Just In
- 18 min ago ಮೇಡ್ ಇನ್ ಇಂಡಿಯಾ ಈ ಕಾರಿಗೆ ಜಪಾನ್ನಲ್ಲಿ ಭಾರೀ ಬೇಡಿಕೆ: ವಿಶ್ವಗುರು ಭಾರತಕ್ಕೆ ಎಲ್ಲವೂ ಸಾಧ್ಯ!
- 1 hr ago ಭೂಮಿಯ ಸ್ವರ್ಗ: 1.50 ಕೋಟಿಯ ಟೊಯೊಟಾ ವೆಲ್ಫೈರ್ಗೆ ಮನಸೋತ ಖ್ಯಾತ ನಟ.. ಈ ಕಾರಿನಲ್ಲಿ ಏನಿದೆ?
- 1 hr ago ಬರಲಿದೆ ಮತ್ತೊಂದು ಫ್ಯಾಮಿಲಿ ಎಲೆಕ್ಟ್ರಿಕ್ ಸ್ಕೂಟರ್: ಕಡಿಮೆ ಖರ್ಚಿನಲ್ಲಿ ಓಡಾಡಬಹುದು!
- 1 hr ago ಮಾರುತಿ ಸ್ವಿಫ್ಟ್ ಖರೀದಿಸುತ್ತಿದ್ದೀರಾ? ಸ್ವಲ್ಪ ಕಾಯಿರಿ... ಹೊಸ ಸ್ವಿಫ್ಟ್ ಬರುತ್ತಿದೆ! 35 ಕಿ.ಮೀ ಮೈಲೇಜ್
Don't Miss!
- News Mallikarjun Kharge: ಕಲಬುರಗಿ ಲೋಕಸಭಾ ಕ್ಷೇತ್ರ; ಅಳಿಯನ ಕಾಳಗದಲ್ಲಿ ಮಲ್ಲಿಕಾರ್ಜುನ ಖರ್ಗೆ ಪ್ರತಿಷ್ಠೆ
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Movies "ಸದಾ ನನ್ನ ಹಿಂಭಾಗವನ್ನೇ ಜೂಮ್ ಮಾಡ್ತಾರೆ"; ನೋರಾ ಫತೇಹಿ ಆಕ್ರೋಶ
- Lifestyle ವಿಕಲಚೇತನರಿಗೆ ಸ್ಕೂಟಿ ಗಿಫ್ಟ್..! ಮನೆ ಕಟ್ಟಿಕೊಡುವ ಭರವಸೆ ನೀಡಿದ ನಟ ಲಾರೆನ್ಸ್..!
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೋಂಡಾ ಕಾರು ಖರೀದಿದಾರರಿಗೆ ಬಂಪರ್ ಆಫರ್: ಈಗಲೇ ಖರೀದಿಸಿ.. ನಂತರ ಪಾವತಿಸಿ..
ಹೋಂಡಾ ಕಾರ್ಸ್ ಇಂಡಿಯಾ ಕಂಪನಿಯು ತನ್ನ ಪ್ರಮುಖ ಕಾರುಗಳ ಖರೀದಿಗೆ ಮೇಲೆ ದೀಪಾವಳಿ ವಿಶೇಷವಾಗಿ ಬಂಪರ್ ಆಫರ್ ನೀಡುತ್ತಿದ್ದು, ಹಣಕಾಸು ಸಂಬಂಧಿತ ವಿಚಾರಗಳಿಗೆ ಸದ್ಯ ಕಾರು ಖರೀದಿ ಸಾಧ್ಯವಿಲ್ಲದ ಗ್ರಾಹಕರಿಗೆ ಕಂಪನಿಯ ಹೊಸ ಆಫರ್ ಸಾಕಷ್ಟು ಅನುಕೂಲಕವಾಗಲಿದೆ.
ಭಾರತದಲ್ಲಿ ವಿವಿಧ ಕಾರು ಮಾದರಿಗಳೊಂದಿಗೆ ಮುಂಚೂಣಿಯಲ್ಲಿದ್ದ ಹೋಂಡಾ ಕಾರ್ಸ್ ಕಂಪನಿಯು ಇತ್ತೀಚೆಗೆ ಬೇಡಿಕೆಯಲ್ಲಿ ತುಸು ಹಿನ್ನಡೆ ಅನುಭವಿಸುತ್ತಿದ್ದು, ತನ್ನ ಪ್ರಮುಖ ಕಾರುಗಳ ಖರೀದಿಯನ್ನು ಉತ್ತೇಜಿಸಲು ಗ್ರಾಹಕರಿಗೆ ಹಲವಾರು ಹಣಕಾಸು ಸೌಲಭ್ಯಗಳನ್ನು ನೀಡುತ್ತಿದೆ.
