Just In
- 3 hrs ago ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- 3 hrs ago ಎಲೆಕ್ಟ್ರಿಕ್ ಅವತಾರದಲ್ಲಿ ಬರಲಿದೆ ಹೋಂಡಾ ಆಕ್ಟಿವಾ: ಎಲೆಕ್ಟ್ರಿಕ್ ಸ್ಕೂಟರ್ಗಳ ರಾಜ ಆಗುತ್ತಾ?
- 3 hrs ago ಪ್ರೇರಣಾತ್ಮಕ ಕಥೆ: ಮನೆ ಕೆಲಸದಾಕೆಗೆ 'ಸೈಕಲ್' ಖರೀದಿಸಲು ಸಹಾಯ ಮಾಡಿದ ಮಾಲೀಕ.. ವಿಡಿಯೋ ವೈರಲ್
- 5 hrs ago ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
Don't Miss!
- News ಕಾಂಗ್ರೆಸ್ ನೇತೃತ್ವದ ಒಕ್ಕೂಟಕ್ಕೆ ನಾಯಕನೇ ಇಲ್ಲ: ಪ್ರಧಾನಿ ಮೋದಿ!
- Sports IPL 2024: ಹೈದರಾಬಾದ್-ಡೆಲ್ಲಿ ನಡುವೆ ಮೆಗಾ ಫೈಟ್; ಟಾಸ್, ಆಡುವ 11ರ ಬಳಗದ ವರದಿ
- Movies ರಾಜಕೀಯ ಆಯಾಮ ಬೇಡ, ಜನಸಾಮಾನ್ಯರ ಕೈಗೆ ಒಪ್ಪಿಸಿ ಎಂದ ರಚಿತಾ ರಾಮ್ ; #JusticeForNeha ಎಂದ ರಿಷಬ್ ಶೆಟ್ಟಿ..!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೈಕ್ ಚೈನ್ ರಕ್ಷಣೆಗೆ ಸರಳ ವಿಧಾನಗಳಿವು
ಬೈಕ್ ಸವಾರಿ ಮಾಡುವಾಗ ಬೈಕಿನಲ್ಲಿರುವ ಚೈನ್ ಗೆ ಸಂಬಂಧಿಸಿದ ಹಲವು ಸಮಸ್ಯೆಗಳು ತಲೆದೋರುತ್ತವೆ. ಕೆಲವು ಬಾರಿ ಚೈನ್ ಗಳು ಸಡಿಲಗೊಂಡರೆ ಇನ್ನೂ ಕೆಲವು ಬಾರಿ ತುಕ್ಕು ಹಿಡಿಯುತ್ತವೆ.
ಚೈನ್ ಸಡಿಲಗೊಂಡರೆ ಬೈಕ್ ಚಾಲನೆ ಮಾಡುವಾಗ ಚೈನ್ಪ್ಯಾಡ್ ಬಡಿದುಕೊಳ್ಳುತ್ತದೆ. ಬೈಕ್ ಚೈನ್ ಬಗ್ಗೆ ಸರಿಯಾದ ಕಾಳಜಿಯನ್ನು ವಹಿಸದಿದ್ದರೆ ಚೈನುಗಳು ತುಕ್ಕು ಹಿಡಿದು, ಹಾಳಾಗುತ್ತವೆ. ಬೈಕ್ ಚೈನ್ ಗಳ ಬಗ್ಗೆ ಹೇಗೆ ಕಾಳಜಿ ವಹಿಸಬೇಕು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
1. ಲೂಬ್ರಿಕಂಟ್ ಬಳಸಿ
ಚೈನ್ ಹಾಳಾಗಲು ಮುಖ್ಯ ಕಾರಣ ಚೈನ್ ಗಳಲ್ಲಿ ಲೂಬ್ರಿಕಂಟ್ ಬಳಸದಿರುವುದು. ಇದರಿಂದಾಗಿ ಚೈನ್ ಗಳ ಮೃದುತ್ವ ಹಾಳಾಗಿ ಚೈನ್ ಸ್ಪ್ರಾಕೆಟ್ ಹದಗೆಡುತ್ತದೆ. ಚೈನ್ ಗಳಲ್ಲಿ ದೀರ್ಘಕಾಲದವರೆಗೆ ಲೂಬ್ರಿಕಂಟ್ ಬಳಸದಿದ್ದರೆ, ತುಕ್ಕು ಹಿಡಿದು ಚೈನ್ ಗಳು ಹಾಳಾಗುತ್ತವೆ. ಈ ಕಾರಣಕ್ಕೆ ಚೈನ್ ಗಳಲ್ಲಿ ಯಾವಾಗಲೂ ಲೂಬ್ರಿಕಂಟ್ ಬಳಸುವುದು ಮುಖ್ಯ.
