Just In
- 10 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 11 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 13 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 13 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಕಲು ಮಾಡೋದ್ರಲ್ಲಿ ನಂ.1: ಟೆಸ್ಲಾ ಡಿಸೈನ್ ಕಾಪಿ ಮಾಡಿ ಕಡಿಮೆ ಬೆಲೆಗೆ ಬಿಡುಗಡೆ ಮಾಡಿದ ಚೀನಾ ಕಂಪನಿ
ಭಾರತದಲ್ಲಿ ಮಾತ್ರವಲ್ಲ ವಿಶ್ವದ ಬಹುತೇಕ ದೇಶಗಳಲ್ಲಿ ಮೇಡ್ ಇನ್ ಚೀನಾ ಎಂದಾಕ್ಷಣ ಜನರು ಆ ಉತ್ಪನ್ನವನ್ನು ನೋಡುವ ವಿಧಾನವೇ ಬದಲಾಗುತ್ತದೆ. ಏಕೆಂದರೆ ಚೀನಾ ಉತ್ಪನ್ನಗಳ ಗುಣಮಟ್ಟ ಕಳೆಪೆಯಾಗಿರುವುದೇ ಇದಕ್ಕೆ ಮುಖ್ಯ ಕಾರಣವಾಗಿದೆ. ಜೊತೆಗೆ ವಿಶ್ವದ ಟಾಪ್ ಬ್ರಾಂಡ್ಗಳ ಉತ್ಪನ್ನಗಳನ್ನು ನಖಲು ಮಾಡುವುದರಲ್ಲೂ ಚೀನಾ ಕಂಪನಿಗಳು ಜನಪ್ರಿಯತೆ ಪಡೆದಿವೆ.
ವಿಶ್ವದ ದುಬಾರಿ ಐಷಾರಾಮಿ ಕಾರು ರೋಲ್ಸ್ ರಾಯ್ಸ್ ನಿಂದ ಹಿಡಿದು ವಿವಿಧ ದೇಶಗಳಲ್ಲಿ ಜನಪ್ರಿಯತೆ ಹೊಂದಿರುವ ಬಹುತೇಕ ಎಲ್ಲಾ ಕಾರುಗಳನ್ನು ನಕಲು ಮಾಡಿ ಅಗ್ಗದ ಬೆಲೆಗೆ ತಮ್ಮ ದೇಶದಲ್ಲಿ ಮಾರಾಟ ಮಾಡಲಾಗುತ್ತದೆ. ಇದೀಗ ಟೆಸ್ಲಾ ಮಾಡೆಲ್ 3 ಕಾರನ್ನು ಸಹ ಕಾಪಿ ಮಾಡಿದ್ದಾರೆ.
ಇತ್ತೀಚೆಗೆ ಚೈನೀಸ್ ವಾಹನ ತಯಾರಕ ಚಂಗನ್ ಆಟೋಮೊಬೈಲ್ ಹೊಸ ಎಲೆಕ್ಟ್ರಿಕ್ ವಾಹನವನ್ನು ಬಿಡುಗಡೆ ಮಾಡಿದೆ, ಇದು ಬಹುತೇಕ ಟೆಸ್ಲಾ ಮಾಡೆಲ್ 3 ಅನ್ನು ಹೋಲುತ್ತದ್ದು, ಇದರ ಬೆಲೆ ಕೇವಲ $26,000 ರಿಂದ ಪ್ರಾರಂಭವಾಗುತ್ತದೆ. ಈ ಹಿಂದೆಯು ಚೀನೀ ಕಂಪನಿಗಳು ತನ್ನ ವಿನ್ಯಾಸಗಳಿಂದ ಸ್ಫೂರ್ತಿ ಪಡೆಯುವ ಮೂಲಕ ಟೆಸ್ಲಾಗೆ ಕೆಲವು ಸಮಸ್ಯೆಗಳನ್ನು ತಂದೊಡ್ಡಿದ್ದವು.
