Just In
- 9 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 11 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 12 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 13 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸ್ಟೀಲ್ ವ್ಹೀಲ್, ಅಲಾಯ್ ವ್ಹೀಲ್ಗಳ ಅನುಕೂಲ ಹಾಗೂ ಅನಾನುಕೂಲಗಳಿವು
ವಾಹನದ ಅಗತ್ಯ ಬಿಡಿ ಭಾಗಗಳಲ್ಲಿ ವ್ಹೀಲ್ಗಳು ಸಹ ಸೇರಿವೆ. ವ್ಹೀಲ್ಗಳು ವಾಹನಗಳ ನಿರ್ವಹಣೆ ಹಾಗೂ ವೇಗವರ್ಧನೆಯಲ್ಲಿ ನೆರವಾಗುತ್ತವೆ. ವಾಹನಗಳ ಪ್ರಮುಖ ಭಾಗವಾಗಿರುವ ವ್ಹೀಲ್ಗಳನ್ನು ಸ್ಟೀಲ್ ವ್ಹೀಲ್ ಹಾಗೂ ಅಲಾಯ್ ವ್ಹೀಲ್ ಎಂಬ ಎರಡು ವಿಧದಲ್ಲಿ ಮಾರಾಟ ಮಾಡಲಾಗುತ್ತದೆ.
ಸ್ಟೀಲ್ ವ್ಹೀಲ್ ಹಾಗೂ ಅಲಾಯ್ ವ್ಹೀಲ್ಗಳಲ್ಲಿ ಯಾವುದು ಉತ್ತಮ. ಯಾವ ವ್ಹೀಲ್ ಬಳಸಿದರೆ ವಾಹನ ಸವಾರರಿಗೆ ಪ್ರಯೋಜನವಾಗುತ್ತದೆ ಎಂಬ ವಿವರಗಳನ್ನು ಈ ಲೇಖನದಲ್ಲಿ ನೋಡೋಣ.
ಅಲಾಯ್ ವ್ಹೀಲ್:
ಅಲಾಯ್ ವ್ಹೀಲ್ಗಳು ಹಗುರವಾಗಿದ್ದು, ಆಕರ್ಷಕವಾಗಿರುತ್ತವೆ. ಇದೇ ವೇಳೆ ಅವುಗಳ ಜೀವಿತಾವಧಿ ಕಡಿಮೆ. ಅಲಾಯ್ ವ್ಹೀಲ್ಗಳನ್ನು ಎರಡು ಅಥವಾ ಹೆಚ್ಚಿನ ಲೋಹಗಳ ಸಂಯೋಜನೆಯಿಂದ ತಯಾರಿಸಲಾಗುತ್ತದೆ.
ಈ ಮಿಶ್ರ ಲೋಹವನ್ನು ರೂಪಿಸಲು ಸಾಮಾನ್ಯವಾಗಿ ನಿಕಲ್, ಮೆಗ್ನೀಸಿಯಮ್ ಹಾಗೂ ಇನ್ನಿತರ ಲೋಹಗಳನ್ನು ಬಳಸಲಾಗುತ್ತದೆ. ಹಗುರವಾದ ಅಲಾಯ್ ವ್ಹೀಲ್ಗಳನ್ನು ತಯಾರಿಸಲು ಈ ಮಿಶ್ರ ಲೋಹಕ್ಕೆ ಅಲ್ಯೂಮಿನಿಯಂ ಅನ್ನು ಸೇರಿಸಲಾಗುತ್ತದೆ.
ಈ ವ್ಹೀಲ್ಗಳು ಹಗುರವಾಗಿರುವುದರಿಂದ ಹೆಚ್ಚು ಬ್ಯಾಲೆನ್ಸ್, ಬಾಳಿಕೆ ಹಾಗೂ ಆರ್ಥಿಕತೆಯನ್ನು ಸಾಧಿಸಲು ವಾಹನಗಳಿಗೆ ನೆರವಾಗುತ್ತವೆ. ಅಲಾಯ್ ವ್ಹೀಲ್ಗಳು ಸ್ಟೀಲ್ ವ್ಹೀಲ್ಗಳಿಗಿಂತ ಹೆಚ್ಚು ಹಗುರವಾಗಿರುವುದರಿಂದ ವಾಹನ ಸವಾರರನ್ನು ಆಕರ್ಷಿಸುತ್ತವೆ.
ಅಲಾಯ್ ವ್ಹೀಲ್ಗಳು ಹೆಚ್ಚು ಗ್ರಿಪ್ ಒದಗಿಸಲು ನೆರವಾಗುತ್ತವೆ. ಕಡಿಮೆ ತೂಕ ಹೊಂದಿರುವುದರಿಂದ ಹೆಚ್ಚು ಇಂಧನ ಆರ್ಥಿಕತೆಯನ್ನು ನೀಡುತ್ತವೆ. ಅಲಾಯ್ ವ್ಹೀಲ್ಗಳು ಆಕರ್ಷಕವಾಗಿರುವುದರಿಂದ ಹೆಚ್ಚು ಜನಪ್ರಿಯವಾಗಿವೆ.
