ಆನ್​ಲೈನ್ ಮೂಲಕ ಹರಾಜಾಗುತ್ತಿದೆ 12 ಲಕ್ಷ ಕಿ.ಮೀ ಚಲಿಸಿರುವ 42 ವರ್ಷ ಹಳೆಯ ಮರ್ಸಿಡಿಸ್ ಬೆಂಝ್ ಕಾರು

ಈ ಮರ್ಸಿಡಿಸ್ ಬೆಂಝ್ ಕಾರು 42 ವರ್ಷ ಹಳೆಯದಾಗಿದ್ದು, ಇದುವರೆಗೂ 7,82,000 ಮೈಲುಗಳಷ್ಟು ಅಂದರೆ ಸುಮಾರು 12.6 ಲಕ್ಷ ಕಿ.ಮೀಗಳಷ್ಟು ಚಲಿಸಿದೆ. ಇತ್ತೀಚೆಗೆ ಈ ಕಾರ್ ಅನ್ನು ಎಕ್ಸಿಬಿಷನ್ ಒಂದರಲ್ಲಿ ಪ್ರದರ್ಶಿಸಲಾಗಿತ್ತು. ಅಮೆರಿಕಾದ ಕ್ಯಾಲಿಫೋರ್ನಿಯಾದಲ್ಲಿರುವ ಈ ಕಾರಿನ ಮಾಲೀಕರು ಕಾರ್ ಅನ್ನು ಆನ್​ಲೈನ್ ಮೂಲಕ ಹರಾಜಿಗಿಟ್ಟಿದ್ದಾರೆ.

ಪ್ರೀಮಿಯಂ ರೆಡ್ ಬಣ್ಣದಲ್ಲಿರುವ ಈ ಕಾರು ಇನ್ನೂ ಒಳ್ಳೆಯ ಕಂಡಿಷನ್'ನಲ್ಲಿದ್ದು, ಉತ್ತಮವಾಗಿ ಚಲಿಸುತ್ತಿದೆ. ಈ ಕಾರಿನ ಇಂಟಿರಿಯರ್ ಕೇಸರಿ ಬಣ್ಣವನ್ನು ಹೊಂದಿದೆ. ಈ ಕಾರಿನ ಮೂಲ ಮಾಲೀಕರು ಈ ಕಾರ್ ಅನ್ನು ಈಗ ಕಾರ್ ಅನ್ನು ಹರಾಜಿಗಿಟ್ಟಿರುವವರಿಗೆ 2006ರಲ್ಲಿ ಮಾರಾಟ ಮಾಡಿದ್ದಾರೆ ಎಂದು ಹೇಳಲಾಗಿದೆ.

MOST READ:ವಾಹನ ಖರೀದಿಸುವವರಿಗೆ, ಮಾರಾಟ ಮಾಡುವವರಿಗೆ ನೆರವಾಗುವ ಆರ್‌ಟಿಒ ಫಾರಂಗಳಿವು!

ಮಾರಾಟವಾದ ನಂತರ ಈ ಕಾರು 2 ಲಕ್ಷ ಕಿ.ಮೀ ಸಂಚರಿಸಿದೆ. ಈ ಕಾರನ್ನು ಮೆಂಟೆನ್ ಮಾಡಿರುವ ಕ್ರೆಡಿಟ್ ಇಬ್ಬರೂ ಮಾಲೀಕರಿಗೂ ಸಲ್ಲಬೇಕು. ಇಷ್ಟು ವರ್ಷಗಳ ಬಳಕೆಯ ನಂತರವೂ ಈ ಕಾರಿನಲ್ಲಿ ಸಣ್ಣ ಸ್ಕ್ರಾಚ್ ಹಾಗೂ ಸಣ್ಣ ಪ್ರಮಾಣದ ತುಕ್ಕುಗಳಾಗಿವೆ.

ಈ ಕಾರಿನ ಇಂಟಿರಿಯರ್ ಅನ್ನು ಸಹ ಉತ್ತಮವಾಗಿ ಮೆಂಟೆನ್ ಮಾಡಲಾಗಿದೆ. ಕಾರಿನ ಇಂಟಿರಿಯರ್ ಕ್ಲಾಸಿಕ್ ಲುಕ್ ಹೊಂದಿದೆ. ಆಗಿನ ಕಾಲದಲ್ಲಿದ್ದ ಫೀಚರ್'ಗಳನ್ನು ಈ ಕಾರಿನಲ್ಲಿ ನೀಡಲಾಗಿದೆ.

