ಭಾರತದಲ್ಲಿ ಬಿಡುಗಡೆಯಾದ ಹೊಸ Audi Q3 SUV : ಬೆಲೆ, ವಿನ್ಯಾಸ ವೈಶಿಷ್ಟ್ಯಗಳ ಕುರಿತ ಮಾಹಿತಿ

ಆಡಿ ಇಂಡಿಯಾದ ಮುಖ್ಯಸ್ಥ ಬಲ್ಬೀರ್ ಸಿಂಗ್ ಧಿಲ್ಲೋನ್ ಮಾತನಾಡಿ, ಹೊಸ ಆಡಿ ಕ್ಯೂ3 ಅತ್ಯಾಧುನಿಕ ವಿನ್ಯಾಸ, ಐಷಾರಾಮಿ ಒಳಾಂಗಣ, ಶಕ್ತಿಯುತ ಎಂಜಿನ್ ಮತ್ತು ಹೊಸ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಇಂದು ನಾವು ಈ ಹೊಸ ಆಡಿ ಕ್ಯೂ 3 ಬಿಡುಗಡೆಯೊಂದಿಗೆ ನಮ್ಮ ಉತ್ಪನ್ನ ಶ್ರೇಣಿಯನ್ನು ವಿಸ್ತರಿಸುತ್ತಿದ್ದೇವೆ ಎಂದರು.

ಆಡಿ ಕ್ಯೂ3 ಭಾರತದಲ್ಲಿ ನಮ್ಮ ಅತ್ಯುತ್ತಮ ಮಾರಾಟವಾದ ಮತ್ತು ಸೆಗ್ಮೆಂಟ್ ಲೀಡರ್ ಎಸ್‌ಯುವಿಗಳಲ್ಲಿ ಒಂದಾಗಿದೆ, ಹೊಸ Audi Q3 ತನ್ನ ಯಶಸ್ಸನ್ನು ಪುನರಾವರ್ತಿಸುತ್ತದೆ ಎಂಬ ವಿಶ್ವಾಸ ನಮಗಿದೆ. ಹೊಸ Audi Q3 ನೊಂದಿಗೆ, ನಾವು ಅದರ ಹೊಸ ನೋಟ ಮತ್ತು ಅತ್ಯುತ್ತಮ-ವರ್ಗದ ವೈಶಿಷ್ಟ್ಯಗಳೊಂದಿಗೆ ಪ್ರಭಾವಶಾಲಿ ಕೊಡುಗೆಯನ್ನು ನೀಡುತ್ತಿದ್ದೇವೆ ಎಂದರು.

ಹೊಸ ಆಡಿ ಕ್ಯೂ3 ಅನ್ನು 2.0-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್‌ನೊಂದಿಗೆ ಮಾತ್ರ ನೀಡಲಾಗುತ್ತದೆ. ಈ ಎಂಜಿನ್ 190 Bhp ಪವರ್ ಮತ್ತು 320 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. Audi Q3 ಕ್ವಾಟ್ರೊ ಆಲ್-ವೀಲ್ ಡ್ರೈವ್ ಅನ್ನು ಸ್ಟ್ಯಾಂಡರ್ಡ್ ಆಗಿ ಅಳವಡಿಸಲಾಗಿದೆ. ಈ ಮೂಲಕ ಕೇವಲ 7.3 ಸೆಕೆಂಡುಗಳಲ್ಲಿ 0-100 km/h ವೇಗವನ್ನು ಪಡೆಯಬಹುದು.

ಇದಲ್ಲದೇ, ಹೊಸ ಆಡಿ ಎಸ್‌ಯುವಿ ಡ್ರೈವಿಂಗ್ ಸೆಲೆಕ್ಟ್ ಮೋಡ್‌ನೊಂದಿಗೆ ಬರುತ್ತದೆ, ಇದು ಚಾಲಕನಿಗೆ ವಿವಿಧ ಡ್ರೈವಿಂಗ್ ಮೋಡ್‌ಗಳ ನಡುವೆ ಆಯ್ಕೆ ಮಾಡಲು ಅನುಮತಿಸುತ್ತದೆ. ಸ್ಲಿಮ್ LED ಹೆಡ್‌ಲ್ಯಾಂಪ್‌ಗಳು, ದೊಡ್ಡ ತ್ರಿಕೋನ ಗ್ರಿಲ್ ಮತ್ತು ಕೋನೀಯ ಬಂಪರ್ ಕ್ರೀಸ್‌ಗಳನ್ನು ಒಳಗೊಂಡಿದೆ.