MOSTREAD: ಟ್ರ್ಯಾಕ್ಟರ್ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್ಗಳಿರಲು ಕಾರಣಗಳಿವು
2. ಚೈನ್ ಗಳನ್ನು ಸಾಕಷ್ಟು ಬಿಗಿಯಾಗಿಡಿ
ಚೈನ್ ಗಳನ್ನು ಸರಿಯಾದ ರೀತಿಯಲ್ಲಿ ಬಿಗಿಗೊಳಿಸದಿದ್ದರೆ ಚೈನ್ ತ್ವರಿತವಾಗಿ ಹದಗೆಡುತ್ತದೆ. ಚೈನ್ ತುಂಬಾ ಸಡಿಲವಾಗಿದ್ದರೆ ಅಥವಾ ತುಂಬಾ ಬಿಗಿಯಾಗಿದ್ದರೆ, ಅದು ಹಾಳಾಗುವ ಸಾಧ್ಯತೆಗಳಿರುತ್ತವೆ.
ಚೈನ್ ತುಂಬಾ ಸಡಿಲವಾದರೆ, ಬೈಕು ಸವಾರಿ ವೇಳೆ ಚೈನ್ ಬಡಿದುಕೊಳ್ಳುವ ಶಬ್ದ ಬರುತ್ತದೆ. ತುಂಬಾ ಸಡಿಲವಾದರೆ ಚೈನ್ ಸ್ಪ್ರಾಕೆಟ್ನಿಂದ ಬೀಳಬಹುದು. ಇದರಿಂದ ಬೈಕಿಗೆ ಹೆಚ್ಚಿನ ಹಾನಿಯಾಗುತ್ತದೆ.
MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್
ತರಬೇತಿ ಪಡೆದ ಮೆಕ್ಯಾನಿಕ್ ಬಳಿ ಚೈನ್ ಬಿಗಿಗೊಳಿಸುವುದು ಸೂಕ್ತ. ಚೈನ್ ಅನ್ನು ಹೆಚ್ಚು ಬಿಗಿಗೊಳಿಸಿದರೆ ಸ್ಪ್ರಾಕೆಟ್ ಗೆ ತೊಂದರೆಯಾಗಬಹುದು. ಚೈನ್ ಗಳು 0.5 ಇಂಚು - 1 ಇಂಚುಗಳಷ್ಟು ಸಡಿಲವಾಗಿರಬೇಕು. ಇದರಿಂದಾಗಿ ಬೈಕಿನ ಪಿಕಪ್ ಕೂಡ ಉತ್ತಮವಾಗಿರುತ್ತದೆ.
