ದುಬೈ ಪೊಲೀಸ್ ಸರ್ಪಗಾವಲು; ಗಸ್ತು ತಿರುಗಲು ಆಡಿ ಶಕ್ತಿಶಾಲಿ ಕಾರು

ಸುರಕ್ಷತೆಯನ್ನು ಖಾತ್ರಿಪಡಿಸುವ ನಿಟ್ಟಿನಲ್ಲಿ ಆಡಿ ದುಬಾರಿ ಕಾರುಗಳನ್ನು ತನ್ನ ಸೂಪರ್ ಕಾರುಗಳ ಸಾಲಿನಲ್ಲಿ ಸೇರ್ಪಡೆಗೊಳಿಸಲಾಗುತ್ತಿದೆ ಎಂಬುದನ್ನು ದುಬೈ ಪೊಲೀಸ್ ಖಚಿತಪಡಿಸಿದೆ.

ಜರ್ಮನಿ ಮೂಲದ ಆಡಿ ಸಂಸ್ಥೆ ನಿರ್ಮಿತ ಆ8 ಕಾರು ವಿಶ್ವದಲ್ಲೇ ಅತಿ ವೇಗದಲ್ಲಿ ಚಲಿಸುವ ಕಾರುಗಳಲ್ಲಿ ಒಂದಾಗಿದೆ. ಇದು ದುಬೈ ಪೊಲೀಸ್ ಗೆ ಗಸ್ತು ತಿರುಗಲು ನೆರವಾಗಲಿದೆ.

ಆಡಿ ಆರ್8 ಕಾರಿನಲ್ಲಿ ಶಕ್ತಿಶಾಲಿ 5.2 ಲೀಟರ್ ವಿ10 ಎಂಜಿನ್ ಬಳಕೆ ಮಾಡಲಾಗಿದ್ದು, 560 ಎನ್ ಎಂ ತಿರುಗುಬಲದಲ್ಲಿ ಬರೋಬ್ಬರಿ 602 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಏಳು ಸ್ಪೀಡ್ ಎಸ್ ಟ್ರಾನಿಕ್ ಡ್ಯುಯಲ್ ಕ್ಲಚ್ ಗೇರ್ ಬಾಕ್ಸ್ ನಿಂದ ಎಲ್ಲ ನಾಲ್ಕು ಚಕ್ರಗಳಿಗೆ ಶಕ್ತಿ ರವಾನಿಸಲಿರುವ ಆರ್8, ಶೈಲಿಯ ವಿಚಾರದಲ್ಲೂ ಯಾವುದೇ ರಾಜಿಗೂ ತಯಾರಾಗಿಲ್ಲ.

ಇನ್ನೊಂದೆಡೆ ಆಡಿ ಕ್ಯೂ7 ಕ್ರೀಡಾ ಬಳಕೆಯ ವಾಹನವು 4.2 ಲೀಟರ್ ಡೀಸೆಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತಿದ್ದು, 760 ಎನ್ ಎಂ ತಿರುಗುಬಲದಲ್ಲಿ 322 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ.

ಜಗತ್ತಿನ ಶ್ರೀಮಂತ ಪೊಲೀಸ್ ಇಲಾಖೆ ದುಬೈ ಪೊಲೀಸ್ ಬಳಿಯಿರುವ ಐಷಾರಾಮಿ ಕಾರುಗಳ ಪಟ್ಟಿ ಇಂತಿದೆ.

ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಸ್ಪೋರ್ಟ್ಸ್

ನಿಸ್ಸಾನ್ ಜಿಟಿಆರ್,

ಮೆಕ್ ಲ್ಯಾರೆನ್ ಎಂಪಿ4-12ಸಿ,

ಬುಗಾಟಿ ವೆರೋನ್,

ಆಸ್ಟನ್ ಮಾರ್ಟಿನ್ ಒನ್-77,

ಲಂಬೋರ್ಗಿನಿ ಅವೆಂಟಡೊರ್,

ಫೆರಾರಿ ಎಫ್ ಎಫ್,

ಮರ್ಸಿಡಿಸ್ ಬೆಂಝ್ ಎಸ್ ಎಲ್ ಎಸ್ ಎಎಂಜಿ,

ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ,

ಆಡಿ ಆರ್8,

ಮರ್ಸಿಡಿಸ್ ಜಿ ಕ್ಲಾಸ್ ಬ್ರಾಬಸ್,

ಮರ್ಸಿಡಿಸ್ ಎಸ್ ಎಲ್ 63,

ಬಿಎಂಡಬ್ಲ್ಯು 6 ಸಿರೀಸ್,

ಬಿಎಂಡಬ್ಲ್ಯು 5 ಸಿರೀಸ್,

ಮರ್ಸಿಡಿಸ್ ಇ ಕ್ಲಾಸ್,

ಷೆವರ್ಲೆ ಕ್ಯಾಮರೊ,

ಟೊಯೊಟಾ ಪ್ರಾಡೊ,

ಟೊಯೊಟಾ ಫಾರ್ಚ್ಯುನರ್,

ಹಮ್ಮರ್ ಎಚ್1,

ಟೊಯೊಟಾ ಲ್ಯಾಂಡ್ ಕ್ರೂಸರ್,

ಲೆಕ್ಸಸ್

ಇವೆಲ್ಲದರ ಜೊತೆಗೆ ಕ್ಯಾನ್ ಆಮ್ ಸ್ಪೈಡರ್ ಸೂಪರ್ ಬೈಕ್ ಮತ್ತು ಯುದ್ಧ ಟ್ಯಾಂಕರ್ ಸಹ ದುಬೈ ಪೊಲೀಸ್ ಬಳಿಯಿದೆ.