Just In
- 1 hr ago ಯುವಕರಿಗೆ ಸಿಹಿಸುದ್ದಿ: ಕೈಗೆಟುಕುವ ಬೆಲೆ, ಮಾಸ್ ಲುಕ್ನಲ್ಲಿ ಬರುತ್ತಿದೆ ಹೊಸ ಬಜಾಜ್ ಪಲ್ಸರ್ 400 ಬೈಕ್
- 2 hrs ago Ola: ಓಲಾದಿಂದ ಕಡಿಮೆ ಬೆಲೆಯ 'ಎಸ್1 ಎಕ್ಸ್' ಎಲೆಕ್ಟ್ರಿಕ್ ಸ್ಕೂಟರ್ ಬಗ್ಗೆ ದೊಡ್ಡ ಘೋಷಣೆ.. ಏನದು?
- 3 hrs ago ಫೋಕ್ಸ್ವ್ಯಾಗನ್ ವರ್ಟಸ್ ಕಾರಿಗೆ ಮನಸೋತ ಗ್ರಾಹಕರು: ಭಾರೀ ಬೇಡಿಕೆ
- 4 hrs ago ಸಾಮಾನ್ಯರಂತೆ ಹಳ್ಳಿಯಲ್ಲಿರುವ ದೇಶದ 55ನೇ ಶ್ರೀಮಂತ ಶ್ರೀಧರ್ ವೆಂಬು: ಕಚೇರಿಗೆ ಹೋಗಲು ಎಲೆಕ್ಟ್ರಿಕ್ ಆಟೋ ಖರೀದಿ!
Don't Miss!
- News ಶಿವಮೊಗ್ಗ ಲೋಕಸಭಾ ಕ್ಷೇತ್ರ: ಶಾಂತಿಯುತ ಮತದಾನಕ್ಕಾಗಿ ಅಧಿಕಾರಿಗಳಿಗೆ ಖಡಕ್ ಸೂಚನೆ
- Movies Sathya : ತಾಜ್ ಮಹಲ್ ಎದುರು ನಿಂತ ಸತ್ಯಾ, ಪತಿ ಜೊತೆ ಗೌತಮಿ ಪ್ರವಾಸ...!
- Sports ಟಿ20 ವಿಶ್ವಕಪ್-2024: "ಬಾಗಿಲು ಮುಚ್ಚಿದ್ದೇನೆ" ಎಂದಿದ್ದೇಕೆ ಸ್ಪಿನ್ ಮಾಂತ್ರಿಕ ನರೈನ್
- Lifestyle ರೆಸಿಪಿ: ಮಾವಿನ ಕಾಯಿ ತುರಿದು ಮಾಡುವ ಉಪ್ಪಿನಕಾಯಿ, ಎಣ್ಣೆ ಬಳಸಿಲ್ಲ, ವರ್ಷದವರೆಗೆ ಇಡಲೂ ಬಹುದು
- Technology Google: ಗೂಗಲ್ ಪಿಕ್ಸೆಲ್ 8a ಬೆಲೆ ಮಾಹಿತಿ ಲೀಕ್! ಈ ಫೋನ್ ಫೀಚರ್ಸ್ ಏನು?
