ಭಾರತದಲ್ಲಿ ಟಾಟಾ ಮೋಟಾರ್ಸ್‌ನಿಂದ ಮುಂಬರಲಿರುವ ಟಾಪ್ 7 ಕಾರು ಮಾದರಿಗಳು

ಟಾಟಾ ಮೋಟಾರ್ಸ್ ಇತ್ತೀಚಿನ ದಿನಗಳಲ್ಲಿ ಬಿಡುಗಡೆ ಮಾಡಿರುವ ಕಾರುಗಳಿಗೆ ಗ್ರಾಹಕರಲ್ಲಿ ಬೇಡಿಕೆ ಹೆಚ್ಚಾಗಿದೆ. ತನ್ನ ಗ್ರಾಹಕರ ಸಂಖ್ಯೆಯನ್ನು ವಿಸ್ತರಿಸುವ ಸಲುವಾಗಿ, ಮುಂದಿನ ದಿನಗಳಲ್ಲಿ ದೇಶೀಯ ಮಾರುಕಟ್ಟೆಯಲ್ಲಿ ಸಾಕಷ್ಟು ಹೊಸ ಮಾದರಿಗಳನ್ನು ಬಿಡುಗಡೆ ಮಾಡಲು ಯೋಜಿಸುತ್ತಿದೆ. ಹಾಗಾದರೆ ಟಾಟಾ ಮೋಟಾರ್ಸ್‌ನಿಂದ ಬಿಡುಗಡೆಯಾಗಲಿರುವ ಟಾಪ್ 7 ಕಾರುಗಳನ್ನು ಇಲ್ಲಿ ನೋಡೋಣ.

1. ಟಾಟಾ ಪಂಚ್ ಐ-ಟರ್ಬೋ

ಟಾಟಾ ಪಂಚ್ ಭಾರತೀಯ ಮಾರುಕಟ್ಟೆಯಲ್ಲಿ ಅತ್ಯಂತ ಜನಪ್ರಿಯ ಕಾಂಪ್ಯಾಕ್ಟ್ ಎಸ್‌ಯುವಿಗಳಲ್ಲಿ ಒಂದಾಗಿದೆ. ಈ ಸಣ್ಣ ಎಸ್‌ಯುವಿ ಶೀಘ್ರದಲ್ಲೇ ಟರ್ಬೋ-ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಪಡೆಯುವ ನಿರೀಕ್ಷೆಯಿದೆ, ಇದು ಆಲ್ಟ್ರೋಜ್ ಐ-ಟರ್ಬೋಗೆ ಶಕ್ತಿ ನೀಡುವ ಅದೇ ಎಂಜಿನ್‌ ಆಗಿರುವ ಸಾಧ್ಯತೆಯಿದೆ. ಹೆಚ್ಚುವರಿ ಶಕ್ತಿ ಮತ್ತು ಕಾರ್ಯಕ್ಷಮತೆಯೊಂದಿಗೆ, ಪಂಚ್ ಈಗಾಗಲೇ ಇರುವುದಕ್ಕಿಂತ ಹೆಚ್ಚು ಆಕರ್ಷಕವಾಗಿ ಇರಲಿದೆ.

2. ಟಾಟಾ ಕರ್ವ್

ಟಾಟಾ ಕರ್ವ್ ಅನ್ನು ಈ ವರ್ಷದ ಆರಂಭದಲ್ಲಿ ಇವಿ ಕಾನ್ಸೆಪ್ಟ್ ರೂಪದಲ್ಲಿ ಅನಾವರಣಗೊಳಿಸಲಾಯಿತು. ಇದು 2024 ರಲ್ಲಿ ಭಾರತದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಈ ಕೂಪೆ-ಶೈಲಿಯ ಎಸ್‌ಯುವಿಯು ಮೊದಲು ಎಲೆಕ್ಟ್ರಿಕ್ ವಾಹನವಾಗಿ ಬರುತ್ತದೆ, ನಂತರ ಅದರ ಐಸಿಇ ಆವೃತ್ತಿಯಾಗಿ ಬರಲಿದೆ (ಬಹುಶಃ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ). ಟಾಟಾ ಕರ್ವ್ ಈ ಸೆಗ್ಮೆಂಟ್‌ನ ಮೊದಲ ಎಸ್‌ಯುವಿ ಕೂಪೆಯಾಗಿದೆ.

