Just In
- 10 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 11 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 13 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 14 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವ್ಯಾಲೆಟ್ ಪಾರ್ಕಿಂಗ್ನಲ್ಲಿ ವಾಹನಗಳಿಗೆ ಹಾನಿಯಾದರೆ ಹೋಟೆಲ್ಗಳದ್ದೇ ಜವಾಬ್ದಾರಿ..!
ಭಾರತದಲ್ಲಿ ವಾಹನಗಳ ಸಂಖ್ಯೆ ವಿಪರೀತವಾಗಿ ಹೆಚ್ಚಿದ್ದು, ವಾಹನಗಳನ್ನು ಪಾರ್ಕಿಂಗ್ ಮಾಡುವುದೇ ದೊಡ್ಡ ಸಮಸ್ಯೆಯಾಗಿದೆ. ಪಾರ್ಕಿಂಗ್ಗಾಗಿ ದುಬಾರಿ ದರವನ್ನು ವಿಧಿಸುವ ಮಾಲ್ಗಳು, ಹೋಟೆಲ್ಗಳು ವಾಹನಕ್ಕೆ ಏನಾದರೂ ತೊಂದರೆಯಾದರೇ ಅವುಗಳ ಜವಾಬ್ದಾರಿಯನ್ನು ಹೊರಲು ಸಿದ್ದರಿರುವುದಿಲ್ಲ.
ಆದರೆ ಇನ್ನು ಮುಂದೆ ಆ ರೀತಿಯಾಗುವುದಿಲ್ಲ. ವ್ಯಾಲೆಟ್ ಪಾರ್ಕಿಂಗ್ ನೀಡುವ ಹೋಟೆಲ್ಗಳು ಆ ವಾಹನವು ಕಳ್ಳತನವಾದರೆ ಅಥವಾ ಹಾನಿಯಾದರೆ ಅದರ ಜವಾಬ್ದಾರಿಯನ್ನು ಹೊರಬೇಕಾಗುತ್ತದೆ ಎಂದು ಭಾರತದ ಸುಪ್ರೀಂ ಕೋರ್ಟ್ ತೀರ್ಪು ನೀಡಿದೆ.
ಹೋಟೆಲ್ನ ಸಿಬ್ಬಂದಿ ವ್ಯಾಲೆಟ್ ಪಾರ್ಕಿಂಗ್ನಲ್ಲಿ ವಾಹನವನ್ನು ಪಾರ್ಕಿಂಗ್ ಮಾಡಿದಾಗ ವಾಹನಗಳು ಮಾಲೀಕರ ಜವಾಬ್ದಾರಿ ಎಂದು ಪರಿಹಾರವನ್ನು ನಿರಾಕರಿಸುವಂತಿಲ್ಲ ಎಂದು ಸುಪ್ರೀಂ ಕೋರ್ಟ್ ಅಭಿಪ್ರಾಯಪಟ್ಟಿದೆ.
ಸ್ಪರ್ಧಾ ಆಯೋಗದ ನಿರ್ಧಾರವನ್ನು ಪ್ರಶ್ನಿಸಿ 5 ಸ್ಟಾರ್ ಹೋಟೆಲ್ವೊಂದು ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ ನಂತರ ಸುಪ್ರೀಂ ಕೋರ್ಟ್ ಈ ತೀರ್ಪು ನೀಡಿದೆ. ಈ ಪ್ರಕರಣದಲ್ಲಿ ವ್ಯಕ್ತಿಯೊಬ್ಬ 5 ಸ್ಟಾರ್ ಹೋಟೆಲಿನಲ್ಲಿ ತನ್ನ ಕಾರ್ ಅನ್ನು ವ್ಯಾಲೆಟ್ ಪಾರ್ಕಿಂಗ್ಗೆ ನೀಡಿದ್ದ. ಆದರೆ ಆತ ಮತ್ತೆ ತನ್ನ ಕಾರ್ ಅನ್ನು ಹಿಂದಕ್ಕೆ ಪಡೆಯಲಿಲ್ಲ.
