Just In
- 10 min ago 150KM ರೇಂಜ್, ಸುರಕ್ಷತೆಯ ಮೆಟಲ್ ಬಾಡಿಯ ಮಹಿಂದ್ರಾ ಎಲೆಕ್ಟ್ರಿಕ್ ಆಟೋ ಬಿಡುಗಡೆ: ಹೆಚ್ಚು ಲಾಭ
- 1 hr ago ಸಾಮಾನ್ಯನ ಸ್ಟೋರಿ: ಬಹುಕಾಲದ ಕನಸನ್ನು ನನಸು ಮಾಡಿಕೊಂಡ ವಿಘ್ನೇಶ..! ನೆಚ್ಚಿನ ವ್ಯಾಗನ್ಆರ್ ಕಾರು ಖರೀದಿ
- 1 hr ago 900 ಕಿ.ಮೀ ಕೇವಲ 3 ಗಂಟೆ ಪ್ರಯಾಣ: ಮತ್ತೆರಡು ನಗರಗಳಿಗೆ ಬುಲ್ಲೆಟ್ ರೈಲು, ಮುನ್ನುಗ್ಗುತ್ತಿದೆ ಭಾರತ!
- 3 hrs ago ಬಡವರು ಈ ಬೈಕನ್ನು ಸುಲಭವಾಗಿ ಖರೀದಿಸಬಹುದು: EMI, ಆನ್ ರೋಡ್ ಬೆಲೆ ಎಷ್ಟು? ಇಂದೇ ಮನೆಗೆ ತನ್ನಿ
Don't Miss!
- News ದಳಪತಿಗಳಿಗೆ ಮತ್ತೆ ಬಿಗ್ ಶಾಕ್ ಕೊಟ್ಟ ಡಿಕೆ ಬ್ರದರ್ಸ್; ಜೆಡಿಎಸ್ ಮುಖಂಡ ರಾಜಶೇಖರ್ ಕಾಂಗ್ರೆಸ್ ಸೇರ್ಪಡೆ
- Lifestyle ಕನ್ನಡದಲ್ಲಿಯೇ UPSC ಪರೀಕ್ಷೆ 644ನೇ ರ್ಯಾಂಕ್ ಪಡೆದ ಶಾಂತಪ್ಪ ಕುರುಬರ: ಸಾಧನೆಯ ಛಲವಿದ್ದರೂ ಯಾವುದೂ ಅಡ್ಡಿಯಲ್ಲ
- Technology ನೀವು ಜಿಯೋ ಗ್ರಾಹಕರೇ?..ಹಾಗಿದ್ರೆ, ಈ ಪ್ಲ್ಯಾನಿಗೆ ಖಂಡಿತಾ ಫಿದಾ ಆಗ್ತೀರಾ!
- Movies ಪಂಚಭೂತಗಳಲ್ಲಿ ಲೀನವಾದ ದ್ವಾರಕೀಶ್ ; ಪ್ರಚಂಡ ಕುಳ್ಳ ನೆನೆದು ಭಾವುಕರಾದ ಸಿಎಂ ಸಿದ್ಧರಾಮಯ್ಯ..!
- Finance ದೀಪಿಕಾ ಪಡುಕೋಣೆಯೊಂದಿಗೆ ಅಂಬಾನಿ ಮಗಳು ಒಪ್ಪಂದ, ಇಲ್ಲಿದೆ ವಿವರ
- Sports RCB: ಇದೇ ಆರ್ಸಿಬಿ ಸಮಸ್ಯೆ ಮೂಲ; ವಿದೇಶಿ ಕೋಚಿಂಗ್ ಸ್ಟಾಫ್ ವಿರುದ್ಧ ಸಿಡಿಮಿಡಿಗೊಂಡ ವೀರೇಂದ್ರ ಸೆಹ್ವಾಗ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೆಲವು ಪೈಲಟ್ಗಳು ಪಾಲಿಸುವ ಮೂಢ ನಂಬಿಕೆಗಳಿವು
ಗ್ರಾಮೀಣ ಪ್ರದೇಶಗಳ ಜನರು ಮೂಢ ನಂಬಿಕೆಗಳನ್ನು ಹೊಂದಿರುತ್ತಾರೆ ಎಂದು ಹೇಳಲಾಗುತ್ತದೆ. ನಗರ ಪ್ರದೇಶಗಳಲ್ಲಿ ವಾಸಿಸುವವರು ಹಾಗೂ ವಿದ್ಯಾವಂತರು ಯಾವುದೇ ಮೂಢ ನಂಬಿಕೆಗಳನ್ನು ಹೊಂದಿರುವುದಿಲ್ಲವೆಂಬುದು ಇದರ ಅರ್ಥವಲ್ಲ.
