Just In
- 1 hr ago Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- 13 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 14 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 16 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
Don't Miss!
- News ಪಟ್ಟು ಬಿಡದೆ ನಾಮಪತ್ರ ಸಲ್ಲಿಸಿದ ಕೆಎಸ್ ಈಶ್ವರಪ್ಪಗೆ ಏಪ್ರಿಲ್ 22 ಡೆಡ್ ಲೈನ್!
- Sports RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ
- Finance ನಾಳೆ ಬೆಂಗಳೂರಿನಲ್ಲಿ ಚಿಕನ್, ಮಟನ್ ಮಾರಾಟಕ್ಕೆ ನಿಷೇಧ
- Movies Amruthadhaare ; ಪಾರ್ಥ ಮತ್ತು ಅಪೇಕ್ಷಾ ಪ್ರೀತಿ, ಕೆಂಡಾಮಂಡಲಗೊಂಡ ಶಕುಂತಲಾ..!
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಶ್ವದಲ್ಲಿಯೇ ಅತಿ ದೊಡ್ಡ ಗಾತ್ರದ ವ್ಹೀಲ್ ಹೊಂದಲಿದೆ ಬೆಂಟಾಯ್ಗಾ ಎಸ್ಯುವಿ
ಬೆಂಟ್ಲಿ ವಿಶ್ವದ ಪ್ರಮುಖ ಐಷಾರಾಮಿ ಕಾರು ತಯಾರಕ ಕಂಪನಿಗಳಲ್ಲಿ ಒಂದಾಗಿದೆ. ಕಂಪನಿಯು ಬೆಂಟಾಯ್ಗಾ ಎಸ್ಯುವಿಯನ್ನು ವಿಶ್ವದ ವಿವಿಧ ದೇಶಗಳಲ್ಲಿ ಮಾರಾಟ ಮಾಡುತ್ತದೆ. ಈ ಎಸ್ಯುವಿಯನ್ನು ಶ್ರೀಮಂತರು ಹಾಗೂ ಉದ್ಯಮಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಬಳಸುತ್ತಾರೆ.
ಬೆಂಟ್ಲಿ ಕಂಪನಿಯು ತನ್ನ ಬೆಂಟಾಯ್ಗಾ ಎಸ್ಯುವಿಯಲ್ಲಿ ವಿಶ್ವದ ಅತಿ ದೊಡ್ಡ ಕಾರ್ಬನ್ ವ್ಹೀಲ್ ಅಳವಡಿಸುವುದಾಗಿ ತಿಳಿಸಿದೆ. ಈ ಎಸ್ಯುವಿಯಲ್ಲಿ 22 ಇಂಚಿನ ಕಾರ್ಬನ್ ವ್ಹೀಲ್ ಅನ್ನು ಬಳಸುವುದಾಗಿ ಕಂಪನಿ ಹೇಳಿಕೊಂಡಿದೆ. ಇದುವರೆಗೂ ಯಾವುದೇ ಕಂಪನಿಯು ತನ್ನ ಉತ್ಪಾದನಾ ಕಾರುಗಳಲ್ಲಿ ಇಷ್ಟು ದೊಡ್ಡ ಗಾತ್ರದ ವ್ಹೀಲ್ ಅನ್ನು ಬಳಸಿಲ್ಲ ಎಂಬುದು ಗಮನಾರ್ಹ.
ಬೆಂಟ್ಲಿ ಬೆಂಟಾಯ್ಗಾ ಸೂಪರ್ ಫಾಸ್ಟ್ ಎಸ್ಯುವಿಯಾಗಿದೆ. ಇಂತಹ ಎಸ್ಯುವಿಯಲ್ಲಿ ವಿಶ್ವದ ಅತಿ ದೊಡ್ಡ ವ್ಹೀಲ್ ಹೊಂದಿಸಲು ಬೆಂಟ್ಲಿ ಸಜ್ಜಾಗಿದೆ. ಬೆಂಟಾಯ್ಗಾ ಎಸ್ಯುವಿಯಲ್ಲಿ ಬೆಂಟ್ಲಿ ಕಂಪನಿಯು 4.0 ಲೀಟರ್, ಟ್ವಿನ್ ಟರ್ಬೋಚಾರ್ಜ್ಡ್ ವಿ 8 ಪೆಟ್ರೋಲ್ ಎಂಜಿನ್ ಅಳವಡಿಸಿದೆ.
