Just In
- 10 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 12 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 13 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 14 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಲಿಸುತ್ತಿರುವ ಬೊಲೆರೊದಿಂದ ಟಾಟಾ ಇಂಡಿಗೊದೊಳಗೆ ಜಿಗಿದ ಸಿಐಎಸ್ಎಫ್ ಯೋಧ
ಭಾರತದಲ್ಲಿರುವ ಅತಿ ದೊಡ್ಡ ಭದ್ರತಾ ಪಡೆಯಾದ ಸಿಐಎಸ್ಎಫ್ ದೇಶದಲ್ಲಿರುವ ಪ್ರಮುಖ ಕೈಗಾರಿಕೆಗಳಿಗೆ ಹಾಗೂ ಸ್ಮಾರಕಗಳಿಗೆ ಭದ್ರತೆಯನ್ನು ನೀಡುತ್ತದೆ. ಈ ಭದ್ರತಾ ಪಡೆಯು ಉಗ್ರಗಾಮಿಗಳು ದಾಳಿ ನಡೆಸಿದರೆ ಹೇಗೆ ಎದುರಿಸಲಾಗುತ್ತದೆಂಬ ಬಗ್ಗೆ ಆಗಾಗ ಪ್ರದರ್ಶನವನ್ನು ನೀಡುತ್ತದೆ.
ಇತ್ತೀಚಿಗೆ ರಾಷ್ಟ್ರೀಯ ಏಕತಾ ದಿವಸದ ಹಿನ್ನೆಲೆಯಲ್ಲಿ ಸಿಐಎಸ್ಎಫ್ ಯೋಧರು ಉಗ್ರಗಾಮಿಗಳು ದಾಳಿ ನಡೆಸಿದರೆ ಯಾವ ರೀತಿಯಲ್ಲಿ ಅವರನ್ನು ಹೊಡೆದುರುಳಿಸಬೇಕೆಂಬ ಪ್ರದರ್ಶನವನ್ನು ಗುಜರಾತ್ನ ಏರ್ಪೋರ್ಟಿನಲ್ಲಿ ಹಮ್ಮಿಕೊಂಡಿದ್ದರು. ಅಂದ ಹಾಗೆ ಈ ಪ್ರದರ್ಶನಕ್ಕೆ ಪ್ರಧಾನಿ ನರೇಂದ್ರ ಮೋದಿಯವರು ಸಾಕ್ಷಿಯಾಗಿದ್ದರು.
ಸಾರ್ವಜನಿಕರ ಹಾಗೂ ಸರ್ಕಾರಿ ಹಿರಿಯ ಅಧಿಕಾರಿಗಳ ಮುಂದೆ ಪ್ರದರ್ಶನ ನೀಡುವ ಕಾರಣಕ್ಕೆ ತಾತ್ಕಾಲಿಕ ವಿಮಾನ ನಿಲ್ದಾಣದ ಟರ್ಮಿನಲ್ ಅನ್ನು ನಿರ್ಮಿಸಲಾಗಿತ್ತು. ಅದನ್ನು ಅಣಕು ಭಯೋತ್ಪಾದಕ ದಾಳಿಗಾಗಿ ಬಳಸಿಕೊಳ್ಳಲಾಯಿತು.
ಸಿಐಎಸ್ಎಫ್ ಸಿಬ್ಬಂದಿ ವಿಮಾನ ನಿಲ್ದಾಣದ ಟರ್ಮಿನಲ್ನಲ್ಲಿ ನಕಲಿ ಉಗ್ರಗಾಮಿಗಳಿಗೆ ಸೆರೆ ಸಿಕ್ಕಿರುವ ವಿಐಪಿಗಳನ್ನು ರಕ್ಷಿಸಲು ಎಲ್ಲಾ ರೀತಿಯ ಸಾಹಸಗಳನ್ನು ಮಾಡುತ್ತಿರುವುದನ್ನು ಈ ಕೆಳಗಿನ ವೀಡಿಯೊದಲ್ಲಿ ಕಾಣಬಹುದು.
