Just In
- 10 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 11 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 12 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 12 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಎಂಜಿ ಹೆಕ್ಟರ್ ಫೇಸ್ಲಿಫ್ಟ್ ಫಸ್ಟ್ ಲುಕ್: ಹಳೆ ಮಾದರಿಯಂತೆ ಮೋಡಿ ಮಾಡಲಿದೆಯಾ ಫೇಸ್ಲಿಫ್ಟ್ ಆವೃತ್ತಿ?
ಎಂಜಿ ಮೋಟಾರ್ ಕಂಪನಿಯು 2019ರಲ್ಲಿ ಹೆಕ್ಟರ್ ಎಸ್ಯುವಿಯನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿತ್ತು. ಬಿಡುಗಡೆಯಾದ ಕೆಲವು ದಿನಗಳಲ್ಲಿಯೇ ಈ ಎಸ್ಯುವಿಯು ಜನಪ್ರಿಯತೆಯನ್ನು ಹೊಂದಿತ್ತು.
ಯಾವುದೇ ಕಾರು ತಯಾರಕ ಕಂಪನಿಗಳು ಯಾವುದೇ ಹೊಸ ವಾಹನವನ್ನು ಬಿಡುಗಡೆಗೊಳಿಸಿದ ಎರಡು ವರ್ಷಗಳ ನಂತರ ಫೇಸ್ಲಿಫ್ಟ್ ಆವೃತ್ತಿಯನ್ನು ಬಿಡುಗಡೆಗೊಳಿಸುತ್ತವೆ. ಆದರೆ ಎಂಜಿ ಮೋಟಾರ್ ಕಂಪನಿಯು ಹೆಕ್ಟರ್ನ ಬಿಡುಗಡೆಯಾದ ಕೇವಲ 18 ತಿಂಗಳಲ್ಲಿ ಹೊಸ ಫೇಸ್ಲಿಫ್ಟ್ ಆವೃತ್ತಿಯನ್ನು ಬಿಡುಗಡೆಗೊಳಿಸಿದೆ.
ಎಂಜಿ ಹೆಕ್ಟರ್ ಫೇಸ್ಲಿಫ್ಟ್ ಆವೃತ್ತಿಯ ಆರಂಭಿಕ ಬೆಲೆ ಎಕ್ಸ್ಶೋರೂಂ ದರದಂತೆ ರೂ.12,89,800ಗಳಾದರೆ, ಡೀಸೆಲ್ ಮ್ಯಾನುವಲ್ ಮಾದರಿಯ ಬೆಲೆ ಎಕ್ಸ್ಶೋರೂಂ ದರದಂತೆ ರೂ.18,32,800ಲಕ್ಷಗಳಾಗಿದೆ. ಎಂಜಿ ಹೆಕ್ಟರ್ ಫೇಸ್ಲಿಫ್ಟ್ ಆವೃತ್ತಿಯ ಫಸ್ಟ್ ಲುಕ್ ಬಗೆಗಿನ ವಿವರಗಳನ್ನು ಈ ಲೇಖನದಲ್ಲಿ ನೋಡೋಣ.
ಎಕ್ಸ್ ಟಿರಿಯರ್ ಹಾಗೂ ಡಿಸೈನ್
ಮೊದಲ ಬಾರಿಗೆ ಈ ಎಸ್ಯುವಿಯನ್ನು ನೋಡಿದರೆ ಯಾವುದೇ ಬದಲಾವಣೆಗಳು ಕಂಡು ಬರುವುದಿಲ್ಲ. ಆದರೂ ಈ ಕಾರಿನ ಎಕ್ಸ್ ಟಿರಿಯರ್ ನಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲಾಗಿದೆ.
ಈ ಬದಲಾವಣೆಗಳಲ್ಲಿ ಫ್ರಂಟ್ ಗ್ರಿಲ್ ಸೇರಿದೆ. ಈ ಎಸ್ಯುವಿಯಲ್ಲಿ ಅಳವಡಿಸಿರುವ ಬೋಲ್ಡ್ ಆಗಿರುವ ಥರ್ಮೋ ಪ್ರೆಸ್ ಫ್ರಂಟ್ ಗ್ರಿಲ್ ಹೊಸ ಹೆಕ್ಟರ್ ಫೇಸ್ಲಿಫ್ಟ್ಗೆ ಪ್ರೀಮಿಯಂ ಲುಕ್ ನೀಡುತ್ತದೆ.