3. ಟಾಟಾ ಆಲ್ಟ್ರೋಜ್ ಇವಿ

ಟಾಟಾ ಮೋಟಾರ್ಸ್ ಆಲ್ಟ್ರೋಜ್ ಹ್ಯಾಚ್‌ಬ್ಯಾಕ್‌ನ ಎಲೆಕ್ಟ್ರಿಕ್ ಆವೃತ್ತಿಯನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲು ಯೋಜಿಸುತ್ತಿದೆ. ಈ ಎಲೆಕ್ಟ್ರಿಕ್ ಹ್ಯಾಚ್‌ಬ್ಯಾಕ್‌ ಅನ್ನು 2020ರ ಆಟೋ ಎಕ್ಸ್‌ಪೋದಲ್ಲಿ ಪ್ರದರ್ಶಿಸಲಾಯಿತು. ಇದು ಕನಿಷ್ಠ 250 ಕಿ.ಮೀ ವ್ಯಾಪ್ತಿಯ ಗುರಿಯನ್ನು ಹೊಂದಿದೆ. ನಿಜವಾದ ಸ್ಪೆಕ್ಸ್ ಅನ್ನು ಬಿಡುಗಡೆ ಸಮೀಪಿಸಿದಾಗ ಬಹಿರಂಗಪಡಿಸಲಾಗುವುದು. ಇದರ ಅಧಿಕೃತ ವ್ಯಾಪ್ತಿಯು ಸುಮಾರು 300 ಕಿ.ಮೀ ಎಂದು ನಿರೀಕ್ಷಿಸಲಾಗಿದೆ.

4. ಟಾಟಾ ಪಂಚ್ ಇವಿ

ಕಾರು ತಯಾರಕರು ಪಂಚ್‌ನ ಎಲೆಕ್ಟ್ರಿಕ್ ಆವೃತ್ತಿಯನ್ನು ಸಹ ಪರಿಚಯಿಸಲು ಯೋಚಿಸುತ್ತಿದ್ದಾರೆ. ಟಾಟಾ ಪಂಚ್ ಇವಿ ಬ್ರಾಂಡ್‌ ಸಾಲಿನಲ್ಲಿ ಅತ್ಯಂತ ಕೈಗೆಟುಕುವ ಎಲೆಕ್ಟ್ರಿಕ್ ಕಾರಾಗುವ ನಿರೀಕ್ಷೆಯಿದೆ. ಈ ಮಾದರಿಯ ತಾಂತ್ರಿಕ ಸ್ಪೆಕ್ಸ್ ಇನ್ನೂ ಸಾಕಷ್ಟು ಪ್ರಭಾವಶಾಲಿಯಾಗಿದೆ. ವಿನ್ಯಾಸವು ಸಾಮಾನ್ಯ ಐಸಿಇ ಆವೃತ್ತಿಯಂತೆಯೇ ಇರಲಿದ್ದು, ಕೆಲವು ಇವಿ-ನಿರ್ದಿಷ್ಟ ಸ್ಟೈಲಿಂಗ್ ಅಂಶಗಳೊಂದಿಗೆ ಬಿಡುಗಡೆಯಾಗಲಿದೆ.

5. ಟಾಟಾ ಸಿಯೆರಾ ಇವಿ

2020 ರ ಆಟೋ ಎಕ್ಸ್ಪೋದಲ್ಲಿ, ಟಾಟಾ ಮೋಟಾರ್ಸ್ ಮತ್ತೊಂದು ಇವಿ ಪರಿಕಲ್ಪನೆಯನ್ನು ಪ್ರದರ್ಶಿಸಿತು - ಸಿಯೆರಾ ಇವಿ. ತಯಾರಕರು ಈಗಾಗಲೇ ಅದರ ಅಭಿವೃದ್ಧಿಯನ್ನು ಪ್ರಾರಂಭಿಸಿದ್ದಾರೆ, ಮತ್ತು ಈ ಎಲೆಕ್ಟ್ರಿಕ್ ಎಸ್ಯುವಿ 2025 ರ ವೇಳೆಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಟಾಟಾ ಸಿಯೆರಾ ಇವಿಯನ್ನು ಬ್ರಾಂಡ್ನ ಸಿಗ್ಮಾ ಪ್ಲಾಟ್ಫಾರ್ಮ್ನಲ್ಲಿ ನಿರ್ಮಿಸಲಾಗುತ್ತದೆ, ಮತ್ತು ಇದು ಪ್ರಭಾವಶಾಲಿ ಬ್ಯಾಟರಿ ಮತ್ತು ಮೋಟಾರ್ ವಿಶೇಷಣಗಳನ್ನು ಹೊಂದಿರುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ.