ಉಗ್ರರ ಹಿಡಿತದಿಂದ ವಿಐಪಿಯನ್ನು ಸುರಕ್ಷಿತವಾಗಿ ಹೊರಕ್ಕೆ ಕರೆ ತಂದ ನಂತರ, ಅವರನ್ನು ಮಾರುತಿ ಸುಜುಕಿ ಜಿಪ್ಸಿಯಲ್ಲಿ ಕೂರಿಸಲಾಯಿತು. ಈ ವೀಡಿಯೊದಲ್ಲಿ ಜಿಪ್ಸಿಯನ್ನು ಹಿಂಬಾಲಿಸುವ ಭಯೋತ್ಪಾದಕ ವಾಹನವನ್ನು ಕಾಣಬಹುದು.
ಕಾರಿನ ನಿಜವಾದ ಆಕ್ಷನ್ ಪ್ರಾರಂಭವಾಗುವುದು ಇದಾದ ನಂತರ. ಭಯೋತ್ಪಾದಕರಿರುವ ಟಾಟಾ ಇಂಡಿಗೊ ಕಾರ್ ಅನ್ನು ಮಹೀಂದ್ರಾ ಬೊಲೆರೊ ತಡೆಯುವುದನ್ನು ಕಾಣಬಹುದು. ಬೊಲೆರೊ ಟಾಟಾ ಇಂಡಿಗೊವನ್ನು ಸಾಕಷ್ಟು ದೂರ ತಳ್ಳುತ್ತದೆ.
ಇದಾದ ನಂತರ ಸಿಐಎಸ್ಎಫ್ ಸಿಬ್ಬಂದಿ ಬೊಲೆರೊದಿಂದ ಹೊರಬಂದು, ಇಂಡಿಗೊ ಕಾರಿನ ಮುಂಭಾಗ ವಿಂಡ್ಶೀಲ್ಡ್ ಮೂಲಕ ಅದರೊಳಕ್ಕೆ ಹೋಗುತ್ತಾರೆ. ನಂತರ ಸಿಐಎಸ್ಎಫ್ ಸಿಬ್ಬಂದಿ ಟಾಟಾ ಇಂಡಿಗೊವನ್ನು ತಮ್ಮ ಹಿಡಿತಕ್ಕೆ ತೆಗೆದುಕೊಳ್ಳುತ್ತಾರೆ. ಮತ್ತೊಂದು ಸಿಐಎಸ್ಎಫ್ ತಂಡವು ಮುಂಭಾಗದ ವಿಂಡ್ ಷೀಲ್ಡ್ ಅನ್ನು ಮುರಿದು ನಂತರ ಇಂಡಿಗೊ ಕಾರಿನ ಒಳಕ್ಕೆ ಪ್ರವೇಶಿಸಿದೆ.
MOST READ: ಖಾಸಗಿ ವಿಮಾನ ಹೊಂದಿರುವ ಉದ್ಯಮಿಗಳಿವರು..!
ಮತ್ತೊಂದು ಟಾಟಾ ಇಂಡಿಗೊವನ್ನು ಮುಂಭಾಗ ಹಾಗೂ ಹಿಂಭಾಗದಿಂದ ಎರಡು ಮಹೀಂದ್ರಾ ಬೊಲೆರೋಗಳು ಸುತ್ತುವರೆದಿವೆ. ಸಿಐಎಸ್ಎಫ್ ಯೋಧರು ಮುಂಭಾಗ ಹಾಗೂ ಹಿಂಭಾಗದ ವಿಂಡ್ ಷೀಲ್ಡ್ ಮೂಲಕ ಮೇಲೆ ಹಾರಿ ವಾಹನದೊಳಗೆ ಪ್ರವೇಶಿಸಿದರು.
MOST READ: ಕೈಕೊಟ್ಟ ದುಬಾರಿ ಬೆಲೆಯ ಕಾರಿನ ಬ್ರೇಕ್..!