ಇದರ ಜೊತೆಗೆ ಡೈನಾಮಿಕ್ ಇಂಡಿಕೇಟರ್ ಹೊಂದಿರುವ ಎಲ್ಇಡಿ ಡಿಆರ್ ಎಲ್ ಹಾಗೂ ಫ್ರಂಟ್ ಬಂಪರ್'ನಲ್ಲಿರುವ ಪೂರ್ಣ ಎಲ್ಇಡಿ ಹೆಡ್ ಲೈಟ್ ಹೊರತುಪಡಿಸಿ ಮುಂಭಾಗದಲ್ಲಿ ಬೇರೆ ಬದಲಾವಣೆಗಳಾಗಿಲ್ಲ.
ಸೈಡ್ ಪ್ರೊಫೈಲ್ ನಲ್ಲಿ ಡ್ಯುಯಲ್-ಟೋನ್ ನಲ್ಲಿರುವ ಹೊಸ 18 ಇಂಚಿನ ಅಲಾಯ್ ವ್ಹೀಲ್ ಅಳವಡಿಸಲಾಗಿದೆ. ಈ ಆಲಾಯ್ ವ್ಹೀಲ್ ನ ವಿನ್ಯಾಸವು ಝಡ್ಎಸ್ ಇವಿಯ ರೀತಿಯಲ್ಲಿದೆ. ಈ ದೊಡ್ಡ ಗಾತ್ರದ ವ್ಹೀಲ್'ಗಳು ಈ ದೊಡ್ಡ ಎಸ್ಯುವಿಯ ಗಾತ್ರಕ್ಕೆ ಸೂಕ್ತವಾಗಿ ಹೊಂದಿಕೊಳ್ಳುತ್ತವೆ.
ಇನ್ನು ಸೈಡ್ ಪ್ರೊಫೈಲ್ ನಲ್ಲಿರುವ ಬಹುತೇಕ ಅಂಶಗಳು ಸಾಕಷ್ಟು ಕ್ರೋಮ್ ಬಣ್ಣವನ್ನು ಹೊಂದಿವೆ. ಈ ಎಸ್ಯುವಿಯಲ್ಲಿ ಈಗ ಕಪ್ಪು ಬಣ್ಣದ ಒಆರ್ವಿಎಂ ಅಳವಡಿಸಲಾಗಿದೆ.
ಇದರ ಜೊತೆಗೆ ಇಂಟಿಗ್ರೇಟೆಡ್ ಇಂಡಿಕೇಟರ್ ಹಾಗೂ 360 ಡಿಗ್ರಿ ಕ್ಯಾಮೆರಾಗಾಗಿ ಪ್ರತಿ ಬದಿಯಲ್ಲಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ. ಇನ್ನು ಹಿಂಬದಿಯಲ್ಲಿ ಟೇಲ್ಲೈಟ್ಗಳನ್ನು ಕನೆಕ್ಟ್ ಮಾಡಲು ಬಳಸುವ ರಿಫ್ಲೆಕ್ಟಿವ್ ಸ್ಟ್ರೈಪ್ ಬದಲಿಗೆ ಡಾರ್ಕ್ ರೇರ್ ಟೇಲ್ಗೇಟ್ ಗಾರ್ನಿಷ್ ನೀಡಲಾಗಿದೆ.
ಈ ಎಸ್ಯುವಿಯ ಎಡ ಭಾಗದಲ್ಲಿ ಹೆಕ್ಟರ್ ಹಾಗೂ ಇಂಟರ್ ನೆಟ್ ಇನ್ ಸೈಡ್ ಎಂಬ ಬ್ಯಾಡ್ಜ್ ಗಳನ್ನು ಕಾಣಬಹುದು. ಹೊಸ ಎಸ್ಯುವಿಯು ಕ್ರೋಮ್ ಬಣ್ಣದಲ್ಲಿರುವ ಎಲೆಕ್ಟ್ರಿಕ್ ಟೇಲ್ಗೇಟ್ ಹಾಗೂ ಸಿಂಗಲ್ ಸೈಡ್-ಮೌಂಟೆಡ್ ಎಕ್ಸಾಸ್ಟ್ ಗಳನ್ನು ಸಹ ಹೊಂದಿದೆ.
ಇಂಟಿರಿಯರ್ ಹಾಗೂ ಫೀಚರ್
ಈ ಎಸ್ಯುವಿಯು ವಿಶಾಲವಾದ ಕ್ಯಾಬಿನ್, ಪನೋರಾಮಿಕ್ ಸನ್ರೂಫ್ ಗಳನ್ನು ಹೊಂದಿದೆ. ಹೆಕ್ಟರ್ ಫೇಸ್ಲಿಫ್ಟ್ ಎಸ್ಯುವಿಯಲ್ಲಿ ಐಷಾರಾಮಿ ಷಾಂಪೇನ್ ಹಾಗೂ ಕಪ್ಪು ಡ್ಯುಯಲ್-ಟೋನ್ ಥಿಮ್ ಇಂಟಿರಿಯರ್ ಆಯ್ಕೆಗಳನ್ನು ನೀಡಲಾಗಿದೆ.
