Just In
- 8 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 9 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 11 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 11 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೈಡ್ರೋಜನ್ ಫ್ಯೂಯಲ್ ಸೆಲ್'ನಿಂದ ಚಾಲನೆಯಾಗಲಿದೆ ಡಿಫೆಂಡರ್ ಎಸ್ಯುವಿ
ಜಾಗ್ವಾರ್ ಲ್ಯಾಂಡ್ ರೋವರ್ ಕಂಪನಿಯು ಲ್ಯಾಂಡ್ ರೋವರ್ ಡಿಫೆಂಡರ್ ಎಸ್ಯುವಿ ಆಧಾರಿತ ಹೈಡ್ರೋಜನ್ ಫ್ಯೂಯಲ್ ಸೆಲ್ ಎಲೆಕ್ಟ್ರಿಕ್ ವೆಹಿಕಲ್ (ಎಫ್ಸಿಇವಿ) ಅಭಿವೃದ್ಧಿಪಡಿಸುತ್ತಿರುವುದಾಗಿ ತಿಳಿಸಿದೆ.
ಹೈಡ್ರೋಜನ್ ಫ್ಯೂಯಲ್ ಸೆಲ್'ನಿಂದ ನಡೆಸಲ್ಪಡುವ ಮೂಲ ಮಾದರಿಯ ಡಿಫೆಂಡರ್ ಎಸ್ಯುವಿಯ ಪರೀಕ್ಷೆ ಈ ವರ್ಷದ ಕೊನೆಯಲ್ಲಿ ಆರಂಭವಾಗಲಿದೆ. ಹೈಡ್ರೋಜನ್ ಫ್ಯೂಯಲ್ ಸೆಲ್ ವಾಹನದಲ್ಲಿ ಎಲೆಕ್ಟ್ರಿಕ್ ಮೋಟರ್ ಅನ್ನು ಚಲಾಯಿಸಲು ಹೈಡ್ರೋಜನ್ ಸೆಲ್ ಬಳಸಲಾಗುತ್ತದೆ.
ಹೈಡ್ರೋಜನ್ ಸೆಲ್ ವಾಹನಗಳನ್ನು ಬ್ಯಾಟರಿ ಚಾಲಿತ ಎಲೆಕ್ಟ್ರಿಕ್ ವಾಹನಗಳಿಗೆ ಪರ್ಯಾಯವಾಗಿ ನೋಡಲಾಗುತ್ತದೆ. ಜಾಗ್ವಾರ್ ಲ್ಯಾಂಡ್ ರೋವರ್ 2036ರ ವೇಳೆಗೆ ಪರಿಸರ ಸ್ನೇಹಿ ವಾಹನಗಳನ್ನು ಹೊಂದುವ ಗುರಿಯನ್ನು ಇಟ್ಟುಕೊಂಡಿದೆ.
ಪ್ರಾಜೆಕ್ಟ್ ಜೀಯಸ್ ಎಂದು ಕರೆಯಲ್ಪಡುವ ಜಾಗ್ವಾರ್ ಲ್ಯಾಂಡ್ ರೋವರ್ನ ಸುಧಾರಿತ ಎಂಜಿನಿಯರಿಂಗ್ ಯೋಜನೆಯನ್ನು ಬ್ರಿಟನ್ ಸರ್ಕಾರವು ಬೆಂಬಲಿಸುತ್ತದೆ. ಈ ಯೋಜನೆಯಲ್ಲಿ ಹೈಡ್ರೋಜನ್ ಫ್ಯೂಯಲ್ ಸೆಲ್ ಮಾದರಿಗಾಗಿ ಲ್ಯಾಂಡ್ ರೋವರ್ ಡಿಫೆಂಡರ್ ಅನ್ನು ಪರೀಕ್ಷಿಸಲಾಗುತ್ತದೆ.
ಜೊತೆಗೆ ಹೊಸ ಇಂಧನವನ್ನು ಬಳಸಿಕೊಂಡು ವಾಹನದ ಕಾರ್ಯಕ್ಷಮತೆಯ ಬದಲಾವಣೆಗಳನ್ನು ಪರೀಕ್ಷಿಸಲಾಗುತ್ತದೆ. ಹೈಡ್ರೋಜನ್ ಫ್ಯೂಯಲ್ ಸೆಲ್ ಆಧಾರಿತ ವಾಹನಗಳನ್ನು ಅಭಿವೃದ್ಧಿಪಡಿಸಲು ಜಾಗ್ವಾರ್ ಲ್ಯಾಂಡ್ ರೋವರ್ ಹಲವು ಕಂಪನಿಗಳೊಂದಿಗೆ ಕೈ ಜೋಡಿಸಿದೆ.
