Just In
- 44 min ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 1 hr ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 2 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 2 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News Lok Sabha Election 2024: ಬೆಂಗಳೂರು ಉತ್ತರದಲ್ಲಿ ಬಿಜೆಪಿಯದ್ದೇ ಪ್ರಾಬಲ್ಯ! ಶೋಭಾ ಎದುರು ‘ಕೈ’ ಅಸ್ತ್ರ ವರ್ಕೌಟ್ ಆಗುತ್ತಾ?
- Lifestyle ಕಂಡ ಕಂಡಲ್ಲಿ ಏಕೆ ಉಗುಳಬಾರದು ಗೊತ್ತಾ? ಈ ವಿಡಿಯೋ ನೋಡಿ..!
- Movies ಅರ್ಜುನ್ ಮಹಾಕ್ಷಯ್ ಅಡ್ಡಾದಲ್ಲೂ ಆಯುಧ ಪೂಜೆ; 'ಮ್ಯಾಕ್ಸ್' ಕ್ರೇಜಿ ಅಪ್ಡೇಟ್
- Sports IPL 2024: ರಾಜಸ್ಥಾನ್ ರಾಯಲ್ಸ್ vs ಡೆಲ್ಲಿ ಕ್ಯಾಪಿಟಲ್ಸ್ ರೋಚಕ ಪಂದ್ಯದ ಟಾಸ್ ವರದಿ, ಆಡುವ 11ರ ಬಳಗ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಫೋರ್ಡ್ ಕಂಪನಿಯ ಡೂಪ್ಲಿಕೇಟ್ ಕಾರು ತಯಾರಿಸಿದ ಚೀನಾ ಕಂಪನಿ
ಚೀನಾ ಮೂಲದ ಕಾರು ತಯಾರಕ ಕಂಪನಿಗಳು ಪ್ರಪಂಚದ ಜನಪ್ರಿಯ ಕಾರುಗಳನ್ನು ನಕಲು ಮಾಡುತ್ತವೆ. ನಕಲು ಮಾಡಲಾದ ಕಾರುಗಳನ್ನು ಚೀನಾ ಮಾರುಕಟ್ಟೆಯಲ್ಲಿ ಬಹಿರಂಗವಾಗಿಯೇ ಮಾರಾಟ ಮಾಡಲಾಗುತ್ತದೆ.
ಜನಪ್ರಿಯ ಕಂಪನಿಗಳ ಸೆಡಾನ್, ಎಸ್ ಯುವಿ, ಹ್ಯಾಚ್ಬ್ಯಾಕ್ ಹಾಗೂ ಟ್ರಕ್ಗಳನ್ನು ಕಾಲಕಾಲಕ್ಕೆ ನಕಲು ಮಾಡಲಾಗುತ್ತದೆ. ಚೀನಾದ ಬೀಜಿಂಗ್ ನಲ್ಲಿ ಈ ತಿಂಗಳ 26ರಿಂದ ಮೋಟಾರ್ ಶೋ ನಡೆಯಲಿದೆ. ಇದೇ ವೇಳೆ ಫೋಟಾನ್ ಮೋಟಾರ್ ಕಂಪನಿಯು ತನ್ನ ಡಾ ಜಿಂಗ್ ಜುನ್ ಅಂದರೆ ಬಿಗ್ ಜನರಲ್ ವಾಹನವನ್ನು ಬಿಡುಗಡೆಗೊಳಿಸಲು ಮುಂದಾಗಿದೆ. ಈ ವಾಹನವನ್ನು ಫೋರ್ಡ್ ಎಫ್ -150 ಟ್ರಕ್ ಅನ್ನು ನಕಲು ಮಾಡಿ ತಯಾರಿಸಲಾಗಿದೆ.
ಫೋರ್ಡ್ ಎಫ್ -150 ಟ್ರಕ್ ಹಾಗೂ ಬಿಗ್ ಜನರಲ್ ವಾಹನಗಳ ವಿನ್ಯಾಸ ಒಂದೇ ರೀತಿಯಲ್ಲಿದೆ. ಈ ಬಿಗ್ ಜನರಲ್ ವಾಹನದ ಗಾತ್ರವು ಫೋರ್ಡ್ ಟ್ರಕ್ ನಂತೆಯೇ ಇದೆ. ಇದರ ಜೊತೆಗೆ ಮುಂಭಾಗದ ಹೆಡ್ ಲೈಟ್ ಹಾಗೂ ಸೈಡ್ ಪ್ರೊಫೈಲ್ ಗಳು ಸಹ ಒಂದೇ ರೀತಿಯಲ್ಲಿವೆ.
MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ
ಈ ಎರಡೂ ವಾಹನಗಳ ನಡುವಿನ ಸಾಮ್ಯತೆಯನ್ನು ಗುರುತಿಸಿರುವ ಜನರು ಚೀನಾದ ಈ ಕಂಪನಿಯ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ಫೋರ್ಡ್ ಕಂಪನಿಯನ್ನು ಒತ್ತಾಯಿಸುತ್ತಿದ್ದಾರೆ. ಈ ಬಗ್ಗೆ ಫೋರ್ಡ್ ಕಂಪನಿಯು ಯಾವುದೇ ಪ್ರತಿಕ್ರಿಯೆಯನ್ನು ನೀಡಿಲ್ಲ. ಚೀನಾದ ಈ ಕಂಪನಿಯು ಕಾರುಗಳನ್ನು ನಕಲು ಮಾಡಲು ಕುಖ್ಯಾತಿಯನ್ನು ಹೊಂದಿದೆ.
ಫೋರ್ಡ್ ಎಫ್ -150 ಟ್ರಕ್ 3.5-ಲೀಟರ್ ವಿ 6 ಎಂಜಿನ್ ಹೊಂದಿದ್ದರೆ, ಚೀನಾದ ಈ ಡೂಪ್ಲಿಕೇಟ್ ಟ್ರಕ್ 2.0-ಲೀಟರ್ ಟರ್ಬೋಚಾರ್ಜ್ಡ್ ನಾಲ್ಕು ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಹಾಗೂ 2.0-ಲೀಟರಿನ ಡೀಸೆಲ್ ಹಾಗೂ 2.5-ಲೀಟರಿನ ಡೀಸೆಲ್ ಎಂಜಿನ್ ಗಳನ್ನು ಹೊಂದಿದೆ.
MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ
ಈ ವಾಹನವನ್ನು ಅಧಿಕೃತವಾಗಿ ಬಿಡುಗಡೆಗೊಳಿಸಿದ ನಂತರ ಫೋಟಾನ್ ಕಂಪನಿಯ ವಿರುದ್ಧ ಕ್ರಮ ಕೈಗೊಳ್ಳುವ ಸಾಧ್ಯತೆಗಳಿವೆ. ಫೋಟಾನ್ ಕಂಪನಿಯು ಈ ಟ್ರಕ್ ಅನ್ನು ಆಸ್ಟ್ರೇಲಿಯಾದಲ್ಲಿ ಬಿಡುಗಡೆಗೊಳಿಸಬಹುದು ಎಂದು ಹೇಳಲಾಗಿದೆ.
ಫೋರ್ಡ್ ಕಂಪನಿಯ ಟ್ರಕ್ಗಳು ಅನೇಕ ದೇಶಗಳಲ್ಲಿ ಜನಪ್ರಿಯವಾಗಿವೆ. ಈ ಟ್ರಕ್ ಗಳು ಬಲಶಾಲಿಯಾದ ಬಾಡಿ ಹಾಗೂ ಎಂಜಿನ್ ಹೊಂದಿವೆ. ಈ ಟ್ರಕ್ ಹೆಚ್ಚು ಜನಪ್ರಿಯವಾಗಿರುವ ಕಾರಣಕ್ಕೆ ಚೀನೀ ಕಂಪನಿಯು ಈ ವಾಹನವನ್ನು ನಕಲು ಮಾಡಿದೆ.
MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು
ಭಾರತದಲ್ಲಿ ಈ ರೀತಿಯ ಟ್ರಕ್ಗಳಿಗೆ ಬೇಡಿಕೆಯಿಲ್ಲ. ಈ ಕಾರಣಕ್ಕೆ ಕಂಪನಿಗಳು ಭಾರತದಲ್ಲಿ ಈ ಮಾದರಿಯ ವಾಹನಗಳನ್ನು ಬಿಡುಗಡೆಗೊಳಿಸುವುದಿಲ್ಲ. ಇನ್ನೂ ಚೀನಾ ಕಂಪನಿಗಳು ಟಾಟಾ ನೆಕ್ಸಾನ್ ಸೇರಿದಂತೆ ಭಾರತದ ಕಂಪನಿಗಳ ಅನೇಕ ಕಾರುಗಳನ್ನು ಸಹ ನಕಲು ಮಾಡಿವೆ.