ಪಾರ್ಕಿಂಗ್ ಮಾಡಲಾಗಿದ್ದ ಕಾರ್ ಅನ್ನು ಅಪರಿಚಿತರು ಅಲ್ಲಿಂದ ಕೊಂಡೊಯ್ದಿದ್ದರು. ವಿಮೆ ಕಂಪನಿಯು ಕಾರಿನ ಮಾಲೀಕನಿಗೆ ವಿಮಾ ಹಣವನ್ನು ಪಾವತಿಸಿತು. ಆದರೂ ಸಹ ಆ ವ್ಯಕ್ತಿಯು 5 ಸ್ಟಾರ್ ಹೋಟೆಲ್ನಿಂದ ಪರಿಹಾರವನ್ನು ಕೋರಿದರು.
ಆದರೆ ಹೋಟೆಲ್ ಪರಿಹಾರ ನೀಡಲು ನಿರಾಕರಿಸಿತು. ಕಾರಿನ ಮಾಲೀಕರು ಸ್ಪರ್ಧಾ ಆಯೋಗದ ಮೊರೆ ಹೋಗಿದ್ದರು. ಸ್ಪರ್ಧಾ ಆಯೋಗವು ಕಾರಿನ ಮಾಲೀಕರ ಪರವಾಗಿ ತೀರ್ಪು ನೀಡಿತ್ತು. ಇದನ್ನು ಪ್ರಶ್ನಿಸಿ 5 ಸ್ಟಾರ್ ಹೋಟೆಲಿನ ಮಾಲೀಕರು ಸುಪ್ರೀಂ ಕೋರ್ಟಿನ ಮೊರೆ ಹೋಗಿದ್ದರು.
ಈ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿಗಳಾದ ಎಂ.ಎಂ.ಶಾಂತನಗೌಡರ್ ಹಾಗೂ ನ್ಯಾಯಮೂರ್ತಿ ಅಜಯ್ ರಸ್ತೋಗಿರವರುಗಳಿದ್ದ ಪೀಠವು, ವಾಹನವನ್ನು ಪಡೆದ ನಂತರ ಹೋಟೆಲ್ ಸಿಬ್ಬಂದಿ ಅಥವಾ ವ್ಯಾಲೆಟ್ನವರು, ಆ ವಾಹನದ ಮಾಲೀಕರಿಗೆ ವಾಹನವನ್ನು ಸುರಕ್ಷಿತ ಸ್ಥಿತಿಯಲ್ಲಿ ಹಿಂದಿರುಗಿಸುವ ಬಾಧ್ಯತೆಯನ್ನು ಹೊಂದಿರುತ್ತಾರೆ.
MOST READ: ಹುಡುಗಿಯರಿಗೆ ಗೇರ್ ಬದಲಿಸಲು ಬಿಟ್ಟು ಡಿಎಲ್ ಕಳೆದುಕೊಂಡ ಡ್ರೈವರ್..!
ಯಾವುದೇ ಸಂದರ್ಭದಲ್ಲಿ ತನ್ನ ಅತಿಥಿಯ ವಾಹನಕ್ಕೆ ಸಂಬಂಧಿಸಿದಂತೆ ಹೋಟೆಲಿನ ಮಾಲೀಕರು ಅದರ ನಿರ್ಲಕ್ಷ್ಯ ಅಥವಾ ಅದರ ಸೇವಕರ ಹೊಣೆಗಾರಿಕೆಯಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಪುರಾವೆಯ ಈ ಹೊರೆ ಬಿಡುಗಡೆಯಾದ ನಂತರವೇ ವಿನಾಯಿತಿ ಷರತ್ತು ಜಾರಿಗೆ ಬರಬಹುದು.
MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್
ಅಂತಹ ನಷ್ಟ ಅಥವಾ ಹಾನಿಯನ್ನು ವಿನಾಯಿತಿ ಷರತ್ತು ವ್ಯಾಪ್ತಿಗೆ ಒಳಪಡಿಸಲಾಗಿದೆ ಎಂದು ಸಾಬೀತುಪಡಿಸುವ ಹೊರೆ ಹೋಟೆಲ್ನ ಮೇಲೂ ಇರುತ್ತದೆ. ವಾಹನವನ್ನು ಹಿಂದಿರುಗಿಸುವಲ್ಲಿನ ವೈಫಲ್ಯವು ಜಾಮೀನು ಸಂಬಂಧದ ಮೂಲದಲ್ಲಿ ಹೊಡೆಯುತ್ತದೆ ಮತ್ತು ಹೋಟೆಲ್ ವಿರುದ್ಧ ನಿರ್ಲಕ್ಷ್ಯ ಪ್ರಕರಣಕ್ಕೆ ಕಾರಣವಾಗುತ್ತದೆ ಎಂದು ಹೇಳಿದೆ.
MOST READ: ಬೈಕುಗಳಲ್ಲಿ ಡೀಸೆಲ್ ಎಂಜಿನ್ ಏಕೆ ಬಳಸಲ್ಲ ಗೊತ್ತಾ?
ಇನ್ನು ಮುಂದೆ ವ್ಯಾಲೆಟ್ ಅಥವಾ ಸ್ಟಾಫ್ ಪಾರ್ಕಿಂಗ್ ಮಾಡುವ ವಾಹನಗಳನ್ನು ಅದೇ ಸ್ಥಿತಿಯಲ್ಲಿ ಹಿಂತಿರುಗಿಸುವಂತೆ ಮಾಡುವ ಜವಾಬ್ದಾರಿಯು ಹೋಟೆಲ್ಗಳ ಮೇಲಿರುತ್ತದೆ. ತಮ್ಮ ವಾಹನಗಳನ್ನು ವಾಹನ ನಿಲುಗಡೆ ಸ್ಥಳಗಳಲ್ಲಿ ಪಾರ್ಕಿಂಗ್ ಮಾಡುವವರಿಗೆ ಇದು ಅನ್ವಯಿಸುವುದಿಲ್ಲ.
ಬೇರೆ ಪಾರ್ಕಿಂಗ್ ಸ್ಥಳದಲ್ಲಿ ಪಾರ್ಕಿಂಗ್ ಮಾಡಿದಾಗ ಉಂಟಾಗುವ ಕಳ್ಳತನ ಅಥವಾ ಹಾನಿಗಳಿಂದ ಕಾರಿನ ಮಾಲೀಕರಿಗೆ ಯಾವುದೇ ರಕ್ಷಣೆ ಸಿಗುವುದಿಲ್ಲ. ವಾಹನ ಮಾಲೀಕರು ಬೇರೆ ವಾಹನ ನಿಲುಗಡೆ ಸ್ಥಳದಲ್ಲಿ ಪಾರ್ಕಿಂಗ್ ಮಾಡುವ ಬಗ್ಗೆಯೂ ನ್ಯಾಯಾಲಯವು ಹೇಳಿದೆ.
ಸೂಕ್ತವಾದ ಪಾರ್ಕಿಂಗ್ ಸ್ಥಳವನ್ನು ಹುಡುಕಿ, ವಾಹನವನ್ನು ಸರಿಯಾಗಿ ನಿಲ್ಲಿಸುವುದು, ಹಿಂತಿರುಗುವುದು ಹಾಗೂ ಪಾರ್ಕಿಂಗ್ ಟೋಕನ್ ಅಥವಾ ಸ್ಲಿಪ್ ಅನ್ನು ತೋರಿಸಿದ ನಂತರ ವಾಹನವನ್ನು ಹೊರತೆಗೆಯುವುದು ಮಾಲೀಕರ ಜವಾಬ್ದಾರಿಯಾಗಿದೆ ಎಂದು ಹೇಳಿದೆ.
ಮಾಲ್ಗಳು, ರೈಲ್ವೆ ನಿಲ್ದಾಣಗಳು, ಆಸ್ಪತ್ರೆಗಳು ಮುಂತಾದ ಸ್ಥಳಗಳಲ್ಲಿ ಪಾರ್ಕಿಂಗ್ ಮಾಡುವ ವಾಹನಗಳಿಗೆ ಮಾಲೀಕರ ಜವಾಬ್ದಾರಿ ಎಂಬ ಷರತ್ತು ಈಗಲೂ ಅನ್ವಯಿಸುತ್ತದೆ.