ಅವರು ಸಹ ಮೂಢ ನಂಬಿಕೆಗಳನ್ನು ಹೊಂದಿರುತ್ತಾರೆ. ವಿಮಾನಗಳ ಪೈಲಟ್ಗಳು ಇದಕ್ಕೆ ಸ್ಪಷ್ಟ ಉದಾಹರಣೆಯಾಗಿದ್ದಾರೆ. ಹೆಚ್ಚು ಸವಾಲಿನ ಕೆಲಸವನ್ನುನಿರ್ವಹಿಸುವ ವಿಮಾನಗಳ ಪೈಲಟ್ಗಳು ಕೆಲ ಮೂಢ ನಂಬಿಕೆಗಳನ್ನು ಹೊಂದಿದ್ದಾರೆ. ಇದರಿಂದ ವಿಮಾನಗಳು ಸುರಕ್ಷಿತವಾಗಿ ಚಲಿಸುತ್ತವೆ ಎಂಬುದು ಅವರ ಭಾವನೆ. ವಿಮಾನಗಳ ಪೈಲಟ್ಗಳು ಹೊಂದಿರುವ ಮೂಢ ನಂಬಿಕೆಗಳು ಯಾವುವು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
ಫೋಟೋ ತೆಗೆದುಕೊಳ್ಳುವುದಿಲ್ಲ:
ಸಿನಿಮಾವೊಂದರಲ್ಲಿ ಜನರು ಫೋಟೋ ತೆಗೆದರೆ ದೌರ್ಭಾಗ್ಯ ಬರುತ್ತದೆ ಎಂಬ ಮೂಢ ನಂಬಿಕೆಯನ್ನು ಹೊಂದಿದ್ದರು. ಕೆಲವು ಪೈಲಟ್ಗಳು ಸಹ ಈ ಮೂಢ ನಂಬಿಕೆಯನ್ನು ಹೊಂದಿದ್ದಾರೆ.
ಕೆಲವು ಪೈಲಟ್ಗಳು ವಿಮಾನಗಳು ಹೊರಡುವ ಮೊದಲು ಹೊರಗೆ ಫೋಟೋ ತೆಗೆದುಕೊಳ್ಳುವುದಿಲ್ಲ. ಫೋಟೋ ತೆಗೆಯುವುದು ದುರಾದೃಷ್ಟಕ್ಕೆ ಕಾರಣವಾಗುತ್ತದೆ ಎಂಬುದು ಅವರ ನಂಬಿಕೆ. ಎರಡನೆಯ ಮಹಾಯುದ್ಧದಲ್ಲಿ ಹೋರಾಡಿದ ಪೈಲಟ್ ಡೇವ್ ಡೂಮ್ ಈ ವಿಚಿತ್ರ ಮೂಢ ನಂಬಿಕೆಯನ್ನು ನೆನಪಿಸಿಕೊಳ್ಳುತ್ತಾರೆ.
ಪ್ರವಾಸಕ್ಕೆ ಒಂದು ದಿನ ಮೊದಲು ಅವರಿಗೆ ಫೋಟೋ ತೆಗೆಯಲು ಅನುಮತಿ ನೀಡಲಾಗಿತ್ತು. ಆ ವೇಳೆ ಅವರ ವಿಮಾನವು ಕೆಲವು ಕಾರಣಗಳಿಂದ ಅಪಘಾತಕ್ಕೀಡಾಗಿತ್ತು. ಅಂದಿನಿಂದ ಪೈಲಟ್ಗಳು ಫೋಟೋ ತೆಗೆಯುವುದರಿಂದ ದುರಾದೃಷ್ಟ ಬರುತ್ತದೆ ಎಂದೇ ನಂಬಿದ್ದಾರೆ.
ಆಕಾಶದ ಕಡೆಗೆ ಕೈ ತೋರಿಸುವುದಿಲ್ಲ:
ವಿಮಾನಗಳ ಹಾರಾಟದಲ್ಲಿ ಹವಾಮಾನವು ಪ್ರಮುಖ ಪಾತ್ರ ವಹಿಸುತ್ತದೆ. ಹವಾಮಾನವು ಹದಗೆಟ್ಟರೆ ವಿಮಾನಗಳ ಹಾರಾಟಕ್ಕೆ ಅವಕಾಶ ನೀಡುವುದಿಲ್ಲ.ವಿಮಾನಗಳ ಹಾರಾಟವು ರದ್ದುಗೊಂಡರೆ, ಪೈಲಟ್ಗಳ ಯೋಜನೆಗಳಲ್ಲಿ ಬದಲಾವಣೆಯಾಗುತ್ತದೆ.
ಈ ಕಾರಣಕ್ಕೆ ಪೈಲಟ್ಗಳು ಹವಾಮಾನ ಉತ್ತಮವಾಗಿರ ಬೇಕೆಂದು ಬಯಸುತ್ತಾರೆ. ಹವಾಮಾನವು ಉತ್ತಮವಾಗಿರಬೇಕೆಂದು ಬಯಸುವ ಪೈಲಟ್ಗಳು ಎಂದಿಗೂ ಆಕಾಶ ಅಥವಾ ಸೂರ್ಯನ ಕಡೆಗೆ ಕೈ ತೋರಿಸುವುದಿಲ್ಲ.
