Just In
- 1 hr ago ನಟ ವಿಜಯ್ ನೋಡಲು ಬಂದ ಜನಸಾಗರ: ಅಭಿಮಾನಿಗಳಿಂದ ನಟನ ಕಾರಿಗೆ ಹಾನಿ!
- 1 hr ago ಕಾಶ್ಮೀರ ಟು ಕನ್ಯಾಕುಮಾರಿ ಟ್ರಿಪ್ ಮುಗಿಸಿದ ಎಲೆಕ್ಟ್ರಿಕ್ ಸ್ಕೂಟರ್: ಗೇಮ್ ಚೇಂಜರ್ ಅಖಾಡಕ್ಕೆ
- 2 hrs ago Mahindra Bolero: ಅಪಘಾತವಾದ ಕಾರಿಗೆ ಅದ್ದೂರಿ ಮಾಡಿಫಿಕೇಷನ್: ವಿಡಿಯೋಗೆ ವಾವ್ ಎನ್ನಲೇಬೇಕು!
- 3 hrs ago ಭಾರತದ ರಸ್ತೆಯಲ್ಲಿ ಘರ್ಜಿಸಲು ಬಂದ ಪವರ್ಫುಲ್ ಎಪ್ರಿಲಿಯಾ ಬೈಕ್ ವಿತರಣೆ ಮಾಹಿತಿ ಬಹಿರಂಗ
Don't Miss!
- Sports ಕಮಿನ್ಸ್ ಟೆನ್ಷನ್ ಹೆಚ್ಚಿಸಿದ ಸ್ಟಾರ್ ಪ್ಲೇಯರ್ ನಿರ್ಧಾರ: ಎಸ್ಆರ್ಎಚ್ ತಂಡಕ್ಕೆ ಆರಂಭದಲ್ಲೇ ಪೆಟ್ಟು
- Lifestyle ಪಳ ಪಳ ಹೊಳೆಯುವ ಕೆಂಪು ನಾಗರ ನೋಡಿದ್ದೀರಾ..? ವೈರಲ್ ಆಗ್ತಿದೆ ವಿಡಿಯೋ..!
- Technology ಬಹುನಿರೀಕ್ಷಿತ ರಿಯಲ್ಮಿ ನಾರ್ಜೋ 70 ಪ್ರೊ 5G ಲಾಂಚ್!..ಇಯರ್ಬಡ್ಸ್ ಉಚಿತ!
- Movies ಅಪ್ಪು ಮನೆಗೆ ಭೇಟಿ ಕೊಟ್ಟ ಶೋಭಾ ಕರಂದ್ಲಾಜೆ; ಸಾಥ್ ಕೊಟ್ಟ ಸಿ ಎನ್ ಅಶ್ವತ್ಥನಾರಾಯಣ
- News ಜಗದೀಶ್ ಶೆಟ್ಟರ್ಗೆ ಬೆಳಗಾವಿ ಸ್ಪರ್ಧೆ ಮತ್ತಷ್ಟು ಜಟೀಲ: ಗೋಬ್ಯಾಕ್ ಅಭಿಯಾನ ಯಶಸ್ವಿ ಆಯ್ತಾ?
- Finance ಬೆಂಗಳೂರಿನ ಮೇಘನಾ ಫುಡ್ಸ್ ಹೋಟೆಲ್ ಮಳಿಗೆಗಳ ಮೇಲೆ ಐಟಿ ದಾಳಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗರಿಷ್ಠ ಸುರಕ್ಷತೆ ಹೊಂದಿರುವ ಮೇಡ್ ಇನ್ ಇಂಡಿಯಾ ಕಾರುಗಳಿವು
ಭಾರತೀಯ ಮಾರುಕಟ್ಟೆಯಲ್ಲಿ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಹಲವು ವಿಧದ ಕಾರುಗಳಿವೆ. ಗ್ರಾಹಕರು ಕಾರು ಖರೀದಿಸುವಾಗ ಮೈಲೇಜ್, ಫೀಚರ್ಸ್, ವಿನ್ಯಾಸದ ಜೊತೆ ಕಾರಿನ ಸುರಕ್ಷತೆಯ ಬಗ್ಗೆ ಗಮನಹರಿಸುತ್ತಿದ್ದಾರೆ. ಭಾರತದಲ್ಲಿ ಅಪಘಾತಗಳ ಸಂಖ್ಯೆ ಹೆಚ್ಚಾಗುತ್ತಿರುವುದರಿಂದ ಸುರಕ್ಷತೆಯ ಬಗ್ಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡುತ್ತಿದ್ದಾರೆ.
