Just In
- 3 hrs ago ಪೆಟ್ರೋಲ್ ಎಂಜಿನ್ಗಳಲ್ಲಿ ಮಾತ್ರ ಬರಲಿದೆ ರೆನಾಲ್ಟ್ನ ಬ್ರಹ್ಮಾಸ್ತ್ರ ಡಸ್ಟರ್
- 4 hrs ago Nissan Magnite: ನಿಸ್ಸಾನ್ ಮ್ಯಾಗ್ನೆಟ್ನ ಈ ಮಾದರಿಗಳನ್ನು ಹಿಂಪಡೆಯಲು ನಿರ್ಧಾರ.. ಕಾರಣವೇನು?
- 5 hrs ago Maruti Suzuki: ಮಾರುತಿ ಸುಜುಕಿಯ ಸುರಕ್ಷಿತ ಕಾರುಗಳಿವು.. 8 ಲಕ್ಷ ಆರಂಭಿಕ ಬೆಲೆ
- 5 hrs ago 11 ರೀತಿಯ ವಾಹನಗಳ ಲೈಸೆನ್ಸ್ ಹೊಂದಿರುವ ಅಜ್ಜಿ: ಇವರ ಜೀವನೋತ್ಸಾಹಕ್ಕೆ ನೆಟ್ಟಿಗರು ಫಿಧಾ
Don't Miss!
- News Dharwad: ಧಾರವಾಡದ ಒಂದೇ ಫ್ಲಾಟ್ನಲ್ಲಿ ₹18 ಕೋಟಿ ಹಣ ಜಪ್ತಿ ಮಾಡಿದ ಐಟಿ ಅಧಿಕಾರಿಗಳು
- Movies Srirastu shubhamastu: ದತ್ತನ ಮನೆಯಲ್ಲಿ ಜುಗ್ಗನದ್ದೆ ಕಾರುಬಾರು; ತುಳಸಿ ಜೊತೆ ಮಾರ್ಕೆಟ್ಗೆ ಅವಿ
- Sports KKR vs RR IPL 2024: ಸುನಿಲ್ ನರೈನ್ ಚೊಚ್ಚಲ ಐಪಿಎಲ್ ಶತಕ; ರಾಜಸ್ಥಾನ್ಗೆ ಬೃಹತ್ ಗುರಿ ನೀಡಿದ ಕೋಲ್ಕತ್ತಾ
- Lifestyle ಸೌದಿಯಲ್ಲಿ ಮಳೆ, ಪ್ರವಾಹ...ಮರುಭೂಮಿ ಮರೆಯಾಗಿ ನಳನಳಿಸುವ ಹಸಿರು...! ಇದು ಹೇಗೆ ಸಾಧ್ಯ ಗೊತ್ತಾ?
- Finance ಇಸ್ರೇಲ್-ಇರಾನ್ ಯುದ್ಧದ ಪರಿಣಾಮ ಷೇರು ಪೇಟೆಯಲ್ಲಿ ಭಾರಿ ನಷ್ಟ
- Technology YouTube: ಯೂಟ್ಯೂಬ್ ಬಳಕೆದಾರರಿಗೆ ಶಾಕಿಂಗ್ ನ್ಯೂಸ್! ಆಡ್ ಬ್ಲಾಕರ್ ವಿರುದ್ಧ ಸಮರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಾಹನ ಮಾಲೀಕರೇ ಇತ್ತ ಗಮನಿಸಿ: ಡಿಎಲ್ ಮತ್ತು ಆರ್ಸಿ ವಿಚಾರವಾಗಿ ಹೊಸ ನಿಯಮ ಜಾರಿ
ವಾಹನ ಚಾಲನೆ ವೇಳೆ ಚಾಲಕರು ಕಡ್ಡಾಯವಾಗಿ ಡಿಎಲ್ ಮತ್ತು ಆರ್ಸಿ ದಾಖಲೆಗಳನ್ನು ಹೊಂದಿರುವುದನ್ನು ಈಗಾಗಲೇ ಕಡ್ಡಾಯಗೊಳಿಸಿರುವ ಕೇಂದ್ರ ಸರ್ಕಾರವು ಇದೀಗ ಹೊಸ ನಿಯಮ ಜಾರಿ ತಂದಿದ್ದು, ಟ್ರಾಫಿಕ್ ಪೊಲೀಸ್ ತಪಾಸಣೆ ವೇಳೆ ಡಿಎಲ್ ಮತ್ತು ಆರ್ಸಿ ದಾಖಲೆಗಳ ಮೂಲಪ್ರತಿಗಳ ಬದಲಾಗಿ ಡಿಜಿಟಲ್ ಪ್ರತಿ ಪ್ರದರ್ಶನಕ್ಕೆ ಅಸ್ತು ಎಂದಿದೆ.
