Just In
- 9 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 10 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 11 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 11 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದ ಜನಪ್ರಿಯ 'ಮೇಡ್ ಇನ್ ಇಂಡಿಯಾ' ಕಾರುಗಳಿವು..!
ದೇಶಿಯ ಆಟೋ ಉದ್ಯಮವು ಸ್ವಾತಂತ್ರ್ಯ ಭಾರತದ ನಂತರ ಭಾರೀ ಬದಲಾವಣೆಯೊಂದಿಗೆ ಇದೀಗ ಜಾಗತಿಕವಾಗಿ ಗುರುತಿಸಿಕೊಂಡಿದ್ದು, ಹಲವಾರು ಏರಿಳಿತಗಳನ್ನು ಕಂಡಿದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿ ಹತ್ತಾರು ಕಾರು ಕಂಪನಿಗಳು ಹಲವಾರು ಬಗೆಯ ಕಾರು ಮಾದರಿಗಳನ್ನು ಮಾರಾಟ ಮಾಡುತ್ತಿದ್ದು, ಮೇಡ್ ಇನ್ ಇಂಡಿಯಾ ಖ್ಯಾತಿಯ ಕೆಲವೇ ಕೆಲವು ಕಾರುಗಳು ಮಾತ್ರ ಇದೀಗ ಮಾರುಕಟ್ಟೆಯಲ್ಲಿವೆ.
ಕಳೆದ ಎರಡು ದಶಕಗಳ ಅವಧಿಯಲ್ಲಿ ಭಾರತೀಯ ಆಟೋ ಉದ್ಯಮವು ಸಾಕಷ್ಟು ಬದಲಾವಣೆಯನ್ನು ಪಡೆದುಕೊಂಡಿದ್ದು, ಹಲವಾರು ವಿದೇಶಿ ಮಾರುಕಟ್ಟೆಯಲ್ಲಿನ ಕಾರು ಕಂಪನಿಗಳು ದೇಶಿಯ ಆಟೋ ಉದ್ಯಮದಲ್ಲಿ ಅಧಿಪತ್ಯ ಸಾಧಿಸಿವೆ. ಹೀಗಿದ್ದರೂ ಮೇಡ್ ಇನ್ ಇಂಡಿಯಾ ಖ್ಯಾತಿಯ ವಿವಿಧ ಕಾರು ಮಾದರಿಗಳು ಈಗಲೂ ಕೂಡಾ ಅಚ್ಚರಿ ಉಂಟು ಮಾಡುವುದಲ್ಲದೆ ಹಲವು ಹೊಸತನಕ್ಕೆ ಸಾಕ್ಷಿಯಾಗಿವೆ. ಹಾಗಾದ್ರೆ ಭಾರತದಲ್ಲಿ ಜನಪ್ರಿಯಗೊಂಡ ಟಾಪ್ 5 ಮೇಡ್ ಇನ್ ಕಾರುಗಳ ಕುರಿತಾಗಿ ಈ ಲೇಖನದಲ್ಲಿ ಚರ್ಚಿಸೋಣ.
ರೆವಾ ಐ
ಬೆಂಗಳೂರು ಮೂಲದ ರೆವಾ ನಿರ್ಮಾಣದ ರೆವಾ ಐ ಎಲೆಕ್ಟ್ರಿಕ್ ಕಾರು ಭಾರತದಲ್ಲಿ ನಿರ್ಮಾಣದ ಅತಿ ಕಡಿಮೆ ಬೆಲೆಯ ಕಾರು ಮಾದರಿ ಎಂಬ ಹೆಗ್ಗೆಳಿಕೆಗೆ ಪಾತ್ರವಾಗಿತ್ತು. ಮಹೀಂದ್ರಾ ಕಂಪನಿಯೊಂದಿಗೆ ಸಹಭಾಗೀತ್ವಕ್ಕೂ ಮುನ್ನವೇ ದೇಶಿಯ ಮಾರುಕಟ್ಟೆಯಲ್ಲಿ ಮಾತ್ರವಲ್ಲದೇ ವಿಶ್ವದ ಪ್ರಮುಖ 26 ದೇಶಗಳಲ್ಲಿ ಮಾರಾಟವಾಗುತ್ತಿದ್ದ ರೆವಾ ಐ ಕಾರು ಮಹೀಂದ್ರಾ ಇ2ಒ ಜೊತೆಗೆ ವಿಲೀನ ಮಾಡಲಾಯ್ತು.
