Just In
- 14 min ago ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- 1 hr ago ಭಾರತದ ರಸ್ತೆಯಲ್ಲಿ ಘರ್ಜಿಸುತ್ತಿರುವ ಪವರ್ಫುಲ್ ಎಪ್ರಿಲಿಯಾ ಬೈಕ್ಗಾಗಿ ಅಕ್ಸೆಸರೀಸ್ ಬಿಡುಗಡೆ
- 1 hr ago Mahindra Thar: ಸುಲಭವಾಗಿ ಆಫ್ರೋಡ್ ಕಿಂಗ್ ಖರೀದಿಸಬೇಕೆ?: ಆನ್ರೊಡ್ ಬೆಲೆ, EMI ಸಂಪೂರ್ಣ ಮಾಹಿತಿ!
- 1 hr ago Mahindra: ಫ್ಯಾಮಿಲಿ ಕಾರು ಮಹೀಂದ್ರಾ ಎಕ್ಸ್ಯುವಿ700 ಖರೀದಿಸುವವರಿಗೆ ಸಿಹಿಸುದ್ದಿ.. ಇನ್ನೂ ತಿಂಗಳೇ ಸಾಕು!
Don't Miss!
- News Kalaburagi Rain: ಸೂರ್ಯನಗರಿ ಕಲಬುರಗಿಯಲ್ಲಿ ಭಾರೀ ಗಾಳಿ, ಆಲಿಕಲ್ಲು ಸಮೇತ ದಾರಾಕಾರ ಮಳೆ
- Movies ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್!
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Technology ಒಪ್ಪೋ ಸಂಸ್ಥೆಯ ಈ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ; ಆಫರ್ಗೆ ಗ್ರಾಹಕರು ಫಿದಾ!
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದಲ್ಲಿ ಅಂಬಾನಿಯಷ್ಟೇ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ ಈ ಶ್ರೀಮಂತ ಉದ್ಯಮಿ!
ಭಾರತದ ಅತಿ ಶ್ರೀಮಂತ ವ್ಯಕ್ತಿ ಎಂದಾಕ್ಷಣ ಎಲ್ಲರಿಗೂ ನೆನಪಾಗುವುದು ಮುಖೇಶ್ ಅಂಬಾನಿ. ಇವರು ಅಂತರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಗಳಿಸಿರುವ ಉದ್ಯಮಿಯಾಗಿದ್ದಾರೆ. ಇವರ ಕುಟುಂಬದವರು ವಿಶ್ವದ ದುಬಾರಿ ಬೆಲೆಯ ಐಷಾರಾಮಿ ಕಾರುಗಳನ್ನು ಹೊಂದಿದ್ದು, ವಾಹನ ನಿಲುಗಡೆಗೆಂದೇ ತಮ್ಮ್ ಆಂಟಿಲಿಯಾ ಹೌಸ್ನಲ್ಲಿ ಹಲವಾರು ಸೈಟ್ಗಳನ್ನು ನಿಗದಿಪಡಿಸಿದ್ದಾರೆ.
ಮುಖೇಶ್ ಅಂಬಾನಿ ಕುಟುಂಬ ಸುಮಾರು 168 ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ ಎನ್ನಲಾಗಿದೆ. ಆದರೆ ಇವರಿಗೆ ಟಾಂಗ್ ನೀಡಲು ಮತ್ತೋರ್ವ ಶ್ರೀಮಂತ ವ್ಯಕ್ತಿ ಸುಮಾರು 100 ಐಷಾರಾಮಿ ಕಾರುಗಳನ್ನು ಹೊಂದುವ ಮೂಲಕ ಸುದ್ದಿಯಾಗಿದ್ದಾರೆ. ಇಷ್ಟಕ್ಕೂ ಆ ವ್ಯಕ್ತಿ ಯಾರೆಂಬ ಕುತೂಹಲವಿದ್ದರೇ ಈ ಸ್ಟೋರಿ ನೋಡಿ..
ಕುಬೇರ್ ಕ್ವೀನ್ಸ್ ಅಂಡ್ ಸ್ಪೈಸಸ್ ಪ್ರೈವೇಟ್ ಲಿಮಿಟೆಡ್ನ ಸ್ಥಾಪಕರಾದ ವಿಕಾಸ್ ಮಾಲು, ನೂರಾರು ಐಷಾರಾಮಿ ಕಾರುಗಳ ಮಾಲೀಕರಾಗಿದ್ದಾರೆ. ಇವರ ಕಾರ್ ಕಲೆಕ್ಷನ್ ನೋಡಿ ದಂಗಾಗಿರುವ ಜನಪ್ರಿಯ ಯೂಟ್ಯೂಬ್ ಚಾನೆಲ್ನ ಯುವತಿ ಮತ್ತು ಅವರ ತಂಡ ದುಬೈನಿಂದ ಖಾಸಗಿ ವಿಮಾನದಲ್ಲಿ ಆಗಮಿಸಿ ವಿಕಾಸ್ ಮಾಲು ಅವರ ಗ್ಯಾರೇಜ್ ಅನ್ನು ಷೂಟ್ ಮಾಡಿದ್ದಾರೆ.