ಸಿಐಎಸ್ಎಫ್ ಯೋಧರು ಭಯೋತ್ಪಾದಕರನ್ನು ಹಿಡಿದು, ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತರುವುದನ್ನು ಕಾಣಬಹುದು. ಮಹೀಂದ್ರಾ ಕಂಪನಿಯ ಮಾರ್ಕ್ಸ್ಮೆನ್ ಶಸ್ತ್ರಸಜ್ಜಿತ ವಾಹನಗಳು ಗಾರ್ಡ್ ಸ್ಥಾನದಲ್ಲಿ ನಿಂತಿರುವುದನ್ನು ಕಾಣಬಹುದು.
MOST READ: ಖಾಸಗಿ ವಿಮಾನ ಹೊಂದಿರುವ ಉದ್ಯಮಿಗಳಿವರು..!
ಅಂದ ಹಾಗೆ ಸಿಐಎಸ್ಎಫ್ ಯೋಧರು ತಮ್ಮ ಶಕ್ತಿ ಸಾಮರ್ಥ್ಯವನ್ನು ಸಾರ್ವಜನಿಕರ ಮುಂದೆ ಪ್ರದರ್ಶಿಸುತ್ತಿರುವುದು ಇದೇ ಮೊದಲ ಬಾರಿಯಲ್ಲ. ಇದೇ ವರ್ಷದ ಮಾರ್ಚ್ನಲ್ಲಿ, ಸಿಐಎಸ್ಎಫ್ ಯೋಧರು ಭಯೋತ್ಪಾದಕ ದಾಳಿಯಿಂದ ವಿಐಪಿಗಳನ್ನು ಸುರಕ್ಷಿತವಾಗಿ ಹೇಗೆ ಪಾರು ಮಾಡಲಾಗುವುದೆಂಬುದನ್ನು ಪ್ರದರ್ಶಿಸಿದ್ದರು.
ವೀಡಿಯೊದ ಕೊನೆಯಲ್ಲಿ, ಹಿಂದೂಸ್ತಾನ್ ಅಂಬಾಸಿಡರ್ ಸೆಡಾನ್ ಕಾರುಗಳನ್ನು ಕಾಣಬಹುದು. ಸಿಐಎಸ್ಎಫ್ ಭಾರತದ ವಿಮಾನ ನಿಲ್ದಾಣ ಹಾಗೂ ಮೆಟ್ರೋ ನಿಲ್ದಾಣಗಳಂತಹ ಪ್ರಮುಖ ಸ್ಥಳಗಳಿಗೆ ಭದ್ರತೆಯನ್ನು ಒದಗಿಸುತ್ತದೆ.
ಇದರ ಜೊತೆಗೆ ದೇಶದಲ್ಲಿರುವ ಪರಮಾಣು ಸ್ಥಾವರಗಳಿಗೂ ಈ ಪಡೆ ಭದ್ರತೆಯನ್ನು ಒದಗಿಸುತ್ತದೆ. ಖಾಸಗಿ ವ್ಯಕ್ತಿಗಳಿಗೂ ಸಹ ಭದ್ರತೆಯನ್ನು ನೀಡುತ್ತದೆ. ರಿಲಯನ್ಸ್ನಂತಹ ಕಂಪನಿಗಳು ಅಂಬಾನಿ ಕುಟುಂಬಕ್ಕೆ ವೈಯಕ್ತಿಕ ಭದ್ರತೆ ನೀಡಲು ಸಿಐಎಸ್ಎಫ್ ಅನ್ನು ನೇಮಿಸಿಕೊಂಡಿವೆ.
ಅಂಬಾನಿಯವರ ಕುಟುಂಬವು ಎಲ್ಲಿಗೆ ಹೋದರೂ ಸಿಐಎಸ್ಎಫ್ ಸಿಬ್ಬಂದಿ ಅವರಿಗೆ ರಕ್ಷಣೆಯನ್ನು ನೀಡುತ್ತದೆ. ಬೆಂಗಳೂರು ಹಾಗೂ ಪುಣೆಯಲ್ಲಿರುವ ಇನ್ಫೋಸಿಸ್ ಕ್ಯಾಂಪಸ್ಗಳಿಗೂ ಸಿಐಎಸ್ಎಫ್ ಭದ್ರತೆಯನ್ನು ನೀಡಲಾಗಿದೆ.