Just In
- 3 min ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 54 min ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 2 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 3 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Darshan: ಡಿ.ಕೆ. ಸುರೇಶ್ ಪರ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪ್ರಚಾರ
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಮಾನಗಳ ಇಂಧನ ದಕ್ಷತೆ: ವಿಮಾನಗಳ ಮೈಲೇಜ್ ಕುರಿತಾದ ಇಂಟ್ರಸ್ಟಿಂಗ್ ಮಾಹಿತಿಗಳಿವು!
ಯಾವುದಾದರೂ ಒಂದು ವಾಹನವನ್ನು ನೋಡಿದಾಕ್ಷಣ ಹಲವರಲ್ಲಿ ಅದರ ಇಂಧನ ದಕ್ಷತೆ ಎಷ್ಟಿದೆ? ಪ್ರತಿ ಲೀಟರ್ಗೆ ಎಷ್ಟು ಮೈಲೇಜ್ ಕೊಡಬಹುದು ಎನ್ನುವ ಲೆಕ್ಕಾಚಾರ ಮನಸ್ಸಿನಲ್ಲಿ ಬಂದು ಹೋಗುತ್ತದೆ. ಆದರೆ ಇತರೆ ವಾಹನಗಳಿಂತಲೂ ಭಿನ್ನವಾಗಿರುವ ವಿಮಾನಗಳ ಮೈಲೇಜ್ ಕುರಿತಾದ ಮಾಹಿತಿಗಳು ನಿಮ್ಮಲ್ಲಿ ಇನ್ನಷ್ಟು ಅಚ್ಚರಿ ಮೂಡಿಸಬಹುದು.
ಸಾಮಾನ್ಯ ವಾಹನಗಳಿಂತ ಐಷಾರಾಮಿ ವಾಹನಗಳಲ್ಲಿನ ಇಂಧನ ದಕ್ಷತೆ ಕುರಿತಾಗಿ ಹಲವರು ಇಂದಿಗೂ ಅಚ್ಚರಿ ವ್ಯಕ್ತಪಡಿಸುವುದುಂಟು. ಆದರೆ ವಿಮಾನಗಳಲ್ಲಿ ಇಂಧನ ಬಳಕೆ ಮತ್ತು ಮೈಲೇಜ್ ಪ್ರಮಾಣದ ಲೆಕ್ಕಾಚಾರಗಳು ನಿಮ್ಮಲ್ಲಿ ಇನ್ನಷ್ಟು ಕುತೂಹಲ ಹುಟ್ಟುಹಾಕಬಲ್ಲವು.
ವ್ಯಾಪಾರ, ಉದ್ಯೋಗ ಮತ್ತು ಪ್ರವಾಸ ನಿಮಿತ್ತ ಎಲ್ಲಾ ವರ್ಗದ ಜನರು ಇಂದು ಒಂದಿಲ್ಲೊಂದು ಕಾರಣಕ್ಕೆ ವಿಮಾನಯಾನವನ್ನು ಆಯ್ಕೆ ಮಾಡುತ್ತಿದ್ದು, ವಿಮಾನಯಾವು ಎಷ್ಟೇ ಸರಳವಾಗಿದ್ದರೂ ಅದರಲ್ಲಿನ ಕೆಲವು ಕುತೂಹಲಕಾರಿಯಾದ ವಿಚಾರಗಳು ಯಾವಾಗಲೂ ರಹಸ್ಯವಾಗಿಯೇ ಕಾಣುತ್ತವೆ ಎಂದರೆ ತಪ್ಪಾಗುವುದಿಲ್ಲ.
ಅದರಲ್ಲೂ ವಿಮಾನಗಳಲ್ಲಿ ಬಳಕೆಯಾಗುವ ವಿಶೇಷ ಇಂಧನ, ಅದರ ಕಾರ್ಯಕ್ಷಮತೆ, ಮೈಲೇಜ್ ಪ್ರಮಾಣ ಮತ್ತು ಕಾರ್ಯಾಚರಣೆಯ ಕುರಿತಾಗಿ ಹಲವಾರು ಆಸಕ್ತಿದಾಯಕ ವಿಚಾರಗಳಿದ್ದು, ಇಂಧನ ಬಳಕೆ ಮತ್ತು ಮೈಲೇಜ್ ಪ್ರಮಾಣದ ಕುರಿತಾದ ಒಂದು ಆಸಕ್ತಿದಾಯಕ ಮಾಹಿತಿ ಇಲ್ಲಿದೆ.
