Just In
- 48 min ago ನಟಿ ಶಿಲ್ಪಾ ಶೆಟ್ಟಿಗೆ ಮತ್ತೊಂದು ಸಮಸ್ಯೆ ತಂದಿಟ್ಟ ಪತಿ: ಐಷಾರಾಮಿ ಕಾರುಗಳು ಸೀಜ್!
- 1 hr ago ಕ್ರ್ಯಾಶ್ ಟೆಸ್ಟ್ನಲ್ಲಿ ಕಳಪೆ ಪ್ರದರ್ಶನ ನೀಡಿ ನಿರಾಸೆ ಮೂಡಿಸಿದ ಮಧ್ಯಮ ವರ್ಗದ ಮೆಚ್ಚಿನ ಸ್ವದೇಶಿ ಕಾರು
- 2 hrs ago ಕ್ರ್ಯಾಶ್ಟೆಸ್ಟ್ನಲ್ಲಿ ಈ ಹೋಂಡಾ ಕಾರಿಗೆ ಕೇವಲ 2 ಸ್ಟಾರ್: ಆದರೂ ಭಾರತೀಯರಿಗೆ ಈ ಕಾರು ಅಚ್ಚುಮೆಚ್ಚು!
- 2 hrs ago ಹ್ಯುಂಡೈ ಕ್ರೆಟಾಗೆ ಪೈಪೋಟಿ ನೀಡಲು ಬರಲಿವೆ ಟಾಟಾ, ಸಿಟ್ರನ್ ಕಾರುಗಳು.. ಇವೇ ಜನಸಾಮಾನ್ಯರ ಲ್ಯಾಂಬೋರ್ಗಿನಿಗಳು!
Don't Miss!
- News Actress Harshika Poonacha: ಪ್ರಹ್ಲಾದ್ ಜೋಶಿ ಭೇಟಿಯಾಗಿ ಧನ್ಯವಾದ ತಿಳಿಸಿದ ನಟಿ ಹರ್ಷಿಕಾ ದಂಪತಿ: ಸಚಿವರ ಅಭಯ
- Finance ಬೆಂಗಳೂರು, ನೋಯ್ಡಾ, ಪುಣೆಯಲ್ಲಿ ಶೀಘ್ರದಲ್ಲೇ ಹೊಸ ಆಪಲ್ ಸ್ಟೋರ್ ಪ್ರಾರಂಭ
- Technology ಈ ಹೊಸ 5G ಫೋನ್ ಖರೀದಿಸಿದರೆ, ವಿವೋ ಕಂಪನಿಯ ಇಯರ್ಫೋನ್ ಉಚಿತ!
- Lifestyle ವೋಟರ್ ಐಡಿ ಇಲ್ಲದೆಯೂ ಮತ ಚಲಾಯಿಸಬಹುದು.! ಹೇಗೆ ಗೊತ್ತಾ?
- Sports 2025ರ ಚಾಂಪಿಯನ್ಸ್ ಟ್ರೋಫಿಗಾಗಿ ಭಾರತ ತಂಡ ಪಾಕಿಸ್ತಾನಕ್ಕೆ ಪ್ರಯಾಣಿಸಲಿದೆಯೇ?; ಬಿಸಿಸಿಐ ಹೇಳಿದ್ದೇನು?
- Movies ಅದ್ಧೂರಿ 'ರಾಮಾಯಣ' ಚಿತ್ರದ ಬಗ್ಗೆ ರಾಕಿಂಗ್ ಸ್ಟಾರ್ ಯಶ್ ಮೊದಲ ಮಾತು
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
20 ವರ್ಷಗಳಲ್ಲಿ 100 ಕಾರುಗಳನ್ನು ಕದ್ದಿದ್ದ ಈ ಖದೀಮರು ಕೊನೆಗೆ ಸಿಕ್ಕಿ ಬಿದ್ದಿದ್ದೇ ರೋಚಕ..!
ಕಳೆದ ಬುಧವಾರ ರಾತ್ರಿ ಉಳಿದ ಮಾಮೂಲಿ ರಾತ್ರಿಗಳಂತೆಯೇ ಇತ್ತು. ಸಿಲ್ವರ್ ಬಣ್ಣದ ಮಾರುತಿ ಸುಜುಕಿ ಬ್ರಿಝಾ ಕಾರಿನಲ್ಲಿದ್ದ ಇಬ್ಬರು ವ್ಯಕ್ತಿಗಳನ್ನು 9 ಜನರಿದ್ದ ಪೊಲೀಸ್ ತಂಡವು ದೆಹಲಿಯ ಶಹ್ದಾರ ಜಿಲ್ಲೆಯಲ್ಲಿ ಬಂಧಿಸಲು ತೆರಳಿತ್ತು.