ಸುರಕ್ಷಿತ ವಾಹನಗಳ ಬಗ್ಗೆ ಜಾಗೃತಿ ಮೂಡಿಸಲು #SaferCarsForIndia ಅಭಿಯಾನದ ಅಡಿಯಲ್ಲಿ, ಗ್ಲೋಬಲ್ NCAP ಕಳೆದ ಕೆಲವು ವರ್ಷಗಳಲ್ಲಿ 40 ಮೇಡ್ ಇನ್ ಇಂಡಿಯಾ ವಾಹನಗಳನ್ನು ಪರೀಕ್ಷಿಸಿದೆ. ಈ ಮಾದರಿಗಳು ಕಳಪೆ ಶೂನ್ಯದಿಂದ 5 ಸ್ಟಾರ್ ರೇಟಿಂಗ್ ಪಡೆದ ಮಾದರಿಗಳು ಕೂಡ ಇವೆ. ಜಾಗತಿಕ ಎನ್ಸಿಎಪಿ ಕ್ರ್ಯಾಶ್ ಟೆಸ್ಟ್ ರೇಟಿಂಗ್ಗಳ ಪ್ರಕಾರ ಭಾರತದಲ್ಲಿ ಮಾರಾಟದಲ್ಲಿರುವ ಟಾಪ್ 5 ಸುರಕ್ಷಿತ ಮೇಡ್ ಇನ್ ಇಂಡಿಯಾ ಕಾರುಗಳ ಮಾಹಿತಿ ಇಲ್ಲಿದೆ,
ಟಾಟಾ ಪಂಚ್
ಸ್ವದೇಶಿ ವಾಹನ ತಯಾರಕ ಕಂಪನಿಯಾದ ಟಾಟಾ ಮೋಟಾರ್ಸ್ ಹೊಸ ಪಂಚ್ ಮೈಕ್ರೊ ಎಸ್ಯುವಿ ಮಾದರಿಯು ಜಾಗತಿಕ NCAP ಕ್ರ್ಯಾಶ್ ಟೆಸ್ಟ್ನಲ್ಲಿ ವಯಸ್ಕ ಪ್ರಯಾಣಿಕರ ರಕ್ಷಣೆಗಾಗಿ 5 ಸ್ಟಾರ್ ರೇಟಿಂಗ್ ಪಾಯಿಂಟ್ ಗಳನ್ನು ಪಡೆದುಕೊಂಡಿದೆ. ಈ ಸಣ್ಣ ಮೈಕ್ರೊ ಎಸ್ಯುವಿ ಕಾರು ಮಕ್ಕಳರ ರಕ್ಷಣೆಗಾಗಿ ನಾಲ್ಕು ಸ್ಟಾರ್ ರೇಟಿಂಗ್ ಪಾಯಿಂಟ್ ಗಳನ್ನು ಗಳಿಸಿದೆ. ಇದು ವಯಸ್ಕರ ರಕ್ಷಣೆ ಮತ್ತು ಮಕ್ಕಳ ರಕ್ಷಣೆ ಎರಡಕ್ಕೂ ಗರಿಷ್ಠ ಸ್ಕೋರ್ ಗಳಿಸುವಲ್ಲಿ ಯಶಸ್ವಿಯಾಗಿದೆ.
