Just In
- 43 min ago ಜಾವಾ ಮೋಟಾರ್ಸೈಕಲ್ ಮಾಲೀಕರಿಗೆ ಸಿಹಿಸುದ್ದಿ: ಈ ಅವಕಾಶ ಕಳೆದುಕೊಳ್ಳಬೇಡಿ!
- 1 hr ago ದೊಡ್ಡ ಸಿಗ್ನಲ್ ಕೊಟ್ಟ ಫೋರ್ಡ್: ಭಾರತಕ್ಕೆ ಬರುತ್ತಿದೆ ಹೊಸ ಎಸ್ಯುವಿ... ಟಾಟಾಗೆ ಆತಂಕ ಶುರು
- 1 hr ago ಹಲವು ಆಯ್ಕೆಗಳಲ್ಲಿ ಸಿಗಲಿದೆ 5 ಡೋರ್ ಥಾರ್: ಸುದ್ದಿ ತಿಳಿದು ನಿಟ್ಟುಸಿರು ಬಿಟ್ಟ ಮಹೀಂದ್ರಾ ಫ್ಯಾನ್ಸ್!
- 2 hrs ago ನಿಮ್ಮ ಬಳಿ 7 ಲಕ್ಷ ರೂಪಾಯಿ ಇದ್ದರೆ ಸಾಕು.. ಕನಸಿನ ಕಾರನ್ನು ಮನೆ ತರಬಹುದು!
Don't Miss!
- Technology Google Maps: ಗೂಗಲ್ ಮ್ಯಾಪ್ಸ್ ನಲ್ಲಿ ಹೊಸ ಸೌಲಭ್ಯ! ಹತ್ತಿರದ EV ಚಾರ್ಜಿಂಗ್ ಸ್ಟೇಷನ್ ಸರ್ಚ್ ಬಲು ಸುಲಭ
- News BMRCL: ಚಲ್ಲಘಟ್ಟ ಮೆಟ್ರೋ ನಿಲ್ದಾಣದ ಬಳಿ ಪಾದಚಾರಿ ಸೇತುವೆ ನಿರ್ಮಾಣ-ಪ್ರಯೋಜನೆಗಳೇನು ಹಾಗೂ ವೆಚ್ಚ ಎಷ್ಟು?
- Lifestyle ಶಾಲೆಯನ್ನೇ ಬ್ಯೂಟಿ ಪಾರ್ಲರ್ ಮಾಡಿಕೊಂಡ ಪ್ರಿನ್ಸಿಪಾಲ್..! ಕೇಳಿದ ಶಿಕ್ಷಕಿ ಕೈ ಕಚ್ಚಿ ಹಲ್ಲೆ..!
- Finance ಎಮರ್ಜೆನ್ಸಿ ಲೋನ್ ಅಂದ್ರೆ ಏನು, ಇದನ್ನು ಪಡೆದುಕೊಳ್ಳುವುದು ಹೇಗೆ ? ಇಲ್ಲಿದೆ ನೋಡಿ ಸುಲಭ ಉಪಾಯ
- Movies ಹರ್ಷಿಕಾ ಪೂಣಚ್ಚ- ಭುವನ್ ಪೊನ್ನಣ್ಣ ಮೇಲೆ ಹಲ್ಲೆ; "ನಮ್ಮ ಬೆಂಗಳೂರಿನಲ್ಲಿ ನಾವು ಎಷ್ಟು ಸುರಕ್ಷಿತ?" ಎಂದ ನಟಿ
- Sports ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ 5 ಕಾರಣಗಳಿಂದಲೇ ವಿಮಾನ ಅಪಘಾತ ಹೆಚ್ಚು..!
ಪ್ರತಿದಿನ ಜಗತ್ತಿನಾದ್ಯಂತ ಸಾವಿರಾರು ವಾಹನಗಳು ರಸ್ತೆ ಅಪಘಾತಕ್ಕೆ ಒಳಗಾಗುತ್ತವೆ. ಕೇವಲ ರಸ್ತೆ ಅಪಘಾತಗಳು ಮಾತ್ರವಲ್ಲ, ವಿಮಾನಗಳೂ ಸಹ ಅಪಘಾತಕ್ಕೆ ಒಳಗಾಗುತ್ತವೆ. ರಸ್ತೆ ಅಪಘಾತಗಳ ಸಂಖ್ಯೆಗೆ ಹೋಲಿಸಿದರೆ ವಿಮಾನಗಳ ಅಪಘಾತದ ಪ್ರಮಾಣ ಕಡಿಮೆ.
