Just In
- 1 hr ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 1 hr ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
- 1 hr ago ಹ್ಯುಂಡೈನ ಈ ಕಾರಿಗೆ ಭಾರತದಲ್ಲಿ ಭರ್ಜರಿ ಡಿಸ್ಕೌಂಟ್: ಇದಕ್ಕಿಂತ ಉತ್ತಮ ಆಫರ್ ಸದ್ಯಕ್ಕಿಲ್ಲ!
- 1 hr ago ರೈತರ ವಿಶ್ವಾಸದೊಂದಿಗೆ 40 ಲಕ್ಷ ಟ್ರ್ಯಾಕ್ಟರ್ ಮಾರಾಟ ಮೈಲಿಗಲ್ಲು ಸಾಧಿಸಿದ ಮಹೀಂದ್ರಾ
Don't Miss!
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- News 'ಚೊಂಬು' ವಾಗ್ದಾದ: ಕಾವೇರಿ ನೀರು ಹರಿಸಿ ಕನ್ನಡಿಗರಿಗೆ ಖಾಲಿ ಚೊಂಬು ಕೊಟ್ಟಿದ್ದು ನೀವು: ಬಿಜೆಪಿ ತಿರುಗೇಟು
- Lifestyle ಸೌರಮಂಡಲದಲ್ಲಿದೆ 9ನೇ ಗ್ರಹ..! ಯಾವುದದು..? ಎಲ್ಲಿದೆ..?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಡಕಾರ್ ರ್ಯಾಲಿ 2022: ಟಿ1-ಇ ವಿಭಾಗದಲ್ಲಿ ಸ್ಪರ್ಧಿಸಲಿದೆ ಆಡಿ ಹೊಸ ಆರ್ಎಸ್ ಕ್ಯೂ ಇ-ಟ್ರಾನ್
ಜಾಗತಿಕ ಮಟ್ಟದಲ್ಲಿ ತನ್ನದೆ ಜನಪ್ರಿಯತೆ ಹೊಂದಿರುವ ಡಕಾರ್ ರ್ಯಾಲಿಯ 44ನೇ ಆವೃತ್ತಿಯನ್ನು 2022ರ ಜನವರಿ 2ರಿಂದ 14ರ ತನಕ ಸೌದಿ ಅರೇಬಿಯಾದಲ್ಲಿ ಆಯೋಜಿಸಲು ನಿರ್ಧರಿಸಲಾಗಿದ್ದು, ಹೊಸ ಆವೃತ್ತಿಯಲ್ಲಿ ಈ ಬಾರಿ ಟಿ1-ಇ ವಿಭಾಗದಲ್ಲಿ ಆಡಿ ಕಂಪನಿಯು ಸಹ ತನ್ನ ವಿನೂತನ ಆರ್ಎಸ್ ಕ್ಯೂ ಇ-ಟ್ರಾನ್ ಮಾದರಿಯೊಂದಿಗೆ ಭಾಗಿಯಾಗಲು ನಿರ್ಧರಸಿದೆ.
ಜಗತ್ತಿನ ಅತಿ ಅಪಾಯಕಾರಿ ಹಾಗೂ ಅಷ್ಟೇ ರೋಚಕವಾಗಿರುವ ಮೋಟಾರ್ಸ್ಪೋರ್ಟ್ ಸ್ಪರ್ಧೆಗಳಲ್ಲಿ ಡಕಾರ್ ರ್ಯಾಲಿ ಅಗ್ರಸ್ಥಾನದಲ್ಲಿದ್ದು, 1978ರಿಂದ ಇದುವರೆಗೆ ಸುಮಾರು 43 ಆವೃತ್ತಿಗಳು ಪೂರ್ಣಗೊಂಡಿವೆ. 2022ರ ಜನವರಿಯಲ್ಲಿ 44ನೇ ಆವೃತ್ತಿಯು ಆರಂಭವಾಗಲಿದ್ದು, ಈ ಬಾರಿಯ ಮೋಟಾರ್ಸ್ಪೋಟ್ಸ್ನಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗಾಗಿ ಪ್ರತ್ಯೇಕ ಸ್ಪರ್ಧೆ ನಡೆಸಲಾಗುತ್ತಿದೆ.
