Just In
- 51 min ago ನಟಿ ಶಿಲ್ಪಾ ಶೆಟ್ಟಿಗೆ ಮತ್ತೊಂದು ಸಮಸ್ಯೆ ತಂದಿಟ್ಟ ಪತಿ: ಐಷಾರಾಮಿ ಕಾರುಗಳು ಸೀಜ್!
- 1 hr ago ಕ್ರ್ಯಾಶ್ ಟೆಸ್ಟ್ನಲ್ಲಿ ಕಳಪೆ ಪ್ರದರ್ಶನ ನೀಡಿ ನಿರಾಸೆ ಮೂಡಿಸಿದ ಮಧ್ಯಮ ವರ್ಗದ ಮೆಚ್ಚಿನ ಸ್ವದೇಶಿ ಕಾರು
- 2 hrs ago ಕ್ರ್ಯಾಶ್ಟೆಸ್ಟ್ನಲ್ಲಿ ಈ ಹೋಂಡಾ ಕಾರಿಗೆ ಕೇವಲ 2 ಸ್ಟಾರ್: ಆದರೂ ಭಾರತೀಯರಿಗೆ ಈ ಕಾರು ಅಚ್ಚುಮೆಚ್ಚು!
- 2 hrs ago ಹ್ಯುಂಡೈ ಕ್ರೆಟಾಗೆ ಪೈಪೋಟಿ ನೀಡಲು ಬರಲಿವೆ ಟಾಟಾ, ಸಿಟ್ರನ್ ಕಾರುಗಳು.. ಇವೇ ಜನಸಾಮಾನ್ಯರ ಲ್ಯಾಂಬೋರ್ಗಿನಿಗಳು!
Don't Miss!
- News Actress Harshika Poonacha: ಪ್ರಹ್ಲಾದ್ ಜೋಶಿ ಭೇಟಿಯಾಗಿ ಧನ್ಯವಾದ ತಿಳಿಸಿದ ನಟಿ ಹರ್ಷಿಕಾ ದಂಪತಿ: ಸಚಿವರ ಅಭಯ
- Finance ಬೆಂಗಳೂರು, ನೋಯ್ಡಾ, ಪುಣೆಯಲ್ಲಿ ಶೀಘ್ರದಲ್ಲೇ ಹೊಸ ಆಪಲ್ ಸ್ಟೋರ್ ಪ್ರಾರಂಭ
- Technology ಈ ಹೊಸ 5G ಫೋನ್ ಖರೀದಿಸಿದರೆ, ವಿವೋ ಕಂಪನಿಯ ಇಯರ್ಫೋನ್ ಉಚಿತ!
- Lifestyle ವೋಟರ್ ಐಡಿ ಇಲ್ಲದೆಯೂ ಮತ ಚಲಾಯಿಸಬಹುದು.! ಹೇಗೆ ಗೊತ್ತಾ?
- Sports 2025ರ ಚಾಂಪಿಯನ್ಸ್ ಟ್ರೋಫಿಗಾಗಿ ಭಾರತ ತಂಡ ಪಾಕಿಸ್ತಾನಕ್ಕೆ ಪ್ರಯಾಣಿಸಲಿದೆಯೇ?; ಬಿಸಿಸಿಐ ಹೇಳಿದ್ದೇನು?
- Movies ಅದ್ಧೂರಿ 'ರಾಮಾಯಣ' ಚಿತ್ರದ ಬಗ್ಗೆ ರಾಕಿಂಗ್ ಸ್ಟಾರ್ ಯಶ್ ಮೊದಲ ಮಾತು
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೈಕ್ಗಳಲ್ಲಿ ವಿಂಡ್ಶೀಲ್ಡ್ ಬಳಸುವುದರಿಂದಾಗುವ ಪ್ರಯೋಜನಗಳಿವು
ಬೈಕ್ ಪ್ರವಾಸ ಹಲವು ಜನರ ನೆಚ್ಚಿನ ಹವ್ಯಾಸಗಳಲ್ಲಿ ಒಂದು. ಸಾಮಾನ್ಯವಾಗಿ ದೂರದ ಪ್ರವಾಸಕ್ಕೆ ತೆರಳುವವರು ಕ್ರೂಸರ್ ಬೈಕ್ ಅಥವಾ ಅಡ್ವೆಂಚರ್ ಟೂರಿಂಗ್ ಬೈಕ್ಗಳನ್ನು ಬಳಸುತ್ತಾರೆ.
