Just In
- 1 hr ago ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- 1 hr ago ಎಲೆಕ್ಟ್ರಿಕ್ ಅವತಾರದಲ್ಲಿ ಬರಲಿದೆ ಹೋಂಡಾ ಆಕ್ಟಿವಾ: ಎಲೆಕ್ಟ್ರಿಕ್ ಸ್ಕೂಟರ್ಗಳ ರಾಜ ಆಗುತ್ತಾ?
- 1 hr ago ಪ್ರೇರಣಾತ್ಮಕ ಕಥೆ: ಮನೆ ಕೆಲಸದಾಕೆಗೆ 'ಸೈಕಲ್' ಖರೀದಿಸಲು ಸಹಾಯ ಮಾಡಿದ ಮಾಲೀಕ.. ವಿಡಿಯೋ ವೈರಲ್
- 3 hrs ago ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
Don't Miss!
- News ಈ ವರ್ಷ ಜಗತ್ತಿನಲ್ಲಿ ಒಳ್ಳೆಯದಕ್ಕಿಂತ ಕೆಟ್ಟದ್ದೇ ಕೇಳೋದು ಬಹಳ ಐತಿ; ಮಳೆ,ಬೆಳೆಯ ಕುರಿತು ಬಸವೇಶ್ವರ ಕಾರ್ಣಿಕ ಹೇಳಿದ್ದೇನು?
- Movies ರಾಜಕೀಯ ಆಯಾಮ ಬೇಡ, ಜನಸಾಮಾನ್ಯರ ಕೈಗೆ ಒಪ್ಪಿಸಿ ಎಂದ ರಚಿತಾ ರಾಮ್ ; #JusticeForNeha ಎಂದ ರಿಷಬ್ ಶೆಟ್ಟಿ..!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಒಂದೇ ನಂಬರ್ನಲ್ಲಿ ಎರಡು ಕಾರು- ಕೊನೆಗೂ ಸಿಕ್ಕಿ ಬಿದ್ದ ನಕಲಿ ಕಾರು ಮಾಲೀಕ..!
ಭಾರತೀಯ ಆಟೋಮೋಬೈಲ್ ಮಾರುಕಟ್ಟೆಯು, ವಿಶ್ವದಲ್ಲಿಯೇ ಅತಿ ದೊಡ್ಡ ಮಾರುಕಟ್ಟೆಯಾಗಿದೆ. ಪ್ರತಿ ತಿಂಗಳು ಲಕ್ಷಾಂತರ ವಾಹನಗಳು ಭಾರತದಲ್ಲಿರುವ ಆರ್ಟಿಒಗಳ ಮೂಲಕ ರಿಜಿಸ್ಟರ್ ಆಗುತ್ತಲೇ ಇರುತ್ತವೆ. ಚಾಸೀಸ್ ನಂಬರ್, ಕಲರ್, ಮಾಡೆಲ್ ಹೆಸರು ಸೇರಿದಂತೆ ಅನೇಕ ಮಾಹಿತಿಗಳನ್ನು ಪಡೆದ ನಂತರ ಹೊಸ ರಿಜಿಸ್ಟರ್ ನಂಬರ್ಗಳನ್ನು ನೀಡಲಾಗುತ್ತದೆ.
ಹೊಸದಾಗಿ ರಿಜಿಸ್ಟರ್ ಆಗುವ ವಾಹನಗಳಿಗೆ ವಿಭಿನ್ನವಾದ ನಂಬರ್ಗಳನ್ನು ನೀಡಲಾಗುತ್ತದೆ. ಆದರೆ ಇಲ್ಲೊಂದು ವಿಲಕ್ಷಣ ಪ್ರಕರಣದಲ್ಲಿ ಒಂದೇ ಮಾದರಿಯ ಎರಡು ಕಾರುಗಳು ಒಂದೇ ರಿಜಿಸ್ಟ್ರೇಷನ್ ನಂಬರ್ ಹೊಂದಿದ್ದ ಪ್ರಕರಣ ಬಯಲಿಗೆ ಬಂದಿದೆ.ಈ ಘಟನೆ ನಡೆದಿರುವುದು, ಜಮ್ಮು ಕಾಶ್ಮೀರದ ಕಥುವಾದಲ್ಲಿ. ಈ ಘಟನೆಯ ಬಗ್ಗೆ ಡೈಲಿ ಎಕ್ಸೆಲ್ಸಿಯರ್ ವರದಿ ಮಾಡಿದೆ. ಎರಡು ಹ್ಯುಂಡೈ ವರ್ನಾ ಸೆಡಾನ್ ವಾಹನಗಳು, ಒಂದೇ ಬಣ್ಣವನ್ನು ಹೊಂದಿ, ಒಂದೇ ರಿಜಿಸ್ಟ್ರೇಷನ್ ನಂಬರ್ ಹೊಂದಿ ಕಾರ್ಯಾಚರಣೆ ಮಾಡುತ್ತಿದ್ದ ಪ್ರಕರಣ ಬಯಲಿಗೆ ಬಂದಿದೆ.
