ಸಾರ್ವಜನಿಕವಾಗಿ ಪ್ರದರ್ಶನಗೊಂಡ ಹೊಸ ಬುಗಾಟಿ ಸ್ಪೋರ್ಟ್ಸ್ ಕಾರು

ಚಿರೋನ್ ಕಾರಿನ ಜೊತೆಗೆ ಕಳೆದ ವರ್ಷ ಅನಾವರಣಗೊಂಡ ಬುಗಾಟಿ ಬೋಲೈಡ್ ಎಂಬ ಟ್ರ್ಯಾಕ್ ಮಾದರಿಯನ್ನು ಸಹ ಪ್ರದರ್ಶಿಸಲಾಗಿದೆ. ಓಪನ್ ಏರ್ ಮೋಟಾರ್ ಶೋದಲ್ಲಿ ಈ ಎರಡು ಐಷಾರಾಮಿ ಕಾರುಗಳು ಮಿಲನ್ ನಗರದ ಬೀದಿಗಳಲ್ಲಿ ಸಂಚರಿಸಿವೆ.

ಕೆಲವು ದಿನಗಳ ಹಿಂದೆ ಬುಗಾಟಿ ಕಂಪನಿಯ ಅಧ್ಯಕ್ಷ ಸ್ಟೀಫನ್ ವಿಂಕೆಲ್ಮನ್ ಹೊಸ ಚಿರೋನ್ ಸೂಪರ್ ಸ್ಪೋರ್ಟ್‌ ಕಾರ್ ಅನ್ನು ಚಾಲನೆ ಮಾಡಿದ್ದರು. ಈ ಮೂಲಕ ಚಿರೋನ್ ವಿಶ್ವದಾದ್ಯಂತ ಡಿಜಿಟಲ್ ಪ್ರಪಂಚಕ್ಕೆ ಕಾಲಿಟ್ಟಿತು.

ಐಷಾರಾಮಿ ಸ್ಪೋರ್ಟ್ಸ್ ಕಾರುಗಳ ತಯಾರಿಕೆಗೆ ಹೆಸರುವಾಸಿಯಾಗಿರುವ ಬುಗಾಟಿ ಕಂಪನಿಯು, ಹೊಸ ಚಿರೋನ್ ಕಾರು ಐಷಾರಾಮಿ ಸೌಕರ್ಯಗಳ ಜೊತೆಗೆ ಹೆಚ್ಚಿನ ಪರ್ಫಾಮೆನ್ಸ್ ಸಂಯೋಜನೆ ಹೊಂದಿದೆ ಎಂದು ಹೇಳಿಕೊಂಡಿದೆ.

ಈ ಕಾರಿನಲ್ಲಿ ಚಿರೋನ್ ಸೂಪರ್ ಸ್ಪೋರ್ಟ್ 300 ಪ್ಲಸ್ ಮಾದರಿಯಲ್ಲಿರುವಂತಹ 8.0 ಲೀಟರ್ ಡಬ್ಲ್ಯು 16 ನಾಲ್ಕು ಟರ್ಬೊ ಎಂಜಿನ್ ಅಳವಡಿಸಲಾಗಿದ್ದರೂ ಅದನ್ನು ವೇಗಗೊಳಿಸಲು ಕೆಲವು ಮಹತ್ವದ ಬದಲಾವಣೆಗಳನ್ನು ಮಾಡಲಾಗಿದೆ.

ಈ ಕಾರಿನಲ್ಲಿ ಕಂಪನಿಯು ಕಂಪ್ರೆಸರ್ ವ್ಹೀಲ್ ಹೊಂದಿರುವ ದೊಡ್ಡ ಟರ್ಬೋಚಾರ್ಜರ್‌ಗಳನ್ನು ಹಾಗೂ ಹೆಚ್ಚಿನ ವೇಗಕ್ಕಾಗಿ ವಿನ್ಯಾಸಗೊಳಿಸಲಾದ ಹೊಸ ಚಾಸಿಸ್ ಅನ್ನು ಅಳವಡಿಸಿದೆ. ಈ ಕಾರಿನ ತೂಕವನ್ನು 23 ಕೆ.ಜಿಯಷ್ಟು ಕಡಿಮೆ ಮಾಡಲಾಗಿದೆ.

ಈ ಕಾರಿನ ಮುಂಭಾಗದಲ್ಲಿರುವ ಲೋ ಸ್ಲಂಗ್ ಕಾರ್ ಅನ್ನು ಏರೋಡೈನಾಮಿಕ್ ಆಗಿ ಪರಿಣಾಮಕಾರಿಯಾಗಿಸುತ್ತದೆ. ಚಿರೋನ್ ಸೂಪರ್ ಸ್ಪೋರ್ಟ್‌ ಕಾರಿನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 440 ಕಿ.ಮೀಗಳಾಗಿದೆ.

ಬುಗಾಟಿ ಕಂಪನಿಯು ಈ ಹೈಪರ್ ಸ್ಪೋರ್ಟ್ಸ್ ಕಾರಿನ ಕೇವಲ 30 ಯುನಿಟ್'ಗಳನ್ನು ಮಾತ್ರ ಉತ್ಪಾದಿಸಲಿದೆ. ಈ ಕಾರಿನ ಬೆಲೆ ಸುಮಾರು 3.2 ಮಿಲಿಯನ್ ಯುರೋ ಅಂದರೆ ಭಾರತದ ರೂಪಾಯಿ ಮೌಲ್ಯದಲ್ಲಿ ಸುಮಾರು ರೂ.28.50 ಕೋಟಿಗಳಾಗಿದೆ.

ಈ ಕಾರಿನಲ್ಲಿರುವ ಅಳವಡಿಸಿರುವ ಎಂಜಿನ್ 1,825 ಬಿಹೆಚ್‌ಪಿ ಪವರ್ ಹಾಗೂ 1,850 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಚಿರೋನ್ ಸೂಪರ್ ಸ್ಪೋರ್ಟ್ಸ್ ಕಾರು ಕೇವಲ 2.17 ಸೆಕೆಂಡುಗಳಲ್ಲಿ 100 ಕಿ.ಮೀ ವೇಗವನ್ನು ಆಕ್ಸಲರೇಟ್ ಮಾಡುತ್ತದೆ.