ಸ್ವತಃ ಯುವತಿಯೇ ಈ ಮಾಹಿತಿಯನ್ನು ವಿಡಿಯೋದಲ್ಲಿ ಹಂಚಿಕೊಂಡಿದ್ದು, ವಿಕಾಸ್ ಮಾಲು ಬಳಸಿದ ಕಾರುಗಳ ವೀಡಿಯೊವನ್ನು ತಮ್ಮ ಯೂಟ್ಯೂಬ್ ಚಾನೆಲ್ ಆದ ಎಂಒ ವ್ಲ್ಯಾಕ್ಸ್ನಲ್ಲಿ ಅಪ್ಲೋಡ್ ಮಾಡಲಾಗಿದೆ. ವಿಶ್ವದ ಟಾಪ್ ಬ್ರಾಂಡ್ಗಳ ಟಾಪ್ ಎಂಡ್ ಮಾದರಿಗಳನ್ನು ನೀವು ವಿಡಿಯೋದಲ್ಲಿ ನೋಡಬಹುದು.
ವಿಕಾಸ್ ಮಾಲು ಅವರ ಕಾರುಗಳನ್ನು ಹೊರತುಪಡಿಸಿ, ಕೆಲ ಐಷಾರಾಮಿ ಕಾರುಗಳನ್ನು ಅವರ ಭದ್ರತಾ ಸಿಬ್ಬಂದಿಗೂ ಹಂಚಿಕೆ ಮಾಡಲಾಗಿದೆ. ಟೊಯೋಟಾ ಫಾರ್ಚೂನರ್ ನಂತಹ ಕಾರುಗಳಲ್ಲಿ ಭದ್ರತಾ ಸಿಬ್ಬಂದಿ ವಿಕಾಸ್ ಮಾಲು ಅವರಿಗೆ ರಕ್ಷಣೆ ನೀಡುತ್ತಾರೆ. ಈ ಕಾರುಗಳ ಜೊತೆಗೆ, ಇನ್ನೂ ಅನೇಕ ದುಬಾರಿ ಕಾರುಗಳನ್ನು ಪಾರ್ಕಿಂಗ್ ಸ್ಥಳದಲ್ಲಿ ನಿಲ್ಲಿಸಲಾಗಿದೆ.
ಯೂಟ್ಯೂಬ್ ಚಾನೆಲ್ ಪರವಾಗಿ ಬಂದ ಯುವತಿ ಹಾಗೂ ತಂಡ ಕಾರ್ ಕಲೆಕ್ಷಣ್ ನೋಡಿ ಆಶ್ಚರ್ಯ ಚಕಿತರಾಗಿದ್ದಾರೆ. ಏಕೆಂದರೆ ಇದು ಕಾರ್ ಪಾರ್ಕ್ ಮಾಡುವ ಸ್ಥಳದಂತೆ ಕಾಣುವುದಿಲ್ಲ ಬದಲಾಗಿ ಐಷಾರಾಮಿ ಕಾರುಗಳು ಬೃಹತ್ ಎಗ್ಸಿಬಿಷನ್ನಂತೆ ಕಂಡಿದೆ ಎಂದು ಯುವತಿ ಹಾಗೂ ತಂಡ ತಮ್ಮ ಅನುಭವವನ್ನು ವಿಡಿಯೋನಲ್ಲಿ ಹಂಚಿಕೊಂಡಿದ್ದಾರೆ.
ಲಂಬೋರ್ಗಿನಿ ಉರುಸ್ ಎಸ್ಯುವಿಯಿಂದ ಹಿಡಿದು ರೋಲ್ಸ್ ರಾಯ್ಸ್ ಫ್ಯಾಂಟಮ್ ವರೆಗೆ, ಅಲ್ಲಿ ಬಹುಮುಖಿ ಐಷಾರಾಮಿ ಕಾರುಗಳು ನಿಂತಿದ್ದವು. ವಿಶೇಷವಾಗಿ ಅಲ್ಲಿ ನಿಂತಿದ್ದ ಅನೇಕ ಕಾರುಗಳು ಮಾಲೀಕರ ಇಚ್ಛೆಗೆ ಅನುಗುಣವಾಗಿ ಸಾಲಾಗಿ ನಿಲ್ಲಿಸಲಾಗಿತ್ತು. ಇದನ್ನು ವರ್ಣಿಸಲು ಮಾತುಗಳೇ ಇಲ್ಲ ಎಂದು ಯುವತಿಯ ತಂಡ ತಿಳಿಸಿದೆ.