ಕ್ರೂಸರ್ ಬೈಕ್ಗಳಲ್ಲಿ ವಿಂಡ್ಶೀಲ್ಡ್'ಗಳನ್ನು ಗಮನಿಸಬಹುದು. ಬೈಕ್ಗಳಲ್ಲಿ ಅಳವಡಿಸುವ ವಿಂಡ್ಶೀಲ್ಡ್'ಗಳಿಂದ ಹಲವಾರು ಪ್ರಯೋಜನಗಳಿವೆ. ಆ ಪ್ರಯೋಜನಗಳು ಯಾವುವು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
1. ಮುಂಭಾಗದ ಗಾಳಿಯಿಂದ ರಕ್ಷಣೆ
ಬೈಕ್ಗಳಲ್ಲಿರುವ ವಿಂಡ್ಶೀಲ್ಡ್'ಗಳು ಮುಂಭಾಗದಿಂದ ಬರುವ ಗಾಳಿಯನ್ನು ನಿರ್ಬಂಧಿಸುತ್ತವೆ. ವಿಂಡ್ಶೀಲ್ಡ್'ಗಳನ್ನು ಬೈಕ್ ಹಾಗೂ ಸವಾರನ ಸುತ್ತಲೂ ಬರುವ ಗಾಳಿ ಹರಡುವುದನ್ನು ತಡೆಯುವಂತೆ ವಿನ್ಯಾಸಗೊಳಿಸಲಾಗಿದೆ. ವಿಶಾಲವಾದ ವಿಂಡ್ಶೀಲ್ಡ್ ಮುಂಭಾಗದಿಂದ ಗಾಳಿ ಬೈಕ್ ಸವಾರನತ್ತ ಬರುವುದನ್ನು ತಡೆಯುತ್ತದೆ.
2. ಶಾಖ ಹಾಗೂ ಶೀತದಿಂದ ರಕ್ಷಣೆ
ವಿಂಡ್ಶೀಲ್ಡ್ ಮುಂಭಾಗದಿಂದ ಬರುವ ಬಲವಾದ ಗಾಳಿಯ ಹೊರತಾಗಿ ಬೈಕ್ ಸವಾರನನ್ನು ಶಾಖ ಹಾಗೂ ಶೀತದಿಂದ ಸಹ ರಕ್ಷಿಸುತ್ತದೆ. ಶೀತ ವಾತಾವರಣದಲ್ಲಿ ಬೈಕ್ ಸವಾರಿ ಮಾಡುವಾಗ ತಾಪಮಾನವು ಬೈಕ್ನ ತಾಪಮಾನಕ್ಕಿಂತ ಕಡಿಮೆ ಇರುತ್ತದೆ. ಈ ಪರಿಸ್ಥಿತಿಯಲ್ಲಿ ವಿಂಡ್ಶೀಲ್ಡ್ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.
3. ಮಳೆಯಿಂದ ರಕ್ಷಣೆ
ಮಳೆಗಾಲದಲ್ಲಿ ವಿಂಡ್ಶೀಲ್ಡ್ ಇಲ್ಲದ ಬೈಕ್ ಚಾಲನೆ ಮಾಡುವುದು ಕಷ್ಟ. ಮಳೆ ಬೀಳುವಾಗ ಗೋಚರತೆ ಕಡಿಮೆಯಾಗುತ್ತದೆ. ಹೆಲ್ಮೆಟ್ ಧರಿಸಿದರೂ ನೋಡುವುದಕ್ಕೆಸಮಸ್ಯೆಯಾಗುತ್ತದೆ. ದೊಡ್ಡ ಗಾತ್ರದ ವಿಂಡ್ಶೀಲ್ಡ್ ಮಳೆಯಿಂದ ಬೈಕ್ ಸವಾರನಿಗೆ ಹೆಚ್ಚು ರಕ್ಷಣೆ ನೀಡುತ್ತದೆ.
4. ರಸ್ತೆಯಿಂದ ಹಾರುವ ವಸ್ತುಗಳಿಂದ ರಕ್ಷಣೆ
ಕೆಲವೊಮ್ಮೆ ಬೈಕ್ ಸವಾರನು ತಾಜಾ ಗಾಳಿಗಾಗಿ ಹೆಲ್ಮೆಟ್ ಗ್ಲಾಸ್ ತೆರೆದಾಗ ರಸ್ತೆಯ ಮೇಲೆ ಹಾರುವ ವಸ್ತುಗಳು ಕಣ್ಣಿಗೆ ಬೀಳುವ ಸಾಧ್ಯತೆಗಳಿರುತ್ತವೆ. ದೊಡ್ಡ ಗಾತ್ರದ ವಿಂಡ್ಶೀಲ್ಡ್ ಬೈಕ್ ಸವಾರನಿಗೆ ಈ ರೀತಿಯ ವಸ್ತುಗಳು ಬೀಳದಂತೆ ತಡೆಯುತ್ತದೆ.
