಾರಿನಂತೆ ವಿನ್ಯಾಸಗೊಳಿಸಲಾಗಿದೆ. ನಿಜವಾದ ಹುರಾಕನ್‌ ಕಾರಿನಲ್ಲಿ ಹಲವಾರು ಐಷಾರಾಮಿ ಫೀಚರ್‌ಗಳಿದ್ದರೆ, ಈ ಮಾಡಿಫೈಗೊಂಡ ಕಾರಿನಲ್ಲಿ ಆ ರೀತಿಯ ಯಾವುದೇ ಫೀಚರ್‌ಗಳಿಲ್ಲ. ಕಾರಿನ ಬಂಪರ್, ಬಾನೆಟ್, ಹೆಡ್‌ಲೈಟ್ ಹಾಗೂ ಹಿಂಭಾಗವನ್ನು ಲ್ಯಾಂಬೊರ್ಗಿನಿ ಹುರಾಕನ್‌ ಕಾರಿನಂತೆಯೇ ವಿನ್ಯಾಸಗೊಳಿಸುವ ಪ್ರಯತ್ನ ಮಾಡಲಾಗಿದೆ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ಲ್ಯಾಂಬೊರ್ಗಿನಿ ಹುರಾಕನ್ ಕಾರ್ ಅನ್ನು ಭಾರತದಲ್ಲಿ 2017ರಲ್ಲಿ ಬಿಡುಗಡೆಗೊಳಿಸಲಾಯಿತು. ಲ್ಯಾಂಬೊರ್ಗಿನಿ ಹುರಾಕನ್ ಪ್ರಪಂಚದ ಅತ್ಯಂತ ಐಷಾರಾಮಿ ಕಾರುಗಳಲ್ಲಿ ಒಂದಾಗಿದೆ. ಈ ಕಾರಿನಲ್ಲಿ ಅಳವಡಿಸಲಾಗಿರುವ 5.2-ಲೀಟರ್ ಆಸ್ಪಿರೇಟೆಡ್ ವಿ 10 ಎಂಜಿನ್, 631 ಬಿಹೆಚ್‌ಪಿ ಪವರ್ ಹಾಗೂ 600 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.

ಇದು ಫೋರ್ ವ್ಹೀಲ್ ಡ್ರೈವ್ ಕಾರ್ ಆಗಿದ್ದು, ನಾಲ್ಕು ವ್ಹೀಲ್‌ಗಳಿಗೂ ಪವರ್ ನೀಡುತ್ತದೆ. ಈ ಕಾರಿನಲ್ಲಿ 7-ಸ್ಪೀಡಿನ ಡ್ಯುಯಲ್ ಕ್ಲಚ್ ಗೇರ್ ಬಾಕ್ಸ್ ನೀಡಲಾಗಿದೆ. ಈ ಕಾರಿನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 325 ಕಿ.ಮೀಗಳಾಗಿದೆ.