ವಿಮಾನಗಳ ಅಪಘಾತಗಳಾದಾಗ ಜಗತ್ತೇ ಬೆಚ್ಚಿ ಬೀಳುತ್ತದೆ. ಆದರೂ ಆಗಾಗ ವಿಮಾನಗಳು ಅಪಘಾತಕ್ಕೆ ಒಳಗಾಗುವುದನ್ನು ನೋಡುತ್ತಲೇ ಇರುತ್ತೇವೆ. ವಿಮಾನಗಳ ಅಪಘಾತಗಳಿಂದ ಹೆಚ್ಚಿನ ಪ್ರಮಾಣದ ಹಾನಿಯಾಗುವುದರ ಜೊತೆಗೆ ಅಪಾರ ಪ್ರಮಾಣದ ಸಾವು ನೋವುಗಳಾಗುತ್ತವೆ.
ರಸ್ತೆ ಅಪಘಾತಗಳು ಏಕಾಗುತ್ತವೆ ಎಂಬುದು ಸಾಕಷ್ಟು ಜನರಿಗೆ ಗೊತ್ತಿರುತ್ತದೆ. ಆದರೆ ವಿಮಾನಗಳ ಅಪಘಾತಗಳು ಏಕಾಗುತ್ತವೆ ಎಂಬುದು ಬಹುತೇಕ ಜನರಿಗೆ ಗೊತ್ತಿರುವುದಿಲ್ಲ. ಹಲವಾರು ಕಾರಣಗಳಿಗೆ ವಿಮಾನಗಳ ಅಪಘಾತವಾದರೂ, ಅದರಲ್ಲಿ ಮುಖ್ಯವಾದ 5 ಕಾರಣಗಳ ಬಗ್ಗೆ ಈ ಲೇಖನದಲ್ಲಿ ನೋಡೋಣ.
ಪೈಲಟ್ನ ತಪ್ಪಿನಿಂದಾಗಿ
ಸಾಮಾನ್ಯವಾಗಿ ವಿಮಾನಗಳು ಪೈಲಟ್ಗಳ ತಪ್ಪಿನಿಂದಾಗಿ ಅಪಘಾತಕ್ಕೊಳಗಾಗುತ್ತವೆ. 55% ವಿಮಾನ ಅಪಘಾತಗಳು ಪೈಲಟ್ಗಳ ತಪ್ಪಿನಿಂದಾಗಿ ಸಂಭವಿಸುತ್ತವೆ. ವಿಮಾನಗಳನ್ನು ಚಾಲನೆ ಮಾಡುವುದು ಬಲು ಕಷ್ಟದ ಕೆಲಸ. ಹಲವಾರು ವಿನೂತನವಾದ ಟೆಕ್ನಾಲಜಿಗಳಿದ್ದರೂ ಪೈಲಟ್ಗಳು ಈ ಕಷ್ಟದ ಕೆಲಸವನ್ನು ಇನ್ನೂ ಮಾಡುತ್ತಿದ್ದಾರೆ.
ವಿಮಾನ ಚಾಲನೆ ಮಾಡುವಾಗ ಪೈಲಟ್ಗಳು ಹಲವಾರು ಸಂಗತಿಗಳನ್ನು ಗಮನಿಸ ಬೇಕಾಗುತ್ತದೆ. ಯಾವುದೇ ಚಿಕ್ಕ ಸಂಗತಿಯೇ ಆಗಲಿ ಅದನ್ನು ಸರಿಯಾಗಿ ಗಮನಿಸದಿದ್ದರೆ ಭಾರೀ ಪ್ರಮಾಣದ ಅಪಘಾತ ಸಂಭವಿಸುವುದು ಖಚಿತ.
ಏರ್ ಕಂಟ್ರೋಲರ್ನಲ್ಲಿನ ತಪ್ಪಿನಿಂದಾಗಿ
ಪೈಲಟ್ಗಳು ಮಾಹಿತಿಗಾಗಿ ಹಾಗೂ ಸಹಾಯಕ್ಕಾಗಿ ಏರ್ ಕಂಟ್ರೋಲರ್ಗಳ ಮೇಲೆ ಅವಲಂಬಿತರಾಗಿರುತ್ತಾರೆ. ಏರ್ ಟ್ರಾಫಿಕ್ ಕಂಟ್ರೋಲರ್ಗಳು ಒಂದೇ ಬಾರಿಗೆ ಹಲವು ಏರ್ಕ್ರಾಫ್ಟ್ ಗಳಿಗೆ ಮಾಹಿತಿಯನ್ನು ನೀಡುತ್ತಿರುತ್ತವೆ.