ಹಣಕಾಸು ಸೌಲಭ್ಯಗಳಿಂದಾಗಿ ಸದ್ಯ ಕಾರು ಖರೀದಿ ಮಾಡಲು ಸಾಧ್ಯವಾಗುತ್ತಿಲ್ಲ ಎನ್ನುವ ಗ್ರಾಹಕರು ಕಾರು ಯೋಜನೆಯನ್ನು ಮುಂದೂಡದೆ ಈಗಲೇ ಖರೀದಿಸುವಂತೆ ಉತ್ತೇಜಿಸುವುದೇ ಹೊಸ ಆಫರ್ ಉದ್ದೇಶವಾಗಿದ್ದು, ಹೊಸ ಆಫರ್ನಲ್ಲಿ ಗ್ರಾಹಕರು ಇದೀಗ ಕಾರು ಖರೀದಿಸಿ 2023ರಿಂದ ಹಣ ಪಾವತಿ ಆರಂಭಿಸಬಹುದಾಗಿದೆ.
ಹೊಸ ಹಣಕಾಸು ಆಫರ್ ಯೋಜನೆ ಅಡಿಯಲ್ಲಿ ಗ್ರಾಹಕರು ಹೋಂಡಾ ಸಿಟಿ ಮತ್ತು ಅಮೇಜ್ ಕಾರುಗಳ ಖರೀದಿಗಾಗಿ ಕನಿಷ್ಠ ಶೇ. 15 ರಷ್ಟು ಡೌನ್ ಪೇಮೆಂಟ್ ಮೂಲಕ ಕಾರು ಖರೀದಿಸಬಹುದಾಗಿದ್ದು, 2023ರಿಂದ ಹೊಸ ಕಾರುಗಳ ಇಎಂಐ ಮರುಪಾವತಿ ಆರಂಭವಾಗುತ್ತದೆ.
ಕೊಟಕ್ ಮಹೀಂದ್ರಾ ಬ್ಯಾಂಕ್ ಜೊತೆಗೂಡಿ ಹೋಂಡಾ ಕಂಪನಿಯು ಸಿಟಿ ಸೆಡಾನ್ ಮತ್ತು ಅಮೇಜ್ ಕಂಪ್ಯಾಕ್ಟ್ ಸೆಡಾನ್ ಮಾದರಿಗಳ ಖರೀದಿಗಾಗಿ 'ಡ್ರೈವ್ ಇನ್ 2022, ಪೇ ಇನ್ 2023' ಅಭಿಯಾನ ಆರಂಭಿಸಿದೆ.
ಹೊಸ ಕಾರು ಖರೀದಿದಾರರಿಗೆ ಕೊಟಕ್ ಮಹೀಂದ್ರಾ ಬ್ಯಾಂಕ್ ಶೇ.85 ರಷ್ಟು ಆನ್ರೋಡ್ ದರದ ಮೇಲೆ ಹಣಕಾಸು ನೆರವು ನೀಡಲಿದ್ದು, ಇನ್ನುಳಿದ ಶೇ. 15 ರಷ್ಟು ಡೌನ್ ಪೇಮೆಂಟ್ ಪಾವತಿಯೊಂದಿಗೆ ಹೊಸ ಕಾರನ್ನು ಮನೆಗೆ ತೆಗೆದುಕೊಂಡು ಹೋಗಬಹುದು.
ಅಕ್ಟೋಬರ್ 31ರ ತನಕ ಹೊಸ ಸಿಟಿ ಮತ್ತು ಅಮೇಜ್ ಕಾರು ಖರೀದಿಸುವ ಗ್ರಾಹಕರಿಗೆ ಈ ಹೊಸ ಆಫರ್ ಅನ್ವಯವಾಗಲಿದ್ದು, ಇದೀಗ ಹೊಸ ಕಾರು ಖರೀದಿಸಿದರೆ 2022ರ ಜನವರಿಯಿಂದ ಇಎಂಐ ಆಯ್ಕೆಗಳು ಈ ಹಿಂದಿನ ಮೂರು ತಿಂಗಳ ಇಎಂಐ ದರಗಳೊಂದಿಗೆ ಒಟ್ಟುಗೂಡಿ ಪಾವತಿ ಮಾಡಬೇಕಾಗುತ್ತದೆ.