ಚಾಲಕ 40 ವರ್ಷದ ಕುನಾಲ್ ಪೊಲೀಸರಿಗೆ ಬೇಕಾಗಿದ್ದ ಆಸಾಮಿಯಾಗಿದ್ದ. ಅವನು ಮತ್ತು ಅವನ ಸಹಚರ ಶಾಹೀದ್, ಕಳೆದ 20 ವರ್ಷಗಳಿಂದ ಸುಮಾರು 100ಕ್ಕೂ ಹೆಚ್ಚು ಕಾರುಗಳ್ಳತನದಲ್ಲಿ ಭಾಗಿಯಾಗಿ ಪೊಲೀಸರ ಕೈಗೆ ಸಿಕ್ಕಿ ಹಾಕಿಕೊಳ್ಳದೇ ತಲೆ ಮರೆಸಿಕೊಂಡು ತಿರುಗುತ್ತಿದ್ದರು. ತಮ್ಮ ಬೆನ್ನುಬಿದ್ದಿದ್ದ ಪೊಲೀಸರಿಗೆ ಶರಣಾಗುವ ಉದ್ದೇಶವೇ ಈ ಕಾರುಗಳ್ಳರಿಗೆ ಇರಲಿಲ್ಲ. ಆದರೆ ಅಲ್ಲಿ ನಡೆದಿದ್ದೇಲ್ಲಾ ಥೇಟ್ ಬಾಲಿವುಡ್ ಸಿನಿಮಾಗಳ ರೀತಿಯಲ್ಲಿದೆ. ಪೊಲೀಸರು ತಮ್ಮನ್ನು ಅಡ್ಡಗಟ್ಟುತ್ತಿದ್ದಂತೆ, ಕುನಾಲ್ ತನ್ನ ಕಾರನ್ನು ರಿವರ್ಸ್ ತೆಗೆದು ಪೊಲೀಸ್ ವಾಹನಕ್ಕೆ ಗುದ್ದಿಸಿದ್ದಾನೆ.
ಅಡ್ಡ ಬಂದ ಮೂವರು ಪೊಲೀಸ್ ಅಧಿಕಾರಿಗಳ ಮೇಲೆಯೇ ಕಾರು ಹರಿಸಲು ಯತ್ನಿಸಿದ್ದಾನೆ. ನಂತರ ಬೇರೊಂದು ವಾಹನಕ್ಕೆ ಗುದ್ದಿದ್ದಾನೆ. ಕ್ರಿಮಿನಲ್ ಹಿನ್ನೆಲೆಯ ಕುನಾಲ್ ಈ ಹಿಂದೆ ಪೊಲೀಸರ ಮೇಲೆಯೇ ಗುಂಡು ಹಾರಿಸಿದ್ದ. ಪೊಲೀಸರ ತಂಡದಲ್ಲಿದ್ದ ಸಬ್ ಇನ್ಸ್ ಪೆಕ್ಟರ್ ರೋಹ್ತಾಶ್ ರವರಿಗೆ ಮುಂದಿನ ದುರಂತದ ಬಗ್ಗೆ ಅರಿವಾಗಿದೆ.
ಇಂಡಿಯನ್ ಎಕ್ಸ್ ಪ್ರೆಸ್ ವರದಿಗಳ ಪ್ರಕಾರ, ಕಾರಿನಿಂದ ಕೆಳಗಿಳಿದ ಕುನಾಲ್, ತನ್ನ ಬಳಿಯಿದ್ದ ಕಬ್ಬಿಣದ ರಾಡ್ನಿಂದ ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದಾನೆ. ಇದಾದ ನಂತರ ನಾಟಕೀಯ ಘಟನೆಗಳು ನಡೆದಿವೆ. ಈ ವೃತ್ತಿಪರ ಕಳ್ಳ ತನ್ನ ಬಳಿಯಿದ್ದ ಪಿಸ್ತೂಲ್ ಹೊರತೆಗೆದು ಪೊಲೀಸರತ್ತ ಗುರಿಯಿಟ್ಟಿದ್ದಾನೆ.