ವಿಮಾನಗಳಲ್ಲಿನ ಇಂಧನ ವಿಧಗಳು
ವಿಶ್ವಾದ್ಯಂತ ವಿಮಾನಯಾನದಲ್ಲಿ ಆಯಾ ರಾಷ್ಟ್ರಗಳಿಗೆ ಅನುಗುಣವಾಗಿ ವಿವಿಧ ಇಂಧನ ಮಾನದಂಡಗಳನ್ನು ಹೊಂದಿರುವ ತೈಲಗಳನ್ನು ಬಳಕೆ ಮಾಡುತ್ತವೆ. ಭಾರತದಲ್ಲಿ ವಾಯುಯಾನ ಉದ್ಯಮದಲ್ಲೂ ವ್ಯಾಪಕ ಶ್ರೇಣಿಯ ಇಂಧನ ಬಳಕೆಯಿದ್ದು, ವಿಶ್ವಾದ್ಯಂತ ಸಾಮಾನ್ಯವಾಗಿ ಜೆಟ್ ಎ-1(JET A-1) ಬಳಕೆ ಮಾಡಲಾಗುತ್ತಿದೆ.
ಜೆಟ್ ಇಂಧನವು ಸೀಮೆಎಣ್ಣೆ ಆಧಾರಿತವಾಗಿದ್ದು, ಜೆಟ್ ಇಂಧನವು ಬಣ್ಣರಹಿತ, ದಹನಕಾರಿ, ನೇರ ಚಾಲನೆಯಲ್ಲಿರುವ ಪೆಟ್ರೋಲಿಯಂ ಡಿಸ್ಟಿಲೇಟ್ ದ್ರವವಾಗಿದೆ. ಹೀಗಾಗಿ ಇದು ಸಾಮಾನ್ಯ ಪೆಟ್ರೋಲ್ ಮತ್ತು ಡೀಸೆಲ್ಗಿಂತಲೂ ಕಡಿಮೆ ದರ ಹೊಂದಿದ್ದು, ಇದು ಪ್ರತಿ ಕೆ.ಜಿಗೆ ಸದ್ಯ ರೂ. 39.06 ಪೈಸೆ ಬೆಲೆ ಹೊಂದಿದೆ.
ಸಾಮಾನ್ಯವಾಗಿ ಜೆಟ್ ವಿಮಾನಗಳ ಇಂಧನವನ್ನು ಪ್ರಮುಖ ಇಂಧನ ಪೂರೈಕೆ ಕಂಪನಿಗಳು ವಿಮಾನಯಾನ ಸಂಸ್ಥೆಗಳಿಗೆ ಕೆ.ಜಿ ಲೆಕ್ಕಾಚಾರದಲ್ಲಿ ಪೂರೈಕೆ ಮಾಡುತ್ತಿದ್ದು, ವಿವಿಧ ಜೆಟ್ ಇಂಧನಗಳಲ್ಲಿ ಜೆಪಿ-1 ಶುದ್ಧ ಇಂಧನ ಮಾದರಿಯಾಗಿದೆ.
ಮೈಲೇಜ್ ಪ್ರಮಾಣವೆಷ್ಟು?
ವಿಮಾನಗಳಲ್ಲಿ ಬೃಹತ್ ಎಂಜಿನ್ ಚಾಲನೆಗೆ ಪೂರಕವಾಗಿರುವ ಜೆಟ್ ಎ-1 ಇಂಧನವು ಉತ್ತಮ ಇಂಧನ ದಕ್ಷತೆಯನ್ನು ಹೊಂದಿದ್ದು, ಇಂಧನ ಬಳಕೆ ಪ್ರಮಾಣವು ವಿಮಾನ ಮಾದರಿಗಳನ್ನು ಆಧರಿಸಿ ನಿರ್ಧರಿಸಲಾಗುತ್ತದೆ. ಉದಾಹರಣೆಗೆ ಬೋಯಿಂಗ್ 747 ಮಾದರಿಯ ಇಂಧನ ಕಾರ್ಯಕ್ಷಮತೆ ಕುರಿತು ನೋಡುವುದಾರೆ ಇದು ಪ್ರತಿ ಸೆಕೆಂಡ್ಗೆ ಕನಿಷ್ಠ 4 ಲೀಟರ್ ಇಂಧನ ಬಳಕೆ ಮಾಡುತ್ತದೆ.
ಪ್ರತಿ ಸೆಕೆಂಡ್ಗೆ ಕನಿಷ್ಠ 4 ಲೀಟರ್ ಇಂಧನ ಬಳಕೆ ಮಾಡಿದರೆ ಅದು ಪ್ರತಿ ನಿಮಿಷಕ್ಕೆ 240 ಲೀಟರ್ ಇಂಧನ ಬಳಕೆ ಮಾಡುತ್ತದೆ. ಅಂದರೆ ಅಂದು ಬೋಯಿಂಗ್ ವಿಮಾನವು ನಿರಂತರವಾಗಿ 1 ಗಂಟೆಗಳ ಕಾಲ ಪ್ರಯಾಣ ಬೆಳೆಸಿದರೆ ಅದು ಬರೋಬ್ಬರಿ 14,400 ಲೀಟರ್ ಇಂಧನ ಉಪಯೋಗಿಸುತ್ತದೆ.