ಇದರಲ್ಲಿ ವೈರ್ಲೆಸ್ ಚಾರ್ಜಿಂಗ್, ಅಪ್ಡೇಟ್ ಮಾಡಲಾದ ಐ-ಸ್ಮಾರ್ಟ್ ಕನೆಕ್ಟಿವಿಟಿ ಟೆಕ್ನಾಲಜಿಯನ್ನು ನೀಡಲಾಗಿದೆ.
ಈ ಅಪ್ಡೇಟ್ನಿಂದಾಗಿ ಈಗ ಎಕ್ಸ್ ಟಿರಿಯರ್ ಅನ್ನು ಸಂಪರ್ಕಿಸಿ, ಹವಾಮಾನ ಮಾಹಿತಿಯನ್ನು ಪಡೆಯಬಹುದು. ಈಗ ಹಿಂದಿ ಕಮಾಂಡ್ ಫೀಚರ್ ಜೊತೆಗೆ ಇಂಗ್ಲಿಷ್ ಕಮಾಂಡ್ ಅನ್ನು ಸಹ ಸೇರಿಸಲಾಗಿದೆ.
ಹೊಸ ಹೆಕ್ಟರ್ ಆಟೋ ಡಿಮ್ಮಿಂಗ್ ಐಆರ್ ವಿಎಂ, ಇನ್ಫೋಟೇನ್ ಮೆಂಟ್ ಸಿಸ್ಟಂ ಅನ್ನು ಹೊಂದಿದೆ. ಈ ಸಿಸ್ಟಂ ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಪವರ್ಡ್ ಟೇಲ್ಗೇಟ್, ರೇರ್ ಎಸಿ ವೆಂಟ್ ಸೇರಿದಂತೆ ಹಲವಾರು ಫೀಚರ್'ಗಳನ್ನು ಹೊಂದಿದೆ.
ಸ್ಟೀಯರಿಂಗ್ ಮೌಂಟೆಡ್ ಕಂಟ್ರೋಲ್ ಗಳನ್ನು ಸೂಕ್ತವಾಗಿರಿಸಲಾಗಿದ್ದು, ಬಳಸಲು ಸುಲಭವಾಗಿದೆ. ಆದರೆ ವೆಂಟಿಲೇಟೆಡ್ ಸೀಟುಗಳ ಬಟನ್ ಅನ್ನು ಬೇರೆ ಜಾಗದಲ್ಲಿ ಇರಿಸಬಹುದಾಗಿತ್ತು.
ಮುಂಭಾಗದ ಸೀಟುಗಳು ಬೆನ್ನಿಗೆ ಹಾಗೂ ತೊಡೆಗಳಿಗೆ ಆರಾಮದಾಯಕ ಅನುಭವವನ್ನು ನೀಡುತ್ತವೆ. ನಾವು ಕಾರನ್ನು ಚಾಲನೆ ಮಾಡದಿದ್ದರೂ ಸಹ ಈ ಸೀಟುಗಳು ಲಾಂಗ್ ಡ್ರೈವ್ ನಲ್ಲಿ ಆರಾಮದಾಯಕವಾಗಿರುತ್ತವೆ ಎಂದು ಹೇಳಬಹುದು.
ಎರಡನೇ ಸಾಲು ವಿಶಾಲವಾಗಿದ್ದು ಮೂವರು ಪ್ರಯಾಣಿಕರು ಆರಾಮವಾಗಿ ಕುಳಿತುಕೊಳ್ಳಬಹುದು. ಈ ಎಸ್ಯುವಿಯು ಫ್ಲಾಟ್ ಫ್ಲೋರ್ ಹೊಂದಿದ್ದು, ಮಧ್ಯದಲ್ಲಿ ಕುಳಿತಿರುವ ವ್ಯಕ್ತಿ ಆರಾಮವಾಗಿ ಕುಳಿತುಕೊಳ್ಳುವಂತೆ ಮಾಡುತ್ತದೆ.
ಎಂಜಿನ್ ಆಯ್ಕೆಗಳು
ಎಂಜಿ ಹೆಕ್ಟರ್ ಫೇಸ್ಲಿಫ್ಟ್ನಲ್ಲಿ ಮಾರುಕಟ್ಟೆಯಲ್ಲಿರುವ ಮಾದರಿ ಹೊಂದಿರುವಂತಹ ಎಂಜಿನ್ ಹಾಗೂ ಟ್ರಾನ್ಸ್ ಮಿಷನ್ ಆಯ್ಕೆಗಳನ್ನು ನೀಡಲಾಗಿದೆ. ಎಂಜಿ ಹೆಕ್ಟರ್ ಫೇಸ್ಲಿಫ್ಟ್ ಎರಡು ಎಂಜಿನ್ ಆಯ್ಕೆಗಳನ್ನು ಹೊಂದಿದೆ.