ಆ ವಾಹನಗಳನ್ನು ಟೆಸ್ಲಾ ತದ್ರೂಪುಗಳು ಎಂದು ಕರೆಯಲಾಗಿತ್ತು. ಈ ಹಿಂದೆ ವರದಿಯಾಗಿದ್ದ ಕೆಲ ಮೂಲಗಳ ಪ್ರಕಾರ, ಚೀನಾದ ಎಕ್ಸ್ಪೆಂಗ್ ಟೆಸ್ಲಾದ ಯೂಸರ್ ಇಂಟರ್ಫೇಸ್ ಮತ್ತು ಅದರ ವೆಬ್ಸೈಟ್ ಅನ್ನು ಒಂದು ಹಂತದಲ್ಲಿ ನಕಲಿಸಿರುವುದಾಗಿ ವರದಿಯಾಗಿತ್ತು. ಇದು ವಿಶ್ವಾದ್ಯಂತ ಭಾರೀ ಚರ್ಚೆಯಾಗಿತ್ತು.
ಟೆಸ್ಲಾದಲ್ಲಿ ಕೆಲಸ ಮಾಡಿದ್ದ ಮಾಜಿ ಉದ್ಯೋಗಿಯೊಬ್ಬರು, Xpeng ಕಂಪನಿಗಾಗಿ ಟೆಸ್ಲಾದಲ್ಲಿನ ಆಟೋಪೈಲಟ್ ಬಗ್ಗೆ ಮಾಹಿತಿಯನ್ನು ಕದ್ದಿರುವುದಾಗಿ ಟೆಸ್ಲಾ ಕಂಪನಿಯು ಮಾಜಿ ಉದ್ಯೋಗಿಯ ವಿರುದ್ಧ ಮೊಕದ್ದಮೆ ಹೂಡಿತ್ತು. ಸದ್ಯ ಚೀನಾದಲ್ಲಿ ತನ್ನ ಕಾರುಗಳನ್ನು ಯಶಸ್ವಿಯಾಗಿ ಮಾರಾಟ ಮಾಡುತ್ತಿರುವ ಟೆಸ್ಲಾಗೆ ಶೆನ್ಲಾನ್ SL03 ಬಿಡುಗಡೆ ಮತ್ತೊಂದು ಆಘಾತವೆಂದೇ ಹೇಳಬಹುದು.
ಏಕೆಂದರೆ ಚೀನಾ ಸರ್ಕಾರಿ ಸ್ವಾಮ್ಯದ ವಾಹನ ತಯಾರಕರಾದ ಚಂಗನ್ ಆಟೋಮೊಬೈಲ್ ಇತ್ತೀಚೆಗೆ ಬಿಡುಗಡೆ ಮಾಡಿರುವ ಶೆನ್ಲಾನ್ SL03 ಎಂಬ ಸಣ್ಣ ಎಲೆಕ್ಟ್ರಿಕ್ ಸೆಡಾನ್ ಟೆಸ್ಲಾ ಡಿಸೈನ್, ಫೀಚರ್ಸ್ ಪಡೆದುಕೊಂಡು ಟೆಸ್ಲಾಗಿಂತ ಅಗ್ಗದ ಬೆಲೆಯನ್ನು ಹೊಂದಿದೆ.
ಸಂಪೂರ್ಣ ನಕಲು
ಬಾನೆಟ್ ತಂತುಕೋಶವನ್ನು ಸಂಧಿಸುವ ವಾಹನದ ಮುಂಭಾಗವು ಟೆಸ್ಲಾ ಮಾಡೆಲ್ 3ಗೆ ಹೋಲುತ್ತದೆ. ವಾಹನದ ಉದ್ದಳತೆಗಳು ಸಹ ಮಾಡೆಲ್ 3 ಅನ್ನು ಹೋಲುತ್ತವೆ. ಇದು ಕೇವಲ 4 ಇಂಚುಗಳಷ್ಟು ಉದ್ದವಾಗಿದೆ, ಆದರೆ ಇದು ವಾಸ್ತವಿಕವಾಗಿ ಟೆಸ್ಲಾ ಮಾಡೆಲ್ 3 ನಂತೆಯೇ ಒಂದೇ ವೀಲ್ಬೇಸ್, ಅಗಲ ಮತ್ತು ಎತ್ತರವನ್ನು ಹೊಂದಿದೆ.
