ಕಾರು ಮಾರಾಟದಲ್ಲಿ ಹೊಸ ದಾಖಲೆ ಬರೆದ ಜಮ್ಮು-ಕಾಶ್ಮೀರ

ಇದೇ ವೇಳೆ ದೆಹಲಿಯ ಕಾರು ಮಾರಾಟವು 43.6%ನಷ್ಟು ಕುಸಿದಿದೆ. ವರದಿಗಳ ಪ್ರಕಾರ, ದೇಶದ ಕಾರು ಮಾರಾಟವು ಕೇಂದ್ರಾಡಳಿತ ಪ್ರದೇಶವಾದ ಜಮ್ಮು ಮತ್ತು ಕಾಶ್ಮೀರದಲ್ಲಿ ಇತರ ರಾಜ್ಯಗಳಿಗಿಂತ ಉತ್ತಮವಾಗಿದೆ. ಲಾಕ್ ಡೌನ್ ಕಾರಣದಿಂದಾಗಿ ಮಾರ್ಚ್ ತಿಂಗಳ ಮಾರಾಟವು ಕುಸಿದಿದೆ.

2019-20ರ ಆರ್ಥಿಕ ವರ್ಷವು ದೇಶದ ಆಟೋ ಮೊಬೈಲ್ ಉದ್ಯಮಕ್ಕೆ ಸಾಕಷ್ಟು ಸಂಕಷ್ಟವನ್ನು ತಂದಿತ್ತು. ಜಿಎಸ್ ಟಿ ಹಾಗೂ ಬಿಎಸ್ 6 ಮಾನದಂಡಗಳ ಕಾರಣದಿಂದಾಗಿ ಮಾರಾಟವು ಕುಸಿತಗೊಂಡಿತ್ತು.

ಈಗ ಕರೋನಾ ವೈರಸ್ ನಿಂದಾಗಿ ವಾಹನ ಉತ್ಪಾದನೆ ಸ್ಥಗಿತಗೊಂಡಿದೆ. ದೇಶದಲ್ಲಿರುವ ಬಹುತೇಕ ವಾಹನ ಕಂಪನಿಗಳು ಚೀನಾ ಹಾಗೂ ದಕ್ಷಿಣ ಕೊರಿಯಾದಿಂದ 10% ಕಚ್ಚಾ ವಸ್ತುಗಳನ್ನು ಆಮದು ಮಾಡಿಕೊಳ್ಳುತ್ತವೆ.

ಚೀನಾ ಹಾಗೂ ದಕ್ಷಿಣ ಕೊರಿಯಾದ ಉತ್ಪಾದನಾ ಘಟಕಗಳಲ್ಲಿ ಉತ್ಪಾದನೆಯನ್ನು ಸ್ಥಗಿತಗೊಳಿಸಿದಾಗಿನಿಂದ ಭಾರತದ ಆಟೋ ಮೊಬೈಲ್ ಉದ್ಯಮದ ಕಚ್ಚಾ ವಸ್ತುಗಳ ಪೂರೈಕೆಯ ಮೇಲೆ ಪರಿಣಾಮ ಬೀರಿದೆ.

ಏಪ್ರಿಲ್ 1 ರಿಂದ ಬಿಎಸ್ 6 ಮಾಲಿನ್ಯ ನಿಯಮಗಳು ಭಾರತದಲ್ಲಿ ಜಾರಿಗೆ ಬಂದಿವೆ. ಆದರೆ ಭಾರತದಲ್ಲಿರುವ ಆಟೋಮೊಬೈಲ್ ಕಂಪೆನಿಗಳು ಸುಮಾರು 10,000 ಕೋಟಿ ರೂಪಾಯಿ ಮೌಲ್ಯದ ಬಿಎಸ್ 4 ವಾಹನಗಳನ್ನು ಇನ್ನೂ ಮಾರಾಟ ಮಾಡದೇ ಹಾಗೆ ಉಳಿಸಿಕೊಂಡಿವೆ.

ಲಾಕ್‌ಡೌನ್ ಮುಗಿದ ನಂತರ ಬಿಎಸ್ 4 ವಾಹನಗಳ ಮಾರಾಟಕ್ಕೆ ಸುಪ್ರೀಂ ಕೋರ್ಟ್ ಹೆಚ್ಚುವರಿ 10 ದಿನಗಳ ಕಾಲಾವಕಾಶ ನೀಡಿದ್ದು, ವಾಹನ ವಿತರಕರು ನಿಟ್ಟುಸಿರು ಬಿಡುವಂತಾಗಿದೆ.

ಆದರೆ ಉಳಿದಿರುವ ವಾಹನಗಳನ್ನು ಮಾರಾಟ ಮಾಡಲು ಇನ್ನಷ್ಟು ಕಾಲಾವಕಾಶ ನೀಡಬೇಕಿತ್ತೆಂಬುದು ಆಟೋ ಮೊಬೈಲ್ ಕಂಪನಿಗಳ ಅಭಿಪ್ರಾಯ. ಆಟೋಮೊಬೈಲ್ ಡೀಲರ್ ಗಳು ಈ ತಿಂಗಳ ಕೊನೆಯವರೆಗೂ ಬಿಎಸ್ 4 ವಾಹನಗಳನ್ನು ಮಾರಾಟ ಮಾಡಲು ಸಾಧ್ಯವಿಲ್ಲವೆಂದು ತಿಳಿಸಿದ್ದಾರೆ.