ಹೊಸ ಹಣಕಾಸು ಸೌಲಭ್ಯದ ಮುಖ್ಯ ಉದ್ದೇಶವೆಂದರೆ ಹಣಕಾಸು ವಿಚಾರವಾಗಿ ಕಾರು ಖರೀದಿಯನ್ನು ಸದ್ಯ ಮುಂದೂಡಿಕೆ ಮಾಡಿರುವ ಗ್ರಾಹಕರಿಗೆ ಇದು ಸಹಕಾರಿಯಾಗಲಿದ್ದು, ಇನ್ನುಳಿದ ಮಾದರಿಗಳ ಮೇಲೂ ಗ್ರಾಹಕರಿಗೆ ಹೋಂಡಾ ಕಂಪನಿಯು ವಿವಿಧ ಆಫರ್ಗಳನ್ನು ನೀಡುತ್ತಿದೆ.
ಇನ್ನು ಹೋಂಡಾ ಕಾರ್ಸ್ ಇಂಡಿಯಾ ಕಂಪನಿಯು ದೇಶಾದ್ಯಂತ ಹರಡಿಕೊಂಡಿರುವ ತನ್ನ ಡೀಲರ್ಶಿಪ್ ನೆಟ್ವರ್ಕ್ ಅನ್ನು ನವೀಕರಿಸಲು ಸಿದ್ಧವಾಗಿದ್ದು, ಇದಕ್ಕಾಗಿ ಭಾರೀ ಪ್ರಮಾಣದ ಹೂಡಿಕೆಗೆ ಮಾಡುತ್ತಿದೆ.
ಕಾರ್ ಡೀಲರ್ಶಿಪ್ಗಳನ್ನು ಅಪ್ಗ್ರೇಡ್ ಮಾಡಲು ಅದರ ಡೀಲರ್ ಪಾಲುದಾರರೊಂದಿಗೆ ಸಹಯೋಗದಲ್ಲಿ ಸುಮಾರು ರೂ. 260 ಕೋಟಿ ಹೂಡಿಕೆ ಮಾಡಲು ಮುಂದಾಗಿರುವ ಹೋಂಡಾ ಕಂಪನಿಯು ಹೊಸ ಡೀಲರ್ಶಿಪ್ಗಳೊಂದಿಗೆ ಗ್ರಾಹಕರಿಗೆ ಹೆಚ್ಚು ಪ್ರೀಮಿಯಂ ಅನುಭವವನ್ನು ನೀಡುವ ಯೋಜನೆಯಲ್ಲಿದೆ.
ಹೊಸ ಎಸ್ಯುವಿ ಮಾದರಿಗಳನ್ನು ಭಾರತದಲ್ಲಿ ಬಿಡುಗಡೆಗೂ ಮುನ್ನ ಕಂಪನಿಯು ಕಾರ್ ಡೀಲರ್ಶಿಪ್ಗಳನ್ನು ಅಪ್ಗ್ರೇಡ್ ಮಾಡಲು ನಿರ್ಧರಿಸಿದ್ದು, ಪ್ರೀಮಿಯಂ ಕಾರು ಮಾದರಿಗಳೊಂದಿಗೆ ಕಾರು ಮಾರಾಟ ಸೌಲಭ್ಯವನ್ನು ಸಹ ನವೀಕರಿಸುತ್ತಿದೆ.
ಭಾರತದಲ್ಲಿ 1995ರಿಂದ ಹೋಂಡಾ ಕಂಪನಿಯು 27 ವರ್ಷಗಳ ಕಾರ್ಯಾಚರಣೆಯ ಅನುಭವ ಹೊಂದಿದ್ದು, ಹೋಂಡಾ ಮಾರಾಟ ಮಾಡಿದ ಕಾರುಗಳು ಸಮಯೋಚಿತ ನವೀಕರಣಗಳು ಮತ್ತು ಪೀಳಿಗೆಯ ಬದಲಾವಣೆಗಳನ್ನು ಪಡೆದಿದ್ದರೂ ಸಹ ಹೋಂಡಾದ ಡೀಲರ್ಶಿಪ್ಗಳು ಹೆಚ್ಚು ಕಡಿಮೆ ಹಾಗೆಯೇ ಉಳಿದಿವೆ.