ಅಲ್ಲದೆ, ಒಳಾಂಗಣವು ಕನಿಷ್ಠವಾಗಿ ಟೆಸ್ಲಾವನ್ನೇ ಹೋಲುತ್ತಿದ್ದು, ದೊಡ್ಡ ಹಾರಿಜಾಂಟಲ್ ಸೆಂಟರ್ ಡಿಸ್ಪ್ಲೇ ಅನ್ನು ಸಹ ಹೊಂದಿದೆ. ಇನ್ನು ಡಿಸ್ಪ್ಲೇ ಥೇಟ್ ಟೆಸ್ಲಾವನ್ನು ಪ್ರತಿಬಿಂಬಿಸುವ ಯೂಸರ್ ಇಂಟರ್ಫೇಸ್ ಅನ್ನು ಸಹ ಹೊಂದಿದೆ. ಸಾಫ್ಟ್ವೇರ್ ವೈಶಿಷ್ಟ್ಯಗಳು, ವಿಶೇಷವಾಗಿ ಯೂಸರ್ ಇಂಟರ್ಫೇಸ್, ಟೆಸ್ಲಾಗಳಿಂದ ಹೆಚ್ಚಾಗಿ ನಕಲು ಮಾಡಲಾದ ವೈಶಿಷ್ಟ್ಯವಾಗಿದೆ.
ವಿಶೇಷತೆಗಳ ವಿಷಯದಲ್ಲಿ, ಮೂಲ ಆವೃತ್ತಿಯು ಚೈನೀಸ್ ಮಾನದಂಡದ ಆಧಾರದ ಮೇಲೆ 515 ಕಿ.ಮೀ (320 ಮೈಲುಗಳು) ಮೈಲೇಜ್ನೊಂದಿಗೆ ಬರುತ್ತದೆ. 705 ಕಿ.ಮೀ (438 ಮೈಲುಗಳು) ದೀರ್ಘ ಮೈಲೇಜ್ ನೀಡುವ ದೊಡ್ಡ ಬ್ಯಾಟರಿ ಪ್ಯಾಕ್ ಕೂಡ ಲಭ್ಯವಿದೆ. Shenlan SL03 ಟೆಸ್ಲಾಗಿಂತ ಯಾವ ವಿಭಾಗದಲ್ಲಿ ಉತ್ತಮ ಎಂಬುದನ್ನು ಗಮನಿಸಿದರೆ, ಮೊದಲಿಗೆ ಅದರ ಬೆಲೆ ಎಂದೇ ಹೇಳಬಹುದು.
ಈ ಎಲೆಕ್ಟ್ರಿಕ್ ಕಾರ್ ಕೇವಲ ¥183,900 ರಿಂದ ಪ್ರಾರಂಭವಾಗುತ್ತದೆ, ಇದು ಸುಮಾರು $26,000 USD ಗೆ ಸಮನಾಗಿದೆ. ಇದನ್ನು ಭಾರತೀಯ ಕರೆನ್ಸಿಯಲ್ಲಿ ನೋಡುವುದಾದರೆ 21 ಲಕ್ಷ ರೂ. ಇರಬಹುದು. ಇನ್ನು ಟೆಸ್ಲಾ ಮಾಡೆಲ್ 3 ಚೀನಾದಲ್ಲಿ ¥279,900 ಅಥವಾ ಸುಮಾರು $40,000 USD ನಿಂದ ಪ್ರಾರಂಭವಾಗುತ್ತದೆ. ಭಾರತೀಯ ರೂ.ಗಳಲ್ಲಿ ಸುಮಾರು 32 ಲಕ್ಷ ರೂ. ಇರಬಹುದು.