2011ರ ತನಕವು ಮಾರುಕಟ್ಟೆಯಲ್ಲಿ ಖರೀದಿಗೆ ಲಭ್ಯವಿದ್ದ ರೆವಾ ಐ ಕಾರು ದೇಶದ ಜನಪ್ರಿಯ ಕಾರುಗಳಲ್ಲಿ ಒಂದಾಗಿದ್ದು, ಮಹೀಂದ್ರಾ ಕಂಪನಿಯು ಇದೀಗ ಇ2ಓ ಮಾದರಿಯನ್ನು ಸಹ ಸ್ಥಗಿತಗೊಳಿಸಿದೆ. ಮಾರುಕಟ್ಟೆಯಲ್ಲಿ ಬೇಡಿಕೆ ಆಧಾರದ ಮೇಲೆ ಹೊಸ ಕಾರು ಮಾದರಿಗಳತ್ತ ಗಮನಹರಿಸಿದೆ.
ಡಿಸಿ ಅವಾಂತಿ
1993ರಲ್ಲಿ ಸ್ಥಾಪನೆಗೊಂಡ ಡಿಸಿ ಡಿಸೈನ್ ಕಂಪನಿಯು ದೇಶದ ಅತಿ ದೊಡ್ಡ ಕಾರು ವಿನ್ಯಾಸ ಕಂಪನಿಯಾಗಿದ್ದು, ಇದೇ ಕಂಪನಿ ಭಾರತದಲ್ಲಿ ಮೊದಲ ಬಾರಿಗೆ 2012ರಲ್ಲಿ ಡಿಸಿ ಅವಾಂತಿ ಎನ್ನುವ ಬಜೆಟ್ ಬೆಲೆಯ ಸೂಪರ್ ಕಾರು ಮಾದರಿಯೊಂದನ್ನು ದೆಹಲಿ ಆಟೋ ಎಕ್ಸ್ಪೋದಲ್ಲಿ ಅನಾವರಣಗೊಳಿಸುವ ಮೂಲಕ ಐಷಾರಾಮಿ ಕಾರು ಕಂಪನಿಗಳಿಗೆ ಶಾಕ್ ನೀಡಿತ್ತು.
2.0-ಲೀಟರ್ ಪೆಟ್ರೋಲ್ ಟರ್ಬೋ ಎಂಜಿನ್ ಪಡೆದುಕೊಂಡಿದ್ದ ಡಿಸಿ ಅವಾಂತಿ ಸ್ಪೋರ್ಟ್ ಸೂಪರ್ ಕಾರು ಮಾದರಿಯು 248-ಬಿಎಚ್ಪಿಯೊಂದಿಗೆ ಹಲವಾರು ಐಷಾರಾಮಿ ಫೀಚರ್ಸ್ಗಳನ್ನು ಪಡೆದುಕೊಂಡಿತ್ತು. ಆದರೆ ಹೊಸ ಕಾರು ಮಾರುಕಟ್ಟೆಗೆ ಬಂದ ಕೆಲವೇ ದಿನಗಳಲ್ಲಿ ಉತ್ಪಾದನೆ ನಿಂತು ಹೊಯ್ತು. ತದನಂತರ ಡಿಸಿ ಡಿಸೈನ್ ಕಂಪನಿಯು ಹೊಸ ಕಾರುಗಳ ಉತ್ಪಾದನೆ ಬದಲಾಗಿ ಕಾರಿನ ವಿನ್ಯಾಸಪಡಿಸುವತ್ತ ಹೆಚ್ಚು ಜನಪ್ರಿಯವಾಗಿದೆ.
ಹಿಂದೂಸ್ತಾನ್ ಅಂಬಾಸಿಡರ್
ಕ್ಲಾಸಿಕ್ ಕಾರು ಅಂದಾಕ್ಷಣವೇ ಬಹುತೇಕರ ಮನಸ್ಸಲ್ಲಿ ಮೊದಲಿಗೆ ಬರುವುದೇ ಅಂಬಾಸಿಡರ್ ಕಾರಿನ ಕಲ್ಪನೆ. ಅದಕ್ಕೆ ಕಾರಣ ಹಲವು. ಭಾರತದ ರಸ್ತೆಗಳನ್ನಾಳಿದ ರಾಜ ಎಂದೇ ಖ್ಯಾತಿ ಹೊಂದಿದ್ದ ಅಂಬಾಸಿಡರ್ ಕಾರುಗಳು ಇದೀಗ ಉತ್ಪಾದನೆ ಮತ್ತು ಮಾರಾಟ ಇಲ್ಲದಿದ್ದರೂ ಕಾರು ಪ್ರೇಮಿಗಳ ಮನಸ್ಸಿನಿಂದ ದೂರವಾಗಲು ಸಾಧ್ಯವೇ ಇಲ್ಲ.