ಇದೇ ವೇಳೆ ಅಲಾಯ್ ವ್ಹೀಲ್ಗಳು ಅನಾನುಕೂಲಗಳನ್ನು ಸಹ ಹೊಂದಿವೆ. ಇವುಗಳ ಜೀವಿತಾವಧಿ ತುಂಬಾ ಕಡಿಮೆ. ಅಲಾಯ್ ವ್ಹೀಲ್ಗಳು ದೊಡ್ಡ ದೊಡ್ಡ ಗುಂಡಿಗಳಲ್ಲಿ ಚಲಿಸಿದರೆ ಅಥವಾ ಅಪಘಾತಕ್ಕೀಡಾದರೆ ಸುಲಭವಾಗಿ ಹಾಳಾಗುತ್ತವೆ.
ಇವುಗಳನ್ನು ಸರಿಪಡಿಸುವುದು ತುಂಬಾ ಕಷ್ಟ. ಬದಲಿಗೆ ಹೊಸ ವ್ಹೀಲ್ಗಳನ್ನು ಅಳವಡಿಸಬೇಕಾಗುತ್ತದೆ. ಇದು ಅಲಾಯ್ ವ್ಹೀಲ್ಗಳ ಬಹು ದೊಡ್ಡ ನ್ಯೂನತೆಯಾಗಿದೆ. ಈ ಕಾರಣಕ್ಕೆ ಕಾರು ತಯಾರಕ ಕಂಪನಿಗಳು ಕಡಿಮೆ ಬೆಲೆಯ ಕಾರುಗಳಲ್ಲಿ ಅಲಾಯ್ ವ್ಹೀಲ್ಗಳನ್ನು ನೀಡಲು ಹಿಂದೇಟು ಹಾಕುತ್ತವೆ.
ಸ್ಟೀಲ್ ವ್ಹೀಲ್:
ಸ್ಟೀಲ್ ವ್ಹೀಲ್ಗಳು ಹೆಚ್ಚು ಗಟ್ಟಿಯಾಗಿದ್ದು, ಭಾರವಾಗಿರುತ್ತವೆ. ಈ ಕಾರಣಕ್ಕೆ ಈ ವ್ಹೀಲ್ಗಳಲ್ಲಿ ಆಕರ್ಷಕ ವಿನ್ಯಾಸವನ್ನು ನಿರೀಕ್ಷಿಸಲು ಸಾಧ್ಯವಿಲ್ಲ. ಈ ವ್ಹೀಲ್ಗಳನ್ನು ಹೆಸರೇ ಸೂಚಿಸುವಂತೆ ಸ್ಟೀಲ್'ನಿಂದ ತಯಾರಿಸಲಾಗುತ್ತದೆ.
ಸ್ಟೀಲ್ ವ್ಹೀಲ್ಗಳಿಗೆ ಬಹು ದೊಡ್ಡ ಇತಿಹಾಸವಿದೆ. ಇವುಗಳನ್ನು ಹೆಚ್ಚಾಗಿ ಭಾರೀ ಗಾತ್ರದ ವಾಹನಗಳಲ್ಲಿ ಬಳಸಲಾಗುತ್ತದೆ. ಈ ವ್ಹೀಲ್ಗಳು ಹೆಚ್ಚು ಕಾರ್ಯ ಗುಣಲಕ್ಷಣಗಳನ್ನು ಹೊಂದಿವೆ.
ಅಲಾಯ್ ವ್ಹೀಲ್ಗಳಿಗೆ ಹೋಲಿಸಿದರೆ ಸ್ಟೀಲ್ ವ್ಹೀಲ್ಗಳ ಬೆಲೆ ಕಡಿಮೆ. ಸ್ಟೀಲ್ ವ್ಹೀಲ್ಗಳು ಸುಲಭವಾಗಿ ಹಾನಿಗೀಡಾಗುವುದಿಲ್ಲ. ಅಲಾಯ್ ವ್ಹೀಲ್ಗಳಿಗಿಂತ ಸ್ಟೀಲ್ ವ್ಹೀಲ್ಗಳು ಹೆಚ್ಚು ಜೀವಿತಾವಧಿಯನ್ನು ಹೊಂದಿವೆ.
ಸ್ಟೀಲ್ ವ್ಹೀಲ್ಗಳು ಹೆಚ್ಚು ವೈಬ್ರೆಷನ್'ಗಳನ್ನು ಸಹ ತಡೆದುಕೊಳ್ಳಬಲ್ಲವು. ಸ್ಟೀಲ್ ವ್ಹೀಲ್ಗಳಿಗೆ ಯಾವುದೇ ಹಾನಿಯಾದರೂ ಅವುಗಳನ್ನು ಸರಿಪಡಿಸಬಹುದು. ಸ್ಟೀಲ್ ವ್ಹೀಲ್ಗಳ ಮಹತ್ವ ತಿಳಿದವರು ವಾಹನಗಳಲ್ಲಿ ಸ್ಟೀಲ್ ವ್ಹೀಲ್ಗಳನ್ನು ಅಳವಡಿಸಿಕೊಳ್ಳುತ್ತಾರೆ.
ಇನ್ನು ಆಕರ್ಷಕ ಲುಕ್ ಬಯಸುವವರು, ಇಂಧನ ಮಿತವ್ಯಯವನ್ನು ಬಯಸುವವರು ಹಾಗೂ ವಾಹನ ನಿರ್ವಹಣೆಯನ್ನು ಸುಲಭವಾಗಿಸಿ ಕೊಳ್ಳಲು ಬಯಸುವವರು ಅಲಾಯ್ ವ್ಹೀಲ್ಗಳನ್ನು ಖರೀದಿಸುತ್ತಾರೆ.