ಎಲೆಕ್ಟ್ರಾನಿಕ್ಸ್ ದೈತ್ಯ Huawei ಮತ್ತು CATL, ಬ್ಯಾಟರಿ ಸೆಲ್ ತಯಾರಕ ಕಂಪನಿಗಳ ಸಹಕಾರದಿಂದಲೇ ಶೆನ್ಲಾನ್ SL03 ಬೆಳೆಯುತ್ತಿದೆ. ಇಲ್ಲಿ ಮತ್ತೊಂದು ಆಶ್ಚರ್ಯಕರ ಸಂಗತಿಯೆಂದರೆ ಟೆಸ್ಲಾಗೆ ಪ್ರಮುಖ ಪೂರೈಕೆದಾರರು ಕೂಡ ಇದೇ ಕಂಪನಿಗಳಾಗಿವೆ, ಸರ್ಕಾರಿ ಸ್ವಾಮ್ಯದ ಚಂಗನ್ ಆಟೋಮೊಬೈಲ್ನೊಂದಿಗೆ ಶೆನ್ಲಾನ್ SL03 ಅಭಿವೃದ್ಧಿಯಲ್ಲಿ ಈ ಕಂಪನಿಗಳು ಭಾಗಿಯಾಗಿವೆ.
ಕಂಪನಿಯು ಈ ಹೊಸ ಎಲೆಕ್ಟ್ರಿಕ್ ಕಾರ್ ಅನ್ನು ಬಿಡುಗಡೆ ಮಾಡಿದ ಕೆಲವೇ ಗಂಟೆಗಳಲ್ಲಿ 15,000 ಬುಕಿಂಗ್ಗಳನ್ನು ಪಡೆದುಕೊಂಡಿದೆ. ಇದು ವರ್ಷದ ಅಂತ್ಯದ ವೇಳೆಗೆ ಗ್ರಾಹಕರಿಗೆ ತನ್ನ ಮೊದಲ ಯೂನಿಟ್ಗಳನ್ನು ತಲುಪಿಸಲು ಮತ್ತು ತಿಂಗಳಿಗೆ 15,000 ಯೂನಿಟ್ಗಳ ಉತ್ಪಾದನೆಯನ್ನು ಹೆಚ್ಚಿಸಲು ಯೋಜಿಸಿದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಸಾಮಾನ್ಯವಾಗಿ ಚೀನಾ ಕಂಪನಿಗಳು ನಕಲು ಮಾಡುವುದರಲ್ಲಿ ಮುಂದಿರುತ್ತವೆ. ಆದರೆ ಇವುಗಳಲ್ಲಿ ಪ್ರಮುಖವಾಗಿ ಕಾಣುವ ಸಮಸ್ಯೆ ಎಂದರೆ ಅವುಗಳ ಗುಣಮಟ್ಟ. ಇದನ್ನು ಮನಗಂಡಿರುವ ಭಾರತೀಯರು ಚೀನಾ ಉತ್ಪನ್ನಗಳನ್ನು ಬಹುತೇಕ ಕೊಳ್ಳುವುದನ್ನೇ ನಿಲ್ಲಿಸಿದ್ದಾರೆ. ಆದರೆ ಇದೀಗ ಬಿಡುಗಡೆಯಾಗಿ ಟೆಸ್ಲಾ ನಕಲು ಮಾದರಿ ಎನ್ನಲಾಗುತ್ತಿರುವ Shenlan SL03 ಟೆಸ್ಲಾ ಮಾರಾಟವನ್ನು ಕುಗ್ಗಿಸಲಿದೆಯೇ ಎಂಬುದನ್ನು ಕಮೆಂಟ್ನಲ್ಲಿ ತಿಳಿಸಿ.