ಧೈರ್ಯವಾಗಿ ಮುನ್ನುಗ್ಗಿದ ಸಬ್ ಇನ್ಸ್ ಪೆಕ್ಟರ್ ರೊಹ್ತಾಶ್ ಕುನಾಲ್ನಿಂದ ಪಿಸ್ತೂಲ್ ಕಸಿದುಕೊಂಡಿದ್ದಾರೆ. ಆದರೆ ಅವನ ಬಳಿ ಇದ್ದ ಗನ್ ಅಟಿಕೆಯಾಗಿತ್ತು. ಶಹ್ದಾರ ಜಿಲ್ಲೆಯ, ವಾಹನ ಕಳ್ಳತನ ತಡೆ ಸ್ಕ್ಯಾಡ್, ಕುನಾಲ್ ಮತ್ತು ಅವನ ಸಹಚರ ಶಾಹೀದ್ ನನ್ನು ಬಂಧಿಸಿ, 100 ಕ್ಕೂ ಹೆಚ್ಚು ಕಾರುಗಳನ್ನು ಕದ್ದ ಪ್ರಕರಣಗಳನ್ನು ದಾಖಲಿಸಿದೆ. ಡಿಸಿಪಿ ಮೇಘನಾ ಯಾದವ್ ರವರು ಮಾತನಾಡಿ, ಕುನಾಲ್ ಕುಖ್ಯಾತ ಕಾರುಗಳ್ಳನಾಗಿದ್ದು, ರಾತ್ರಿ ವೇಳೆಯಲ್ಲಿ ಕಾರುಗಳನ್ನು ಕಳ್ಳತನ ಮಾಡುತ್ತಿದ್ದ, ಪೊಲೀಸ್ ವಾಹನಗಳನ್ನು ಹೊರತು ಪಡಿಸಿ ಬೇರೆಲ್ಲಾ ವಾಹನಗಳನ್ನು ಕದಿಯುತ್ತಿದ್ದ ಎಂದು ತಿಳಿಸಿದರು.
ಕುನಾಲ್ನ ವಿರುದ್ಧ 21 ಕ್ಕೂ ಹೆಚ್ಚು ಕೇಸ್ಗಳು ದಾಖಲಾಗಿವೆ. ತನ್ನ ಮುಖಕ್ಕೆ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡು ಪೊಲೀಸರಿಂದ ತಪ್ಪಿಸಿಕೊಂಡಿದ್ದ. ತನ್ನ ಹೆಸರು ಮತ್ತು ವಿಳಾಸವನ್ನು ಸಹ ಬದಲಿಸಿ ಕೊಂಡಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ಅವನು ಈಗ ತನ್ನ ಹೆಸರನ್ನು ಭೂತನಾಥ ಎಂದು ಬದಲಿಸಿಕೊಂಡಿದ್ದಾನೆ.
ಕುನಾಲ್ನನ್ನು ಬಂಧಿಸಿರುವ ಪೊಲೀಸರು, ಕೇವಲ ಐದು ನಿಮಿಷಗಳಲ್ಲಿ ಕಾರನ್ನು ಕದಿಯುತ್ತಿದ್ದ ಅವನು, ಕಪ್ಪು ಮುಖವಾಡ ಮತ್ತು ಗ್ಲೌಸ್ಗಳನ್ನು ಧರಿಸಿ, ವಿಂಡ್ ಶೀಲ್ಡ್ ನ ಸೀರಿಯಲ್ ನಂಬರ್ಗಳನ್ನು ಗಮನಿಸಿ ಕಾರುಗಳನ್ನು ಕಳವು ಮಾಡುತ್ತಿದ್ದ ಎಂದು ತಿಳಿಸಿದ್ದಾರೆ.
MOST READ: ಜಗತ್ತಿನ ಅತಿ ವೇಗದ ಆಟೋರಿಕ್ಷಾದ ಟಾಪ್ ಸ್ಪೀಡ್ ಎಷ್ಟು ಗೊತ್ತಾ?
ಕುನಾಲ್ ಗಟ್ಟಿಮುಟ್ಟಾಗಿದ್ದ ಮ್ಯಾಗ್ನೇಟ್ಗಳನ್ನು ಬಳಸಿ ಸ್ಟೀಯರಿಂಗ್ ವ್ಹೀಲ್ಗಳ ಲಾಕಿಂಗ್ ಸಿಸ್ಟಂಗಳನ್ನು ಹಾಳುಮಾಡುತ್ತಿದ್ದ, ಹೆವಿ ರಾಡ್ಗಳನ್ನು ಬಳಸಿ ಬಾಗಿಲುಗಳನ್ನು ತೆಗೆಯುತ್ತಿದ್ದ ಮತ್ತು ವಾಹನದ ಭದ್ರತೆಯನ್ನು ಭೇದಿಸಲು ಎಲೆಕ್ಟ್ರಾನಿಕ್ ಕಂಟ್ರೋಲ್ ಮಾಡ್ಯೂಲ್ಗಳನ್ನು ಬಳಸುತ್ತಿದ್ದ. ಪೊಲೀಸರ ಪ್ರಕಾರ ಕುನಾಲ್ ಕಾರುಗಳನ್ನು ಕಳವು ಮಾಡುವುದು ಹೇಗೆ ಎಂಬ ವೀಡಿಯೊ ಮಾಡಿ ಅದನ್ನು ಯೂ ಟ್ಯೂಬ್ ನಲ್ಲಿ ಅಪ್ ಲೋಡ್ ಮಾಡಿದ್ದಾನೆ.