MOST READ:ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಖರೀದಿಗೂ ಮುನ್ನ ಪರಿಶೀಲಿಸಬೇಕಾದ ಸಂಗತಿಗಳಿವು

ಈ ಕಾರಿನಲ್ಲಿ ಎಡಗೈ ಡ್ರೈವ್ ಸ್ಟೀಯರಿಂಗ್ ನೀಡಲಾಗಿದೆ. ಈ ಕಾರಿನಲ್ಲಿ ಅಳವಡಿಸಲಾಗಿರುವ ಬ್ರೌನ್ ಲೆದರ್ ಸೀಟುಗಳು ಈ ಕಾರಿಗೆ ಕ್ಲಾಸಿಕ್ ಲುಕ್ ನೀಡುತ್ತವೆ. ಈ ಕಾರಿನಲ್ಲಿ ನಾಲ್ಕು ವೆಂಟ್, ಇನ್ಸ್'ಟ್ರೂಮೆಂಟ್ ಕ್ಲಸ್ಟರ್ ಹಾಗೂ ಮ್ಯೂಸಿಕ್ ಸಿಸ್ಟಂಗಳನ್ನು ನೀಡಲಾಗಿದೆ.

42 ವರ್ಷಗಳ ನಂತರವೂ ಈ ಕಾರಿನ ಇಂಟಿರಿಯರ್'ನಲ್ಲಿರುವ ಯಾವುದೇ ಉಪಕರಣಗಳಿಗೆ ಹಾನಿಯಾಗಿಲ್ಲ. ಮರ್ಸಿಡಿಸ್ ಬೆಂಝ್ ಡಬ್ಲ್ಯು 123 ಎಸ್‌ಯುವಿಯಾಗಿದ್ದು 1970ರ ದಶಕದಲ್ಲಿ ಬಹಳ ಜನಪ್ರಿಯವಾಗಿತ್ತು.

MOST READ:10 ಲಕ್ಷ ಬೆಲೆಯ ಕಾರಿಗೆ 20 ಲಕ್ಷದ ಬಿಲ್ ನೀಡಿದ ಸರ್ವೀಸ್ ಸೆಂಟರ್

ಈ ಕಾರಿನಲ್ಲಿ ರೂಫ್ ರೇಲ್, ಎಲೆಕ್ಟ್ರಿಕ್ ವಿಂಡೋ, ಸನ್‌ರೂಫ್, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಸೆಂಟ್ರಲ್ ಲಾಕಿಂಗ್‌ನಂತಹ ಹಲವಾರು ಫೀಚರ್'ಗಳನ್ನು ಅಳವಡಿಸಲಾಗಿದೆ.

ಈ ಫೀಚರ್'ಗಳನ್ನು ಆ ಸಮಯದಲ್ಲಿ ಅತ್ಯಾಧುನಿಕ ಫೀಚರ್'ಗಳೆಂದು ಪರಿಗಣಿಸಲಾಗಿತ್ತು. ಮರ್ಸಿಡಿಸ್ ಬೆಂಝ್ ಡಬ್ಲ್ಯು 123 ಎಸ್‌ಯುವಿಯಲ್ಲಿ 3.0 ಲೀಟರ್ ಟರ್ಬೊ ಡೀಸೆಲ್ ಎಂಜಿನ್ ಅಳವಡಿಸಲಾಗಿದೆ.

MOST READ:ವರ್ಷಗಳ ಕಾಲ ಉಪ್ಪು ನೀರಿನಲ್ಲಿದ್ದರೂ ಹಡಗುಗಳ ಆಂಕರ್‌ಗಳಿಗೆ ತುಕ್ಕು ಹಿಡಿಯದಿರಲು ಕಾರಣಗಳಿವು

ಈ ಎಂಜಿನ್ 77 ಬಿಹೆಚ್‌ಪಿ ಪವರ್ ಹಾಗೂ 155 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಕಾರು 4 ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಹೊಂದಿದ್ದು ರೇರ್ ವ್ಹೀಲ್'ಗಳಿಗೆ ಪವರ್ ಕಳುಹಿಸುತ್ತದೆ.

ಮೂಲ: ಬ್ರಿಂಗ್ ಎ ಟ್ರೈಲರ್