ವಾಹನಗಳ ದಾಖಲೆಗಳನ್ನು ಸಂಪೂರ್ಣವಾಗಿ ಡಿಜಿಟಲ್ ರೂಪಕ್ಕೆ ತರಲು ಈ ಹಿಂದೆ ಡಿಜಿ ಲಾಕರ್ ಮತ್ತು ಎಂ-ಪರಿವಾಹನ್ ನಂತಹ ಮೊಬೈಲ್ ಅಪ್ಲಿಕೇಷನ್ಗಳನ್ನು ಪರಿಚಯಿಸಿದ್ದ ಸಾರಿಗೆ ಇಲಾಖೆಯು ಡಿಎಲ್ ಮತ್ತು ಆರ್ಸಿ ದಾಖಲೆಗಳನ್ನು ಮಾತ್ರ ಮೂಲಪ್ರತಿಯಲ್ಲಿಯೇ ತಪಾಸಣೆ ವೇಳೆ ತೋರಿಸಬೇಕಾಗಿತ್ತು. ಆದರೆ ಇದೀಗ ಹೊಸ ನೋಟಿಫಿಕೇಶನ್ ಹೊರಡಿಸಿರುವ ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ಡಿಎಲ್ ಮತ್ತು ಆರ್ಸಿ ಪ್ರತಿಗಳನ್ನು ಸಹ ಡಿಜಿಟಲ್ ರೂಪದಲ್ಲೇ ಪ್ರದರ್ಶನ ಮಾಡುವಂತೆ ಆದೇಶ ಹೊರಡಿಸಿದೆ.
ಸಾರಿಗೆ ನಿಯಮಗಳ ಉಲ್ಲಂಘನೆಗಳ ತಡೆಗಾಗಿ ಕೇಂದ್ರ ಸರ್ಕಾರವು 1989ರ ಮೋಟಾರ್ ವೆಹಿಕಲ್ ಕಾಯ್ದೆಯಲ್ಲಿ ನಿರಂತರ ಬದಲಾವಣೆ ತರುತ್ತಿದ್ದು, ಡಿಜಿ ಲಾಕರ್ ಅಥವಾ ಎಂ-ಪರಿವಾಹನ್ ಅಪ್ಲಿಕೇಷನ್ ಮೂಲಕ ಡಿಎಲ್ ಮತ್ತು ಆರ್ಸಿ ತೋರಿಸಿದರೆ ಮಾನ್ಯ ಮಾಡುವುದಾಗಿ ತಿಳಿಸಿದೆ.
ಇಂದಿನಿಂದಲೇ ಹೊಸ ನಿಯಮವು ದೇಶಾದ್ಯಂತ ಅಧಿಕೃತವಾಗಿ ಜಾರಿಗೆ ಬಂದಿದ್ದು, ನಿಯಮ ಉಲ್ಲಂಘನೆ ಕಂಡುಬಂದಲ್ಲಿ ಸಂಬಂಧಪಟ್ಟ ವಾಹನ ಸವಾರರಿಗೆ ಇ-ಚಲನ್ ಮೂಲಕವೇ ದಂಡವಿಧಿಸಲಿದೆ. ಸಾರಿಗೆ ಇಲಾಖೆ ಇ-ಪೋರ್ಟಲ್ನಲ್ಲಿ ಇ-ಚಲನ್ ಲಭ್ಯವಿದ್ದು, ವಾಹನ ಸೀಜ್ ಆದ ವೇಳೆ ನೇರ ದಂಡ ವಸೂಲಿ ಬದಲಾಗಿ ಇ-ಚಲನ್ ನೀಡಲಾಗುತ್ತದೆ.
ಹೊಸ ನಿಯಮದಿಂದಾಗಿ ವಾಹನ ಸವಾರರ ಚಾಲನೆ ವೇಳೆ ಮಾಡುವ ಸಾರಿಗೆ ನಿಯಮ ಉಲ್ಲಂಘನೆ ಮೇಲೆ ಮತ್ತಷ್ಟು ನಿಗಾಯಿಡಲು ಹೊಸ ವ್ಯವಸ್ಥೆ ಸಾಕಷ್ಟು ಅನುಕೂಲಕವಾಗಲಿದ್ದು, ವಾಹನ ಸವಾರರಿಗೆ ಮಾತ್ರವಲ್ಲ ಪೊಲೀಸರ ಕರ್ತವ್ಯ ಮೇಲೂ ನಿಗಾಯಿಡಲು ಈ ಹೊಸ ಸೌಲಭ್ಯವು ಸಹಕಾರಿಯಾಗಿದೆ.