ಎರಡೂ ವಾಹನಗಳೂ 1.6 ಲೀಟರಿನ ಡೀಸೆಲ್ ಎಂಜಿನ್ ಹೊಂದಿವೆ. ಕಥುವಾದಲ್ಲಿರುವ ಲಖನ್ಪುರ್ನ ನಿವಾಸಿ ಜತಿಂದರ್ ಶರ್ಮಾರವರು ತಮ್ಮ ಬಳಿಯಿರುವ ಹುಂಡೈ ವರ್ನಾದ ವಾಹನದಂತೆಯೇ ಇನ್ನೊಂದು ವಾಹನವಿದ್ದು, ತಮ್ಮ ವಾಹನದ ರಿಜಿಸ್ಟ್ರೇಷನ್ ನಂಬರನ್ನೇ ಹೊಂದಿರುವ ಬಗ್ಗೆ ದೂರು ನೀಡಿದ ನಂತರ ಪ್ರಕರಣ ಬಯಲಿಗೆ ಬಂದಿದೆ.
ಸ್ಪೇಸಿಫಿಕೇಷನ್ಗಳ ಹೊರತಾಗಿ, ಎರಡೂ ವಾಹನಗಳು ಜೆಕೆ08 ಹೆಚ್0088 ರಿಜಿಸ್ಟ್ರೇಷನ್ ನಂಬರನ್ನೇ ಹೊಂದಿದ್ದವು. ದೂರನ್ನು ಸ್ವೀಕರಿಸಿದ ಪೊಲೀಸರು ತನಿಖೆ ಆರಂಭಿಸಿ, ಇದೇ ರಿಜಿಸ್ಟ್ರೇಷನ್ ನಂಬರ್ ಹೊಂದಿದ್ದ ಕಾರನ್ನು ಪತ್ತೆ ಹಚ್ಚಿದರು. ಈ ಕಾರು ಕಥುವಾದ ನಿವಾಸಿ ಮೊಹಮ್ಮದ್ ರಫೀಕ್ ಎಂಬುವವರಿಗೆ ಸೇರಿತ್ತು.
ಮೊಹಮ್ಮದ್ ರಫೀಕ್ ರವರಿಗೆ ಸೇರಿದ್ದ ಕಾರು ಆರ್ಟಿಒ ದಾಖಲೆಗಳ ಪ್ರಕಾರ ನಿಜವಾದ ರಿಜಿಸ್ಟ್ರೇಷನ್ ನಂಬರ್ ಹೊಂದಿತ್ತು. ಪೊಲೀಸರು ದೂರುದಾರರಿಗೆ ಕಾರನ್ನು ಮಾರಾಟ ಮಾಡಿದ್ದ ವ್ಯಕ್ತಿಯನ್ನು ಬಂಧಿಸಿದ್ದಾರೆ. ಎರಡೂ ಕಾರುಗಳನ್ನು ವಶಕ್ಕೆ ಪಡೆದಿರುವ ಪೊಲೀಸರು, ಈ ಡೂಪ್ಲಿಕೇಟ್ ನಂಬರ್ ಪ್ಲೇಟಿನ ಹಿಂದೆ ಅಡಗಿರುವ ನಿಜವಾದ ಕಾರಣವನ್ನು ಹುಡುಕುತ್ತಿದ್ದಾರೆ.
ರೋಡ್ ಟ್ಯಾಕ್ಸ್ ಹಾಗೂ ರಿಜಿಸ್ಟ್ರೇಷನ್ ಹಣವನ್ನು ಉಳಿಸುವ ಉದ್ದೇಶದಿಂದ ದೂರುದಾರರಿಗೆ ಕಾರನ್ನು ಮಾರಾಟ ಮಾಡಿದ ವ್ಯಕ್ತಿಯು ಆರ್ಟಿಒದಲ್ಲಿ ಕಾರನ್ನು ರಿಜಿಸ್ಟ್ರೇಷನ್ ಮಾಡಿಸದೇ ಇರುವ ಸಾಧ್ಯತೆಗಳಿವೆ.
ಅದರ ಬದಲಿಗೆ ಅದೇ ರೀತಿಯಲ್ಲಿರುವ ಕಾರಿನ ನಂಬರನ್ನೇ ಬಳಸಿಕೊಂಡಿರುವ ಸಾಧ್ಯತೆಗಳಿವೆ. ಈ ಮೊದಲು ಸಹ ಡೂಪ್ಲಿಕೇಟ್ ನಂಬರ್ಪ್ಲೇಟ್ಗಳನ್ನು ಹೊಂದಿದ್ದ ಹಲವಾರು ಪ್ರಕರಣಗಳು ಬೆಳಕಿಗೆ ಬಂದಿದ್ದವು. ಆದರೆ ಇದೇ ಮೊದಲ ಬಾರಿಗೆ ಒಂದೇ ಕಂಪನಿಯ, ಒಂದೇ ಬಣ್ಣ ಹೊಂದಿರುವ, ಒಂದೇ ಮಾದರಿಯ ಎರಡು ಕಾರುಗಳಿಗೆ, ಒಂದೇ ರಿಜಿಸ್ಟ್ರೇಷನ್ ನಂಬರ್ ಹಾಕಲಾಗಿದೆ.