ಇವುಗಳಲ್ಲಿ ಡೆಲ್ಟಾ ಮೋಟಾರ್ಸ್ಪೋರ್ಟ್, ಎವಿಎಲ್, ಮಾರೆಲ್ಲಿ ಆಟೋಮೋಟಿವ್ ಸಿಸ್ಟಂ, ಯುಕೆ ಬ್ಯಾಟರಿ ಇಂಡಸ್ಟ್ರಿಯಲೈಸೇಶನ್ ಸೆಂಟರ್ (ಯುಕೆಬಿಐಸಿ) ಗಳು ಸೇರಿದ್ದು, ಹೈಡ್ರೋಜನ್ ಫ್ಯೂಯಲ್ ಸೆಲ್'ನಿಂದ ನಡೆಸಲ್ಪಡುವ ಡಿಫೆಂಡರ್ ಮೂಲ ಮಾದರಿಯ ಎಸ್ಯುವಿಯನ್ನು ಸಂಶೋಧಿಸಲು, ಅಭಿವೃದ್ಧಿಪಡಿಸಲು ಹಾಗೂ ತಯಾರಿಸಲು ಜಾಗ್ವಾರ್ ಲ್ಯಾಂಡ್ ರೋವರ್ ಕಂಪನಿಗೆ ನೆರವಾಗಲಿವೆ.
ಜಾಗ್ವಾರ್ ಲ್ಯಾಂಡ್ ರೋವರ್ನ ಹೈಡ್ರೋಜನ್ ಫ್ಯೂಯಲ್ ಸೆಲ್'ಗಳ ಮುಖ್ಯಸ್ಥರಾದ ರಾಲ್ಫ್ ಕ್ಲಾಗ್ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಸಾರಿಗೆ ಉದ್ಯಮದಾದ್ಯಂತ ಹೈಡ್ರೋಜನ್ ಫ್ಯೂಯಲ್ ಸೆಲ್'ಗಳು ಭವಿಷ್ಯದಲ್ಲಿ ಇಂಧನದ ಪಾತ್ರವನ್ನು ವಹಿಸಲಿವೆ.
ಭವಿಷ್ಯದಲ್ಲಿ ಹೈಡ್ರೋಜನ್ ವಾಹನಗಳು ಬ್ಯಾಟರಿ ಚಾಲಿತ ವಾಹನಗಳನ್ನು ಹಿಂದಿಕ್ಕುತ್ತವೆ. ಹೈಡ್ರೋಜನ್ ವಾಹನಗಳಿಂದ ಯಾವುದೇ ಮಾಲಿನ್ಯ ಹೊರ ಬಾರದ ಕಾರಣ ಭವಿಷ್ಯದಲ್ಲಿ ಹೈಡ್ರೋಜನ್ ಫ್ಯೂಯಲ್ ಸೆಲ್ ವಾಹನಗಳನ್ನು ಮಾತ್ರ ಬಳಸಲಾಗುತ್ತದೆ.
2039ರ ವೇಳೆಗೆ ಹೈಡ್ರೋಜನ್ ಫ್ಯೂಯಲ್ ಸೆಲ್'ನಿಂದ ಚಾಲನೆಯಾಗುವ ಡಿಫೆಂಡರ್ ಎಸ್ಯುವಿಗೆ ನಿಜವಾದ ಆಕಾರ ನೀಡುವುದು ಕಂಪನಿಯ ಗುರಿಯಾಗಿದೆ ಎಂದು ರಾಲ್ಫ್ ಕ್ಲಾಗ್ ಹೇಳಿದರು.
ಕಂಪನಿಯು 2039ರಿಂದ 100%ನಷ್ಟು ಮಾಲಿನ್ಯ ರಹಿತ ಡಿಫೆಂಡರ್ ಎಸ್ಯುವಿ ಉತ್ಪಾದನೆಯನ್ನು ಆರಂಭಿಸಲಿದೆ. ಹೈಡ್ರೋಜನ್ ಇಂಧನದಿಂದ ಚಲಿಸುವ ಎಲೆಕ್ಟ್ರಿಕ್ ವಾಹನಗಳು ಹೆಚ್ಚು ಹಾಗೂ ಕಡಿಮೆ ತಾಪಮಾನದಲ್ಲಿ ಚಲಿಸುವ ವಾಹನಗಳಾಗಿವೆ.
ಈ ವಾಹನಗಳು ಇಂಧನ ತುಂಬುವಿಕೆಯ ಬಗ್ಗೆ ಚಿಂತಿಸದೆ ದೂರದ ಪ್ರಯಾಣವನ್ನು ಸುಲಭಗೊಳಿಸುತ್ತವೆ. ವರದಿಗಳ ಪ್ರಕಾರ ಹೈಡ್ರೋಜನ್ ಫ್ಯೂಯಲ್ ವಾಹನಗಳ ಸಂಖ್ಯೆ 2018ರಿಂದ ದ್ವಿಗುಣಗೊಂಡಿದೆ.
ಜೊತೆಗೆ ಹೈಡ್ರೋಜನ್ ಫ್ಯೂಯಲ್ ತುಂಬುವ ಕೇಂದ್ರಗಳ ಸಂಖ್ಯೆಯು 20%ಗಿಂತ ಹೆಚ್ಚಾಗಿದೆ. ಮುಂದಿನ ಒಂಬತ್ತು ವರ್ಷಗಳಲ್ಲಿ 10 ಮಿಲಿಯನ್ ಹೈಡ್ರೋಜನ್ ಸೆಲ್ ಚಾಲಿತ ವಾಹನಗಳು ಇರಲಿವೆ ಎಂದು ಹೇಳಲಾಗಿದೆ.