Just In
- 11 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 12 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 13 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 14 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- Finance mukesh ambaniಗೆ 67 ವರ್ಷ, ಅವರು ಹೊಂದಿರುವ ದುಬಾರಿ ವಸ್ತುಗಳು ಏನೇನು ಗೊತ್ತಾ?
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತಕ್ಕೆ ಮೊದಲ ಬಾರಿಗೆ ಬಂದಿರುವ ಡೊನಾಲ್ಡ್ ಟ್ರಂಪ್ ಅಧಿಕೃತ ಕಾರಿನ ವಿಶೇಷತೆಯೇನು?
ವಿಶ್ವದ ದೊಡ್ಡಣ್ಣ ಅಮೇರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಈ ತಿಂಗಳ 24ರಂದು ಭಾರತಕ್ಕೆ ಭೇಟಿ ನೀಡಲಿದ್ದಾರೆ. ಅವರ ಭೇಟಿಯ ಹಿನ್ನೆಲೆಯಲ್ಲಿ ಅವರ ಅಧಿಕೃತ ಲಿಮೊಸಿನ್ ಕಾರು ಈಗಾಗಲೇ ಭಾರತಕ್ಕೆ ಬಂದಿದೆ. ಈ ಕಾರ್ ಅನ್ನು ಬೀಸ್ಟ್ ಎಂದು ಕರೆಯಲಾಗುತ್ತದೆ.
ಈ ಶಸ್ತ್ರಸಜ್ಜಿತ ಕಾರ್ ಅನ್ನು 2018ರಲ್ಲಿ ಸಿಕ್ರೆಟ್ ಸರ್ವಿಸ್ಗೆ ಸೇರಿಸಿಕೊಳ್ಳಲಾಯಿತು. ಈ ಅತ್ಯಾಧುನಿಕ ವಾಹನವನ್ನು ಸರ್ಕಾರದ ಮುಖ್ಯಸ್ಥರ ಸಂಚಾರಕ್ಕಾಗಿ ಬಳಸಲಾಗುತ್ತದೆ. 2009ರಿಂದ ಬಳಕೆಯಲ್ಲಿದ್ದ ಹಳೆಯ ಬೀಸ್ಟ್ ಕಾರಿನ ಬದಲಿಗೆ ಈ ಹೊಸ ಕಾರ್ ಅನ್ನು ಸೇರ್ಪಡೆಗೊಳಿಸಲಾಗಿದೆ. ಕ್ಯಾಡಿಲಾಕ್ ಸ್ಟೈಲಿಂಗ್ ಹೊಂದಿರುವ ಈ ವಿಶಿಷ್ಟ ವಾಹನವು ಕಸ್ಟಮ್ ಮಾಡಲಾದ ಮೀಡಿಯಂ ಟ್ರಕ್ ಫ್ರೇಮ್ ವಿನ್ಯಾಸವನ್ನು ಹೊಂದಿದೆ. ಇದು ಈ ರೀತಿ ತಯಾರಾಗಿರುವ ಪ್ರಪಂಚದ ಏಕೈಕ ಕಾರ್ ಆಗಿದೆ. ಬೀಸ್ಟ್ 2.0ವಿನ ವಿಶೇಷತೆಗಳನ್ನು ಈ ಲೇಖನದಲ್ಲಿ ನೋಡೋಣ.
ಜನರಲ್ ಮೋಟರ್ಸ್ ಕಂಪನಿಯು ಎರಡು ಬೀಸ್ಟ್ ಗಳನ್ನು ಸಿಕ್ರೆಟ್ ಸರ್ವಿಸ್ಗಾಗಿ ನೀಡಿದೆ. ಈ ಎರಡು ಕಾರುಗಳನ್ನು ಬ್ಯಾಕ್ ಅಪ್ ಹಾಗೂ ಡೆಕಾಯ್ಗಾಗಿ ಬಳಸಲಾಗುತ್ತದೆ. ಅಮೇರಿಕಾ ಅಧ್ಯಕ್ಷರ ಬಳಿ ಈ ಎರಡೂ ಕಾರುಗಳನ್ನು ಕಾಣಬಹುದು.
ಹೊಸ ಕ್ಯಾಡಿಲಾಕ್ ಲಿಮೊ ಕಾರು, ಕ್ಯಾಡಿಲಾಕ್ ಎಸ್ಕಾಲಾ ಕಾನ್ಸೆಪ್ಟ್ ಕಾರಿನಲ್ಲಿರುವಂತಹ ಡಿಸೈನ್ ಲ್ಯಾಂಗ್ವೇಜ್ನೊಂದಿಗೆ ಅದೇ ರೀತಿಯ ಗ್ರಿಲ್ ಅನ್ನು ಹೊಂದಿದೆ. ಈ ಲಿಮೊ ಕಾರು ತನ್ನದೇ ಆದ ಏರೋಪ್ಲೇನ್ ಅನ್ನು ಹೊಂದಿದೆ. ಈ ಸಿ 17 ಗ್ಲೋಬ್ಮಾಸ್ಟರ್ ಕಾರ್ಗೊ ಪ್ಲೇನ್ ಅಮೇರಿಕಾ ಅಧ್ಯಕ್ಷರು ಹೋದ ದೇಶಗಳಿಗೆಲ್ಲಾ ಜೊತೆಯಲ್ಲಿಯೇ ಸಾಗುತ್ತದೆ.
