Just In
- 3 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 4 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 5 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 5 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News Bengaluru-Tumkur Metro: 52.41 ಕಿ.ಮೀ. ಮಾರ್ಗ, 19 ನಿಲ್ದಾಣಗಳು; ತುಮಕೂರು-ಬೆಂಗಳೂರು ಮೆಟ್ರೋ ಅಪ್ಡೇಟ್
- Movies Nannamma Superstar: ಬಿಗ್ ಬಾಸ್ ಸಂಗೀತಾ ಹೊಟ್ಟೆಗೆ ಏನ್ ತಿಂತಾರೆ? ಮೃದಿನಿಗೆ ಕಾಡಿದ ದೊಡ್ಡ ಪ್ರಶ್ನೆ
- Lifestyle ಏಪ್ರಿಲ್ನಲ್ಲಿ 14 ದಿನ ರಜೆ, ಏಪ್ರಿಲ್ 1ಕ್ಕೆ ಬ್ಯಾಂಕ್ಗಳಿಗೆ ರಜೆ ಇರಲು ಕಾರಣವೇನು?
- Sports ರೋಹಿತ್ vs ಹಾರ್ದಿಕ್: ಸತತ ಸೋಲಿನ ನಡುವೆಯೇ ಮುಂಬೈ ಇಂಡಿಯನ್ಸ್ ಇಬ್ಭಾಗ!?
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಾರುಗಳಿಗಾಗಿ ವಿಶಿಷ್ಟ ಡ್ಯಾಶ್ ಕ್ಯಾಮರಾ ಬಿಡುಗಡೆಗೊಳಿಸಲಿದೆ ಅಮೆಜಾನ್ ಒಡೆತನದ ಕಂಪನಿ
ಜನಪ್ರಿಯ ಇ ಕಾಮರ್ಸ್ ಕಂಪನಿಯಾದ ಅಮೆಜಾನ್ ವಾಹನಗಳಿಗಾಗಿ ಕ್ಯಾಮೆರಾಗಳನ್ನು ತಯಾರಿಸಿದೆ ಎಂದು ವರದಿಯಾಗಿದೆ. ಅಮೆಜಾನ್ ಕಂಪನಿಯು ಸ್ವಾಧೀನಪಡಿಸಿಕೊಂಡ ಹಲವು ಕಂಪನಿಗಳಲ್ಲಿ ರಿಂಗ್-ಎಂ ಕೂಡ ಸೇರಿದೆ. ಈ ಕಂಪನಿ ಎಲೆಕ್ಟ್ರಿಕ್ ವಸ್ತುಗಳನ್ನು ಉತ್ಪಾದಿಸುತ್ತದೆ.
ಕಂಪನಿಯು ಈಗ ವಾಹನ ಸವಾರರಿಗಾಗಿ ಕ್ಯಾಮೆರಾವನ್ನು ಪರಿಚಯಿಸಿದೆ. ಇದು ಡ್ಯಾಶ್ ಕ್ಯಾಮೆರಾವಾಗಿದ್ದು, ಕಾರುಗಳ ಒಳಗೆ ಅಳವಡಿಸಬಹುದಾದ ಸಣ್ಣ ರೀತಿಯ ವಿಶಿಷ್ಟ ಕ್ಯಾಮೆರಾ ಆಗಿದೆ. ಅಮೆಜಾನ್ನ ವರ್ಚುವಲ್ ಅಸಿಸ್ಟೆಂಟ್ ಅಲೆಕ್ಸಾ ತಂತ್ರಜ್ಞಾನವನ್ನು ಈ ಕ್ಯಾಮೆರಾದಲ್ಲಿ ವಿಶೇಷ ಫೀಚರ್ ಆಗಿ ಸೇರಿಸಲಾಗಿದೆ.
ಅಲೆಕ್ಸಾದಂತೆ ಈ ಕ್ಯಾಮೆರಾವನ್ನು ವಾಯ್ಸ್ ಕಮ್ಯಾಂಡ್ ಮೂಲಕ ನಿಯಂತ್ರಿಸಬಹುದು ಎಂದು ತಿಳಿದುಬಂದಿದೆ. ವಿಷುಯಲ್ ರೆಕಾರ್ಡಿಂಗ್ ಹಾಗೂ ವಿಷುಯಲ್ ರೆಕಾರ್ಡಿಂಗ್ ರದ್ದತಿಯನ್ನು ವಾಯ್ಸ್ ಕಮ್ಯಾಂಡ್ ಮೂಲಕ ತಕ್ಷಣವೇ ಮಾಡಬಹುದು.
ಕೆಲವು ದಿನಗಳ ಹಿಂದೆ ಅಮೆಜಾನ್ ಕಂಪನಿಯು ಶೀಘ್ರದಲ್ಲೇ ಕಾರುಗಳಿಗಾಗಿ ಕ್ಯಾಮೆರಾವನ್ನು ಪರಿಚಯಿಸುವುದಾಗಿ ತಿಳಿಸಿತ್ತು. ಈ ಕ್ಯಾಮರಾ ಸೆಪ್ಟೆಂಬರ್ನಲ್ಲಿ ಮಾರಾಟಕ್ಕೆ ಬರಲಿದೆ ಎಂದು ಹೇಳಲಾಗಿತ್ತು. ಈ ಕ್ಯಾಮರಾದಲ್ಲಿ ಕಾರಿನ ಒಳಗೆ ಹಾಗೂ ಹೊರಗೆ ರೆಕಾರ್ಡ್ ಮಾಡುವ ಸೌಲಭ್ಯ ನೀಡಲಾಗಿದೆ ಎಂದು ಕಂಪನಿ ಹೇಳಿದೆ.
