Just In
- 5 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 5 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 7 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 7 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೆಕ್ಟರ್ ಕಾರಿಗೆ ಬೆಂಕಿ ಬಿದ್ದ ಬಗ್ಗೆ ಸ್ಪಷ್ಟನೆ ನೀಡಿದ ಎಂಜಿ ಮೋಟಾರ್
ಕಳೆದ ವಾರ ಹರಿಯಾಣದಲ್ಲಿ ಎಂಜಿ ಹೆಕ್ಟರ್ ಕಾರಿಗೆ ಬೆಂಕಿ ಬಿದ್ದ ಬಗ್ಗೆ ವರದಿಯಾಗಿತ್ತು. ಈಗ ಈ ಬಗ್ಗೆ ಎಂಜಿ ಮೋಟಾರ್ ಇಂಡಿಯಾ ಅಧಿಕೃತವಾದ ಹೇಳಿಕೆಯೊಂದನ್ನು ಬಿಡುಗಡೆಗೊಳಿಸಿದೆ. ಈ ಹೇಳಿಕೆಯಲ್ಲಿ ಎಂಜಿ ಹೆಕ್ಟರ್ ಕಾರಿಗೆ ಯಾವ ಕಾರಣಕ್ಕೆ ಬೆಂಕಿ ಬಿದ್ದಿತ್ತು ಎಂಬ ಬಗ್ಗೆ ಸ್ಪಷ್ಟನೆ ನೀಡಿದೆ.
ಎಂಜಿ ಹೆಕ್ಟರ್ ಕಾರಿಗೆ ಬೆಂಕಿ ಬಿದ್ದ ಬಗ್ಗೆ ಎಂಜಿ ಮೋಟಾರ್ ಕೂಲಂಕುಷವಾದ ತನಿಖೆಯನ್ನು ಕೈಗೊಂಡಿತ್ತು. ಈ ತನಿಖೆಯಲ್ಲಿ ಹೆಕ್ಟರ್ ಕಾರಿಗೆ ಬೆಂಕಿ ಬಿದ್ದ ಕಾರಣಗಳು ತಿಳಿದು ಬಂದಿವೆ. ಇದರ ಪ್ರಕಾರ ಎಂಜಿನ್ ಬೇನಲ್ಲಿ ಇಡಲಾಗಿದ್ದ ವಸ್ತುವೊಂದರ ಕಾರಣಕ್ಕೆ ಹೆಚ್ಚು ಟೆಂಪರೆಚರ್ನಿಂದಾಗಿ ಬೆಂಕಿ ಹೊತ್ತಿ ಕೊಂಡಿದೆ.
ಕಳೆದ ವಾರ ಎಂಜಿ ಹೆಕ್ಟರ್ ಕಾರಿಗೆ ಬೆಂಕಿ ಬಿದ್ದ ವೀಡಿಯೊ ವೈರಲ್ ಆಗಿತ್ತು. ಈ ವೀಡಿಯೊವನ್ನು ಸಾವಿರಾರು ಜನರು ವೀಕ್ಷಿಸಿದ್ದರೆ, ನೂರಾರು ಜನರು ಶೇರ್ ಮಾಡಿದ್ದರು. ಕೆಲವು ಜನರು ಎಂಜಿ ಮೋಟಾರ್ ಕಳಪೆ ದರ್ಜೆಯ ಕಾರ್ ಅನ್ನು ತಯಾರಿಸಿದೆ ಎಂದು ಕಂಪನಿಯನ್ನೇ ದೂಷಿಸಿದ್ದರು.
ಇನ್ನೂ ಕೆಲವರು ಈ ಬಗ್ಗೆ ಕಂಪನಿಯು ಅಧಿಕೃತ ತನಿಖೆಯನ್ನು ನಡೆಸುವಂತೆ ಆಗ್ರಹಿಸಿದ್ದರು. ಎಂಜಿ ಮೋಟಾರ್ ಒಂದು ತನಿಖೆಯ ಬದಲು ಎರಡು ತನಿಖೆಗಳನ್ನು ನಡೆಸಿತ್ತು. ತನಿಖೆ ಪೂರ್ಣಗೊಂಡ ನಂತರ ಎಂಜಿ ಕಂಪನಿಯು ಅಧಿಕೃತ ಹೇಳಿಕೆಯನ್ನು ಬಿಡುಗಡೆಗೊಳಿಸಿದೆ.
ಈ ಹೇಳಿಕೆಯಲ್ಲಿ, ನಾವು ತನಿಖೆಗಾಗಿ ಎರಡು ಟೀಂ ರಚಿಸಿದ್ದೇವು. ಒಂದು ಟೀಂನಲ್ಲಿ ನಮ್ಮ ಕಂಪನಿಯ ಪರಿಣಿತ ಎಂಜಿನಿಯರ್ಗಳಿದ್ದರು. ಇನ್ನೊಂದು ಟೀಂನಲ್ಲಿ ಸರ್ಕಾರದ ನೇತೃತ್ವದಲ್ಲಿ ಹೊರಗಡೆಯ ತಂಡವನ್ನು ರಚಿಸಿ, ಕಾರಿಗೆ ಬೆಂಕಿ ಬೀಳಲು ಕಾರಣವೇನು ಎಂಬುದನ್ನು ತಿಳಿಸಲು ಸೂಚಿಸಲಾಗಿತ್ತು ಎಂದು ಹೇಳಿದೆ.