ಅವನು ಇತ್ತೀಚಿಗೆ ಕಳವು ಮಾಡಿರುವ ವಾಹನಗಳು 2019ರಲ್ಲಿ ಮಾರಾಟವಾಗಿದ್ದ ಕಾರುಗಳಾಗಿವೆ. ಅವುಗಳನ್ನು ಖರೀದಿಸಿರುವ ವ್ಯಕ್ತಿಗಾಗಿ ನಾವು ಹುಡುಕಾಟ ನಡೆಸಿದ್ದೇವೆ ಎಂದು ಡಿಸಿಪಿ ರವರು ತಿಳಿಸಿದರು. ಪೊಲೀಸರು ನಾಲ್ಕು ಬ್ರಿಝಾ ಕಾರುಗಳನ್ನು ವಶಕ್ಕೆ ಪಡೆದಿದ್ದು, ಉಳಿದ ಕಾರುಗಳಿಗಾಗಿ ಶೋಧ ನಡೆಸಿದ್ದಾರೆ.
ಕುನಾಲ್ನನ್ನು ಹಲವು ವರ್ಷಗಳ ಹಿಂದೆ ಬಂಧಿಸಿ, ಸಿಆರ್ ಪಾರ್ಕ್ ಪೊಲೀಸ್ ಠಾಣೆಯಲ್ಲಿಡಲಾಗಿತ್ತು. ಕುನಾಲ್ನನ್ನು ಬಂಧಿಸಿ ತರುವಾಗ ಪೊಲೀಸ್ ಜೀಪ್ನಿಂದ ಹಾರಲು ಯತ್ನಿಸಿದ್ದ. ಠಾಣೆಯಲ್ಲಿ ಆತ್ಮಹತ್ಯೆಗೂ ಯತ್ನಿಸಿದ್ದ. ಪೊಲೀಸರಿಂದ ತಪ್ಪಿಸಿಕೊಂಡ ನಂತರ ತನ್ನ ಕಳ್ಳತನವನ್ನು ಮತ್ತೆ ಮುಂದುವರೆಸಿದ್ದ.
ಕುನಾಲ್ನನ್ನು ಬುಧವಾರ ರಾತ್ರಿ ಬಂಧಿಸಿದ ನಂತರ ಆನಂದ್ ವಿಹಾರ್ ಪೊಲೀಸ್ ಠಾಣೆಗೆ ಕರೆತರಲಾಯಿತು, ಆತನಿಂದ ಕಾರುಗಳನ್ನು ಕಳ್ಳತನ ಮಾಡುವ ವಿಧಾನದ ಬಗ್ಗೆ ವಿಚಾರಿಸಿ, ಲಾಕ್ ಆಗಿರುವ ಕಾರನ್ನು ಒಪನ್ ಮಾಡಲು ಹೇಳಿದಾಗ, ಆ ಕಾರನ್ನು ನಾಲ್ಕು ನಿಮಿಷಗಳಲ್ಲಿ ಒಪನ್ ಮಾಡಿದ್ದಾನೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಈಗ ಬಂಧಿಸಲಾಗಿರುವ ಕುನಾಲ್ ಕಾರುಗಳ್ಳತನವನ್ನೇ ತನ್ನ ವೃತ್ತಿಯಾಗಿಸಿಕೊಂಡಿದ್ದ, 20 ವರ್ಷಗಳಿಂದ ಪೊಲೀಸರಿಂದ ತಪ್ಪಿಸಿಕೊಳ್ಳುವ ಸಲುವಾಗಿ ಪ್ಲಾಸ್ಟಿಕ್ ಸರ್ಜರಿಗಳನ್ನು ಮಾಡಿಸಿಕೊಂಡಿದ್ದ. ತನ್ನ ಬಳಿಯಿದ್ದ ಅಟಿಕೆಯ ಪಿಸ್ತೂಲ್ನಿಂದಲೇ ಇಷ್ಟು ವರ್ಷ ಜನರನ್ನು ಆಟವಾಡಿಸುತ್ತಿದ್ದ. ಕಾರುಗಳ್ಳತನಕ್ಕೆ, 1990ರ ಸೆಕ್ಷನ್ 154 ಎಫ್ ಪ್ರಕಾರ 10 ವರ್ಷಗಳ ಗರಿಷ್ಟ ಕಾರಾಗೃಹ ಶಿಕ್ಷೆ ವಿಧಿಸಬಹುದಾಗಿದೆ.
ಈತನು ಮಾಡಿರುವ ಕೃತ್ಯಗಳಿಗೆ 10 ವರ್ಷಗಳ ಶಿಕ್ಷೆ ಏನೇನು ಸಾಲದು. ಈತನಿಂದ ಅನೇಕ ಕಾರುಗಳ್ಳತನದ ಪ್ರಕರಣಗಳು ಹೊರಬರುವ ನಿರೀಕ್ಷೆಗಳಿವೆ.