Just In
- 35 min ago ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- 1 hr ago ಭಾರತದ ರಸ್ತೆಯಲ್ಲಿ ಘರ್ಜಿಸುತ್ತಿರುವ ಪವರ್ಫುಲ್ ಎಪ್ರಿಲಿಯಾ ಬೈಕ್ಗಾಗಿ ಅಕ್ಸೆಸರೀಸ್ ಬಿಡುಗಡೆ
- 1 hr ago Mahindra Thar: ಸುಲಭವಾಗಿ ಆಫ್ರೋಡ್ ಕಿಂಗ್ ಖರೀದಿಸಬೇಕೆ?: ಆನ್ರೊಡ್ ಬೆಲೆ, EMI ಸಂಪೂರ್ಣ ಮಾಹಿತಿ!
- 1 hr ago Mahindra: ಫ್ಯಾಮಿಲಿ ಕಾರು ಮಹೀಂದ್ರಾ ಎಕ್ಸ್ಯುವಿ700 ಖರೀದಿಸುವವರಿಗೆ ಸಿಹಿಸುದ್ದಿ.. ಇನ್ನೂ ತಿಂಗಳೇ ಸಾಕು!
Don't Miss!
- News Bengaluru Rain: ಬೆಂಗಳೂರಿನ ಹಲವೆಡೆ ಗುಡುಗು ಜಿನುಗು ಮಳೆ.. ಮನೆಯಿಂದ ಹೊರಬಂದು ಕುಣಿದು ಕುಪ್ಪಳಿಸಿದ ಮಕ್ಕಳು
- Movies ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್!
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Technology ಒಪ್ಪೋ ಸಂಸ್ಥೆಯ ಈ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ; ಆಫರ್ಗೆ ಗ್ರಾಹಕರು ಫಿದಾ!
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೆಂಕಿಗೆ ಆಹುತಿಯಾದ ಹೊಸ ಎಂಜಿ ಹೆಕ್ಟರ್ ಕಾರು
ಬ್ರಿಟನ್ ಮೂಲದ ಎಂಜಿ ಹೆಕ್ಟರ್ ಕಂಪನಿಯು ಭಾರತದಲ್ಲಿ ತನ್ನ ಮೊದಲ ವಾಹನವಾಗಿ ಹೆಕ್ಟರ್ ಎಸ್ಯುವಿಯನ್ನು ಬಿಡುಗಡೆಗೊಳಿಸಿತ್ತು. ಎಂಜಿ ಹೆಕ್ಟರ್ ಕಂಪನಿಯು ಬ್ರಿಟನ್ ಮೂಲದಾಗಿದ್ದರೂ ಚೀನಾ ದೇಶದ ವಾಹನವಾಗಿದೆ.
ಎಂಜಿ ಹೆಕ್ಟರ್ ಚೀನಾದ ಕಂಪನಿಗಳಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಚೀನಾದಲ್ಲಿ ಸೈಕ್ ಗ್ರೂಪ್ ಕಂಪನಿಯು ಎಂಜಿ ಹೆಕ್ಟರ್ ಎಸ್ಯುವಿಯನ್ನು ಬೌಜುನ್ 530 ಎಸ್ಯುವಿ ಎಂಬ ಹೆಸರಿನಲ್ಲಿ ಮಾರಾಟ ಮಾಡುತ್ತದೆ. ಇದೇ ಬೌಜುನ್ 530 ಎಸ್ಯುವಿಯನ್ನು ಭಾರತದಲ್ಲಿ ಎಂಜಿ ಹೆಕ್ಟರ್ ಹೆಸರಿನಲ್ಲಿ ಮಾರಾಟ ಮಾಡುತ್ತಿದೆ.
ಎಂಜಿ ಹೆಕ್ಟರ್ ಭಾರತದ ಮೊದಲ ಕನೆಕ್ಟಿವಿಟಿ ಕಾರ್ ಆಗಿದೆ. ಹಲವಾರು ವಿಶೇಷತೆಗಳನ್ನು ಹೊಂದಿರುವ ಈ ಕಾರು ಇನ್ಫೋಟೇನ್ಮೆಂಟ್ ಡಿವೈಸ್ ಮೂಲಕ ನೇರವಾಗಿ ಇಂಟರ್ನೆಟ್ಗೆ ಆಕ್ಸೆಸ್ ನೀಡುತ್ತದೆ. ಇದರ ಜೊತೆಗೆ ಕಾರಿನಲ್ಲಿ ಪ್ರಯಾಣಿಸುವವರಿಗೆ ಹಲವು ರೀತಿಯ ಮನರಂಜನೆಯನ್ನು ನೀಡುತ್ತದೆ.