ಲಂಬೋರ್ಗಿನಿ ಉರುಸ್ ಅನ್ನು ಎರಡು ಬಣ್ಣದ ಒಳಾಂಗಣ, ಕಪ್ಪು ಮತ್ತು ಕಿತ್ತಳೆ ಬಣ್ಣದಲ್ಲಿ ಬ್ರೇಕ್ ಕ್ಯಾಲಿಬರ್ಗಳಿಂದ ಅಲಂಕರಿಸಲಾಗಿತ್ತು. ಇದು ಅಕ್ಕರ್ಗೆ ಹೆಚ್ಚುವರಿ ಸ್ಪೋರ್ಟಿ ನೋಟವನ್ನು ನೀಡಲು ಉದ್ದೇಶಿಸಿತ್ತು. ಅಂತೆಯೇ ಅನೇಕ ಕಾರುಗಳಲ್ಲಿ ಹೆಚ್ಚುವರಿ ಅಲಂಕಾರಗಳು ಮತ್ತು ವಿಶೇಷ ವೈಶಿಷ್ಟ್ಯಗಳನ್ನು ಒಳಗೊಂಡಿದ್ದವು. ಆಕರ್ಷಕ ವೈಶಿಷ್ಟ್ಯಗಳನ್ನು ಹೊರತುಪಡಿಸಿ, ಕಾರುಗಳು ಕೆಲ ವಿಶೇಷ ತಾಂತ್ರಿಕ ವೈಶಿಷ್ಟ್ಯಗಳನ್ನು ಸಹ ಹೊಂದಿದ್ದವು.
ಅಲ್ಲದೇ ವೈರ್ಲೆಸ್ ರೇಡಿಯೋ ಡಿಫೆಂಡರ್ಸ್ ಸಂವಹನ ನಡೆಸುವ ವಾಹನವನ್ನು ಕೂಡ ಹೊಂದಿದ್ದಾರೆ. ಇದರ ಪಕ್ಕದಲ್ಲಿ ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ ಇದ್ದು, ಇವು ಅತ್ಯಂತ ಆಕರ್ಷಕ ನೋಟವನ್ನು ಹೊಂದಿದ್ದವು. ಇದನ್ನು ಮನ್ಸೊರಿ ಎಂಬ ಮೀಸಲಾದ ವಾಹನ ಮಾರ್ಪಾಡು ಕಿಟ್ನಿಂದ ಅಲಂಕರಿಸಲಾಗಿತ್ತು.
ನಂತರ ಲಂಬೋರ್ಗಿನಿ ಹುರಾಕನ್ ಎಸ್ಟಿಓ ಎಂಬ ಕಾರು ಕ್ರೀಡಾ ವಾಹನ ಪ್ರೇಮಿಗಳನ್ನು ಪ್ರಭಾವಿತಗೊಳಿಸಿವ ಲುಕ್ನಲ್ಲಿ ಗ್ಯಾರೇಜ್ ನಲ್ಲಿ ನಿಲ್ಲಿಸಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಈ ಒಂದು ಕಾರಿನ ಬೆಲೆಯೇ ರೂ. 4.99 ಕೋಟಿ ರೂ. ಇದೆ. ಇದು ಕೇವಲ ಎಕ್ಸ್ ಶೋರೂಮ್ ಬೆಲೆಯಾಗಿದೆ.
ಗ್ಯಾರೇಜ್ನ ಇತರ ಕಾರುಗಳಾದ ಬೆಂಟ್ಲಿ, ಫ್ಲೈಯಿಂಗ್ ಸ್ಪರ್, ಪೆಂಟೆಗಾ, ಮರ್ಸಿಡಿಸ್ ಮೇಬ್ಯಾಕ್ ಜಿಎಲ್600 ಎಸ್ಯುವಿ, ಟೊಯೋಟಾ ಡಂಡ್ರಾ ಪಿಕಪ್, ಫೋರ್ಡ್ ಮುಸ್ತಾಂಗ್ ಮತ್ತು ಮ್ಯಾನಿಫೋಲ್ಡ್ ರೋಲ್ಸ್ ರಾಯ್ಸ್ ಫ್ಯಾಂಟಮ್ ಸೇರಿದಂತೆ ನೂರಾರು ಕಾರುಗಳು ಇದ್ದವು. ಈ ಕಾರುಗಳಲ್ಲಿ ಹೆಚ್ಚಿನವು 0009 ನೋಂದಣಿಯನ್ನೇ ಹೊಂದಿವೆ. ಬಹುಷಾ ಇದು ಅವರ ಲಕ್ಕಿ ನಂಬರ್ ಇರಬಹುದು.