ಭವಿಷ್ಯ ವಾಹನಗಳಾದ ಎಲೆಕ್ಟ್ರಿಕ್ ಮಾದರಿಗಳನ್ನು ಉತ್ತೇಜಿಸುವ ಉದ್ದೇಶದಿಂದ ಡಕಾರ್ ರ್ಯಾಲಿ ಆಯೋಜಕರು ಈ ಬಾರಿ ಟಿ1-ಇ ವಿಭಾಗವನ್ನು ಪರಿಚಯಿಸಿದ್ದು, ಹೊಸ ವಿಭಾಗದಲ್ಲಿ ಸ್ಪರ್ಧಿಸಲು ಆಡಿ ಕಂಪನಿಯು ರೇಸಿಂಗ್ ತಂತ್ರಜ್ಞಾನ ಹೊಂದಿರುವ ಆರ್ಎಸ್ ಕ್ಯೂ ಇ-ಟ್ರಾನ್ ಅನಾವರಣಗೊಳಿಸಿದೆ.
ರೇಸಿಂಗ್ ಉದ್ದೇಶಕ್ಕಾಗಿ ವಿಶೇಷವಾಗಿ ನಿರ್ಮಾಣಗೊಂಡಿರುವ ಆರ್ಎಸ್ ಕ್ಯೂ ಇ-ಟ್ರಾನ್ ಕಾರು ಮಾದರಿಯು ಪರ್ಫಾಮೆನ್ಸ್ ಜೊತೆಗೆ ಎನರ್ಜಿ ಕನ್ವರ್ಟರ್ ವೈಶಿಷ್ಟ್ಯತೆ ಹೊಂದಿದ್ದು, ಡಿಟಿಎಂ ರೇಸಿಂಗ್ ಕಂಪನಿಯಿಂದ ಟಿಎಫ್ಎಸ್ಐ ಎಂಜಿನ್ ಪಡೆದುಕೊಂಡಿದೆ.
ಮರಳುಗಾಡಿನಲ್ಲಿ ಸಾವಿರಾರು ಕಿ.ಮೀ ಸಾಗಬೇಕಿರುವ ಡಕಾರ್ ರ್ಯಾಲಿಯಲ್ಲಿ ಹೊಸ ಆರ್ಎಸ್ ಕ್ಯೂ ಇ-ಟ್ರಾನ್ ಕಾರಿಗೆ ಚಾರ್ಜಿಂಗ್ ಸೌಲಭ್ಯ ಒದಗಿಸಲು ವಿನೂತನ ತಂತ್ರಜ್ಞಾನ ಪ್ರಯೋಗಿಸಿರುವ ಆಡಿ ಕಂಪನಿಯು ಹೊಸ ಕಾರಿನಲ್ಲಿ ಕಾರು ಚಾಲನೆಯಲ್ಲಿರುವಾಗಲೇ ವಿದ್ಯುತ್ ಉತ್ಪಾದಿಸಲು ಹೈ ವೊಲ್ಟೆಜ್ ಬ್ಯಾಟರಿ ಜೋಡಣೆ ಮಾಡಿದೆ.
ಹೊಸ ತಂತ್ರಜ್ಞಾನದ ಮೂಲಕ ಕಾರು ಚಾಲನೆಯಲ್ಲಿರುವಾಗಲೇ ಬ್ಯಾಟರಿ ರೀಚಾರ್ಜ್ ಆಗಲಿದ್ದು, ಮತ್ತೊಂದು ವಿದ್ಯುತ್ ಸಂಯೋಜನೆಯ ಮೂಲಕ ಅದೇ ಬ್ಯಾಟರಿ ಸೌಲಭ್ಯದ ಮೇಲೆ ಕಾರು ಚಾಲನೆಯಾಗಲಿದೆ.
ಆಡಿ ಅಭಿವೃದ್ದಿಪಡಿಸಿರುವ ಹೊಸ ತಂತ್ರಜ್ಞಾನವು ಭವಿಷ್ಯದಲ್ಲಿ ಎಲೆಕ್ಟ್ರಿಕ್ ವಾಹನಗಳನ್ನು ಮತ್ತೊಂದು ಹಂತಕ್ಕೆ ಕೊಂಡಯ್ಯಲಿದ್ದು, ಕಾರು ಚಾಲನೆಯಲ್ಲಿರುವಾಗಲೇ ಬ್ಯಾಟರಿ ರೀಚಾರ್ಜ್ ಮಾಡಿಕೊಳ್ಳುವ ಮೂಲಕ ಚಾರ್ಜಿಂಗ್ಗಾಗಿ ಗಂಟೆಗಟ್ಟಲೇ ಕಾಯಬೇಕಾದ ಸಮಸ್ಯೆಗೆ ಮುಕ್ತಿ ಸಿಗಲಿದೆ.