ಎಲ್ಲಾ ಲಿಮೊ ಕಾರುಗಳನ್ನು ಒಂದೇ ರೀತಿಯಲ್ಲಿ ತಯಾರಿಸಲಾಗಿದೆ. ಇವು ಹೆಚ್ಚಿನ ಪ್ರಮಾಣದ ಬುಲೆಟ್ ಪ್ರೂಫ್ ಹೊಂದಿವೆ. ಈ ಲಿಮೊ ಕಾರುಗಳು 5 ಇಂಚಿನ ದಪ್ಪ ಗ್ಲಾಸ್, 8 ಇಂಚಿನ ದಪ್ಪ ಡೋರ್ಗಳನ್ನು ಹೊಂದಿವೆ. ಈ ಕಾರುಗಳನ್ನು ಟಿಟಾನಿಯಂ, ಸೆರಾಮಿಕ್ಸ್, ಬಾಂಬ್ಪ್ಲೇಟ್ಗಳನ್ನು ಬಳಸಿ ತಯಾರಿಸಲಾಗಿದೆ.
ಹಳೆಯ ಬೀಸ್ಟ್ ಕಾರಿನ ತೂಕವು 14,000ದಿಂದ 20,000 ಪೌಂಡ್ಗಳಾಗಿತ್ತು. ಹೊಸ ಬೀಸ್ಟ್ ಕಾರಿನ ತೂಕವು ಇದಕ್ಕಿಂತ ಕಡಿಮೆಯಾಗಿದೆ. ಈ ಕಾರಿನಲ್ಲಿ ಫ್ಲಾಟ್ ಟಯರ್, ನೈಟ್ ವಿಷನ್ ಗೇರ್ ಹಾಗೂ ತನ್ನದೇ ಆದ ಆಕ್ಸಿಜನ್ ಸಪ್ಲೈಗಳಿವೆ. ಇದರ ಜೊತೆಗೆ ಸ್ಯಾಟಲೈಟ್ ಫೋನ್, ನ್ಯೂಕ್ಲಿಯರ್ ಕೋಡ್ಗಳಿವೆ.
ಮುಂಭಾಗದ ಬಂಪರ್ನಲ್ಲಿ ಗ್ಯಾಸ್ ಕ್ಯಾನಿಸ್ಟರ್ ನೀಡಲಾಗಿದೆ. ಈ ಲಿಮೊ ಕಾರು 5.0 ಲೀಟರಿನ ಡೀಸೆಲ್ ಎಂಜಿನ್ ಅನ್ನು ಹೊಂದಿದೆ. ಡೀಸೆಲ್ಗೆ ಬೆಂಕಿ ಬಿದ್ದರೆ ಹೆಚ್ಚಿನ ಪ್ರಮಾಣದ ಹಾನಿಯಾಗದಂತೆ ವಿನ್ಯಾಸಗೊಳಿಸಲಾಗಿದೆ. ಹಳೆಯ ಬೀಸ್ಟ್ ಕಾರು ಪ್ರತಿ ಲೀಟರಿಗೆ 3 ಕಿ.ಮೀ ಮೈಲೇಜ್ ನೀಡುತ್ತಿತ್ತು. ಹೊಸ ಕಾರು ಸಹ ಅಷ್ಟೇ ಮೈಲೇಜ್ ನೀಡುವ ಸಾಧ್ಯತೆಗಳಿವೆ.
ಸಿಕ್ರೆಟ್ ಸರ್ವಿಸ್ ಈ ಲಿಮೊ ಕಾರಿಗಾಗಿ ರಹಸ್ಯ ಕೋಡ್ ಅನ್ನು ಹೊಂದಿದೆ. ಈ ಕಾರ್ ಅನ್ನು ಬೀಸ್ಟ್ ಎಂದು ಕರೆಯುವುದಿಲ್ಲ. ಬದಲಿಗೆ ಸ್ಟೇಜ್ಕೋಚ್ ಎಂದು ಕರೆಯಲಾಗುತ್ತದೆ. ಈ ಕಾರಿನಲ್ಲಿರುವ ಆಯುಧಗಳ ಬಗ್ಗೆ ಸಿಕ್ರೆಟ್ ಸರ್ವಿಸ್ ಯಾವುದೇ ಮಾಹಿತಿಯನ್ನು ನೀಡಿಲ್ಲ. ಆದರೆ ಡ್ರೈವರ್ ಬಳಿ ಶಾಟ್ಗನ್ ಇರುವುದಾಗಿ ತಿಳಿಸಿದೆ.
ಈ ಕಾರು ಅಮೇರಿಕಾ ಅಧ್ಯಕ್ಷರ ರಕ್ತದ ಮಾದರಿಯ ರಕ್ತ, ಹಾರ್ಟ್ ಬೀಟ್ ಪರೀಕ್ಷಿಸುವ ಡಿಫಿಬ್ರಿಲಿಯೇಟರ್ ಹಾಗೂ ಎಮರ್ಜೆನ್ಸಿ ಗೇರ್ಗಳನ್ನು ಹೊಂದಿರುತ್ತದೆ. ಇವು ಸಾರ್ವಜನಿಕವಾಗಿ ಕಾಣಿಸುವ ಸಂಗತಿಗಳು. ಇನ್ನು ಕಾಣದಿರುವ ವಿಷಯಗಳು ದೇವರಿಗೆ, ಸಿಕ್ರೆಟ್ ಸರ್ವಿಸ್ಗೆ ಹಾಗೂ ಈ ಕಾರ್ ಅನ್ನು ಅಭಿವೃದ್ಧಿಪಡಿಸಿರುವ ಜನರಲ್ ಮೋಟಾರ್ಸ್ ಇಂಜಿನಿಯರ್ಗಳಿಗೆ ಮಾತ್ರ ಗೊತ್ತು.