ಈ ಕಾರಿನಲ್ಲಿರುವ ಪ್ರೀಮಿಯಂ ಹಾಗೂ ಲಗ್ಷುರಿ ಅಂಶಗಳಿಂದಾಗಿ ಈ ಕಾರು ಅತಿ ಕಡಿಮೆ ಅವಧಿಯಲ್ಲಿಯೇ ಸಾಕಷ್ಟು ಜನಪ್ರಿಯತೆಯನ್ನು ಪಡೆದಿದೆ. ಈ ಕಾರಣಕ್ಕೆ ಭಾರತೀಯರು ಈ ಕಾರ್ ಅನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಖರೀದಿಸುತ್ತಿದ್ದಾರೆ. ಬೇರೆ ಕಾರುಗಳಿಗೆ ಹೋಲಿಸಿದರೆ ಈ ಕಾರು ಕಡಿಮೆ ಬೆಲೆಯನ್ನು ಸಹ ಹೊಂದಿದೆ.
ಈ ಕಾರಣಗಳಿಗೆ ಈ ಕಾರಿನ ಬೇಡಿಕೆಯು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಬೇಡಿಕೆ ಹೆಚ್ಚುತ್ತಿರುವ ಕಾರಣಕ್ಕೆ ಎಂಜಿ ಮೋಟಾರ್ಸ್ ಕಂಪನಿಯು ಈ ಕಾರಿನ ಉತ್ಪಾದನೆಯನ್ನು ಹೆಚ್ಚಿಸಿದೆ. ಇದರಿಂದಾಗಿ ಕಾಯುವ ಅವಧಿಯು ಕಡಿಮೆಯಾಗಿದೆ.
ಇಷ್ಟೆಲ್ಲಾ ಬೆಳವಣಿಗೆಗಳ ಮಧ್ಯೆ ಎಂಜಿ ಹೆಕ್ಟರ್ ಕಾರಿನ ಮರ್ಯಾದೆ ಹೋಗುವ ಹಲವು ಘಟನೆಗಳು ನಡೆಯುತ್ತಿವೆ. ಆಗಾಗ ಎಂಜಿ ಹೆಕ್ಟರ್ನ ಎಂಜಿನ್ನಲ್ಲಿ ದೋಷವಿರುವ ಬಗ್ಗೆ ವರದಿಯಾಗುತ್ತಿರುತ್ತವೆ. ಈ ಹಿಂದೆ ಖರೀದಿಸಿದ ಕೆಲವೇ ದಿನಗಳಲ್ಲಿ ಹೆಕ್ಟರ್ ಕಾರಿನ ರೂಫ್ನಲ್ಲಿ ಮಳೆ ನೀರು ಹರಿದಿದ್ದ ಬಗ್ಗೆ ವರದಿಯಾಗಿತ್ತು.
ಈ ಘಟನೆಯು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಇದರ ಜೊತೆಗೆ ಅಲ್ಲಲ್ಲಿ ಎಂಜಿನ್ಗೆ ಬೆಂಕಿ ಬಿದ್ದ ಘಟನೆಗಳು ವರದಿಯಾಗಿದ್ದವು. ಹರಿಯಾಣದಲ್ಲಿ 19 ದಿನಗಳ ಹಿಂದೆ ಖರೀದಿಸಲಾಗಿದ್ದ ಎಂಜಿ ಹೆಕ್ಟರ್ ಕಾರಿಗೆ ಬೆಂಕಿ ಬಿದ್ದಿದೆ. ಅದೂ ಸಹ ಮಧ್ಯ ರಸ್ತೆಯಲ್ಲಿ.
ಇದಕ್ಕೂ ಮೊದಲು, ಡಿಸೆಂಬರ್ ತಿಂಗಳಿನಲ್ಲಿ ಮಧ್ಯ ರಸ್ತೆಯಲ್ಲಿಯೇ ಎಂಜಿ ಹೆಕ್ಟರ್ ಕಾರಿಗೆ ಬೆಂಕಿ ಬಿದ್ದಿದ್ದ ಘಟನೆ ವರದಿಯಾಗಿತ್ತು. ಈಗ ಒಂದು ತಿಂಗಳ ನಂತರ ಮತ್ತೊಮ್ಮೆ ಇದೇ ರೀತಿಯ ಘಟನೆ ನಡೆದಿದೆ. ಈ ಘಟನೆಗಳು ಕಾರಿನ ಘನತೆಗೆ ಧಕ್ಕೆ ತರಲಿವೆ.