ಮಹೀಂದ್ರಾ ಎಕ್ಸ್ಯುವಿ300 ಎಸ್ಯುವಿಯನ್ನು ಹಿಂದಿಕ್ಕಿ ಟಾಟಾ ಪಂಚ್ ಭಾರತದ ಅತಿ ಸುರಕ್ಷಿತ ಕಾರು ಎನಿಸಿಕೊಂಡಿದೆ. ಈಸಣ್ಣ ಕಾರು ವಯಸ್ಕ ಪ್ರಯಾಣಿಕರ ರಕ್ಷಣೆಯಲ್ಲಿ ಗರಿಷ್ಠ 17 ಪಾಯಿಂಟ್ಗಳಲ್ಲಿ 16.45 ಅನ್ನು ಪಡೆದುಕೊಂಡಿದೆ, ಏಕೆಂದರೆ ಇದು ಜಾಗತಿಕ ಎನ್ಸಿಎಪಿ ಪರೀಕ್ಷಿಸಿದ ಎಲ್ಲಾ ಭಾರತದಲ್ಲಿ ತಯಾರಿಸಿದ ವಾಹನಗಳಲ್ಲಿ ಅತಿ ಹೆಚ್ಚು.64kmph ವೇಗದಲ್ಲಿ ಪರೀಕ್ಷಿಸಲಾಗಿರುವ
ಹೊಸ ಪಂಚ್ ಚಾಲಕ ಮತ್ತು ಪ್ರಯಾಣಿಕರ ತಲೆ, ಕುತ್ತಿಗೆ, ಎದೆ ಮತ್ತು ಮಂಡಿಗಳಿಗೆ ಉತ್ತಮ ರಕ್ಷಣೆ ನೀಡುತ್ತದೆ ಎಂದು ಹೇಳಲಾಗಿದೆ. ಬಾಡಿಶೆಲ್ ಸ್ಥಿರವಾಗಿ ಕಂಡುಬರುತ್ತದೆ ಮತ್ತು ಹೆಚ್ಚಿನ ಲೋಡಿಂಗ್ಗಳನ್ನು ತಡೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ. ಪಂಚ್ ಮಕ್ಕಳ ರಕ್ಷಣೆಯಲ್ಲಿ ಗರಿಷ್ಠ 49 ಅಂಕಗಳಲ್ಲಿ 40.89 ಅಂಕಗಳನ್ನು ಗಳಿಸಿದೆ. ಇದು 41.11 ಅಂಕಗಳನ್ನು ಗಳಿಸಿದ ಹೊಸ ಮಹೀಂದ್ರಾ ಥಾರ್ಗಿಂತ ಸ್ವಲ್ಪ ಹಿಂದಿದೆ.
ಇನ್ನು 3 ವರ್ಷ ಮತ್ತು 1.5 ವರ್ಷ ವಯಸ್ಸಿನ ಮಕ್ಕಳ ಸೀಟುಗಳು ISOFIX ಕನೆಕ್ಟರ್ಗಳು ಮತ್ತು ಬೆಂಬಲ ಕಾಲಿನೊಂದಿಗೆ ಹಿಂಭಾಗದಲ್ಲಿ ಸ್ಥಾಪಿಸಲಾಗಿದೆ. ಸಿಆರ್ಎಸ್ ಪ್ರಭಾವದ ಸಮಯದಲ್ಲಿ ಅತಿಯಾದ ಮುಂದಕ್ಕೆ ಚಲನೆಯನ್ನು ತಡೆಯಲು ಸಾಧ್ಯವಾಯಿತು ಮತ್ತು ಡಮ್ಮಿಗಳ ತಲೆ ಮತ್ತು ಎದೆಗೆ ಉತ್ತಮ ರಕ್ಷಣೆ ನೀಡುತ್ತದೆ.
ಮಹೀಂದ್ರಾ ಎಕ್ಸ್ಯುವಿ300
ಹೊಸ ಮಹೀಂದ್ರಾ ಎಕ್ಸ್ಯುವಿ300 ಎಸ್ಯುವಿಯು ವಯಸ್ಕ ಪ್ರಯಾಣಿಕರ ರಕ್ಷಣೆಗೆ 17 ಅಂಕಗಳಲ್ಲಿ 16.42 ಅಂಕಗಳನ್ನು ಗಳಿಸಿದೆ. ಮಕ್ಕಳ ರಕ್ಷಣೆಯಲ್ಲಿ 49 ಅಂಕಗಳಲ್ಲಿ 37.44 ಅಂಕಗಳನ್ನು ಗಳಿಸಿದೆ. ಮಹೀಂದ್ರಾ ಎಕ್ಸ್ಯುವಿ300 ವಯಸ್ಕ ಪ್ರಯಾಣಿಕರ' ತಲೆ, ಕುತ್ತಿಗೆ ಮತ್ತು ಮೊಣಕಾಲಿನ ರಕ್ಷಣೆಯನ್ನು ಉತ್ತಮವಾಗಿ ಒದಗಿಸಿದೆ ಎಂದು ಪರೀಕ್ಷಾ ಫಲಿತಾಂಶಗಳು ತೋರಿಸುತ್ತವೆ.