ಹೋಂಡಾದ ಡೀಲರ್ಶಿಪ್ಗಳು ಕ್ರಿಯಾತ್ಮಕ ಮತ್ತು ಪ್ರಾಯೋಗಿಕವಾಗಿದ್ದು, ಈ ಡೀಲರ್ಶಿಪ್ಗಳು ಹಿಂದಿನ ದಿನದಲ್ಲಿ ಬಹಳ ಪ್ರೀಮಿಯಂ ಆಗಿ ಕಾಣುತ್ತಿದ್ದವು. ಆದಾಗ್ಯೂ ಇತ್ತೀಚೆಗೆ ಆಗುತ್ತಿರುವ ಆಟೋ ಉದ್ಯಮದಲ್ಲಿನ ಬದಲಾವಣೆಗಳು ಹೊಸ ನೀರಿಕ್ಷೆ ಹುಟ್ಟುಹಾಕಿದ್ದು, ಕಂಪನಿಯು ಇದೇ ಕಾರಣಕ್ಕೆ ಗ್ರಾಹಕರಿಗೆ ಹೊಸ ಖರೀದಿ ಅನುಭವ ನೀಡಲು ಮುಂದಾಗಿದೆ.
ಹೋಂಡಾ ಕಾರ್ಸ್ ಇಂಡಿಯಾ ಈಗ ಭಾರತದಾದ್ಯಂತ ತನ್ನ ಡೀಲರ್ಶಿಪ್ಗಳನ್ನು ನವೀಕರಿಸಲು ನಿರ್ಧರಿಸಿದ್ದು, ಈ ಡೀಲರ್ಶಿಪ್ಗಳನ್ನು ಅಪ್ಗ್ರೇಡ್ ಮಾಡಲು ಮತ್ತೊಂದು ಕಾರಣವೆಂದರೆ 2023 ರಲ್ಲಿ ಹೋಂಡಾದಿಂದ ಹಲವು ಹೊಸ ಎಸ್ಯುವಿ ಕಾರುಗಳು ಆಗಮನವಾಗಿದೆ.
ಹೀಗಾಗಿ ಡೀಲರ್ಶಿಪ್ಗಳನ್ನು ಅಪ್ಗ್ರೇಡ್ ಮಾಡುವ ಯೋಜನೆಯನ್ನು ತ್ವರಿತಗೊಳಿಸುತ್ತಿದ್ದು, ಕೋವಿಡ್ ಕಾರಣಕ್ಕೆ ಶೋರೂಂಗಳ ನವೀಕರಣ ಯೋಜನೆಯನ್ನು ತಡೆಹಿಡಿಯಲಾಗಿತ್ತು. ಸದ್ಯ ಹೊಸ ಕಾರುಗಳ ಮಾರಾಟವು ಹೆಚ್ಚುತ್ತಿರುವುದರಿಂದ ಶೋರೂಂ ನವೀಕರಣ ಯೋಜನೆಗೆ ಚಾಲನೆ ನೀಡುತ್ತಿದೆ.
ಹೋಂಡಾದ ಡೀಲರ್ಶಿಪ್ಗಳನ್ನು ಮೇಲ್ದರ್ಜೆಗೇರಿಸಲು ಕಂಪನಿಯು ಒಟ್ಟು ರೂ. 260 ಕೋಟಿ ಹೂಡಿಕೆ ಮಾಡಬೇಕಿದ್ದು, ಇದು ಹೋಂಡಾದ ಡೀಲರ್ ಪಾಲುದಾರರ ಸಹಯೋಗದಲ್ಲಿರುತ್ತದೆ. ಪ್ರಮುಖ ನಗರಗಳು ಮತ್ತು ಪಟ್ಟಣಗಳಲ್ಲಿನ ಹೋಂಡಾ ಕಂಪನಿಯು ಸುಮಾರು 350 ಡೀಲರ್ಶಿಪ್ಗಳನ್ನು ಹೊಂದಿದ್ದು, ಈಗಾಗಲೇ ಹಳೆಯ ಶೋರೂಂಗಳ ನವೀಕರಣಕ್ಕಾಗಿ ಸುಮಾರು ರೂ. 100 ಕೋಟಿ ಹೂಡಿಕೆ ಮಾಡಲಾಗಿದೆ.