ಸೈಡ್ ಪ್ರೊಫೈಲ್‌ನಲ್ಲಿ 18 ಇಂಚಿನ ಅಲಾಯ್ ವೀಲ್‌ಗಳು ಹೆಚ್ಚಿನ ಆಕರ್ಷಣೆಯವಾಗಿ ಕಾಣುತ್ತವೆ. ಹಿಂದಿನ ಪ್ರೊಫೈಲ್ ಟೈಲ್ ಲೈಟ್ ಹೊಂದಿದ್ದು ಒಟ್ಟಾರೆ ವಿನ್ಯಾಸವು ತುಂಬಾ ಆಕರ್ಷಕವಾಗಿದೆ. ಇನ್ನು ಇಂಟೀರಿಯರ್‌ಗೆ ಬಂದರೆ, ಇಂಟೀರಿಯರ್ ಎರಡು ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ.

ಕ್ಯಾಬಿನ್ ವೈಶಿಷ್ಟ್ಯಗಳ ಕುರಿತು ಮಾತನಾಡುವುದಾದರೆ, ಕಾರು ಆಡಿ ವರ್ಚುವಲ್ ಕಾಕ್‌ಪಿಟ್ ಪ್ಲಸ್, MMI ಟಚ್‌ನೊಂದಿಗೆ MMI ನೇವಿಗೇಷನ್ ಪ್ಲಸ್, ವೈರ್‌ಲೆಸ್ ಚಾರ್ಜಿಂಗ್‌ನೊಂದಿಗೆ ಆಡಿ ಡ್ರೈವ್ ಆಯ್ಕೆ ಮತ್ತು ಆಡಿ ಫೋನ್ ಬಾಕ್ಸ್ ಅನ್ನು ಪಡೆಯುತ್ತದೆ. ಇದಲ್ಲದೆ, ಇದು ಹತ್ತು ಸ್ಪೀಕರ್‌ಗಳೊಂದಿಗೆ ಆಡಿ ಸೌಂಡ್ ಸಿಸ್ಟಮ್ ಮತ್ತು 30 ಬಣ್ಣಗಳೊಂದಿಗೆ ಆಂಬಿಯೆಂಟ್ ಲೈಟಿಂಗ್ ಪ್ಯಾಕೇಜ್ ಅನ್ನು ಸಹ ಪಡೆಯುತ್ತದೆ.

ಜೊತೆಗೆ 10.1-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು 10.25-ಇಂಚಿನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಪಡೆಯುತ್ತದೆ. ಅದರ ಹೊರತಾಗಿ ಇದು ಪನಾರಮಿಕ್ ಸನ್‌ರೂಫ್, ಡ್ಯುಯಲ್ ಜೋನ್ ಕ್ಲೈಮೆಟ್ ಕಂಟ್ರೋಲ್, ರಿವರ್ಸ್ ಕ್ಯಾಮೆರಾದೊಂದಿಗೆ ಪಾರ್ಕ್ ಅಸಿಸ್ಟ್, ಕ್ಯಾಬಿನ್ ಸ್ಪೋರ್ಟ್ಸ್ ಹೊಂದಾಣಿಕೆಯ ಆಸನ, ಲೆದರ್ ಸರೌಂಡೆಡ್ 3 ಸ್ಪೋಕ್ ಮಲ್ಟಿಫಂಕ್ಷನ್ ಸ್ಟೀರಿಂಗ್ ವೀಲ್, ಸ್ಟೋರೇಜ್ ಮತ್ತು ಲಗೇಜ್ ವಿಭಾಗಗಳು, ಫ್ರೇಮ್‌ಲೆಸ್ ಆಟೋ-ಡಿಮ್ಮಿಂಗ್ ಇಂಟೀರಿಯರ್ ರಿಯರ್ ವ್ಯೂ ಅನ್ನು ಪಡೆಯುತ್ತದೆ.