ಮುಂಭಾಗದ ಪ್ರಯಾಣಿಕರಿಗೆ ಎದೆಯ ರಕ್ಷಣೆ 'ಉತ್ತಮ' ಎಂದು ರೇಟ್ ಮಾಡಿದ್ದರೆ, ಚಾಲಕರ ರಕ್ಷಣೆ 'ಸಮರ್ಪಕ'. ಎಸ್ಯುವಿಯ ರಚನೆ ಮತ್ತು ಫುಟ್ವೆಲ್ ಪ್ರದೇಶವೂ ಸ್ಥಿರವಾಗಿದೆ. ಎಸ್ಯುವಿ 3 ವರ್ಷ ವಯಸ್ಸಿನ (ಮುಂದಕ್ಕೆ) ಮತ್ತು 1.5 ವರ್ಷದ ಮಕ್ಕಳ ಡಮ್ಮಿ (ಹಿಂಭಾಗಕ್ಕೆ ಎದುರಾಗಿರುವ) ಡಮ್ಮಿಗಳಿಗೆ ಕ್ರಮವಾಗಿ 'ಫೇರ್' ಮತ್ತು 'ಉತ್ತಮ' ರಕ್ಷಣೆಯನ್ನು ನೀಡಿತು.
ಟಾಟಾ ಆಲ್ಟ್ರೊಜ್
ಜಾಗತಿಕ NCAP ಕ್ರ್ಯಾಶ್ ಟೆಸ್ಟ್ನಲ್ಲಿ 5-ಸ್ಟಾರ್ ರೇಟಿಂಗ್ ಪಡೆದಿರುವ ಹೊಸ ಟಾಟಾ ಆಲ್ಟ್ರೊಜ್ ಭಾರತದಲ್ಲಿ ಸುರಕ್ಷಿತವಾದ ಹ್ಯಾಚ್ ಬ್ಯಾಕ್ ಆಗಿದೆ. ವಯಸ್ಕ ಪ್ರಯಾಣಿಕರ ರಕ್ಷಣೆಯಲ್ಲಿ ಆಲ್ಟ್ರೋಜ್ 17 ರಲ್ಲಿ 16.13 ಅಂಕಗಳನ್ನು ಪಡೆದುಕೊಂಡಿದೆ. ಮಕ್ಕಳ ರಕ್ಷಣೆಯಲ್ಲಿ 49 ರಲ್ಲಿ 29 ಅಂಕಗಳೊಂದಿಗೆ 3 ಸ್ಟಾರ್ ಗಳನ್ನು ಪಡೆದುಕೊಂಡಿದೆ.
ಹ್ಯಾಚ್ ಬ್ಯಾಕ್ ಚಾಲಕ ಮತ್ತು ಪ್ರಯಾಣಿಕರ ತಲೆ, ಕುತ್ತಿಗೆ ಮತ್ತು ಮೊಣಕಾಲುಗಳಿಗೆ ಉತ್ತಮ ರಕ್ಷಣೆ ನೀಡುತ್ತದೆ ಮತ್ತು ಘರ್ಷಣೆಯ ಸಮಯದಲ್ಲಿ ಎದೆಗೆ ಸಾಕಷ್ಟು ರಕ್ಷಣೆ ನೀಡುತ್ತದೆ. ಟಾಟಾ ಆಲ್ಟ್ರೊಜ್ ಬಾಡಿಶೆಲ್ ಅನ್ನು ಸ್ಥಿರವೆಂದು ರೇಟ್ ಮಾಡಲಾಗಿದೆ ಮತ್ತು ಇದು ಹೆಚ್ಚಿನ ಲೋಡಿಂಗ್ಗಳನ್ನು ತಡೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿತ್ತು. ಫುಟ್ ವೆಲ್ ಪ್ರದೇಶವನ್ನು ಸ್ಥಿರ ಎಂದು ರೇಟ್ ಮಾಡಲಾಗಿದೆ. 1.5 ವರ್ಷದ ಮಗುವಿನ ಡಮ್ಮಿಗೆ ರಕ್ಷಣೆ ಉತ್ತಮವಾಗಿದ್ದರೂ, ಅಪಘಾತದ ಸಮಯದಲ್ಲಿ 3 ವರ್ಷದ ಮಗುವಿನ ಡಮ್ಮಿಗೆ ಚೈಲ್ಡ್ ಸೀಟಿನ ಹಿಂಬದಿ ಹಿಡಿಸಲಾಗಿಲ್ಲ.