ಈ ಕಂಟ್ರೋಲರ್ಗಳು ಹವಾಮಾನ, ಇಂಧನ, ವಿಮಾನಗಳನ್ನು ಯಾವಾಗ, ಎಲ್ಲಿ ಇಳಿಸಬೇಕು ಎಂಬ ಹಲವಾರು ಸಂಗತಿಗಳನ್ನು ನಿಭಾಯಿಸಬೇಕಾಗುತ್ತದೆ. ಈ ಏರ್ ಟ್ರಾಫಿಕ್ ಕಂಟ್ರೋಲರ್ಗಳು ಮಾಡುವ ಒಂದೇ ಒಂದು ಸಣ್ಣ ತಪ್ಪಿನಿಂದಾಗಿ ವಿಮಾನಗಳು ಅಪಘಾತಕ್ಕೆ ಒಳಗಾಗುತ್ತವೆ.
ಹವಾಮಾನ
ಕೆಟ್ಟ ಹವಾಮಾನವಿರುವಾಗ ರಸ್ತೆಗಳಲ್ಲಿ ಚಲಿಸುವುದರಿಂದ ಅಪಘಾತಗಳು ಸಂಭವಿಸುವುದು ಸಾಮಾನ್ಯ. ಅದೇ ರೀತಿ ಕೆಟ್ಟ ರೀತಿಯ ಹವಾಮಾನವಿರುವಾಗ ವಿಮಾನಗಳೂ ಸಹ ಅಪಘಾತಕ್ಕೆ ಒಳಗಾಗುತ್ತವೆ. ವಿಮಾನಯಾನ ಉದ್ಯಮದ ಪರಿಣಿತರ ಪ್ರಕಾರ 13%ನಷ್ಟು ಅಪಘಾತಗಳು ಕೆಟ್ಟ ಹವಾಮಾನದಿಂದಾಗಿ ಸಂಭವಿಸುತ್ತವೆ.
ತಾಂತ್ರಿಕ ದೋಷದಿಂದಾಗಿ
ವಿಜ್ಞಾನದ ಬಹು ದೊಡ್ಡ ಸಾಧನೆಯೆಂದರೆ ವಿಮಾನಗಳ ಆವಿಷ್ಕಾರ. ವಿಮಾನಗಳಲ್ಲಿ ನೂರಾರು ಸಿಸ್ಟಂಗಳಿರುತ್ತವೆ. ಈ ಸಿಸ್ಟಂಗಳಲ್ಲಿ ಯಾವುದಾದರೂ ದೋಷ ಕಂಡು ಬಂದರೆ, ವಿಮಾನಗಳು ಅಪಘಾತವಾಗುವ ಸಾಧ್ಯತೆಗಳಿವೆ. 17%ನಷ್ಟು ವಿಮಾನ ಅಪಘಾತಗಳು ತಾಂತ್ರಿಕ ದೋಷದಿಂದಾಗಿ ಉಂಟಾಗುತ್ತವೆ ಎಂದು ಹೇಳಲಾಗಿದೆ.
ಇತರ ಕಾರಣಗಳು
ಇವುಗಳ ಹೊರತಾಗಿ ಇನ್ನಿತರ ಕಾರಣಗಳಿಂದಾಗಿ ವಿಮಾನಗಳು ಅಪಘಾತಕ್ಕೆ ಒಳಗಾಗುತ್ತವೆ. ಅವುಗಳಲ್ಲಿ ಕಳಪೆ ನಿರ್ವಹಣೆಗಳೂ ಸೇರಿವೆ. 8%ನಷ್ಟು ವಿಮಾನ ಅಪಘಾತಗಳು ಕಳಪೆ ನಿರ್ವಹಣೆಯಿಂದಾಗಿ ಸಂಭವಿಸುತ್ತವೆ. ಇದರ ಜೊತೆಗೆ ಕಳಪೆ ರನ್ವೇಗಳೂ ಸಹ ವಿಮಾನ ಅಪಘಾತಗಳಿಗೆ ಕಾರಣವಾಗುತ್ತವೆ.
ಇಲ್ಲಿ ಹಕ್ಕಿಗಳ ಬಗ್ಗೆಯೂ ಸಹ ಹೇಳಬೇಕಾಗುತ್ತದೆ. ಹಕ್ಕಿಗಳು ಸಹ ವಿಮಾನಗಳ ಅಪಘಾತಗಳಿಗೆ ಕಾರಣವಾಗುತ್ತವೆ. ಯಾವುದಾದರೂ ಪಕ್ಷಿ ವಿಮಾನದ ವಿಂಡ್ ಸ್ಕ್ರೀನ್ ಅಥವಾ ಎಂಜಿನ್ಗೆ ಡಿಕ್ಕಿ ಹೊಡೆದಾಗ, ಅದರಿಂದ ವಿಮಾನದ ಅಪಘಾತಗಳಾಗುತ್ತವೆ.