ವಾಹನಗಳ ಮಾರಾಟದ ನಂತರ ಡೀಲರ್ಗಳು ಹೊಸ ರಿಜಿಸ್ಟ್ರೇಷನ್ ನಂಬರ್ಗಾಗಿ ಸ್ಥಳೀಯ ಆರ್ಟಿಒಗಳಲ್ಲಿ ಅರ್ಜಿ ಸಲ್ಲಿಸುತ್ತಾರೆ. ಆರ್ಟಿಒ ಕಚೇರಿಯಲ್ಲಿ ಎಲ್ಲಾ ದಾಖಲೆಗಳನ್ನು ಪರಿಶೀಲಿಸಿದ ನಂತರ ಹೊಸ ರಿಜಿಸ್ಟ್ರೇಷನ್ ನಂಬರ್ ನೀಡಲಾಗುತ್ತದೆ.
MOST READ: ದಿನವಿಡಿ ಸೇವೆ ನೀಡಲಿದೆ ಪಂಕ್ಚರ್ ಡಾಕ್ಟರ್
ಇಲ್ಲಿ ಗಮನಿಸಬೇಕಾದ ಸಂಗತಿಯೆಂದರೆ, ಹೈ ಸೆಕ್ಯೂರಿಟಿ ರಿಜಿಸ್ಟ್ರೇಷನ್ ಪ್ಲೇಟ್ (ಹೆಚ್ಎಸ್ಆರ್ಪಿ)ಯನ್ನು ಸರಿಯಾಗಿ ಅಳವಡಿಸದ ಕಾರಣ ಇತ್ತೀಚಿಗಷ್ಟೇ ಹೊಸ ವಾಹನಗಳ ನೋಂದಣಿಯನ್ನು ನಿಲ್ಲಿಸಲಾಗಿತ್ತು. ಹೆಚ್ಎಸ್ಆರ್ಪಿಯನ್ನು ಸರಿಯಾಗಿ ಅಳವಡಿಸಿಕೊಂಡರೆ ಈ ರೀತಿಯ ಅಕ್ರಮಗಳನ್ನು ತಡೆಗಟ್ಟಬಹುದು. ಹೆಚ್ಎಸ್ಆರ್ಪಿಗಳನ್ನು ವಿಶೇಷವಾಗಿ ತಯಾರಿಸಲಾಗಿದ್ದು, ಇದಕ್ಕಾಗಿಯೇ ಇರುವ ಉಪಕರಣಗಳನ್ನು ಬಳಸಿ, ಪರಿಣಿತರು ವಾಹನಗಳಲ್ಲಿ ಅಳವಡಿಸುತ್ತಾರೆ.
ಈ ರೀತಿಯ ಪ್ರಕರಣಗಳನ್ನು ತಡೆಗಟ್ಟಲು, ಹೊಸ ವಾಹನವನ್ನು ಕೊಳ್ಳುವ ಮುನ್ನ ಮುನ್ನೆಚ್ಚರಿಕೆ ವಹಿಸುವುದು ಒಳ್ಳೆಯದು. ರಿಜಿಸ್ಟ್ರೇಷನ್ ದಾಖಲೆಗಳು, ಕಾರಿನ ಮಾಹಿತಿಗಳಾದ ಚಾಸೀಸ್ ನಂಬರ್, ವಿಐಎನ್ ನಂಬರ್ಗಳ ಜೊತೆ ಹೊಂದಾಣಿಕೆಯಾದರೆ ಮಾತ್ರ ಮುಂದುವರಿಯುವುದು ಸೂಕ್ತ.
ರಿಜಿಸ್ಟರ್ ಆಗದ ವಾಹನಗಳಿಗೆ ವಿಮೆ ನೀಡಲಾಗುವುದಿಲ್ಲ. ನಕಲಿ ರಿಜಿಸ್ಟ್ರೇಷನ್ ನಂಬರ್ಗಳನ್ನು ಬಳಸುವುದು ಭಾರತದಲ್ಲಿ ಕಾನೂನು ಬಾಹಿರ. ಆದ್ದರಿಂದ ವಾಹನಗಳ ಡೀಲರ್ಗಳನ್ನು ಅತಿಯಾಗಿ ನಂಬದೇ, ಎಲ್ಲಾ ದಾಖಲೆಗಳನ್ನು ಪರಿಶೀಲಿಸಿ ವಾಹನಗಳನ್ನು ಖರೀದಿಸುವುದು ಲೇಸು.
Source: Daily Excelsior