ಬಹುಶಃ ಆಕಾಶ ಅಥವಾ ಸೂರ್ಯನ ಕಡೆಗೆ ಕೈ ತೋರಿಸಿದರೆ ಹವಾಮಾನವು ಹದಗೆಡುತ್ತದೆ ಎಂಬುದು ನಂಬಿಕೆ. ಈ ವಿಚಿತ್ರ ನಂಬಿಕೆ ಹೇಗೆ ಬಂತು ಎಂಬ ಬಗ್ಗೆ ಯಾವುದೇ ಖಚಿತ ಮಾಹಿತಿ ಲಭ್ಯವಾಗಿಲ್ಲ.
ಅದೃಷ್ಟದ ವಸ್ತುಗಳನ್ನು ತೊಳೆಯುವುದಿಲ್ಲ:
ಇದನ್ನು ಕೊಳಕು ನಂಬಿಕೆ ಎಂದೇ ಕರೆಯಬಹುದು. ಕೆಲವು ಪೈಲಟ್ಗಳು ಹಲವಾರು ತೊಳೆಯದ ವಸ್ತುಗಳನ್ನು ಹೊಂದಿದ್ದಾರೆ. ಈ ನಂಬಿಕೆ ಮೊದಲನೆ ಹಾಗೂ ಎರಡನೇ ಮಹಾಯುದ್ಧದ ಕಾಲದಿಂದಲೂ ಇದೆ. ಕೆಲವು ವಸ್ತುಗಳನ್ನು ತೊಳೆದರೆ ಅದೃಷ್ಟವು ದೂರವಾಗುತ್ತದೆ ಎಂಬುದು ಕೆಲವು ಪೈಲಟ್ಗಳ ನಂಬಿಕೆ.
ಈ ನಂಬಿಕೆಯನ್ನು ಪೈಲಟ್ಗಳು ಮಾತ್ರವಲ್ಲ ಕೆಲವು ಕ್ರೀಡಾಪಟುಗಳು ಸಹ ಹೊಂದಿದ್ದಾರೆ. ಕೆಲವು ಕ್ರೀಡಾಪಟುಗಳು ತೊಳೆಯದ ಬೂಟುಗಳಂತಹ ವಸ್ತುಗಳನ್ನು ಹೊಂದಿದ್ದಾರೆ. ಆ ವಸ್ತುಗಳನ್ನು ತೊಳೆದರೆ ಅದೃಷ್ಟವು ಕೈ ಬಿಡುತ್ತದೆ ಎಂಬ ನಂಬಿಕೆಯೇ ಇದಕ್ಕೆ ಕಾರಣ.
ಕೆಲವು ಪೈಲಟ್ಗಳು ವಿವಿಧ ಆಚರಣೆ ಹಾಗೂ ಪದ್ಧತಿಗಳನ್ನು ಸಹ ಅನುಸರಿಸುತ್ತಾರೆ. ಇವುಗಳಲ್ಲಿ ವಾಟರ್ ಸೆಲ್ಯೂಟ್ ಪ್ರಮುಖವಾಗಿದೆ. ಕೆಲವು ವಿಮಾನಗಳು ಇಳಿಯುವಾಗ, ಅಗ್ನಿಶಾಮಕ ಟ್ರಕ್ಗಳು ಎರಡೂ ಬದಿಯಲ್ಲಿ ನಿಂತು, ವಿಮಾನದಲ್ಲಿ ನೀರನ್ನು ಸಿಂಪಡಿಸುತ್ತವೆ.
ಇದು ಗೌರವದಿಂದ ನೀಡುವ ಆಚರಣೆಯಾಗಿದೆ. ಸಂಬಂಧಪಟ್ಟ ವಿಮಾನದ ಪೈಲಟ್ ನಿವೃತ್ತರಾದರೆ, ಅವರ ಗೌರವಾರ್ಥ ವಿಮಾನ ನಿಲ್ದಾಣದಲ್ಲಿ ಅವರಿಗೆ ವಾಟರ್ ಸೆಲ್ಯೂಟ್ ನೀಡಲಾಗುವುದು.
ಈ ಕಾರಣಕ್ಕೆ ಮಾತ್ರವಲ್ಲದೆ ವಿವಿಧ ಕಾರಣಗಳಿಗಾಗಿ ವಿಮಾನಕ್ಕೆ ವಾಟರ್ ಸೆಲ್ಯೂಟ್ ಮೂಲಕ ಗೌರವ ಸಲ್ಲಿಸಲಾಗುತ್ತದೆ. ಇದು ವಾಯುಯಾನ ಕ್ಷೇತ್ರದಲ್ಲಿ ಬಹಳ ಹಿಂದಿನಿಂದಲೂ ನಡೆದು ಕೊಂಡು ಬಂದಿರುವ ಸಂಪ್ರದಾಯವಾಗಿದೆ.