ಹೊರ ಭಾಗದ ವಿಷಯಕ್ಕೆ ಬಂದರೆ ಇದು ಅದರ ಪೂರ್ವವರ್ತಿಗಿಂತ ಸ್ವಲ್ಪ ಉದ್ದ ಮತ್ತು ಅಗಲವಾಗಿದೆ. ಅಲ್ಲದೇ ಮೊದಲಿಗಿಂತ ವಿಶಾಲವಾದ ವೀಲ್‌ಬೇಸ್ ಅನ್ನು ಪಡೆದುಕೊಂಡಿದೆ. ಮ್ಯಾಟ್ರಿಕ್ಸ್ LED ಹೆಡ್‌ಲ್ಯಾಂಪ್‌ಗಳನ್ನು ಈ ಪ್ರೀಮಿಯಂ ಎಸ್‌ಯುವಿಯಲ್ಲಿ ಡೇಟೈಮ್ ರನ್ನಿಂಗ್ ಲ್ಯಾಂಪ್‌ನೊಂದಿಗೆ ನೀಡಲಾಗಿದೆ.

ಇದರ ಹೊರತಾಗಿ, ಕಾರ್ ದೊಡ್ಡ ಮುಂಭಾಗದ ಗ್ರಿಲ್ ಮತ್ತು ಮುಂಭಾಗದ ಬಂಪರ್‌ನ ಕೆಳಭಾಗದಲ್ಲಿ ಹೆಕ್ಸಾಗೊನಾಲ್ ಫಾಗ್ ಲ್ಯಾಂಪ್‌ಗಳನ್ನು ಪಡೆದುಕೊಂಡಿದೆ. ಇತರ ವೈಶಿಷ್ಟ್ಯಗಳಲ್ಲಿ 360-ಡಿಗ್ರಿ ಕ್ಯಾಮೆರಾ, ಕ್ರೂಸ್ ಕಂಟ್ರೋಲ್ ಮತ್ತು ಪಾರ್ಕ್ ಅಸಿಸ್ಟ್ ಸೇರಿವೆ.

ಪಲ್ಸ್ ಆರೆಂಜ್, ಗ್ಲೇಸಿಯರ್ ವೈಟ್, ಕ್ರೋನೋಸ್ ಗ್ರೇ, ಮೈಥೋಸ್ ಬ್ಲ್ಯಾಕ್ ಮತ್ತು ನವರ ಬ್ಲೂ ಮುಂತಾದ ಬಣ್ಣಗಳನ್ನು ಒಳಗೊಂಡಿರುವ ಹೊಸ ಬಣ್ಣದ ಆಯ್ಕೆಗಳಲ್ಲಿ ಎಸ್‌ಯುವಿಯನ್ನು ನೀಡಲಾಗುತ್ತದೆ. ಒಳಾಂಗಣವು ಆಪ್ಷನಲ್ ಒಕಾಪಿ ಬ್ರೌನ್ ಮತ್ತು ಪರ್ಲ್ ಬೀಜ್ ಬಣ್ಣಗಳ ನಡುವೆ ಆಯ್ಕೆ ಮಾಡುವ ಆಯ್ಕೆಯನ್ನು ಪಡೆದುಕೊಂಡಿದೆ.

ಆಡಿ ಇಂಡಿಯಾ ಈಗಾಗಲೇ ಹೊಸ ಆಡಿ Q3 (2022 Audi Q3) ಗಾಗಿ ಆನ್‌ಲೈನ್ ಬುಕಿಂಗ್ ಅನ್ನು ಪ್ರಾರಂಭಿಸಿದೆ. ಕಂಪನಿಯ ವೆಬ್‌ಸೈಟ್‌ನಿಂದ ಅಥವಾ ಅಧಿಕೃತ ಡೀಲರ್‌ಶಿಪ್‌ನಿಂದ ರೂ.2 ಲಕ್ಷದ ಮುಂಗಡ ಮೊತ್ತದೊಂದಿಗೆ ಕಾರನ್ನು ಬುಕ್ ಮಾಡಬಹುದು.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ಜರ್ಮನಿಯ ಐಷಾರಾಮಿ ಕಾರು ತಯಾರಕ ಆಡಿ ಅಂತಿಮವಾಗಿ ತನ್ನ Q3 SUV ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಈ ಹೊಸ ಎಸ್‌ಯುವಿಗಾಗಿ ಕಂಪನಿಯು ಈಗಾಗಲೇ ಬುಕ್ಕಿಂಗ್ ಆರಂಭಿಸಿದೆ. ಹಾಗಾಗಿ ಈ ವರ್ಷದ ಅಂತ್ಯದ ವೇಳೆಗೆ ವಿತರಣೆಗಳು ಪ್ರಾರಂಭವಾಗುವ ಸಾಧ್ಯತೆಯಿದೆ.