Just In
- 8 min ago 400 ಕಿ.ಮೀ ರೇಂಜ್, ಆಕರ್ಷಕ ವಿನ್ಯಾಸದ ಸ್ಕೋಡಾ ಎಪಿಕ್ ಎಲೆಕ್ಟ್ರಿಕ್ ಎಸ್ಯುವಿಯ ವಿಶೇಷತೆಗಳು
- 28 min ago Honda Cars: ಹೋಂಡಾ ಕಾರುಗಳಿಗೆ ಬೆಲೆ ಏರಿಕೆ ಬಿಸಿ... ಇನ್ಮುಂದೆ ಈ ಕಾರುಗಳ ಬೆಲೆಯೆಷ್ಟು ಗೊತ್ತಾ?
- 1 hr ago Mahindra Scorpio-N: ವಿದೇಶಿ ನೆಲದಲ್ಲಿ ಸ್ವದೇಶಿ ಬಾವುಟ: ಭಾರತದಿಂದ ಅಮೆರಿಕಾಗೆ ಕಾರು ಪ್ರಯಾಣ
- 1 hr ago ಟೊಯೊಟಾ ಟೈಸರ್ C/O ಮಾರುತಿ ಫ್ರಾಂಕ್ಸ್: ಮತ್ತೊಂದು ಮೈಲಿಗಲ್ಲಿನ ಲಾಂಚ್ ದಿನಾಂಕ ಬಹಿರಂಗ
Don't Miss!
- News ಪ್ರಯೋಗವೋ..?ಎಡವಟ್ಟೋ? ಕಾಂಗ್ರೆಸ್ ಗೆಲುವಿಗೆ ದಾರಿಯಾಗುತ್ತಾ ರಾಜ್ಯ ಬಿಜೆಪಿ ಒಳಜಗಳ..?
- Lifestyle ಮ್ಯಾಂಗೋ ಮಿಲ್ಕ್ ಹೀಗೆ ಮಾಡಿ ನೋಡಿ, ಹೊರಗಡೆ ಎಲ್ಲಿಯೂ ನಿಮಗೆ ಇಷ್ಟು ರುಚಿಯಾಗಿ ಸಿಗಲ್ಲ
- Movies 'ಬ್ಯಾಂಗಲೂರ್' ಬೇಡ ಎಂದ ರಶ್ಮಿಕಾ ಮಂದಣ್ಣ; ವಿಡಿಯೋ ಫುಲ್ ವೈರಲ್
- Sports WPL 2024: ಆರ್ಸಿಬಿ ಮಹಿಳಾ ತಂಡದಿಂದ ಪುರುಷರ ತಂಡ ಕಲಿಯಬೇಕಿದ್ದು ಏನು?
- Finance ಮೊತ್ತಮೊದಲ ಬಾರಿಗೆ ಒಂದೇ ವರ್ಷದಲ್ಲಿ 1 ಲಕ್ಷದ ಗಡಿ ದಾಟಿದ ಪೇಟೆಂಟ್ ಸಂಖ್ಯೆ
- Technology Vivo: ನಿಮ್ಮಲ್ಲಿ ಈ ವಿವೋ ಫೋನ್ ಇದೆಯಾ? ಈಗಲೇ ಈ ಪ್ರಯೋಜನ ಪಡೆದುಕೊಳ್ಳಿ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅತಿ ಕಡಿಮೆ ನಿರ್ವಹಣೆಯ ಐಷಾರಾಮಿ ಇಂಟರ್ ಸಿಟಿ ಎಲೆಕ್ಟ್ರಿಕ್ ಬಸ್ ಅನಾವರಣಗೊಳಿಸಿದ ಬಿವೈಡಿ
ಮಾಲಿನ್ಯ ತಗ್ಗಿಸುವ ಉದ್ದೇಶದೊಂದಿಗೆ ದೇಶಾದ್ಯಂತ ಎಲೆಕ್ಟ್ರಿಕ್ ವಾಹನಗಳ ಬಳಕೆಗೆ ಹೆಚ್ಚಿನ ಒತ್ತು ನೀಡಲಾಗುತ್ತಿದ್ದು, ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯಲ್ಲೂ ಹಲವಾರು ಬದಲಾವಣೆಗಳನ್ನು ತರಲಾಗಿದೆ. ಈ ನಿಟ್ಟಿನಲ್ಲಿ ಹೊಸ ಬದಲಾವಣೆ ಕಾರಣವಾಗಿರುವ ಒಲೆಕ್ಟ್ರಾ ಮತ್ತು ಬಿವೈಡಿ ಸಂಸ್ಥೆಗಳು ಸಹಭಾಗಿತ್ವ ಯೋಜನೆ ಅಡಿ ಅತಿ ಹೆಚ್ಚು ಮೈಲೇಜ್ ನೀಡುವ ಇಂಟರ್ ಸಿಟಿ ಐಷಾರಾಮಿ ಎಲೆಕ್ಟ್ರಿಕ್ ಬಸ್ಗಳನ್ನು ನಿರ್ಮಾಣ ಮಾಡುತ್ತಿವೆ.