ಸದ್ಯಕ್ಕೆ ಆಡಿ ಕಂಪನಿಯು ಎನರ್ಜಿ ಕನ್ವರ್ಟರ್ ತಂತ್ರಜ್ಞಾನವನ್ನು ರೇಸಿಂಗ್ ಕಾರು ಮಾದರಿಗಾಗಿ ಮಾತ್ರ ಬಳಕೆ ಮಾಡಿಕೊಳ್ಳಲು ನಿರ್ಧರಿಸಿದ್ದು, ಹೊಸ ಆರ್ಎಸ್ ಕ್ಯೂ ಇ-ಟ್ರಾನ್ ಕಾರು ಆಲ್ ವ್ಹೀಲ್ ಡ್ರೈವ್ ಸಿಸ್ಟಂನೊಂದಿಗೆ 670-ಬಿಎಚ್ಪಿ ಉತ್ಪಾದನಾ ಗುಣಹೊಂದಿದೆ.
ಇನ್ನು ಸೌದಿಯಲ್ಲಿ ಆರಂಭವಾಗಲಿರುವ 44ನೇ ಆವೃತ್ತಿಯ ಡಕಾರ್ ರ್ಯಾಲಿಯು ರಿಯಾದ್ನ ಸನೀಹದಲ್ಲಿರುವ ಹೈಲ್ ನಗರದಿಂದ ಆರಂಭವಾಗಿ ಪ್ರಮುಖ 12 ಹಂತಗಳೊಂದಿಗೆ ಜೆದ್ದಾದಲ್ಲಿ ಪೂರ್ಣಗೊಳ್ಳಲಿದೆ. 43ನೇ ಆವೃತ್ತಿಯ ರ್ಯಾಲಿಯು ಕೆಲವು ಪ್ರಮುಖ ಮಾರ್ಗಗಳನ್ನು 44ನೇ ಆವೃತ್ತಿಯಲ್ಲಿ ಕೈಬಿಡಲಾಗಿದ್ದು, ಕಳೆದ ಆವೃತ್ತಿಗಿಂತಲೂ 44ನೇ ಆವೃತ್ತಿಯ ಡಕಾರ್ ರ್ಯಾಲಿಯಲ್ಲಿ ಹಲವಾರು ಸುರಕ್ಷಾ ಕ್ರಮಗಳನ್ನು ಅಳವಡಿಸಿಕೊಳ್ಳಲಾಗಿದೆ.
2022ರ ಆವೃತ್ತಿಯು ಒಟ್ಟು 4 ಸಾವಿರ ಕಿ.ಮೀ ಒಳಗೊಂಡಿದ್ದು, ಹೊಸ ಆವೃತ್ತಿಯಲ್ಲಿ ಶೇ. 80 ರಷ್ಟು ಮಾರ್ಗವು ಮರಳುಗಾಡು ಮತ್ತು ಕಲ್ಲುಮಿಶ್ರಿತ ಮಣ್ಣಿನ ಮಾರ್ಗವನ್ನು ಒಳಗೊಂಡಿರಲಿದೆ. ಹೊಸ ಆವೃತ್ತಿಯಲ್ಲಿ ಹಲವಾರು ದುರಂತಗಳಿಗೆ ಕಾರಣವಾಗುತ್ತಿರುವ ರುಬ್ ಅಲ್-ಕಾಲಿ ಮರಭೂಮಿ ಮಾರ್ಗವನ್ನು ಈ ಬಾರಿ ಕೈಬಿಡಲಾಗಿದ್ದು, ವಿಶ್ವಾದ್ಯಂತ ಸಾವಿರಾರು ಮೋಟಾರ್ಸ್ಪೋರ್ಟ್ ಸ್ಪರ್ಧಿಗಳು, ರೇಸಿಂಗ್ ತಂಡಗಳು ವಿವಿಧ ವಿಭಾಗದಲ್ಲಿ ಸ್ಪರ್ಧಿಸಲಿದ್ದಾರೆ.