ಈ ಕ್ಯಾಮರಾ ಬೆಲೆ 199 ಡಾಲರ್'ಗಳಾಗಿರಲಿದೆ ಎಂದು ಕಂಪನಿ ತಿಳಿಸಿತ್ತು. ಈಗ ಕಂಪನಿಯು ಡ್ಯಾಶ್ ಕ್ಯಾಮೆರಾವನ್ನು ಪರಿಚಯಿಸಿದೆ. ವಿಂಡ್ ಷೀಲ್ಡ್'ನಲ್ಲಿ ಈ ಕ್ಯಾಮೆರಾವನ್ನು ಹೊಂದಿಸಲು ಅಮೆಜಾನ್ ರಿಂಗ್ ಅನ್ನು ವಿನ್ಯಾಸಗೊಳಿಸಲಾಗಿದೆ.
ಈ ಕ್ಯಾಮೆರಾ ಅಮೆಜಾನ್ ಅಲೆಕ್ಸಾ ಮಾತ್ರವಲ್ಲದೆ ಇತರ ಕೆಲವು ತಾಂತ್ರಿಕ ಫೀಚರ್'ಗಳನ್ನು ಸಹ ಹೊಂದಿರಲಿದೆ ಎಂದು ಹೇಳಲಾಗಿದೆ. ಕಂಪನಿಯು ಈ ಬಗ್ಗೆ ಇದುವರೆಗೂ ಯಾವುದೇ ಅಧಿಕೃತ ಮಾಹಿತಿಯನ್ನು ಬಿಡುಗಡೆ ಮಾಡಿಲ್ಲ.
ಈ ರಿಂಗ್, ಸೆಲ್ ಫೋನ್ ಪ್ರೊಸೆಸರ್ ಮೂಲಕ ಕ್ಯಾಮೆರಾವನ್ನು ನಿಯಂತ್ರಿಸಬಹುದು. ವೈಫೈ ಮೂಲಕ ಸಂಪರ್ಕಗೊಂಡರೆ ಎಲ್ಲಾ ವೀಡಿಯೊಗಳನ್ನು ಸೆಲ್ ಫೋನ್ ಮೂಲಕ ವೀಕ್ಷಿಸಬಹುದು ಎಂದು ಹೇಳಲಾಗಿದೆ.
ವೀಡಿಯೊಗಳನ್ನುಈ ಕ್ಯಾಮರಾದಲ್ಲಿ ಆಂತರಿಕವಾಗಿ ಸಂಗ್ರಹಿಸಬಹುದು. ಈ ಕಾರಣಕ್ಕೆ ಮೆಮೊರಿ ಕಾರ್ಡ್ ಅನ್ನು ಅಳವಡಿಸುವ ಅಗತ್ಯವಿಲ್ಲ. ಆದರೆ ಹೆಚ್ಚುವರಿ ಮೆಮೊರಿಗಾಗಿ ಮೆಮೊರಿ ಕಾರ್ಡ್ ಸೇರಿಸುವ ಸೌಲಭ್ಯವನ್ನು ನೀಡಲಾಗಿದೆ.
ಈ ಕ್ಯಾಮೆರಾವನ್ನು ಕಾರಿನಲ್ಲಿ ಅಳವಡಿಸುವ ಮೂಲಕ ಅನಗತ್ಯ ಚಟುವಟಿಕೆಗಳಿಂದ ರಕ್ಷಿಸಿಕೊಳ್ಳಬಹುದು. ಈ ಕ್ಯಾಮೆರಾ ತಪ್ಪು ಮಾಡದೆ ಇದ್ದರೂ ಪೊಲೀಸರು ದಂಡ ವಿಧಿಸುವ ಸಮಯದಲ್ಲಿ ನೆರವಿಗೆ ಬರಲಿದೆ.
ಈ ಕ್ಯಾಮೆರಾದ ಸಹಾಯದಿಂದ ವಾಹನ ಕಳ್ಳತನ ಹಾಗೂ ಇನ್ನಿತರ ಕಹಿ ಅನುಭವಗಳಿಂದ ಪಾರಾಗಬಹುದು. ಅಪಘಾತದ ಸಂದರ್ಭಗಳಲ್ಲಿ ಈ ಕ್ಯಾಮೆರಾಆಟೋಮ್ಯಾಟಿಕ್ ಆಗಿ ತುರ್ತು ಕರೆ ಮಾಡುವ ನಿರೀಕ್ಷೆಗಳಿವೆ.
ಅಮೆಜಾನ್ನ ರಿಂಗ್ ಕಂಪನಿ ವಿಶೇಷ ಕ್ಯಾಮೆರಾವನ್ನು ವಿನ್ಯಾಸಗೊಳಿಸಿದ್ದು ಶೀಘ್ರದಲ್ಲೇ ವಿಶ್ವದಾದ್ಯಂತ ಬಿಡುಗಡೆಗೊಳಿಸಲು ಸಿದ್ಧತೆ ನಡೆಸಿದೆ. ಈಕ್ಯಾಮೆರಾವನ್ನು ಕಂಪನಿಯ ಆನ್ಲೈನ್ ಪ್ಲಾಟ್ ಫಾರಂ ಮೂಲಕವೂ ಖರೀದಿಸಬಹುದು ಎಂಬುದು ಗಮನಾರ್ಹ.
ಗಮನಿಸಿ: ಮೊದಲ ಎರಡು ಚಿತ್ರಗಳನ್ನು ಹೊರತುಪಡಿಸಿ ಉಳಿದ ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.