ಈ ಎರಡು ಟೀಂಗಳು ನಡೆಸಿದ ತನಿಖೆಯಲ್ಲಿಯೂ ಒಂದೇ ರೀತಿಯಾಗಿ ವರದಿಯಾಗಿದೆ. ತನಿಖೆಯಲ್ಲಿ ಇಂಟರ್ನಲ್ ವೈರಿಂಗ್, ಎಲೆಕ್ಟ್ರಿಕ್ ಕನೆಕ್ಷನ್, ಆಯಿಲ್ ಹಾಗೂ ಫ್ಯೂಯಲ್ ಲೈನ್ಗಳು ಒಂದಕ್ಕೊಂದು ತಾಗಿ ಬೆಂಕಿ ಬಿದ್ದಿದೆ ಎಂದು ಹೇಳಲಾಗಿದೆ.
ಎಂಜಿನ್ ಬೇನಲ್ಲಿ ಇಟ್ಟಿದ್ದ ವಸ್ತುವಿನ ಕಾರಣಕ್ಕೆ ಬೆಂಕಿ ಬಿದ್ದಿದೆ ಎಂದು ಎಂಜಿ ಮೋಟಾರ್ ಹೇಳಿದೆ. ಕಾರಿನ ಹೈ ಟೆಂಪರೇಚರ್ ಜೋನ್ ಎಂದು ಹೇಳಲಾಗುವ ಎಕ್ಸಾಸ್ಟ್ ಮ್ಯಾನಿಫೋಲ್ಡ್ ಬಳಿಯಲ್ಲಿ ಕಾರ್ ಅನ್ನು ಒರೆಸಲು ಇಟ್ಟಿದ್ದ ಬಟ್ಟೆಯು ಸುಟ್ಟು ಕರಕಲಾದ ಸ್ಥಿತಿಯಲ್ಲಿ ಪತ್ತೆಯಾಗಿದೆ.
ಮೊದಲೇ ಹೈ ಟೆಂಪರೇಚರ್ ಜೋನ್ ಆದ ಕಾರಣಕ್ಕೆ ಬಟ್ಟೆಗೆ ಬೆಂಕಿ ಬಿದ್ದು, ನಂತರ ಕಾರಿನ ಇತರ ಭಾಗಗಳಿಗೆ ಬೆಂಕಿಯು ಹರಡಿದೆ. ಇದರಿಂದಾಗಿ ವೀಡಿಯೊದಲ್ಲಿ ಕಂಡು ಬಂದಂತೆ ಕಾರಿನ ಮುಂಭಾಗವು ಸಂಪೂರ್ಣವಾಗಿ ಬೆಂಕಿಗೆ ಆಹುತಿಯಾಗಿದೆ.
ಎಂಜಿ ಕಂಪನಿಯ ಹೇಳಿಕೆಯಲ್ಲಿ ಈ ಕಾರಿನ ಮಾಲೀಕನು ಸಹ ಎಂಜಿ ಮೋಟಾರ್ನ ಕಾರ್ಯ ವೈಖರಿಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿರುವುದನ್ನು ಸಹ ಹೇಳಲಾಗಿದೆ. ಕಂಪನಿಯ ತನಿಖೆಯ ಬಗ್ಗೆ ಮಾಲೀಕನು ಮೆಚ್ಚುಗೆ ವ್ಯಕ್ತಪಡಿಸಿರುವುದನ್ನು ಸಹ ಹೇಳಲಾಗಿದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಎಂಜಿ ಮೋಟಾರ್ ಇಂಡಿಯಾ ಹೆಕ್ಟರ್ ಕಾರಿಗೆ ಬೆಂಕಿ ಬಿದ್ದಿರುವ ಘಟನೆಯನ್ನು ಸೂಕ್ತ ತನಿಖೆಯ ಮೂಲಕ ಜವಾಬ್ದಾರಿಯುತವಾಗಿ ನಿರ್ವಹಿಸಿದೆ. ಕಾರಿನ ಮಾಲೀಕನು ಎಂಜಿ ಮೋಟಾರ್ನ ಕಾರ್ಯವೈಖರಿಯ ಬಗ್ಗೆ ಮೆಚ್ಚುಗೆ ಸೂಚಿಸಿದ್ದರೂ, ಕಾರು ಮಾಲೀಕರು ಕಾರುಗಳನ್ನು ಸೂಕ್ತವಾಗಿ ಮೆಂಟೆನೆನ್ಸ್ ಮಾಡಬೇಕೆಂಬುದಕ್ಕೆ ಈ ಘಟನೆಯು ಸಾಕ್ಷಿಯಾಗಿದೆ.
ಮೆಂಟೆನೆನ್ಸ್ ಎಂಬುದು ಸರಿಯಾದ ಸಮಯಕ್ಕೆ ಸರ್ವಿಸ್ ಮಾಡುವುದು ಮಾತ್ರವಲ್ಲದೇ ಅಪಾಯಕಾರಿ ಸ್ಥಳಗಳಲ್ಲಿ ಸುಲಭವಾಗಿ ಬೆಂಕಿ ಬೀಳುವ ಬಟ್ಟೆಯಂತಹ ವಸ್ತುಗಳನ್ನು ಇಡದೇ ಇರುವುದು ಸಹ ಸೇರಿದೆ.