ಕವಾಸಕಿ ಝಡ್ 900 ಬೈಕ್ ಚಾಲನೆ ಮಾಡಿದ ಇಮ್ರಾನ್ ಹಶ್ಮಿ

ಈ ಬೈಕ್ ಯಮಹಾ ಝಡ್ 90ನಂತಿದೆ ಎಂದು ಹೇಳಲಾಗುತ್ತಿದೆ. ಈ ಬಿಎಸ್ 6 ಬೈಕ್ ಅನ್ನು ಭಾರತದಲ್ಲಿ ಇನ್ನೂ ಬಿಡುಗಡೆಗೊಳಿಸಿಲ್ಲ. ಭಾರತದಲ್ಲಿ ಕವಾಸಕಿ ಝಡ್ 900 ಬೈಕಿನ ಬೆಲೆ ಭಾರತದ ಎಕ್ಸ್ ಶೋರೂಂ ದರದಂತೆ ರೂ.8 ಲಕ್ಷಗಳಾಗಿದೆ. ಈ ಬೈಕ್ ಅನ್ನು ನೇಕೆಡ್ ಸ್ಪೋರ್ಟ್ಸ್ ಬೈಕ್ ಸೆಗ್ ಮೆಂಟಿನಲ್ಲಿ ಬಿಡುಗಡೆಗೊಳಿಸಲಾಗುವುದು. ಕವಾಸಕಿ ಝಡ್ 900 ಎಲ್ಇಡಿ ಹೆಡ್ ಲೈಟ್, ಎಲ್ಇಡಿ ಟೇಲ್ ಲ್ಯಾಂಪ್, ಟಿಎಫ್ ಟಿ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್, ಬ್ಲೂಟೂತ್ ಕನೆಕ್ಟಿವಿಟಿಗಳನ್ನು ಹೊಂದಿದೆ.

ಈ ಬೈಕಿನಲ್ಲಿರುವ ಮೂರು ರೈಡಿಂಗ್ ಮೋಡ್‌ಗಳು ಬೈಕಿಗೆ ಅಗತ್ಯವಿರುವ ಪವರ್ ನೀಡುತ್ತವೆ. ಈ ಬೈಕ್ ಕಾರುಗಳಲ್ಲಿರುವಂತಹ ಟ್ರಾಕ್ಷನ್ ಕಂಟ್ರೋಲ್ ನಂತಹ ಫೀಚರ್ ಗಳನ್ನು ಹೊಂದಿದೆ.

MOST READ:ಒಂದು ಸಾವಿರ ರೂಪಾಯಿ ಪಾವತಿಸಿ ಈ ಸ್ಕೂಟರ್ ಬುಕ್ ಮಾಡಿ

ಈ ಕವಾಸಕಿ ಬೈಕ್ ಅನ್ನು ಗ್ರೇ ಬ್ಲಾಕ್, ಲೈಮ್ ಗ್ರೀನ್ ಬ್ಲಾಕ್, ವೈಟ್ ಬ್ಲಾಕ್ ಹಾಗೂ ಗ್ಲಾಸ್ ಬ್ಲಾಕ್ ಎಂಬ ನಾಲ್ಕು ಬಣ್ಣಗಳಲ್ಲಿ ಮಾರಾಟ ಮಾಡಲಾಗುವುದು. ಈ ಬೈಕ್ ಅನ್ನು ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಯುರೋ 5 ಎಂಜಿನ್ ನೊಂದಿಗೆ ಮಾರಾಟ ಮಾಡಲಾಗುವುದು.

ಕವಾಸಕಿ ಝಡ್ 900 ಬೈಕಿನಲ್ಲಿ ಅಳವಡಿಸಲಾಗಿರುವ 948 ಸಿಸಿಯ ಎಂಜಿನ್ 123 ಬಿಹೆಚ್‌ಪಿ ಪವರ್ ಹಾಗೂ 98.6 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಬೈಕ್ ಅನ್ನು ಭಾರತದಲ್ಲಿ ಇನ್ನೂ ಬಿಡುಗಡೆಗೊಳಿಸಿಲ್ಲ. ಈ ಬೈಕ್ ಮುಂದಿನ ವರ್ಷ ಭಾರತದಲ್ಲಿ ಬಿಎಸ್ 6 ಎಂಜಿನ್ ನಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳಿವೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಪ್ರತಿ ಗಂಟೆಗೆ 240 ಕಿ.ಮೀ ಟಾಪ್ ಸ್ಪೀಡ್ ಹೊಂದಿರುವ ಈ ಬೈಕಿನ ಮುಂಭಾಗದಲ್ಲಿ ಅಪ್ ಸೈಡ್ ಡೌನ್ ಟೆಲಿಸ್ಕೋಪಿಕ್ ಫೋರ್ಕ್ ಹಾಗೂ ಹಿಂಭಾಗದಲ್ಲಿ ಸ್ಪ್ರಿಂಗ್ ಲೋಡ್ ಮೊನೊಶಾಕ್ ಸಸ್ಪೆಂಷನ್ ಗಳನ್ನು ಅಳವಡಿಸಲಾಗಿದೆ.

ಈ ಬೈಕ್ 17 ಲೀಟರಿನ ಫ್ಯೂಯಲ್ ಟ್ಯಾಂಕ್ ಹೊಂದಿದ್ದು, ಲಾಂಗ್ ರೈಡ್ ಗಳಿಗೆ ಸಾಕಷ್ಟು ಇಂಧನವನ್ನು ಒದಗಿಸುತ್ತದೆ. ಕವಾಸಕಿ ಕಂಪನಿಯು ಈ ಬೈಕ್ ಅನ್ನು 2017ರಿಂದ ಉತ್ಪಾದಿಸುತ್ತಿದೆ. ಝಡ್ 900, ಕವಾಸಕಿ ಕಂಪನಿಯ ಅತ್ಯಂತ ಜನಪ್ರಿಯ ಬೈಕುಗಳಲ್ಲಿ ಒಂದಾಗಿದೆ.