ಹೈದ್ರಾಬಾದ್ ಮೂಲದ ಒಲೆಕ್ಟ್ರಾ ಗ್ರಿನ್ ಟೆಕ್ ಮತ್ತು ಚೀನಿ ವಾಣಿಜ್ಯ ವಾಹನ ಉತ್ಪಾದನಾ ಸಂಸ್ಥೆಯಾಗಿರುವ ಬಿವೈಡಿ ಸಂಸ್ಥೆಗಳು ಸಹಭಾಗಿತ್ವ ಯೋಜನೆ ಅಡಿಯಲ್ಲಿ ವಿವಿಧ ರಾಜ್ಯಗಳ ರಾಜ್ಯ ಸಾರಿಗೆ ಸಂಸ್ಥೆಗಳಿಗೆ ಎಲೆಕ್ಟ್ರಿಕ್ ಬಸ್ಗಳ ಪೂರೈಕೆ ಹೊಣೆ ಹೊತ್ತಿದ್ದು, ಸಹಭಾಗಿತ್ವ ಯೋಜನೆ ಅಡಿ ನಿರ್ಮಾಣವಾದ ಸಿ9 ಎಂಬ ಹೊಸ ಮಾದರಿಯ ಇಂಟರ್ ಸಿಟಿ ಎಸಿ ಬಸ್ ಮಾದರಿಯನ್ನು 2020ರ ದೆಹಲಿ ಆಟೋ ಎಕ್ಸ್ಪೋದಲ್ಲಿ ಅನಾವರಣಗೊಳಿಸಿದೆ.
ಭಾರತದಲ್ಲಿ ಸದ್ಯ ವಿವಿಧ ರಾಜ್ಯ ಸಾರಿಗೆ ಸಂಸ್ಥೆಗಳು ಹೆಚ್ಚು ಮೈಲೇಜ್ ಪ್ರೇರಿತ ಎಲೆಕ್ಟ್ರಿಕ್ ಬಸ್ಗಳಿಗೆ ಬೇಡಿಕೆ ಸಲ್ಲಿಸುತ್ತಿದ್ದು, ಒಲೆಕ್ಟ್ರಾ ಮತ್ತು ಬಿವೈಡಿ ಸಂಸ್ಥೆಯು ಜೊತೆಗೂಡಿ ಈಗಾಗಲೇ 300ಕ್ಕೂ ಹೆಚ್ಚು ವಿವಿಧ ಮಾದರಿಯ ಎಲೆಕ್ಟ್ರಿಕ್ ಬಸ್ ಮಾದರಿಗಳು ಪೂರೈಕೆ ಮಾಡಿವೆ.
ಇದೀಗ ಮತ್ತಷ್ಟು ಹೊಸ ಮಾದರಿಯ ಎಲೆಕ್ಟ್ರಿಕ್ ಬಸ್ಗಳನ್ನು ಅಭಿವೃದ್ದಿಪಡಿಸಿ ಅನಾವರಣಗೊಳಿಸಿರುವ ಒಲೆಕ್ಟ್ರಾ ಮತ್ತು ಬಿವೈಡಿ ಸಂಸ್ಥೆಗಳು ವಿಶೇಷ ವಿನ್ಯಾಸ ಮತ್ತು ಸುಧಾರಿತ ತಂತ್ರಜ್ಞಾನ ಪ್ರೇರಣೆ ಹೊಂದಿರುವ 49 ಆಸನವುಳ್ಳ ಸಿ9 ಎಲೆಕ್ಟ್ರಿಕ್ ಬಸ್ ಮಾದರಿಯನ್ನು ವಾಣಿಜ್ಯ ಬಳಕೆಗಾಗಿ ಪರಿಚಯಿಸಲು ಸಜ್ಜುಗೊಂಡಿವೆ.