7. ನವೀಕರಿಸಿದ ಟಾಟಾ ಸಫಾರಿ

ಟಾಟಾ ಸಫಾರಿಯನ್ನು ಮುಂದಿನ ದಿನಗಳಲ್ಲಿ ನವೀಕರಿಸುವ ನಿರೀಕ್ಷೆಯಿದೆ. ಮುಂಬರುವ ನವೀಕರಿಸಿದ ಮಾದರಿಯಲ್ಲಿ ನಿರೀಕ್ಷಿಸಿದಂತೆ ಎಸ್‌ಯುವಿ ಹೊಸ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಪಡೆಯುವ ಸಾಧ್ಯತೆಯಿದೆ. ನವೀಕರಿಸಿದ ಟಾಟಾ ಸಫಾರಿ ಕೆಲವು ಹೆಚ್ಚುವರಿ ಉಪಕರಣಗಳು ಮತ್ತು ವೈಶಿಷ್ಟ್ಯಗಳನ್ನು ಸಹ ಪಡೆಯಬಹುದು, ಆದರೆ ವಿನ್ಯಾಸ ಬದಲಾವಣೆಗಳು ಆಗಲಿವೆಯೇ ಎಂಬುದು ಖಚಿತವಾಗಿಲ್ಲ.

6. ನವೀಕರಿಸಲಾದ ಟಾಟಾ ಹ್ಯಾರಿಯರ್

ಟಾಟಾ ಹ್ಯಾರಿಯರ್ ಭಾರತದಲ್ಲಿ ಅಪ್‌ಡೇಟ್ ಆಗಲಿದೆ, ವರದಿಗಳ ಪ್ರಕಾರ, ನವೀಕರಿಸಿದ ಮಾದರಿಯು 360-ಡಿಗ್ರಿ ಕ್ಯಾಮೆರಾ, ನವೀಕರಿಸಿದ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಮುಂತಾದ ಕೆಲವು ಹೆಚ್ಚುವರಿ ವೈಶಿಷ್ಟ್ಯಗಳೊಂದಿಗೆ ಸಣ್ಣ ನವೀಕರಣಗಳನ್ನು ಒಳಗೊಂಡಿರುತ್ತದೆ. ಅಲ್ಲದೆ, ತಯಾರಕರು ಅದಕ್ಕೆ ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಸಹ ಸೇರಿಸಲು ಯೋಜಿಸುತ್ತಿದ್ದಾರೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಟಾಟಾ ಮೋಟಾರ್ಸ್‌ನಿಂದ ಬಿಡುಗಡೆಯಾಗಲಿರುವ ಈ ಮಾದರಿಗಳಿಗೆ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಿದೆ. ಸದ್ಯ ಟಾಟಾ ಇವಿ ಮಾದರಿಗಳು ಸಹ ಮಾರುಕಟ್ಟೆಯಲ್ಲಿ ಉತ್ತಮ ಪ್ರಗತಿ ಕಾಣುತ್ತಿರುವುದು ಕೂಡ ಹೊಸ ಇವಿ ಮಾದರಿಗಳ ಬಿಡುಗಡೆಗೆ ಕಾರಣವಾಗಿರಬಹುದು. ಪಟ್ಟಿಯಲ್ಲಿ ತಿಳಿಸಲಾದ ಮಾದರಿಗಳಷ್ಟೇ ಅಲ್ಲದೇ ಮುಂಬರುವ ದಿನಗಳಲ್ಲಿ ಟಾಟಾ ಮೋಟಾರ್ಸ್ ಇನ್ನಷ್ಟು ಹೊಸ ಮಾದರಿಗಳನ್ನು ಬಿಡುಗಡೆ ಮಾಡುವ ಯೋಜನೆಯಲ್ಲಿದೆ.