ಹರಿಯಾಣದಲ್ಲಿ ನಡೆದಿರುವ ಘಟನೆಯು ಹೆಕ್ಟರ್ ಮಾಲೀಕರ ತಪ್ಪಿನಿಂದ ಸಂಭವಿಸಿದೆ. ಈ ಕಾರು ಹರಿಯಾಣದ ವ್ಯಕ್ತಿಯೊಬ್ಬರಿಗೆ ಸೇರಿದೆ. ಆ ವ್ಯಕ್ತಿ ಈ ಕಾರಿನಲ್ಲಿ ಹೆಚ್ಚುವರಿಯಾದ ಆಕ್ಸೆಸರೀಸ್ಗಳನ್ನು ಅಳವಡಿಸಿದ್ದಾರೆ. ಈ ಕಾರಣಕ್ಕೆ ಕಾರಿಗೆ ಬೆಂಕಿ ಬಿದ್ದಿರಬಹುದು ಎಂದು ಅವರು ಹೇಳಿದ್ದಾರೆ.
ಈ ಕುರಿತು ಅವರು ಪತ್ರವೊಂದನ್ನು ಬರೆದಿದ್ದಾರೆ. ಆ ಪತ್ರದಲ್ಲಿ ಎಂಜಿ ಕಂಪನಿಯು ಬೆಂಕಿ ಬಿದ್ದ ತಕ್ಷಣವೇ ತಮ್ಮನ್ನು ಸಂಪರ್ಕಿಸಿತು. ಸಮಸ್ಯೆಯನ್ನು ಪರಿಹರಿಸಲು ಎಲ್ಲಾ ರೀತಿಯ ನೆರವನ್ನು ನೀಡಿತು ಎಂದು ಆ ವ್ಯಕ್ತಿ ಹೇಳಿದ್ದಾರೆ.
ಈ ಪತ್ರದಿಂದ ಹೆಕ್ಟರ್ ಕಾರಿನ ಗುಣಮಟ್ಟದ ಬಗ್ಗೆ ಇದ್ದ ವದಂತಿಗಳಿಗೆ ತೆರೆಬಿದ್ದಿದೆ. ಸ್ಥಳಕ್ಕೆ ಧಾವಿಸಿದ್ದ ಅಗ್ನಿ ಶಾಮಕ ದಳವು ಬೆಂಕಿಯನ್ನು ಆರಿಸಲು ಪ್ರಯತ್ನ ಪಟ್ಟಿದೆ. ಆದರೆ ಕಾರಿನ ಮುಂಭಾಗವು ಸಂಪೂರ್ಣವಾಗಿ ನಾಶವಾಗಿದೆ. ಈ ಬಗ್ಗೆ ಪ್ರಕರಣ ದಾಖಲಿಸಿರುವ ಪೊಲೀಸರು ತನಿಖೆಯನ್ನು ಮುಂದುವರೆಸಿದ್ದಾರೆ.
ಬೆಂಕಿ ಬಿದ್ದ ಕಾರು ಹೆಕ್ಟರ್ ಪಿಇ 1.5 ಟಿಸಿಡಿ ಶಾರ್ಪ್ ಮಾದರಿಯಾಗಿದೆ. ಇದು ಹೆಕ್ಟರ್ನಲ್ಲಿರುವ ಟಾಪ್ ಎಂಡ್ ಮಾದರಿಯಾಗಿದೆ. ಈ ಮಾದರಿಯ ಬೆಲೆಯು ಎಕ್ಸ್ ಶೋರೂಂ ದರದಂತೆ ರೂ.13.48 ಲಕ್ಷಗಳಿಂದ ರೂ.17.18 ಲಕ್ಷಗಳಾಗಿದೆ.
ಎಂಜಿ ಹೆಕ್ಟರ್ ಕಾರು ದೇಶಿಯ ಮಾರುಕಟ್ಟೆಯಲ್ಲಿ ಟಾಟಾ ಹ್ಯಾರಿಯರ್ ಕಾರಿಗೆ ಪ್ರಬಲ ಪೈಪೋಟಿ ನೀಡುತ್ತಿದೆ. ಇದರ ಜೊತೆಗೆ ಎಂಜಿ ಹೆಕ್ಟರ್ನಲ್ಲಿರುವಂತಹ ಎಂಜಿನ್ಗಳನ್ನು ಜೀಪ್ ಕಂಪಾಸ್ ಹಾಗೂ ಮಹೀಂದ್ರಾ ಎಕ್ಸ್ ಯುವಿ 500ಗಳಲ್ಲಿ ಅಳವಡಿಸಲಾಗಿದೆ.