Just In
- 8 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 8 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 9 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 10 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಾಂಪ್ಯಾಕ್ಟ್ ಎಸ್ಯುವಿಗಳಿಗಾಗಿ ಹೊಸ ಸರಣಿಯ ಟಯರ್ ಬಿಡುಗಡೆಗೊಳಿಸಿದ ಸಿಯೆಟ್
ಭಾರತದ ಪ್ರಮುಖ ಟಯರ್ ತಯಾರಕ ಕಂಪನಿಯಾದ ಸಿಯೆಟ್ ಟಯರ್ಸ್ ಲಿಮಿಟೆಡ್, ಕಾಂಪ್ಯಾಕ್ಟ್ ಎಸ್ಯುವಿ ವಿಭಾಗಕ್ಕಾಗಿ ಸೆಕ್ಯುರಾಡ್ರೈವ್ ಎಸ್ಯುವಿ ಎಂಬ ಹೊಸ ಪ್ರೀಮಿಯಂ ಟಯರ್ ಸರಣಿಯನ್ನು ಬಿಡುಗಡೆಗೊಳಿಸಿದೆ.
ಈ ಹೊಸ ಸರಣಿಯ ಟಯರ್ಗಳು ನಿರಂತರವಾಗಿ ಬೆಳೆಯುತ್ತಿರುವ ಕಾಂಪ್ಯಾಕ್ಟ್ ಎಸ್ಯುವಿ ವಿಭಾಗಕ್ಕೆ ಟಯರ್ಗಳನ್ನು ಪೂರೈಸುತ್ತವೆ. ಕಂಪನಿಯು ನೀಡಿರುವ ಮಾಹಿತಿಯ ಪ್ರಕಾರ ಈ ಹೊಸ ಟಯರ್, ತನ್ನ ಹೆಸರನ್ನು ಸೆಕ್ಯುರಾಡ್ರೈವ್ ಪ್ಲಾಟ್ಫಾರಂನಿಂದ ಪಡೆದಿದೆ.
ಸೆಕ್ಯುರಾಡ್ರೈವ್ ಪ್ಲಾಟ್ಫಾರಂ ಟಯರ್ಗಳನ್ನು ಪ್ರೀಮಿಯಂ ಹ್ಯಾಚ್ಬ್ಯಾಕ್ ಹಾಗೂ ಸೆಡಾನ್ ಕಾರುಗಳಿಗೆ ಬಳಸಲಾಗುತ್ತದೆ. ಹೊಸ ಸೆಕ್ಯುರಾಡ್ರೈವ್ ಎಸ್ಯುವಿ ಟಯರ್ಗಳು ವಿಶಿಷ್ಟ ಚಾಲನಾ ಅನುಭವವನ್ನು ನೀಡಲು ನೆರವಾಗುತ್ತವೆ.
ಈ ಟಯರ್ಗಳು ನಗರದ ರಸ್ತೆಗಳಲ್ಲಿ ಹಾಗೂ ಹೆದ್ದಾರಿಗಳಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ. ಈ ಹೊಸ ಸರಣಿಯ ಟಯರ್ಗಳು ನವೀನ 3ಡಿ ಗ್ರೂವ್ ವಾಲ್ ತಂತ್ರಜ್ಞಾನದಿಂದಾಗಿ ನಿಖರವಾದ ಸ್ಟೀಯರಿಂಗ್ ಕಂಟ್ರೋಲ್ ನೀಡುತ್ತವೆ.
ಈ ಟಯರ್ಗಳ ಮಾದರಿಯಲ್ಲಿರುವ ದ್ರವರೂಪದ ಸಿಪ್ ವಿನ್ಯಾಸವು ಅಕ್ವಾಪ್ಲೇನಿಂಗ್ಗೆ ನೆರವಾಗುವುದರ ಜೊತೆಗೆ ಉತ್ತಮ ಬ್ರೇಕಿಂಗ್ ನೀಡುತ್ತದೆ. ಚಕ್ರದ ಹೊರಮೈ ಪಿಚ್ ವಿನ್ಯಾಸಕ್ಕಾಗಿ ಬಳಸಲಾಗುವ ವಿಶಿಷ್ಟ ಕ್ಯಾಕ್ಟಸ್ ಅಲ್ಗಾರಿದಮ್ ಮೂಲಕ ಇನ್-ಕ್ಯಾಬಿನ್ ಶಬ್ದವನ್ನು ಕಡಿಮೆ ಮಾಡಿ, ಆರಾಮದಾಯಕ ಡ್ರೈವ್ ನೀಡುತ್ತದೆ.
