2021ರ ಹಣಕಾಸು ವರ್ಷದಲ್ಲಿ ಭಾರೀ ಕುಸಿತ ಕಂಡ ಐಷಾರಾಮಿ ಕಾರು ಮಾರಾಟ

ದ್ವಿಚಕ್ರ ವಾಹನ ಸೆಗ್ ಮೆಂಟಿನಲ್ಲಿ 27.63%, ತ್ರಿಚಕ್ರ ವಾಹನ ಸೆಗ್ ಮೆಂಟಿನಲ್ಲಿ 43.11%, ಪ್ರಯಾಣಿಕ ವಾಹನ ಸೆಗ್ ಮೆಂಟಿನಲ್ಲಿ 25.33%, ಟ್ರಾಕ್ಟರ್ ಸೆಗ್ ಮೆಂಟಿನಲ್ಲಿ 44.58% ಹಾಗೂ ಕಮರ್ಷಿಯಲ್ ವಾಹನಗಳ ಸೆಗ್ ಮೆಂಟಿನಲ್ಲಿ 23.65%ರಷ್ಟು ಕುಸಿತ ದಾಖಲಾಗಿದೆ. ಕಳೆದ ತಿಂಗಳು ಯಾವುದೇ ಸೆಗ್ ಮೆಂಟ್'ಗಳ ಮಾರಾಟವು ಉತ್ತಮವಾಗಿರಲಿಲ್ಲ.

ಇನ್ನು ಐಷಾರಾಮಿ ಕಾರುಗಳ ಸೆಗ್ ಮೆಂಟಿನಲ್ಲಿ 2021ರ ಆರ್ಥಿಕ ವರ್ಷದಲ್ಲಿ 18,346 ಯುನಿಟ್ ಕಾರುಗಳು ಮಾರಾಟವಾಗಿವೆ. 2020ರ ಆರ್ಥಿಕ ವರ್ಷದಲ್ಲಿ ಈ ಸೆಗ್ ಮೆಂಟಿನಲ್ಲಿ 31,896 ಯುನಿಟ್‌ ಕಾರುಗಳನ್ನು ಮಾರಾಟ ಮಾಡಲಾಗಿತ್ತು.

MOST READ:ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

2020ರ ಹಣಕಾಸು ವರ್ಷದ ಮಾರಾಟಕ್ಕೆ ಹೋಲಿಸಿದರೆ 2021ರ ಹಣಕಾಸು ವರ್ಷದ ಮಾರಾಟವು 42.5%ನಷ್ಟು ಕಡಿಮೆಯಾಗಿದೆ. ಕಳೆದ ವರ್ಷ 7087 ಯುನಿಟ್ ಮಾರಾಟದೊಂದಿಗೆ ಮರ್ಸಿಡಿಸ್ ಬೆಂಝ್ ಪ್ರಥಮ ಸ್ಥಾನದಲ್ಲಿದೆ.

2020ರ ಹಣಕಾಸು ವರ್ಷದಲ್ಲಿ ಮರ್ಸಿಡಿಸ್ ಬೆಂಝ್ ಕಂಪನಿಯ 11,394 ಯುನಿಟ್'ಗಳು ಮಾರಾಟವಾಗಿದ್ದವು. ಈ ಮೂಲಕ ಕಂಪನಿಯ ಮಾರಾಟವು 37%ನಷ್ಟು ಕಡಿಮೆಯಾಗಿದೆ. ಬಿಎಂಡಬ್ಲ್ಯು ಕಂಪನಿಯು 5824 ಯುನಿಟ್ ಮಾರಾಟದೊಂದಿಗೆ ಎರಡನೇ ಸ್ಥಾನದಲ್ಲಿದೆ.

MOST READ:ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

2020ರ ಹಣಕಾಸು ವರ್ಷದಲ್ಲಿ 9999 ಯುನಿಟ್ ಮಾರಾಟ ಮಾಡಲಾಗಿತ್ತು. ಕಂಪನಿಯ ಮಾರಾಟವು ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ 41%ನಷ್ಟು ಕುಸಿತ ದಾಖಲಿಸಿದೆ. ಹೊಸ ಮಾದರಿಗಳನ್ನು ಬಿಡುಗಡೆಗೊಳಿಸಿದ್ದರೂ ಕಂಪನಿಯ ಮಾರಾಟವು ಸುಧಾರಿಸಿಲ್ಲ.

2218 ಯುನಿಟ್ ಮಾರಾಟದೊಂದಿಗೆ ಆಡಿ ಕಂಪನಿಯು ಮೂರನೇ ಸ್ಥಾನದಲ್ಲಿದೆ. 2020ರ ಹಣಕಾಸು ವರ್ಷದಲ್ಲಿ ಕಂಪನಿಯು 4233 ಯುನಿಟ್ ಕಾರುಗಳನ್ನು ಮಾರಾಟ ಮಾಡಿತ್ತು. ಕಂಪನಿಯ ಮಾರಾಟವು ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ 47%ನಷ್ಟು ಕುಸಿತ ಕಂಡಿದೆ.

MOST READ:ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಕಂಪನಿಯ ಮಾರುಕಟ್ಟೆ ಪಾಲಿನಲ್ಲಿ 1.2%ನಷ್ಟು ಇಳಿಕೆ ಕಂಡುಬಂದಿದೆ. ಜೆಎಲ್‌ಆರ್‌ನ ಕಂಪನಿಯು 1696 ಯುನಿಟ್‌ ಕಾರುಗಳನ್ನು ಮಾರಾಟ ಮಾಡಿದೆ. ಈ ಹಣಕಾಸು ವರ್ಷದಲ್ಲಿ ಕಂಪನಿಯ ಮಾರಾಟವು 54%ನಷ್ಟು ಕುಸಿತ ದಾಖಲಿಸಿದೆ.