ಆರ್ಥಿಕ ಬಿಕ್ಕಟ್ಟಿನಲ್ಲಿ ಮುಳುಗಿದ್ದ ಹಿಂದೂಸ್ತಾನ್ ಮೋಟಾರ್ಸ್ ಕಂಪನಿಯು ತನ್ನ ಐಕಾನಿಕ್ ಅಂಬಾಸಿಡರ್ ನಿರ್ಮಾಣವನ್ನು ಪ್ರಕ್ರಿಯೆಯನ್ನು 2014ರಿಂದಲೇ ಸಂಪೂರ್ಣವಾಗಿ ಬಂದ್ ಮಾಡಿದೆ. ಬೆಲೆ, ನಿರ್ವಹಣೆ, ನಿರ್ಮಾಣದ ಗುಣಮಟ್ಟ, ಆರಾಮದಾಯಕ ಪ್ರಯಾಣ ಹೀಗೆ ಎಲ್ಲಾ ವಿಭಾಗದಲ್ಲೂ ಸೈ ಎನಿಸಿಕೊಂಡಿದ್ದ ಅಂಬಾಸಿಡರ್ ದೇಶದ ಹೆಮ್ಮೆ ಎಂದರೆ ತಪ್ಪಾಗುವುದಿಲ್ಲ.
ಬ್ರಿಟನ್ನ ಮೋರಿಸ್ ಆಕ್ಸ್ಫರ್ಡ್ 3 ಕಾರಿನ ಮೂಲ ವಿನ್ಯಾಸದೊಂದಿಗೆ ನಿರ್ಮಾಣಗೊಂಡಿದ್ದ ಅಂಬಾಸಿಡರ್ ಕಾರುಗಳು 1957ರಿಂದ 2014ರ ತನಕ ದೇಶದಲ್ಲಿ ಮಾರಾಟದಲ್ಲಿದ್ದವು. ಜೊತೆಗೆ ಕಾರಿನ ಗುಣಮಟ್ಟ ಮತ್ತು ಬೆಲೆ ವಿಚಾರವಾಗಿ ಅತ್ಯಂತ ವಿಶ್ವಾಸಾರ್ಹ ಕಾರೆಂದು ಗುರುತಿಸಿಕೊಂಡಿತ್ತು.
ಇನ್ನೊಂದು ಇಂಟ್ರಸ್ಟಿಂಗ್ ವಿಚಾರ ಅಂದ್ರೆ 2013ರಲ್ಲಿ ಫೋಕ್ಸ್ ವ್ಯಾಗನ್ ಬೀಟ್ಲ್, ರಷ್ಯಾ ಲಿಮೊಸಿನ್ ಹಾಗೂ ಬ್ಲ್ಯಾಕ್ ಲಂಡನ್ ಕ್ಲಾಬ್ ಗಳನ್ನು ಹಿಂದಿಕ್ಕಿದ್ದ ಹಿಂದೂಸ್ತಾನ್ ಮೋಟಾರ್ಸ್ ಕಂಪನಿಯು ಅಂಬಾಸಿಡರ್ ಕಾರುಗಳ ನಿರ್ಮಾಣಕ್ಕೆ 2013ರ ವಿಶ್ವದ ಅತ್ಯುತ್ತಮ ಟ್ಯಾಕ್ಸಿ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿತ್ತು.
