ರೋಲ್ಸ್ ರಾಯ್ಸ್ ಘೋಸ್ಟ್ ಕಾರು ಖರೀದಿಸಿದ ಕುಮಾರಮಂಗಲಂ ಬಿರ್ಲಾ

ಇದು ಭಾರತದಲ್ಲಿ ಮಾರಾಟವಾಗುತ್ತಿರುವ ಕಂಪನಿಯ ನಾಲ್ಕನೇ ಮಾದರಿಯಾಗಿದೆ. ಈ ಕಾರಿನ ಆನ್ ರೋಡ್ ಬೆಲೆ ರೂ.9 ಕೋಟಿಗಳಾಗಿದೆ. ಕುಮಾರಮಂಗಲಂ ಬಿರ್ಲಾರವರು ಖರೀದಿಸಿರುವುದು ರೋಲ್ಸ್ ರಾಯ್ಸ್ ಘೋಸ್ಟ್‌ನ ಎಕ್ಸ್'ಟೆಂಟೆಡ್ ವ್ಹೀಲ್‌ಬೇಸ್ ಮಾದರಿ ಕಾರನ್ನು.

ಈ ಕಾರನ್ನು ಇಡಬ್ಲ್ಯೂಬಿ ಎಂದೂ ಸಹ ಕರೆಯಲಾಗುತ್ತದೆ. ರೋಲ್ಸ್ ರಾಯ್ಸ್ ಘೋಸ್ಟ್ ಇಡಬ್ಲ್ಯೂಬಿ ಕಾರಿನ ಬೆಲೆ ಕಸ್ಟಮೈಸ್ ಆಯ್ಕೆ ಅಥವಾ ಯಾವುದೇ ರಸ್ತೆ ತೆರಿಗೆ ಇಲ್ಲದೆ ರೂ.7.95 ಕೋಟಿಗಳಾಗಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಕುಮಾರಮಂಗಲಂ ಬಿರ್ಲಾ ಈ ಐಷಾರಾಮಿ ಕಾರಿನಲ್ಲಿ ಯಾವುದಾದರೂ ಕಸ್ಟಮೈಸ್ ಆಯ್ಕೆ ಪಡೆದಿದ್ದಾರೆಯೇ ಎಂಬ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಇಡಬ್ಲ್ಯೂಬಿ ಆವೃತ್ತಿಯು ಸ್ಟಾಂಡರ್ಡ್ ಆವೃತ್ತಿಗಿಂತ 170 ಎಂಎಂ ಉದ್ದವಾಗಿದೆ.

ಎತ್ತರವಾಗಿರುವುದರಿಂದ ಈ ಮಾದರಿಯು ಸ್ಟಾಂಡರ್ಡ್ ಮಾದರಿಗಿಂತ 80 ಕೆ.ಜಿ ಹೆಚ್ಚು ತೂಕವನ್ನು ಹೊಂದಿದೆ. ಈ ಕಾರಿನ ಎರಡನೇ ತಲೆಮಾರಿನ ಮಾದರಿಯು ಮೊದಲ ತಲೆಮಾರಿನ ಮಾದರಿಗಿಂತ ಭಾರವಾದ ಅಪ್ ಡೇಟ್'ಗಳನ್ನು ಹೊಂದಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಕಾರಿನಲ್ಲಿ ಹೊಸ ಸ್ಪೇಸ್ ಫ್ರೇಮ್ ಚಾಸಿಸ್ ಅನ್ನು ಬಳಸಲಾಗಿದೆ. ಈ ಚಾಸಿಸ್ ಅನ್ನು ಫ್ಯಾಂಟಮ್‌ ಕಾರಿನಲ್ಲಿಯೂ ಬಳಸಲಾಗಿದೆ. ಈ ಕಾರು ಹಲವಾರು ಐಷಾರಾಮಿ ಫೀಚರ್ ಹಾಗೂ ಎಕ್ವಿಪ್'ಮೆಂಟ್'ಗಳನ್ನು ಹೊಂದಿದೆ.

ರೋಲ್ಸ್ ರಾಯ್ಸ್ ಘೋಸ್ಟ್ ಇಡಬ್ಲ್ಯೂಬಿ ಕಾರಿನಲ್ಲಿ 6.75 ಲೀಟರಿನ ವಿ 12 ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 563 ಬಿಹೆಚ್‌ಪಿ ಪವರ್ ಹಾಗೂ 850 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಎಂಜಿನ್ ಆಲ್ ವ್ಹೀಲ್ ಡ್ರೈವ್ ಸಿಸ್ಟಂ ಅನ್ನು ಹೊಂದಿದೆ. ಘೋಸ್ಟ್ ಕಾರಿನಲ್ಲಿರುವ ರೇರ್ ವ್ಹೀಲ್ ಹ್ಯಾಂಡ್ಲಿಂಗ್ ಹೆಚ್ಚಿನ ವೇಗವನ್ನು ಸುಲಭವಾಗಿ ನಿರ್ವಹಿಸಲು ನೆರವಾಗುತ್ತದೆ. ಜೊತೆಗೆ ಕಡಿಮೆ ವೇಗದಲ್ಲಿ ಟರ್ನಿಂಗ್ ರೆಡಿಯಸ್ ಅನ್ನು ಕಡಿಮೆ ಮಾಡುತ್ತದೆ.

ಇದಕ್ಕೂ ಮುನ್ನ ಕುಮಾರಮಂಗಲಂ ಬಿರ್ಲಾರವರು ಬಿಎಂಡಬ್ಲ್ಯು 7 ಸೀರಿಸ್ ಕಾರ್ ಅನ್ನು ಬಳಸುತ್ತಿದ್ದರು. ಆ ಕಾರನ್ನು ದೀರ್ಘಕಾಲದವರೆಗೆ ಬಳಸಿದ್ದರು.ಈಗ ಹಲವು ವರ್ಷಗಳ ನಂತರ ರೋಲ್ಸ್ ರಾಯ್ಸ್ ಘೋಸ್ಟ್ ಕಾರನ್ನು ಖರೀದಿಸಿದ್ದಾರೆ.