ಟಾಟಾ ನೆಕ್ಸಾನ್
ಜಾಗತಿಕ ಎನ್ಸಿಎಪಿಯಲ್ಲಿ 5 ಸ್ಟಾರ್ಗಳ ಕ್ರ್ಯಾಶ್ ಟೆಸ್ಟ್ 5 ರೇಟಿಂಗ್ ಗಳಿಸಿದ ಭಾರತದ ಮೊದಲ ಮೇಡ್ ಇನ್ ಕಾರು ಟಾಟಾ ನೆಕ್ಸಾನ್ ಆಗಿದೆ, ವಯಸ್ಕರ ರಕ್ಷಣೆಯಲ್ಲಿ ಕಾಂಪ್ಯಾಕ್ಟ್ ಎಸ್ಯುವಿ 17 ಪಾಯಿಂಟ್ಗಳಲ್ಲಿ 16 ಅಂಕಗಳನ್ನು ಗಳಿಸಿದೆ ಮತ್ತು 49 ರಲ್ಲಿ 25 ಪಾಯಿಂಟ್ಗಳನ್ನು ಸಾಧಿಸುವ ಮೂಲಕ ಮಕ್ಕಳ ರಕ್ಷಣೆಗಾಗಿ 3 ಸ್ಟಾರ್ ರೇಟಿಂಗ್ ಅನ್ನು ಪಡೆದುಕೊಂಡಿದೆ.
ನೆಕ್ಸಾನ್ನ ಬಾಡಿಶೆಲ್ ಅನ್ನು ಸ್ಥಿರವಾಗಿ ರೇಟ್ ಮಾಡಲಾಗಿದೆ ಮತ್ತು ಇದು ಮತ್ತಷ್ಟು ಲೋಡಿಂಗ್ಗಳನ್ನು ತಡೆದುಕೊಳ್ಳಬಲ್ಲದು. ಚಾಲಕ ಮತ್ತು ಮುಂಭಾಗದ ಪ್ರಯಾಣಿಕರ ಎದೆಗೆ ನೀಡಿದ ರಕ್ಷಣೆ ಸಮರ್ಪಕವಾಗಿತ್ತು. ಟಾಟಾ ನೆಕ್ಸಾನ್ ಭಾರತೀಯ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆಯೊಂದಿಗೆ ಮಾರಾಟವಾಗುತ್ತಿರುವ ಕಾರುಗಳಲ್ಲಿ ಒಂದಾಗಿದೆ.
ಮಹೀಂದ್ರಾ ಮರಾಜೋ
ಈ ಮಹೀಂದ್ರಾ ಮರಾಜೋ 7 ಆಸನಗಳ ಪ್ರೀಮಿಯಂ ಎಂಪಿವಿ ಗ್ಲೋಬಲ್ ಎನ್ ಸಿಎಪಿ ಕ್ರ್ಯಾಶ್ ಟೆಸ್ಟ್ ನಲ್ಲಿ 4 ಸ್ಟಾರ್ ರೇಟಿಂಗ್ ಪಡೆದಿದೆ. ಇದು ವಯಸ್ಕ ಪ್ರಯಾಣಿಕರ ರಕ್ಷಣೆಯಲ್ಲಿ 4 ಸ್ಟಾರ್ ರೇಟಿಂಗ್ ಮತ್ತು ಮಕ್ಕಳ ರಕ್ಷಣೆಯಲ್ಲಿ 2 ಸ್ಟಾರ್ ರೇಟಿಂಗ್ ಪಡೆದಿದೆ. #SaferCarsForIndia ಅಭಿಯಾನದ ಅಡಿಯಲ್ಲಿ ಟೆಸ್ಟ್ ಮಾಡಿದ ಮರಾಜೋ ವಯಸ್ಕರ ಸುರಕ್ಷತಾ ರೇಟಿಂಗ್ಗಳಲ್ಲಿ 17 ರಲ್ಲಿ 12.85 ಅಂಕಗಳನ್ನು ಗಳಿಸಿದೆ. ಮಕ್ಕಳ ಸುರಕ್ಷತೆಯಲ್ಲಿ, 49 ರಲ್ಲಿ 22.22 ಅಂಕಗಳನ್ನು ಗಳಿಸುವ ಮೂಲಕ 2 ಸ್ಟಾರ್ ರೇಟಿಂಗ್ ಪಡೆದಿದೆ,