ಹೊಸ ಸಿ9 ಎಲೆಕ್ಟ್ರಿಕ್ ಬಸ್ ಮಾದರಿಯ ಇಂಟರ್ ಸಿಟಿ ಬಸ್ ಆವೃತ್ತಿಯಾಗಿದ್ದು, ಪ್ರತಿ ಚಾರ್ಜ್ಗೆ 350 ಕಿ.ಮೀ ಗಿಂತಲೂ ಹೆಚ್ಚು ಮೈಲೇಜ್ ಹಿಂದಿರುಗಿಸಲಿದೆ. ಜೊತೆಗೆ ಹೊಸ ಬಸ್ನಲ್ಲಿ ಪ್ರಯಾಣಿಕರಿಗೆ ಗರಿಷ್ಠ ಸೌಲಭ್ಯಗಳನ್ನು ನೀಡಲಾಗಿದ್ದು, ಡೀಸೆಲ್ ಎಂಜಿನ್ ಪ್ರೇರಿತ ಬಸ್ಗಳಿಗೆ ಹೋಲಿಸಿದರೆ ಈ ಎಲೆಕ್ಟ್ರಿಕ್ ಬಸ್ನ ನಿರ್ವಹಣಾ ವೆಚ್ಚ ತುಂಬಾ ಕಡಿಮೆ ಎಂಬುವುದು ಮತ್ತೊಂದು ವಿಶೇಷವಾಗಿದೆ.
ಅತಿ ಕಡಿಮೆ ವೆಚ್ಚದ ನಿರ್ವಹಣೆ
ಡೀಸೆಲ್ ಎಂಜಿನ್ ಪ್ರೇರಿತ ಬಸ್ಗಳ ನಿರ್ವಹಣೆಯು ಪ್ರತಿ ಕಿ.ಮೀ ಗೆ ರೂ.22ಯಿಂದ ರೂ.26 ಇದ್ದಲ್ಲಿ ಒಲೆಕ್ಟ್ರಾ ಮತ್ತು ಬಿವೈಡಿ ಎಲೆಕ್ಟ್ರಿಕ್ ಬಸ್ಗಳ ನಿರ್ವಹಣೆಯು ಪ್ರತಿ ಕಿ.ಮೀ ಗೆ ಕೇವಲ ರೂ. 8ರಿಂದ ರೂ.10 ಮಾತ್ರ ಖರ್ಚಾಗಲಿದೆ.
ಇದರಿಂದ ವಾಹನಗಳ ನಿರ್ವಹಣಾ ವೆಚ್ಚವು ಗಣನೀಯವಾಗಿ ತಗ್ಗುವುದಲ್ಲದೇ ಅಧಿಕ ಲಾಭದೊಂದಿಗೆ ಮಾಲಿನ್ಯವನ್ನು ಪರಿಣಾಮಕಾರಿಯಾಗಿ ತಗ್ಗಿಸಬಹುದಾಗಿದೆ. ಹೀಗಾಗಿ ಒಲೆಕ್ಟ್ರಾ ಮತ್ತು ಬಿವೈಡಿ ನಿರ್ಮಾಣದ ಎಲೆಕ್ಟ್ರಿಕ್ ಬಸ್ಗಳಿಗೆ ಹೆಚ್ಚು ಬೇಡಿಕೆ ಬರುತ್ತಿದ್ದು, ಉತ್ಪಾದನಾ ಪ್ರಮಾಣವನ್ನು ಕೂಡಾ ಹೆಚ್ಚಿಸಲಾಗುತ್ತಿದೆ.