ಮಾರುತಿ ಆಲ್ಟೊ
ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾದ ಕಾರುಗಳ ಪೈಕಿ ಆಲ್ಟೊ ಕೂಡಾ ಒಂದಾಗಿದ್ದು, ಬರೋಬ್ಬರಿ 2 ದಶಕಗಳಿಂದಲೂ ಆಲ್ಟೊ ಕಾರು ಈಗಲೂ ಬಹುಬೇಡಿಕೆಯ ಕಾರು ಮಾದರಿಯಾಗಿದೆ. 2000ದಲ್ಲಿ ಬಿಡುಗಡೆಯಾದ ಆಲ್ಟೊ 800 ಕಾರು ತದನಂತರ ಗ್ರಾಹಕರ ಬೇಡಿಕೆ ಅನುಸಾರ ಹಲವಾರು ಸರಣಿಗಳೊಂದಿಗೆ ಬಿಡುಗಡೆಗೊಂಡಿದ್ದು, ಇದುವರೆಗೆ ಭಾರತದಲ್ಲಿ ಬರೋಬ್ಬರಿ 40 ಲಕ್ಷ ಆಲ್ಟೊ ಕಾರುಗಳು ಮಾರಾಟಗೊಂಡಿವೆ.
ಕಾಲ ಕಾಲಕ್ಕೆ ಹಲವಾರು ಬದಲಾವಣೆಗಳನ್ನು ಪಡೆದುಕೊಳ್ಳುತ್ತಲೇ ಗ್ರಾಹಕರ ಬೇಡಿಕೆಯಲ್ಲಿ ಮುಂಚೂಣಿ ಸಾಧಿಸುತ್ತಿರುವ ಆಲ್ಟೊ ಮಾದರಿಯು ದೇಶಿಯ ಗ್ರಾಹಕರಲ್ಲಿ ಶೇ.70ರಷ್ಟು ಗ್ರಾಹಕರ ಮೊದಲ ಆಯ್ಕೆಯೇ ಆಲ್ಟೊ ಎಂಬ ಹೆಗ್ಗಳಿಕೆ ಈ ಕಾರಿಗಿದೆ.
ಟಾಟಾ ಇಂಡಿಕಾ
ಟಾಟಾ ಮೋಟಾರ್ಸ್ ಕಂಪನಿಯ ಜನಪ್ರಿಯತೆಯನ್ನು ಬದಲಿಸಿದ್ದ ಇಂಡಿಕಾ ಹ್ಯಾಚ್ಬ್ಯಾಕ್ ಕಾರು ಭಾರತೀಯ ಆಟೋ ಉದ್ಯಮದಲ್ಲೇ ಹಲವು ಹೊಸ ಬದಲಾವಣೆಗೆ ಕಾರಣವಾಗಿಲ್ಲದೆ ಹಲವು ಕಾರು ಮಾದರಿಗಳ ನಿರ್ಮಾಣಕ್ಕೆ ಪ್ರೇರಣೆಯಾಗಿದೆ.
ಇಂಡಿಕಾ ನಿರ್ಮಾಣಕ್ಕೂ ಮುನ್ನ ಕೇವಲ ವಾಣಿಜ್ಯ ವಾಹನಗಳ ಅಭಿವೃದ್ದಿ ಮತ್ತು ಮಾರಾಟ ಮಾತ್ರ ಗಮನಹರಿಸಿದ್ದ ಟಾಟಾ ಕಂಪನಿಯು ಇಂಡಿಕಾ ಕಾರಿನ ಯಶಸ್ವಿ ನಂತರ ಹಲವಾರು ಕಾರು ಮಾದರಿಗಳನ್ನು ಪರಿಚಯಿಸಿತು. ಇಂಡಿಕಾ ಕಾರಿನ ಆಧಾರದ ಮೇಲೆ ಹಲವು ಸೆಡಾನ್ ಮತ್ತು ಹ್ಯಾಚ್ಬ್ಯಾಕ್ ಕಾರುಗಳನ್ನು ಮಾರಾಟ ಮಾಡಿರುವ ಟಾಟಾ ಕಂಪನಿಯು ಇದೀಗ ಪ್ರಯಾಣಿಕರ ವಾಹನ ಮಾರಾಟದಲ್ಲಿ ಗರಿಷ್ಠ ಸುರಕ್ಷಾ ಗುಣಮಟ್ಟದೊಂದಿಗೆ ಹೊಸ ಸಂಚಲನಕ್ಕೆ ಕಾರಣವಾಗಿದೆ.