ಒಂದು ವೇಳೆ ನೀವು ನಿಯಮ ಉಲ್ಲಂಘನೆ ಮಾಡಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಾಗ ದಂಡ ಪಾವತಿಗಾಗಿ ಕಡ್ಡಾಯವಾಗಿ ಇ-ಚಲನ್ ಪಡೆಯಲೇಬೇಕಿದ್ದು, ಸಾರಿಗೆ ಪೋರ್ಟಲ್ನಲ್ಲಿ ದಾಖಲಾಗಿರುವ ಪ್ರಕರಣಗಳನ್ನು ತೆಗೆದುಹಾಕಲು ಪೂರ್ಣ ಪ್ರಮಾಣದ ದಂಡ ಪಾವತಿ ಮಾಡಲೇಬೇಕಾಗುತ್ತದೆ.
ಈ ಹಿಂದೆ ಸಾರಿಗೆ ನಿಯಮ ಉಲ್ಲಂಘನೆಯಾದ ಪೊಲೀಸರ ಕೈಗೆ ಸಿಕ್ಕಿಬಿದ್ದರೂ ಕೂಡಾ ಇಂತಿಷ್ಟು ದಂಡ ಪಾವತಿಸಿ ತಪ್ಪಿಸಿಕೊಳ್ಳುತ್ತಿದ್ದ ವಾಹನ ಸವಾರರಿಗೆ ಹೊಸ ನಿಯಮವು ಮತ್ತಷ್ಟು ಕಠಿಣವಾಗಲಿದ್ದು, ಡಿಜಿಟಲ್ ಇಂಡಿಯಾಗೆ ಪೂರಕವಾಗಿ ಸಾರಿಗೆ ಇಲಾಖೆಗೆ ಸಂಬಂಧಿಸಿದ ಪ್ರತಿಯೊಂದು ದಾಖಲೆಗಳನ್ನು ಸಹ ಡಿಜಿಟಲ್ ರೂಪಕ್ಕೆ ತಂದಿರುವುದು ವಾಹನ ಸವಾರರಿಗೂ ಸಾಕಷ್ಟು ಅನುಕೂಲಕರ ಎನ್ನಬಹುದು.
MOST READ: ಪೊಲೀಸರೊಂದಿಗೆ ವಾಗ್ವಾದ ನಡೆಸಿ ಜೈಲು ಸೇರಿದ ಡೆಲಿವರಿ ಗರ್ಲ್
ಇನ್ನು ವಾಹನ ಚಾಲನೆ ಮಾಡುವಾಗ ಮೊಬೈಲ್ ಫೋನ್ ಬಳಕೆ ಮಾಡುವುದು ಭಾರತೀಯ ಮೋಟಾರು ವಾಹನ ಕಾಯ್ದೆಯಡಿ ಅಪರಾಧವಾಗಿದೆ. ಈ ಹಿಂದೆ ವಾಹನ ಚಾಲನೆ ಮಾಡುವಾಗ ಮೊಬೈಲ್ ಫೋನ್ ಬಳಸಿದ ಅನೇಕ ವಾಹನ ಸವಾರರು ಭಾರೀ ಪ್ರಮಾಣದ ದಂಡ ಪಾವತಿಸಿದ್ದಾರೆ.
ಆದರೆ ಇದೀಗ ಕೇಂದ್ರ ಸರ್ಕಾರವು ಈ ನಿಯಮದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿದೆ. ಕೇಂದ್ರ ರಸ್ತೆ ಸಾರಿಗೆ ಹಾಗೂ ಹೆದ್ದಾರಿ ಇಲಾಖೆಯು ಕಾರು ಚಾಲಕರು ಜಿಪಿಎಸ್ ಹಾಗೂ ನ್ಯಾವಿಗೇಷನ್ ಬಳಕೆಗಾಗಿ ಮೊಬೈಲ್ ಪೋನ್ ಗಳನ್ನು ಬಳಸಬಹುದು ಎಂದು ಹೇಳಿದೆ.
MOST READ: ಹೊಸ ಪೊಲೊ ಕಾರು ವಿತರಣೆ ಮಾಡಿದ ಎರಡೇ ನಿಮಿಷದಲ್ಲಿ ನಡೆಯಿತು ಅಪಘಾತ..!
ಈ ಎರಡು ಅಪ್ಲಿಕೇಶನ್ ಗಳ ಬಳಕೆ ಹೊರತುಪಡಿಸಿ ಬೇರೆ ಕಾರಣಕ್ಕೆ ಮೊಬೈಲ್ ಫೋನ್ ಬಳಸಿ ಪೊಲೀಸರಿಗೆ ಸಿಕ್ಕಿ ಬಿದ್ದರೆ ಕಠಿಣ ಕ್ರಮ ಕೈಗೊಳ್ಳಲಾಗುವುದೆಂದು ಸೂಚಿಸಲಾಗಿದೆ. ಕಠಿಣ ಕ್ರಮಗಳಲ್ಲಿ ಭಾರೀ ಪ್ರಮಾಣದ ದಂಡ ವಿಧಿಸುವುದು ಸಹ ಸೇರಿದೆ.