ಬೋಯಿಂಗ್ 747 ಮಾದರಿಯು ಸತತ 13 ಗಂಟೆಗಳ ಕಾಲ ಅಮೆರಿಕದ ನ್ಯೂಯಾರ್ಕ್ ನಗರದಿಂದ ಜಪಾನಿನ ಟೊಕಿಯೊ ನಗರಕ್ಕೆ ಪ್ರಯಾಣ ಬೆಳಸಿದಾಗ ಬರೋಬ್ಬರಿ 1,87,200 ಲೀಟರ್ ಇಂಧನ ದಹಿಸುತ್ತದೆ ಎಂದರೆ ನಿಮಗೆ ಅಚ್ಚರಿಯಾಗಬಹುದು.
ಏರ್ಬಸ್ ಎ321 ನಿಯೋ ವಿಮಾನದಲ್ಲಿನ ಇಂಧನ ಬಳಕೆ
ಭಾರತದ ಪ್ರಮುಖ ವಿಮಾನಗಳಲ್ಲಿ ಒಂದಾಗಿರುವ ಏರ್ಬಸ್ ಎ321 ನಿಯೋ ದೆಹಲಿಯಿಂದ ಮುಂಬೈ ತಲುಪಲು ಸತತ ಎರಡು ಗಂಟೆಗಳ ಪ್ರಯಾಣದೊಂದಿಗೆ 1200 ಕಿ.ಮೀ ದೂರ ಕ್ರಮಿಸಲು ಕನಿಷ್ಠ ಪ್ರತಿ ಕಿ.ಮೀಗೆ 4.18 ಲೀಟರ್ ಇಂಧನ ಬಳಕೆ ಮಾಡುತ್ತದೆ.
ಏರ್ಬಸ್ ಎ321ನಿಯೋ ಮಾದರಿಯು ಗಂಟೆಗೆ ಸರಾಸರಿ 600 ಕಿಮೀ ವೇಗದಲ್ಲಿ ಪ್ರತಿ ನಿಮಿಷಕ್ಕೆ 10 ಕಿಮೀ ಚಲಿಸಲಿದ್ದು, ಒಟ್ಟಾರೆ 1200 ಕಿ.ಮೀ ದೂರವನ್ನು ತಲುಪಲು ಅದು ಬರೋಬ್ಬರಿ 5,016 ಲೀಟರ್ ಇಂಧನ ಬಳಕೆ ಮಾಡುತ್ತದೆ.
ಅಂದರೆ ಏರ್ಬಸ್ ಎ321 ನಿಯೋ ವಿಮಾನವು ಪ್ರತಿ ಸೆಕೆಂಡ್ಗೆ 0.683 ಲೀಟರ್ ಇಂಧನ ಬಳಕೆ ಮಾಡಿದಂತಾಗಿದ್ದು, ಪ್ರತಿ ನಿಮಿಷಕ್ಕೆ ಕನಿಷ್ಠ 41 ಲೀಟರ್ ಇಂಧನ ಬಳಕೆ ಮಾಡುತ್ತದೆ. ಏರ್ಬಸ್ ಎ321 ನಿಯೋ ಮಾದರಿಯಲ್ಲಿ ಒಟ್ಟು 32,940 ಲೀಟರ್ ಸಾಮರ್ಥ್ಯದ ಇಂಧನ ಟ್ಯಾಂಕ್ ಇದ್ದು, ಇದು ಒಂದು ಬಾರಿ ಪೂರ್ತಿ ಟ್ಯಾಂಕ್ ಮೂಲಕ ಸುಮಾರು 7,500 ಕಿ.ಮೀ ನಷ್ಟು ಹಾರಾಟ ನಡೆಸಬಲ್ಲದು.
ಇಷ್ಟೊಂದು ಪ್ರಮಾಣದ ಇಂಧನ ಬಳಕೆಯಿಂದ ಲಾಭ ಹೇಗೆ?
ಸಾಮಾನ್ಯ ವಾಹನಗಳಲ್ಲಿನ ಇಂಧನ ಬಳಕೆಯ ವೆಚ್ಚವನ್ನು ವಿಮಾನಗಳ ಇಂಧನಗಳ ವೆಚ್ಚಕ್ಕೆ ಹೋಲಿಕೆ ಮಾಡಿಕೊಂಡಿದಾಗ ಅದರಲ್ಲಿ ಅಜಗಜಾಂತರ ವ್ಯತ್ಯಾಸ ಕಂಡುಬರುತ್ತದೆ. ಆದರೆ ವಿಮಾನ ಇಂಧನ ಬಳಕೆಯ ವೆಚ್ಚವು ಹೆಚ್ಚಳವಾಗಿದ್ದರೂ ಅದರಲ್ಲಿ ಪ್ರಯಾಣಿಕರ ಸಂಖ್ಯೆ, ಅತಿ ಕಡಿಮೆ ಅವಧಿಯಲ್ಲಿ ಗಮ್ಯಸ್ಥಾನ ತಲುಪುವಿಕೆಯು ವಿಮಾನಯಾನ ಕಾರ್ಯಾಚರಣೆಯ ಮೌಲ್ಯವನ್ನು ಹೆಚ್ಚಿಸುತ್ತದೆ.