ಇವುಗಳಲ್ಲಿ 1.5-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ 143 ಬಿಹೆಚ್ಪಿ ಪವರ್ ಹಾಗೂ 250 ಎನ್ಎಂ ಟಾರ್ಕ್ ಉತ್ಪಾದಿಸಿದರೆ, 2.0-ಲೀಟರ್ ಡೀಸೆಲ್ ಎಂಜಿನ್ 173 ಬಿಹೆಚ್ಪಿ ಪವರ್ ಹಾಗೂ 350 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
ಪೆಟ್ರೋಲ್ ಎಂಜಿನ್ ಅನ್ನು 48 ವೋಲ್ಟ್'ನ ಮೈಲ್ಡ್ ಹೈಬ್ರಿಡ್ ಮಾದರಿಯೊಂದಿಗೆ ನೀಡಲಾಗುತ್ತದೆ. ಈ ಮಾದರಿಯು ಹೆಚ್ಚಿನ ಇಂಧನ ದಕ್ಷತೆ ಹಾಗೂ ಕಡಿಮೆ ಶಬ್ದವನ್ನುಂಟು ಮಾಡುತ್ತದೆ.
ಎಲ್ಲಾ ಎಂಜಿನ್ ಆಯ್ಕೆಗಳು ಆರು-ಸ್ಪೀಡ್ ಮ್ಯಾನ್ಯುವಲ್ ಗೇರ್ಬಾಕ್ಸ್ಗೆ ಸ್ಟ್ಯಾಂಡರ್ಡ್ನಂತೆ ಹೊಂದಿಕೆಯಾಗುತ್ತವೆ. ಹೈಬ್ರಿಡ್ ಅಲ್ಲದ ಪೆಟ್ರೋಲ್ ಎಂಜಿನ್ ಅನ್ನು ಡಿಸಿಟಿ ಟ್ರಾನ್ಸ್ಮಿಷನ್ ಯೂನಿಟ್'ನೊಂದಿಗೆ ನೀಡಲಾಗುತ್ತದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
2021 ಹೆಕ್ಟರ್ ಫೇಸ್ಲಿಫ್ಟ್ ಎಸ್ಯುವಿ ಕೆಲವು ಬದಲಾವಣೆಗಳೊಂದಿಗೆ ಉತ್ತಮವಾಗಿದೆ. ವೆಂಟಿಲೇಟೆಡ್ ಸೀಟುಗಳ ಬಳಿಯಿರುವ ಸ್ವಿಚ್ ಅನ್ನು ಇನ್ನೂ ಸೂಕ್ತವಾದ ಜಾಗಕ್ಕೆ ಸ್ಥಳಾಂತರಿಸಬೇಕು.
ಪ್ರಯಾಣಿಕರ ಭಾಗದಲ್ಲಿ ಸೀಟ್ ಅಡ್ಜಸ್ಟ್ ಮೆಂಟ್ ನೀಡಿ, ಕೆಲವು ಸ್ಥಳಗಳಿಂದ ಕ್ರೋಮ್ ಅನ್ನು ತೆಗೆದು ಹಾಕಬೇಕಿತ್ತು ಎಂಬುದು ನಮ್ಮ ಅನಿಸಿಕೆ. ಇವುಗಳನ್ನು ಹೊರತುಪಡಿಸಿದರೆ ದುಬಾರಿಯಲ್ಲದ, ದೊಡ್ಡದಾದ ಹಾಗೂ ಸಾಕಷ್ಟು ಫೀಚರ್ ಹೊಂದಿರುವ ಫ್ಯಾಮಿಲಿ ಕಾರು ಖರೀದಿಸಲು ಬಯಸಿದರೆ ಹೊಸ ಹೆಕ್ಟರ್ ಫೇಸ್ಲಿಫ್ಟ್ ಎಸ್ಯುವಿಯನ್ನು ಖರೀದಿಸಬಹುದು.
ಎಂಜಿ ಹೆಕ್ಟರ್ ಫೇಸ್ಲಿಫ್ಟ್ ಎಸ್ಯುವಿಯು ದೇಶಿಯ ಮಾರುಕಟ್ಟೆಯಲ್ಲಿ ಜೀಪ್ ಕಂಪಾಸ್ ಫೇಸ್ಲಿಫ್ಟ್, ಟಾಟಾ ಹ್ಯಾರಿಯರ್ ಹಾಗೂ ನಿಸ್ಸಾನ್ ಕಿಕ್ಸ್ ಎಸ್ಯುವಿಗಳಿಗೆ ಪೈಪೋಟಿ ನೀಡಲಿದೆ.