9.2%ನಷ್ಟಿದ್ದ ಕಂಪನಿಯ ಮಾರುಕಟ್ಟೆ ಪಾಲು 2.5%ಗಳಿಗೆ ಕುಸಿದಿದೆ. ಕಂಪನಿಯ ಮಾರಾಟವು ಇತ್ತೀಚಿನ ದಿನಗಳಲ್ಲಿ ಕುಸಿಯುತ್ತಿದೆ. ಇನ್ನು ವೋಲ್ವೋ ಕಂಪನಿಯು ಕಳೆದ ಹಣಕಾಸು ವರ್ಷದಲ್ಲಿ 1197 ಯುನಿಟ್‌ಗಳನ್ನು ಮಾರಾಟ ಮಾಡಿದೆ.

MOST READ:ಕರೋನಾ ಸೋಂಕಿತರ ಪಾಲಿಗೆ ದೇವರಾದ ಕರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿ

ವೋಲ್ವೋ ಕಂಪನಿಯು 2020ರ ಹಣಕಾಸು ವರ್ಷದಲ್ಲಿ 2034 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು. ಕಂಪನಿಯ ಮಾರಾಟ ಪ್ರಮಾಣವು ಕಳೆದ ಹಣಕಾಸು ವರ್ಷಕ್ಕೆ ಹೋಲಿಸಿದರೆ ಈ ಹಣಕಾಸು ವರ್ಷದಲ್ಲಿ 41%ನಷ್ಟು ಕಡಿಮೆಯಾಗಿದೆ.

2021ರ ಹಣಕಾಸು ವರ್ಷದಲ್ಲಿ ಪೋರ್ಷೆ ಕಂಪನಿಯು 249 ಯುನಿಟ್ ಕಾರುಗಳನ್ನು ಮಾರಾಟ ಮಾಡಿದೆ. ಪೋರ್ಷೆ ನಂತರದ ಸ್ಥಾನಗಳಲ್ಲಿ ಲ್ಯಾಂಬೊರ್ಗಿನಿ, ರೋಲ್ಸ್ ರಾಯ್ಸ್, ಫೆರಾರಿ ಹಾಗೂ ಬೆಂಟ್ಲಿ ಕಂಪನಿಗಳಿವೆ.

MOST READ:ಜೀವದ ಹಂಗು ತೊರೆದು ಮಗುವಿನ ಪ್ರಾಣ ಉಳಿಸಿದ ರಿಯಲ್ ಹೀರೋಗೆ ಬೈಕ್ ಉಡುಗೊರೆ ನೀಡಿದ ಜಾವಾ ಕಂಪನಿ

ದೇಶಿಯ ಮಾರುಕಟ್ಟೆಯಲ್ಲಿರುವ ಐಷಾರಾಮಿ ಕಾರುಗಳ ಮಾರಾಟದಲ್ಲಿ ಭಾರಿ ಕುಸಿತ ಕಂಡುಬಂದಿದೆ. ದೇಶದಲ್ಲಿ ಬಿಎಸ್ 6 ಮಾಲಿನ್ಯ ನಿಯಮಗಳನ್ನು ಜಾರಿಗೊಳಿಸುವ ಸಂದರ್ಭದಲ್ಲಿಯೂ ಮಾರಾಟದಲ್ಲಿ ಕುಸಿತ ಕಂಡು ಬಂದಿತ್ತು.

ಈಗ ಕೋವಿಡ್ 19 ಕಾರಣದಿಂದಾಗಿ ಮಾರಾಟದಲ್ಲಿ ಮತ್ತಷ್ಟು ಇಳಿಕೆ ಕಂಡುಬಂದಿದೆ. ಬಿಎಂಡಬ್ಲ್ಯು ಹಾಗೂ ಮರ್ಸಿಡಿಸ್ ಬೆಂಝ್ ನಂತಹ ಕಂಪನಿಗಳು ನಿರಂತರವಾಗಿ ಹೊಸ ಹೊಸ ಕಾರು ಮಾದರಿಗಳನ್ನು ಬಿಡುಗಡೆಗೊಳಿಸುತ್ತಿವೆ.

MOST READ:ವರ್ಷಗಳ ಕಾಲ ಉಪ್ಪು ನೀರಿನಲ್ಲಿದ್ದರೂ ಹಡಗುಗಳ ಆಂಕರ್‌ಗಳಿಗೆ ತುಕ್ಕು ಹಿಡಿಯದಿರಲು ಕಾರಣಗಳಿವು

ಇದರ ಹೊರತಾಗಿಯೂ ಕಂಪನಿಗಳು ಗ್ರಾಹಕರನ್ನು ಆಕರ್ಷಿಸಲು ವಿಫಲವಾಗುತ್ತಿವೆ. ಹೊಸ ಹಣಕಾಸು ವರ್ಷದಲ್ಲಿ ಉತ್ತಮ ಮಾರಾಟವನ್ನು ನಿರೀಕ್ಷಿಸಲಾಗಿದ್ದರೂ ಮತ್ತೆ ಜಾರಿಗೊಳಿಸಲಾಗಿರುವ ಲಾಕ್‌ಡೌನ್ ಕಂಪನಿಗಳ ನಿರೀಕ್ಷೆಯನ್ನು ಬುಡಮೆಲು ಮಾಡುವ ಸಾಧ್ಯತೆಗಳಿವೆ.