- Finance ಇನ್ಮುಂದೆ ನಿಮ್ಮ ಜಮೀನಿನಲ್ಲಿ ನೀವು ಮನೆ ಕಟ್ಟೋದಕ್ಕೂ ಸರ್ಕಾರದ ಅನುಮತಿ ಅಗತ್ಯ, ಏನಿದು ಹೋಸ ನಿಯಮ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಏಪ್ರಿಲ್ನಿಂದ ಏರಿಕೆಯಾಗಲಿದೆ ಟೋಲ್ ಶುಲ್ಕ
ಟೋಲ್ಗಳಲ್ಲಿ ಉಂಟಾಗುತ್ತಿದ್ದ ವಾಹನ ದಟ್ಟಣೆಯನ್ನು ಕಡಿಮೆಗೊಳಿಸುವ ಕಾರಣಕ್ಕೆ ಕೇಂದ್ರ ಸರ್ಕಾರವು ಫಾಸ್ಟ್ ಟ್ಯಾಗ್ಗಳನ್ನು ಕಡ್ಡಾಯಗೊಳಿಸಿದೆ. ಫಾಸ್ಟ್ ಟ್ಯಾಗ್ಗಳನ್ನು ಅಳವಡಿಸಿಕೊಂಡ ನಂತರವೂ ವಾಹನ ದಟ್ಟಣೆ ಕಡಿಮೆಯಾಗಿಲ್ಲ.
ಈಗ ಫಾಸ್ಟ್ ಟ್ಯಾಗ್ಗಳನ್ನು ಅಳವಡಿಸಿಕೊಂಡು ಶುಲ್ಕ ಪಾವತಿಸದೇ ವಂಚಿಸುತ್ತಿರುವ ಘಟನೆಗಳು ವರದಿಯಾಗುತ್ತಿವೆ. ಫಾಸ್ಟ್ ಟ್ಯಾಗ್ ಯೋಜನೆಯನ್ನು ಸರಿಯಾಗಿ ಅಳವಡಿಸಲಾಗಿಲ್ಲ ಎಂಬ ಆರೋಪಗಳೂ ಸಹ ಕೇಳಿಬರುತ್ತಿವೆ. ಈಗ ಟೋಲ್ ಶುಲ್ಕವನ್ನು ಹೆಚ್ಚಿಸಲಾಗುವುದು ಎಂಬ ವರದಿಯಾಗಿದೆ.
ವರದಿಗಳ ಪ್ರಕಾರ, ಮುಂಬೈ ಹಾಗೂ ಪುಣೆ ನಗರಗಳ ನಡುವೆ ಇರುವ ಟೋಲ್ಗಳಲ್ಲಿನ ಶುಲ್ಕವನ್ನು ರೂ.40ರಿಂದ ರೂ.280ಗಳವರೆಗೆ ಹೆಚ್ಚಿಸಲಾಗುವುದು. ಇದರ ಜೊತೆಗೆ ಮುಂಬೈ ಹಾಗೂ ಲೋನಾವಾಲಾ ಟೋಲ್ಗಳ ಶುಲ್ಕವನ್ನು ಸಹ ಹೆಚ್ಚಿಸಲಾಗುವುದು.
ಈ ನಗರಗಳ ಮಧ್ಯೆ ಇರುವ ಟೋಲ್ಗಳ ಶುಲ್ಕವನ್ನು ರೂ.30ರಿಂದ ರೂ.210ರವರೆಗೆ ಏರಿಸಲಾಗುವುದು. ಸದ್ಯಕ್ಕೆ ಮುಂಬೈ - ಲೋನಾವಾಲಾ ನಡುವೆ ಸಂಚರಿಸುವ ಕಾರುಗಳಿಗೆ ರೂ.173 ಶುಲ್ಕ ವಿಧಿಸಲಾಗುತ್ತಿದೆ. ಬೆಲೆ ಏರಿಕೆಯ ನಂತರ ರೂ.203 ಶುಲ್ಕ ವಿಧಿಸಲಾಗುವುದು.
ಸದ್ಯಕ್ಕೆ ಮಿನಿ ಬಸ್ಸುಗಳಿಗೆ ರೂ.266 ಶುಲ್ಕ ವಿಧಿಸಲಾಗುತ್ತಿದೆ. ಏಪ್ರಿಲ್ನಿಂದ ರೂ.315 ವಿಧಿಸಲಾಗುವುದು. ಟೂ ಆಕ್ಸೆಲ್ ಟ್ರಕ್ಗಳ ಶುಲ್ಕವನ್ನು ರೂ.370ರಿಂದ ರೂ.435ಗಳಿಗೆ, ಬಸ್ಸುಗಳ ಶುಲ್ಕವನ್ನು ರೂ.506ರಿಂದ ರೂ.597ಗಳಿಗೆ ಹಾಗೂ ಟ್ರಕ್ಗಳ ಶುಲ್ಕವನ್ನು ರೂ.876ರಿಂದ ರೂ.1,035ಗಳಿಗೆ ಹೆಚ್ಚಿಸಲಾಗುವುದು.