ಈ ಟಯರ್ಗಳನ್ನು ಪ್ರತ್ಯೇಕಿಸುವ ಮತ್ತೊಂದು ವೈಶಿಷ್ಟ್ಯವೆಂದರೆ ಅವು ಸ್ಟಯಲಿಶ್ ಸೈಡ್ವಾಲ್ ಹಾಗೂ ಚಕ್ರದ ಹೊರಮೈ ಮಾದರಿಯನ್ನು ಹೊಂದಿವೆ. ಇದುಕಾಂಪ್ಯಾಕ್ಟ್ ಎಸ್ಯುವಿಗಳಿಗೆ ಆಕರ್ಷವಾದ ನೋಟವನ್ನು ನೀಡುತ್ತದೆ.
ಈ ಹೊಸ ಸರಣಿಯ ಟಯರ್ಗಳನ್ನು ಸಿಯೆಟ್ ಟಯರ್ ಸಿಎಂಒ ಅಮಿತ್ ಟೋಲಾನಿ ಬಿಡುಗಡೆಗೊಳಿಸಿದ್ದಾರೆ. ಬಿಡುಗಡೆಯ ಸಮಯದಲ್ಲಿ ಮಾತನಾಡಿದ ಅವರು, ಕಾಂಪ್ಯಾಕ್ಟ್ ಎಸ್ಯುವಿ ವಿಭಾಗವು ಕಳೆದ ಐದು ವರ್ಷಗಳಲ್ಲಿ 50%ಗಿಂತ ಹೆಚ್ಚು ಬೆಳವಣಿಗೆಯನ್ನು ಕಂಡಿದೆ.
ಮುಂದಿನ 3 - 4 ವರ್ಷಗಳಲ್ಲಿ 20%ನಷ್ಟು ಸಿಎಜಿಆರ್ನಲ್ಲಿ ಬೆಳೆಯುವ ನಿರೀಕ್ಷೆಗಳಿವೆ. ಇದನ್ನು ನಾವು ವಿಶೇಷ ಟಯರ್ ಸರಣಿಯಂತೆ ಗುರುತಿಸಿದ್ದೇವೆ. ಇದರ ಸಾಮರ್ಥ್ಯವನ್ನು ನೋಡಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಪೂರೈಸುವ ಅವಶ್ಯಕತೆಯಿದೆ ಎಂದು ಹೇಳಿದರು.
ಈ ಹೊಸ ಟಯರ್ಗಳು ಕಂಫರ್ಟ್ ಹಾಗೂ ಪರ್ಫಾಮೆನ್ಸ್'ನ ಅತ್ಯುತ್ತಮ ಸಂಯೋಜನೆಯನ್ನು ನೀಡುತ್ತವೆ. ಈ ಹೊಸ ಸೆಕ್ಯುರಾಡ್ರೈವ್ ಎಸ್ಯುವಿ ಸರಣಿಯ ಟಯರ್ಗಳು ಈ ವಿಭಾಗದಲ್ಲಿ ಅತ್ಯುತ್ತಮ ದರ್ಜೆಯ ಸವಾರಿ ಅನುಭವವನ್ನು ನೀಡುತ್ತವೆ ಎಂದು ನಾವು ನಂಬಿದ್ದೇವೆ ಎಂದು ಅವರು ಹೇಳಿದರು.
ಸಿಯೆಟ್ ಸೆಕ್ಯುರಾಡ್ರೈವ್ ಎಸ್ಯುವಿ ಟಯರ್ಗಳು ಆರಂಭದಲ್ಲಿ ಎಲ್ಲಾ ಸಿಯೆಟ್ ಅಂಗಡಿಗಳಲ್ಲಿ, ನಂತರ ದೇಶದಾದ್ಯಂತವಿರುವ ಪ್ರಮುಖ ಮಾರುಕಟ್ಟೆಗಳಲ್ಲಿ ವಿತರಕರಿಗೆ ಲಭ್ಯವಾಗಲಿವೆ ಎಂದು ಕಂಪನಿ ತಿಳಿಸಿದೆ. ಸಿಯೆಟ್ ಕಂಪನಿಯು ಟಯರ್ ಜಗತ್ತಿನಲ್ಲಿ ಹೊಸ ಆವಿಷ್ಕಾರಗಳನ್ನು ಮಾಡುತ್ತಲೇ ಬಂದಿದೆ.