300 ಇವಿ ಬಸ್ ನಿರ್ಮಾಣ ಗುರಿ
ಸದ್ಯ ವಾರ್ಷಿಕವಾಗಿ 200 ಎಲೆಕ್ಟ್ರಿಕ್ ಬಸ್ ಉತ್ಪಾದನಾ ಸಾಮಾರ್ಥ್ಯವನ್ನು ಹೊಂದಿರುವ ಒಲೆಕ್ಟ್ರಾ ಮತ್ತು ಬಿವೈಡಿ ಸಂಸ್ಥೆಗಳು ಶೀಘ್ರದಲ್ಲೇ ಬಸ್ ಉತ್ಪಾದನಾ ಗುರಿಯನ್ನು 300ಕ್ಕೆ ಹೆಚ್ಚಿಸಲಾಗುತ್ತಿದ್ದು, ರಾಜ್ಯ ಸಾರಿಗೆ ಸಂಸ್ಥೆಗಳು ಮತ್ತು ಖಾಸಗಿ ವಾಹನ ಖರೀದಿದಾರರಿಂದಲೂ ಬೇಡಿಕೆ ಹೆಚ್ಚಾಗುತ್ತಿದೆ.
ಇನ್ನು ಚೀನಿ ಜನಪ್ರಿಯ ಎಲೆಕ್ಟ್ರಿಕ್ ವಾಹನಗಳ ತಯಾರಿಕಾ ಸಂಸ್ಥೆಯಾಗಿರುವ ಬಿವೈಡಿ ತನ್ನ ಬಹುಬೇಡಿಕೆಯ ಎಲೆಕ್ಟ್ರಿಕ್ ಕಾರುಗಳು ಮತ್ತು ಎಲೆಕ್ಟ್ರಿಕ್ ವಾಣಿಜ್ಯ ವಾಹನಗಳನ್ನು ಭಾರತದಲ್ಲೂ ಬಿಡುಗಡೆಗಾಗಿ ಅಂತಿಮ ಹಂತದ ಸಿದ್ದತೆ ನಡೆಸುತ್ತಿದ್ದು, ಹೊಸ ಯೋಜನೆಗಾಗಿ ಭಾರೀ ಪ್ರಮಾಣದ ಬಂಡವಾಳ ಹೂಡಿಕೆಗೆ ಮುಂದಾಗಿದೆ.
ವಾಣಿಜ್ಯ ಬಳಕೆಯ ಎಲೆಕ್ಟ್ರಿಕ್ ವಾಹನಗಳ ಜೊತೆಗೆ ಎಲೆಕ್ಟ್ರಿಕ್ ಕಾರುಗಳ ನಿರ್ಮಾಣದ ಮೇಲೂ ಆಸಕ್ತಿ ಹೊಂದಿರುವ ಬಿವೈಡಿ ಸಂಸ್ಥೆಯು ಭಾರತದಲ್ಲಿ ಬ್ಯಾಟರಿ ನಿರ್ಮಾಣ ಘಟಕ ಸ್ಥಾಪನೆಗಾಗಿ ಎದುರು ನೋಡುತ್ತಿದ್ದು, ಸ್ಥಳೀಯವಾಗಿಯೇ ಸಂಪನ್ಮೂಲ ಬಳಸಿಕೊಂಡು ಹೊಸ ವಾಹನ ನಿರ್ಮಾಣ ಮಾಡಲು ಮುಂದಾಗಿದೆ.
ಸದ್ಯ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ವಾಹನಗಳ ಪ್ರಮುಖ ತಾಂತ್ರಿಕ ಅಂಶವಾಗಿರುವ ಬ್ಯಾಟರಿ ಸಾಧನವು ದುಬಾರಿ ಬೆಲೆ ಹೊಂದಿದ್ದು, ಈ ಹಿನ್ನಲೆಯಲ್ಲಿ ಎಲೆಕ್ಟ್ರಿಕ್ ವಾಹನಗಳ ಬೆಲೆ ಇಳಿಕೆಗಾಗಿ ಬಿವೈಡಿ ಸಂಸ್ಥೆಯು ಭಾರತದಲ್ಲೇ ಬ್ಯಾಟರಿ ನಿರ್ಮಾಣ ಉದ್ದೇಶದಿಂದ ಭಾರೀ ಪ್ರಮಾಣದ ಹೂಡಿಕೆಗೆ ಮುಂದಾಗಿದೆ.