ಮುಂಬೈ - ಲೋನಾವಾಲಾ ಟೋಲ್ನಂತೆಯೇ ಮುಂಬೈ - ಪುಣೆ ಟೋಲ್ಗಳ ಶುಲ್ಕವನ್ನು ಸಹ ಹೆಚ್ಚಿಸಲಾಗುವುದು. ಈ ಟೋಲ್ನಲ್ಲಿ ಕಾರುಗಳಿಗೆ ಸದ್ಯಕ್ಕೆ ರೂ.230 ಶುಲ್ಕವನ್ನು ವಿಧಿಸಲಾಗುತ್ತಿದೆ. ಬೆಲೆ ಹೆಚ್ಚಳದ ನಂತರ ರೂ.270 ಶುಲ್ಕವನ್ನು ವಿಧಿಸಲಾಗುವುದು.
ಮಿನಿ ಬಸ್ಸುಗಳ ಟೋಲ್ ಶುಲ್ಕವನ್ನು ರೂ.420ಗಳಿಗೆ ಹೆಚ್ಚಿಸಲಾಗುವುದು. ಟೂ ಆಕ್ಸೆಲ್ ಟ್ರಕ್ಗಳ ಬೆಲೆಯನ್ನು ರೂ.87ನಷ್ಟು ಹೆಚ್ಚಿಸಲಾಗುವುದು. ಬಸ್ಸುಗಳ ಟೋಲ್ ಶುಲ್ಕವನ್ನು ರೂ.675ಗಳಿಂದ ರೂ.797ಗಳಿಗೆ ಹೆಚ್ಚಿಸಲಾಗುವುದು.
ಟ್ರಕ್ಗಳ ಟೋಲ್ ಶುಲ್ಕವನ್ನು ರೂ.1,168ಗಳಿಂದ ರೂ.1,380ಗಳಿಗೆ ಹೆಚ್ಚಿಸಲಾಗುವುದು. ಟೋಲ್ ಶುಲ್ಕದಲ್ಲಿನ ಹೆಚ್ಚಳವು ವಾಹನ ಸವಾರರು ಹಾಗೂ ಸಾರ್ವಜನಿಕರಿಗೆ ಆಘಾತವನ್ನುಂಟು ಮಾಡಿದೆ. ಟೋಲ್ ಶುಲ್ಕದಲ್ಲಿನ ಹೆಚ್ಚಳವು ಏಪ್ರಿಲ್ 1ರಿಂದ ಜಾರಿಗೆ ಬರಲಿದೆ.
ಟೋಲ್ಗಳಲ್ಲಿ ಶುಲ್ಕವನ್ನು ಹೈವೇಗಳನ್ನು ಅಭಿವೃದ್ಧಿಪಡಿಸಲು ವಿಧಿಸಲಾಗುತ್ತದೆ. ಆದರೆ ಟೋಲ್ ಶುಲ್ಕ ಸಂಗ್ರಹಿಸಲು ಗುತ್ತಿಗೆ ಪಡೆಯುವ ಕಂಪನಿಗಳು ಕೇವಲ ಲಾಭಕ್ಕಾಗಿ ಕಾರ್ಯ ನಿರ್ವಹಿಸುತ್ತಿವೆ. ಯಾವುದೇ ಅಭಿವೃದ್ಧಿಯನ್ನು ಮಾಡುತ್ತಿಲ್ಲ.