ಈ ಎಂಜಿನ್'ನೊಂದಿಗೆ 8 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಜೋಡಿಸಲಾಗಿದೆ. ಈ ಎಂಜಿನ್ ಗರಿಷ್ಠ 542 ಬಿಹೆಚ್ಪಿ ಪವರ್ ಹಾಗೂ 770 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಸ್ಯುವಿಯ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 290 ಕಿ.ಮೀಗಳಾಗಿದೆ.
ಈ ಎಸ್ಯುವಿಯು ಕೇವಲ 4.5 ಸೆಕೆಂಡುಗಳಲ್ಲಿ 0 - 100 ಕಿ.ಮೀ ವೇಗವನ್ನು ಆಕ್ಸಲರೇಟ್ ಮಾಡುತ್ತದೆ. ಕಾರ್ಬನ್ ವ್ಹೀಲ್ ಅಳವಡಿಸುವ ಮುನ್ನ ಬೆಂಟ್ಲಿ ಕಂಪನಿಯು ಬೆಂಟಾಯ್ಗಾ ಎಸ್ಯುವಿಯನ್ನು ಕೂಲಂಕುಷವಾಗಿ ಪರೀಕ್ಷಿಸುತ್ತಿದೆ.
ಈ ಹೊಸ ಕಾರ್ಬನ್ ವ್ಹೀಲ್ ಬೆಂಟಾಯ್ಗಾ ಎಸ್ಯುವಿಯ ವೇಗ ಹಾಗೂ ಕಾರ್ಯಕ್ಷಮತೆಯನ್ನು ಹೆಚ್ಚಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಪರೀಕ್ಷೆಯು ಯಶಸ್ಸಿನ ಹಾದಿಯಲ್ಲಿದ್ದು, ಶೀಘ್ರದಲ್ಲಿಯೇ ಬೆಂಟಾಯ್ಗಾ 22 ಇಂಚಿನ ಕಾರ್ಬನ್ ವ್ಹೀಲ್'ಗಳೊಂದಿಗೆ ಬಿಡುಗಡೆಯಾಗಲಿದೆ ಎಂದು ವರದಿಯಾಗಿದೆ.
ಈ ಎಸ್ಯುವಿಯನ್ನು ಹೆಚ್ಚು ವೇಗ, ಒರಟು ರಸ್ತೆ, ಗುಂಡಿ ಇರುವ ರಸ್ತೆಗಳಲ್ಲಿ ಹಲವು ರೀತಿಯ ಪರೀಕ್ಷೆಗಳಿಗೆ ಒಳಪಡಿಸಲಾಗಿದೆ. ಉತ್ತಮ ಚಾಲನಾ ಅನುಭವ ಹಾಗೂ ಸ್ಟೀಯರಿಂಗ್ ವ್ಹೀಲ್ ಅನ್ನು ಒದಗಿಸಲು ಬೆಂಟ್ಲಿ ಕಂಪನಿಯು ಈ ಎಸ್ಯುವಿಯಲ್ಲಿ ಕಾರ್ಬನ್ ವ್ಹೀಲ್ ಅಳವಡಿಸುತ್ತಿದೆ.
ತನ್ನ ಗ್ರಾಹಕರಿಗೆ ಉತ್ತಮ ಸವಾರಿ ಅನುಭವವನ್ನು ನೀಡಲು ಬೆಂಟ್ಲಿ ಕಂಪನಿಯು ಈ ಎಸ್ಯುವಿಯಲ್ಲಿ ದೊಡ್ಡ ಗಾತ್ರದ ವ್ಹೀಲ್ ಅಳವಡಿಸುತ್ತಿದೆ. ಬೆಂಟ್ಲಿ ಬೆಂಟಾಯ್ಗಾ ಐಷಾರಾಮಿ ಎಸ್ಯುವಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ. 4.10 ಕೋಟಿಗಳಾಗಿದೆ.
ಈ ಎಸ್ಯುವಿಯಲ್ಲಿ ಆಪಲ್ ಕಾರ್ ಪ್ಲೇ, ಆಂಡ್ರಾಯ್ಡ್ ಆಟೋ ಸೇರಿದಂತೆ ಹಲವು ಫೀಚರ್'ಗಳನ್ನು ನೀಡಲಾಗಿದೆ. ಇದರ ಜೊತೆಗೆ ಈ ಎಸ್ಯುವಿಯು ಸಾಕಷ್ಟು ಐಷಾರಾಮಿ ಫೀಚರ್'ಗಳನ್ನು ಸಹ ಹೊಂದಿದೆ ಎಂಬುದು ಗಮನಿಸಬೇಕಾದ ಸಂಗತಿ.