5. ಆಯಾಸ ಕಡಿಮೆ ಮಾಡಲು ನೆರವಾಗುತ್ತದೆ
ದೂರದ ಪ್ರಯಾಣದಲ್ಲಿ ಗಾಳಿ ಬೈಕ್ ಸವಾರನನ್ನು ಆಯಾಸಗೊಳಿಸುತ್ತದೆ. ಮುಂಭಾಗದಿಂದ ಬರುವ ಗಾಳಿಗೆ ಹೊಂದಾಣಿಕೆಯಾಗಲು ಬೈಕ್ ಸವಾರ ಪರದಾಡ ಬೇಕಾಗುವುದರಿಂದ ಹೆಚ್ಚು ಆಯಾಸವಾಗುತ್ತದೆ. ಈ ವೇಳೆ ಬೈಕ್ನಲ್ಲಿರುವ ದೊಡ್ಡ ಗಾತ್ರದ ವಿಂಡ್ಶೀಲ್ಡ್ ನೆರವಿಗೆ ಬರುತ್ತದೆ.
6. ಶಬ್ದವನ್ನು ಕಡಿಮೆ ಮಾಡಲು ನೆರವಾಗುತ್ತದೆ
ಬೈಕ್ ಚಾಲನೆ ಮಾಡುವಾಗ ಸವಾರನಿಗೆ ಸಾಕಷ್ಟು ಶಬ್ದ ಕೇಳಿ ಬರುತ್ತದೆ. ಒಪನ್ ಫೇಸ್ ಹೆಲ್ಮೆಟ್ಗಳನ್ನು ಬಳಸುವ ಬೈಕ್ ಸವಾರರಿಗೆ ಈ ಸಮಸ್ಯೆ ಸಾಮಾನ್ಯವಾಗಿದೆ. ಆದರೆ ವಿಂಡ್ಶೀಲ್ಡ್ ಬಳಕೆಯು ಮುಂಭಾಗದಿಂದ ಬರುವ ಗಾಳಿಯ ಶಬ್ದವನ್ನು ಕಡಿಮೆ ಮಾಡುತ್ತದೆ.
7. ಉತ್ತಮ ಇಂಧನ ದಕ್ಷತೆ
ವಿಂಡ್ಶೀಲ್ಡ್'ಗಳು ಏರೋಡೈನಾಮಿಕ್ ವಿನ್ಯಾಸವನ್ನು ಹೊಂದಿರುತ್ತವೆ. ಇದರಿಂದ ಬಹುತೇಕ ಸಂದರ್ಭಗಳಲ್ಲಿ ಬೈಕ್ ಗಾಳಿಯ ಮೂಲಕ ಹೆಚ್ಚು ಪರಿಣಾಮಕಾರಿಯಾಗಿ ಚಲಿಸಲು ಸಾಧ್ಯವಾಗುತ್ತದೆ. ಜೊತೆಗೆ ಸುಗಮ ಮೇಲ್ಮೈ ಗಾಳಿಯ ಮೂಲಕ ಹೆಚ್ಚು ಇಂಧನ ದಕ್ಷತೆಗೂ ಕಾರಣವಾಗುತ್ತದೆ.
8. ಎಲೆಕ್ಟ್ರಾನಿಕ್ ಗ್ಯಾಜೆಟ್ಗಳ ಭದ್ರತೆ
ಸಾಕಷ್ಟು ಜನರು ತಮ್ಮ ಬೈಕ್ಗಳ ಹ್ಯಾಂಡಲ್ಬಾರ್ನಲ್ಲಿ ಮೊಬೈಲ್ ಫೋನ್, ಜಿಪಿಎಸ್ ಹಾಗೂ ಇನ್ನಿತರ ಎಲೆಕ್ಟ್ರಾನಿಕ್ ಗ್ಯಾಜೆಟ್ಗಳನ್ನು ಬಳಸುತ್ತಾರೆ.
ಪ್ರಯಾಣದ ವೇಳೆ ಈ ಗ್ಯಾಜೆಟ್ಗಳು ಮುಂಭಾಗದಿಂದ ಬರುವ ಯಾವುದೇ ವಸ್ತುಗಳಿಂದ ಹಾನಿಗೊಳಗಾಗುವ ಸಾಧ್ಯತೆಗಳಿರುತ್ತವೆ. ವಿಂಡ್ಶೀಲ್ಡ್'ಗಳು ಹ್ಯಾಂಡಲ್ಬಾರ್ನಲ್ಲಿರುವ ಗ್ಯಾಜೆಟ್ಗಳನ್ನು ರಕ್ಷಿಸುತ್ತವೆ.