3. ಜಿಗುಟಾದ ಲೂಬ್ರಿಕಂಟ್ಗಳ ಬಳಕೆಯನ್ನು ತಪ್ಪಿಸಿ
ಬೈಕ್ ಚೈನ್ ಗಳಿಗೆ ಲೂಬ್ರಿಕಂಟ್ ಗ್ರೀಸ್ ಅನ್ನು ಹೇಗೆ ಬಳಸಬೇಕು ಎಂದು ಹಲವಾರು ಜನರಿಗೆ ತಿಳಿದಿಲ್ಲ. ಲೂಬ್ರಿಕೆಂಟ್ ಗ್ರೀಸ್ ಅನ್ನು ಸರಿಯಾಗಿ ಬಳಸದಿದ್ದರೆ, ಚೈನ್ ಮೇಲೆ ಧೂಳು ಸಂಗ್ರಹವಾಗಿ ಚೈನ್ ಗಳು ಹಾಳಾಗುವ ಸಾಧ್ಯತೆಗಳಿರುತ್ತವೆ.
MOSTREAD: ಲಾಕ್ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ
ಎಂಜಿನ್ ಆಯಿಲ್ ನಂತಹ ತೆಳುವಾಗಿರುವ ಲೂಬ್ರಿಕಂಟ್ಗಳನ್ನು ಬಳಸುವುದು ಸೂಕ್ತ. ಇದರ ಜೊತೆಗೆ ಚೈನ್ ಗಳಿಗಾಗಿಯೇ ತಯಾರಿಸಲಾದ ವಿಶೇಷ ಲೂಬ್ರಿಕಂಟ್ಗಳನ್ನು ಸಹ ಬಳಸಬಹುದು.
4. ಚೈನ್ ಗಳನ್ನು ನಿಯಮಿತವಾಗಿ ಸ್ವಚ್ಛಗೊಳಿಸಿ
ಚೈನ್ ಗಳನ್ನು ಸುಸ್ಥಿತಿಯಲ್ಲಿಡಲು ನಿಯಮಿತವಾಗಿ ಸ್ವಚ್ಛಗೊಳಿಸುವುದು ಅಗತ್ಯ. ಹೆಚ್ಚು ಧೂಳು ಹಿಡಿಯುವುದರಿಂದ ಚೈನ್ ಗಳು ಹಾಳಾಗಬಹುದು. ಈ ಕಾರಣಕ್ಕೆ ಧೂಳು ಕೂರದಂತೆ ಆಗಾಗ್ಗೆ ಚೈನುಗಳನ್ನು ಸ್ವಚ್ಛಗೊಳಿಸುವುದು ಅವಶ್ಯಕ.
MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು
5. ಚೈನ್ ಕವರ್ ತೆರೆದಿಡಬೇಡಿ
ಚೈನ್ ಕವರ್ ಚೈನ್ ಹಾಗೂ ಸ್ಪ್ರಾಕೆಟ್ ಗೆ ರಕ್ಷಣೆ ನೀಡುತ್ತದೆ. ಈ ಕವರ್ ತೆರೆದರೆ ಚೈನ್ ಬೇಗನೇ ಹಾಳಾಗುತ್ತದೆ. ಚೈನ್ ಕವರ್ ತೆರೆಯುವುದರಿಂದ ಚೈನ್ ಮೇಲೆ ಹೆಚ್ಚು ಧೂಳು ಹಾಗೂ ಮಣ್ಣು ಸಂಗ್ರಹವಾಗುತ್ತದೆ.
ಚೈನ್ ಕವರ್ ತೆರೆದಿರುವಾಗ ಬೈಕ್ ಸವಾರಿ ಮಾಡದೇ ಇರುವುದು ಒಳ್ಳೆಯದು. ಆಧುನಿಕ ಸ್ಪೋರ್ಟ್ಸ್ ಬೈಕುಗಳನ್ನು ಹೆಚ್ಚಾಗಿ ತೆರೆದ ಚೈನ್ ಕವರ್ ಗಳೊಂದಿಗೆ ಬಿಡುಗಡೆಗೊಳಿಸಲಾಗುತ್ತದೆ. ಈ ಕಾರಣಕ್ಕೆ ಚೈನ್ ಗಳಿಗೆ ಹೆಚ್ಚಿನ ಆರೈಕೆಯ ಅಗತ್ಯವಿದೆ.