ಹಕ್ಕಿ ಗೂಡಿನ ಕಾರಣಕ್ಕೆ ಎಸ್‌ಯುವಿ ಬಳಕೆಯನ್ನು ನಿಲ್ಲಿಸಿದ ರಾಜಕುಮಾರ

ಅವರು ತಮ್ಮ ಎಸ್‌ಯುವಿಯನ್ನು ಪಾರ್ಕಿಂಗ್ ಸ್ಥಳದಿಂದ ಹೊರ ತೆಗೆಯುತ್ತಿಲ್ಲ. ಅವರ ಮರ್ಸಿಡಿಸ್-ಎಎಂಜಿ ಜಿ 63 ಎಸ್‌ಯುವಿಯಲ್ಲಿ ಹಕ್ಕಿ ಗೂಡು ಕಟ್ಟಿರುವುದೇ ಇದಕ್ಕೆ ಕಾರಣ. ರಾಜಕುಮಾರ ತಮ್ಮ ಎಸ್‌ಯುವಿಯನ್ನು ತಮ್ಮ ನಿವಾಸದ ಪಾರ್ಕಿಂಗ್ ಸ್ಥಳದಲ್ಲಿ ನಿಲ್ಲಿಸಿದ್ದ ವೇಳೆ ಹಕ್ಕಿಯೊಂದು ಗೂಡು ಕಟ್ಟಿದೆ.

ಈ ಬಗ್ಗೆ ದುಬೈನ ರಾಜಕುಮಾರರೇ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಿಂದ ವೀಡಿಯೊವೊಂದನ್ನು ಬಿಡುಗಡೆಗೊಳಿಸಿದ್ದಾರೆ. ಈ ವೀಡಿಯೊದಲ್ಲಿ ಹಕ್ಕಿ ಅವರ ಕಾರಿನ ಬಾನೆಟ್‌ನಲ್ಲಿ ಗೂಡು ಕಟ್ಟಿರುವುದನ್ನು ಕಾಣಬಹುದು. ಈ ಬಗ್ಗೆ ಕೆಲವು ವೀಡಿಯೊಗಳನ್ನು ಹಾಗೂ ಫೋಟೋಗಳನ್ನು ಶೇರ್ ಮಾಡಿದ್ದಾರೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಈ ಹಕ್ಕಿ ಕಾರಿನ ಮೇಲೆ ಗೂಡು ಕಟ್ಟುತ್ತಿರುವುದನ್ನು ವೀಡಿಯೊ ಹಾಗೂ ಫೋಟೋಗಳಲ್ಲಿ ಕಾಣಬಹುದು. ಹಕ್ಕಿ ಗೂಡು ಕಟ್ಟಿದ ನಂತರ ರಾಜಕುಮಾರ ಈ ಜಾಗವನ್ನು ಸಂಪೂರ್ಣವಾಗಿ ಬಂದ್ ಮಾಡಿದ್ದು, ಯಾರಿಗೂ ಆ ಕಡೆ ಹೋಗಲು ಅವಕಾಶ ನೀಡುತ್ತಿಲ್ಲ.

ರಾಜಕುಮಾರ ಈ ವೀಡಿಯೊವನ್ನು, ಹಕ್ಕಿಯು ಹೆದರಿಕೊಳ್ಳದಂತೆ ದೂರದಿಂದ ರೆಕಾರ್ಡ್ ಮಾಡಿದ್ದಾರೆ. ಮರ್ಸಿಡಿಸ್-ಎಎಂಜಿ ಜಿ 63 ಎಸ್‌ಯುವಿಯನ್ನು ಭಾರತದಲ್ಲಿಯೂ ಬಿಡುಗಡೆಗೊಳಿಸಲಾಗಿತ್ತು. ಆದರೆ ಈಗ ಈ ಕಾರಿನ ಮಾರಾಟವನ್ನು ಸ್ಥಗಿತಗೊಳಿಸಲಾಗಿದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಈ ಎಸ್‌ಯುವಿಯಲ್ಲಿ 5.5-ಲೀಟರಿನ ಬೈಟರ್ಬೊ ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 544 ಬಿಹೆಚ್‌ಪಿ ಪವರ್ ಹಾಗೂ 760 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್‌ನೊಂದಿಗೆ 7-ಸ್ಪೀಡಿನ ಜಿ-ಟ್ರಾನಿಕ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಅಳವಡಿಸಲಾಗಿದೆ.

ಈ ಎಸ್‌ಯುವಿಯ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 210 ಕಿ.ಮೀಗಳಾಗಿದೆ. ಈ ಎಸ್‌ಯುವಿ ಕೇವಲ 5.4 ಸೆಕೆಂಡುಗಳಲ್ಲಿ 0 - 100 ಕಿ.ಮೀ ವೇಗವನ್ನು ಆಕ್ಸಲರೇಟ್ ಮಾಡುತ್ತದೆ. ಮರ್ಸಿಡಿಸ್ ಬೆಂಝ್ ಕಂಪನಿಯು ಈ ಎಸ್‌ಯುವಿಯ ಇಂಟಿರಿಯರ್ ಹಾಗೂ ಎಕ್ಸ್ ಟಿರಿಯರ್ ಗಳಲ್ಲಿ ಹಲವಾರು ಫೀಚರ್ ಗಳನ್ನು ನೀಡಿದೆ.