ಮಹೀಂದ್ರಾ ಸ್ಕಾರ್ಪಿಯೋ
ವಾಹನ ಉದ್ಯಮದಲ್ಲಿ ಸುಮಾರು 50 ವರ್ಷಗಳ ಅನುಭವ ಹೊಂದಿರುವ ಮಹೀಂದ್ರಾ ಕೂಡಾ ಪ್ರಯಾಣಿಕ ವಾಹನಗಳ ಅಭಿವೃದ್ದಿಗೂ ಮುನ್ನ ವಾಣಿಜ್ಯ ವಾಹನ ಮಾರಾಟದಲ್ಲಿ ಮಾತ್ರ ಮುಂಚೂಣಿ ಹೊಂದಿತ್ತು. ತದನಂತರ 2002ರಲ್ಲಿ ಬಿಡುಗಡೆ ಮಾಡಲಾದ ಸ್ಕಾರ್ಪಿಯೋ ಕಾರು ಮಹೀಂದ್ರಾ ಕಂಪನಿಯ ದಿಕ್ಕನ್ನೇ ಬದಲಿಸಿದ್ದಲ್ಲದೆ ಹಲವಾರು ಪ್ರಯಾಣಿಕ ವಾಹನಗಳ ಅಭಿವೃದ್ದಿ ಪ್ರೇರಣೆಯಾಯ್ತು.
ಸ್ಕಾರ್ಪಿಯೋ ಕಾರು ಭಾರತದಲ್ಲಿ ಬಿಡುಗಡೆಗೊಂಡು ಸುಮಾರು 18 ವರ್ಷಗಳನ್ನು ಪೂರೈಸಿದರೂ ಪ್ರಯಾಣಿಕ ಕಾರು ಮಾರಾಟದಲ್ಲಿ ಇಂದಿಗೂ ತನ್ನದೆ ಆದ ವೈಶಿಷ್ಟ್ಯತೆಗಳೊಂದಿಗೆ ಮುಂಚೂಣಿಯಲ್ಲಿದ್ದು, ಶೀಘ್ರದಲ್ಲೇ ಹೊಸ ತಲೆಮಾರಿನ ವಿನ್ಯಾಸದೊಂದಿಗೆ ರಸ್ತೆಗಿಳಿಯಲು ಸಿದ್ದವಾಗಿದೆ.
ಟಾಟಾ ನ್ಯಾನೋ
ದೇಶದ ಪ್ರತಿಯೊಂದು ಕುಟುಂಬವು ಒಂದು ಸಣ್ಣದಾದ ಕಾರು ಹೊಂದಬೇಕೆಂಬ ಕನಸಿನೊಂದಿಗೆ ಉದ್ಯಮಿ ರತನ್ ಟಾಟಾ ಅವರು ಅಗ್ಗದ ಬೆಲೆಯ ನ್ಯಾನೋ ಕಾರನ್ನು 2009ರಲ್ಲಿ ಬಿಡುಗಡೆ ಮಾಡಿದ್ದರು. ಕೇವಲ ರೂ.1 ಲಕ್ಷ ಬೆಲೆ ಅಂತರದಲ್ಲಿ ನ್ಯಾನೋ ಕಾರನ್ನು ಬಿಡುಗಡೆ ಮಾಡಿದ್ದ ರತನ್ ಟಾಟಾ ಅವರು ಕನಸಿನ ಕಾರು ಮಾದರಿಯು ಇದೀಗ ಮಾರುಕಟ್ಟೆಯಿಂದ ಸ್ಥಗಿತವಾದರೂ ಅಗ್ಗದ ಬೆಲೆಯ ಅತ್ಯತ್ತಮ ಕಾರು ಮಾದರಿಯ ಎಂಬ ಹೆಗ್ಗಳಿಕೆ ಹೊಂದಿತ್ತು.
ಆದರೆ ವಾಹನ ಉದ್ಯಮದಲ್ಲಿ ನಿರಂತರವಾಗಿ ಜಾರಿ ತರಲಾಗುತ್ತಿರುವ ಹೊಸ ಎಮಿಷನ್ ನಿಯಮಗಳು ಹಲವಾರು ಸಣ್ಣ ಕಾರುಗಳ ಉತ್ಪಾದನೆ ಬ್ರೇಕ್ ಹಾಕಿದ್ದು, ನಿಯಮ ಮೀರಿ ಮಾಲಿನ್ಯ ಉತ್ಪಾದನೆ ಮತ್ತು ಪ್ರಯಾಣಿಕರ ಸುರಕ್ಷಾ ಗುಣಮಟ್ಟ ಇಲ್ಲದ ಹಿನ್ನಲೆ ನ್ಯಾನೋ ಸೇರಿದಂತೆ ಹಲವು ಕಾರುಗಳು ಮಾರುಕಟ್ಟೆಯಿಂದ ಸ್ಥಗಿತಗೊಂಡಿವೆ.